31/12/2024
លំផាត់ ត្រូវបានប្រទះឃើញសត្វក្រៀលចំនួន ២២ ក្បាល នៅថ្ងៃនេះ ជាចំនួនបំបែកកំណត់ត្រាសម្រាប់ឆ្នាំ ២០២៤!
ខណៈពេលដែលឆ្នាំ ២០២៤ ជិតឈានដល់ថ្ងៃបញ្ចប់
ក្រុមការងារតាមដានជីវៈចម្រុះនៅដែនជម្រកសត្វព្រៃលំផាត់របស់យើង
បាននាំយកព័ត៌មានដ៏សែករីករាយមកចែករំលែកជាមួយអ្នកទាំងអស់គ្នា ដោយនៅព្រឹកមិញនេះ
ក្រុមការងារបានធ្វើការតាមដាន និងប្រទះឃើញសត្វក្រៀលចំនួន ២២ក្បាល
ក្នុងនោះមានកូនទើបនឹងធំចំនួន ៨ក្បាល ខណៈពេលដែលពួកគេកំពុងធ្វើជំរឿនសត្វស្លាបទាំងនេះ
នៅក្នុងទីតាំងផ្សេងៗគ្នាចំនួន ៧កន្លែង នៅក្នុងដែនជម្រកសត្វព្រៃលំផាត់។ ចំនួននេះ
គឺមានលើសពីពេលណាៗទាំងអស់ដែលក្រុមការងារបានប្រទះឃើញនៅក្នុងដែនជម្រក
និងលើសពីការប្រទះឃើញនៅក្នុងរដូវកាលឆ្នាំមុន ដែលក្រុមការងារបានតាមដានឃើញតែចំនួន
១៦ក្បាលប៉ុណ្ណោះ។
ការកើនឡើងនូវវត្តមានរបស់សត្វក្រៀលដ៏គួរឱ្យកត់សម្គាល់នេះ គឺជាសក្ខីភាពមួយចំពោះភាពជោគជ័យនៃកិច្ចខិតខំប្រឹងប្រែងអភិរក្សជីវៈចម្រុះរបស់យើង និងជាលទ្ធផលដ៏ល្អក្នុងការបិទបញ្ចប់ឆ្នាំ ២០២៤ ដើម្បីឈានទៅបន្តការងារអភិរក្សរបស់យើងបន្តនៅក្នុងឆ្នាំ ២០២៥ ដែលពោពេញទៅដោយក្តីសង្ឃឹម និងការប្តេជ្ញាចិត្តខ្ពស់បន្ថែមទៀត។
សត្វក្រៀលទាំង ២២ ក្បាល រួមទាំងកូនៗដ៏គួរឱ្យស្រឡាញ់របស់ពួកវាទាំងនេះ ត្រូវបានសង្កេតឃើញហោះហើរលេង ស្រែកឆ្លើយឆ្លង និងស្វែងរកចំណីយ៉ាងរីករាយ នៅក្នុងដែនជម្រកសត្វព្រៃលំផាត់ ដែលជាកំណត់ត្រាថ្មីមួយនៅក្នុងរដូវកាលនេះ។ ដែនជម្រកសត្វព្រៃលំផាត់ បានក្លាយជាទីតាំងដ៏ពេញនិយមមួយក្នុងចំណោមតំបន់ដ៏តិចតួចប៉ុណ្ណោះ នៅក្នុងតំបន់មេគង្គ ដែលសត្វក្រៀលបានជ្រើសរើសបន្តពូជ ចិញ្ចឹមកូន និងស្នាក់នៅនារដូវរងារ។
អង្គការជីវិតធម្មជាតិនៅកម្ពុជា ក្រោមកិច្ចសហការជាមួយក្រសួងបរិស្ថាន USAID មរតកបៃតង និង មូលនិធិភាពជាដៃគូសំរាប់ប្រព័ន្ធអេកូឡូស៊ីដែលរងការគម្រាមកំហែង បាននិងកំពុងអនុវត្តកិច្ចខិតខំប្រឹងប្រែងអភិរក្សសត្វក្រៀលទាំងនេះ រួមមានការតាមដានការពារសំបុកសត្វ ការល្បាតព្រៃឈើ កម្មវិធីកសិកម្មដែលមានមេត្រីភាពចំពោះសត្វព្រៃ និងសកម្មភាពជាច្រើនផ្សេងទៀត។ ហើយកម្មវិធីអភិរក្សសត្វក្រៀលនេះ គឺជាសកម្មភាពមួយក្នុងចំណោមសកម្មភាពជាច្រើនដែលត្រូវបានជំរុញដោយការអនុវត្តគម្រោងរេដបូកលំផាត់ ដែលមានគោលបំណងផ្តល់អត្ថប្រយោជន៍ដល់ជីវៈចម្រុះ ការពារវប្បធម៌ប្រពៃណីជនជាតិដើមភាគតិចក្នុងតំបន់ និងការរស់នៅប្រកបដោយបរិយាកាសល្អតាមរយៈការអភិរក្សព្រៃឈើឱ្យនៅគង់វង្ស។
សត្វក្រៀល បច្ចុប្បន្នត្រូវបានចុះក្នុងបញ្ជីក្រហមអង្គការសហភាពអន្តរជាតិដើម្បីការអភិរក្សធម្មជាតិ (IUCN) ជាប្រភេទកំពុងទទួលរងការគំរាមកំហែង ក៏ប៉ុន្តែប្រភេទសត្វក្រៀលនៅអាស៊ីអាគ្នេយ៍
ដែលរួមបញ្ចូលសត្វក្រៀលតំបន់ទន្លេមេគង្គផងដែរនោះ កំពុងឈានទៅរកការផុតពូជ ប្រសិនបើមិនមានការការពារទេនោះ ដោយពួកវាត្រូវបានគេរកឃើញថាមានកាច់សំបុកចំនួនប្រហែលតិចជាង ៥០ សំបុកប៉ុណ្ណោះកាលពីឆ្នាំមុន ដោយសារការបាត់បង់ទីជម្រក និងកត្តាគម្រាមកំហែងផ្សេងៗទៀត។
សូមចូលរួមការពារសត្វស្លាបដ៏អស្ចារ្យរបស់យើងទាំងនេះ ដែលជា «និមិត្តរូបនៃសេចក្តីស្នេហាដ៏ស្មោះត្រង់ និងមានភក្តីភាព» និងជួយការពារអនាគតរបស់ពួកវា ដោយចូលផ្សព្វផ្សាយព័ត៌មាននេះទៅកាន់ក្រុមគ្រួសារ បងប្អូន និងបណ្តាញមិត្តភក្តិរបស់អ្នក!
🎉 សូមជូនពរឆ្នាំថ្មី សិរីមង្គល និងភាពចម្រើនរុងរឿងដល់អ្នកទាំងអស់គ្នា ពីក្រុមការងារអភិរក្សរបស់យើង! ✨
------
Lomphat Spots 22 Sarus Cranes Today – A Record-Breaking Count for 2024!
As 2024 comes to a close, our biodiversity team in Lomphat brings us very exciting news! During this morning's monitoring session, 22 Sarus Cranes, including 8 young birds, were sighted across 7 locations in Lomphat Wildlife Sanctuary. This surpasses all previous counts at the Sanctuary, including the previous high count of 16 from last season.
This remarkable milestone is a testament to the success of ongoing biodiversity conservation efforts, a perfect way to bid farewell to 2024 and step into 2025 with hope and commitment.
The 22 Sarus Cranes, including their young, were observed flying, calling, foraging, and enjoying the Lomphat Wildlife Sanctuary (LWS), setting another record for the winter census. Lomphat has become a favoured site for them, one of the few places where the Mekong Basin population breed, raise young, even staying over winter.
NatureLife Cambodia Organization, in collaboration with the Ministry of Environment, USAID Morodok Baitang, and the Critical Ecosystem Partnership Fund, have been implementing various Sarus Crane conservation efforts, including nest monitoring, forest patrols, wildlife-friendly agriculture and more. Sarus Crane conservation is one of many activities boosted by the implementation of the LWS REDD+ Project, which aims to benefit biodiversity, local culture and livelihoods, as well as the atmosphere through the preservation of the standing forests.
The Sarus Crane species is listed as Vulnerable on the IUCN Red List; however, the Southeast Asian subspecies, which includes the Mekong Basin population, is at risk of extinction, with fewer than 50 nesting pairs remaining last year due to habitat loss and other threats.
Let’s protect these iconic birds – the symbol of Loyal Love and Fidelity – and safeguard their future by spreading the word to your friends, family, and networks!
🎉 Wishing you a joyful and conservation-inspired New Year! ✨
Photo credit: NatureLife Cambodia Organization
