https://www.facebook.com/106326831108359/

Action for Research and Development - ARD, UK Condo building, 4th Floor, Room #F22, Behind the Royal Phnom Penh hospital in Sankat Teuk Thla, Khan Sensok, Phnom Penh (2026)

Q: What is the address?

UK Condo Building, 4th Floor, Room #F22, Behind The Royal Phnom Penh Hospital In Sankat Teuk Thla, Khan Sensok

22/08/2025

នេះជាសមិទ្ធិផលថ្មីស្រឡាងមួយទៀតរបស់អង្គការ ARD តាមរយៈការគាំទ្របច្ចេកទេសដល់សហគមន៍កសិកម្មក្នុងការរៀបចំផែនការពិពិធកម្ម និងធុរកិច្ចកសិកម្ម។

កាលពីថ្ងៃទី២១ ខែសីហា ឆ្នាំ២០២៥, សហគមន៍កសិកម្មផលិតពូជស្រូវខេមស៊ីដពេជចង្វារ ដែលស្ថិតនៅក្នុងខេត្ដកំពង់ឆ្នាំង បានចុះកិច្ចព្រមព្រៀងជាផ្លូវការជាមួយគម្រោងពិពិធកម្មកសិកម្មកម្ពុជា (CASDP) ដើម្បីអនុវត្ដទៅលើធុរកិច្ចកសិកម្មចំនួន ២ សំខាន់ៗគឺ (១) ធុរកិច្ចកសិកម្មដាំដុះបន្លែចម្រុះក្នុងផ្ទះសំណាញ់ និង (២) ធុរកិច្ចកសិកម្ម ផលិតស្រូវពូជ សម្រាប់ផ្គត់ផ្គង់ទៅកាន់ទីផ្សារក្នុងស្រុក។

សហគមន៍ មានសមាជិកចូលរួមសរុបចំនួន ៤០គ្រួសារដែលបានចងក្រងដើម្បីធ្វើផលិតកម្មស្រូវពូជ ដែលផ្ទៃដីស្រែចំនួន ៦២,៥ហិកតា សម្រាប់ផលិតកម្មស្រូវពូជ រួមមាន ផ្កាក្រវ៉ាន់ សែនក្រអូប និងស្រង៉ែ ដែលអាចផ្តល់ទិន្នផលសរុបប្រមាណ ៣តោន/ហ.ត ឬ ៣៧៥តោនឆ្នាំ (ផលិតកម្ម ២ដង/ឆ្នាំ) ឬ ១ ១៤៨តោន សម្រាប់រយៈពេល ៣ឆ្នាំ។ ផ្ទៃដីស្រែចំនួន ២០ហិកតា សម្រាប់ផលិតកម្មស្រូវពូជផ្ការំដួល ដែលអាចផ្តល់ទិន្នផលសរុបប្រមាណ ៣តោន/ហ.ត ឬ ៦០តោនឆ្នាំ (ផលិតកម្ម ១ដង/ឆ្នាំ) ឬ ១៨៤តោន សម្រាប់រយៈពេល ៣ឆ្នាំ។

សហគមន៍ក៏បានស្នើសុំសាងសង់ផ្ទះសំណាញ់ចំនួន ៤៨ខ្នង (១៥ខ្នង សម្រាប់កម្រិតសហគមន៍ និង៣៣ខ្នងសម្រាប់កម្រិតក្រុមផលិត) ដែលមានសមាជិកចូលរួមសរុបចំនួន ២២គ្រួសារ ដោយនឹងសង្ឃឹមថា អាចផ្តល់ទិន្នផលសរុបប្រមាណ ១៦៨តោន/ឆ្នាំ ឬ ៥១៤តោន សម្រាប់រយៈពេល ៣ឆ្នាំ។

27/05/2025

ខេត្តពោធិ៍សាត់ ថ្ងៃទី២៧ ខែឧសភា ឆ្នាំ២០២៥ ក្រុមការងារបច្ចេកទេសនៃអង្គការសកម្មភាពARD ប្រចាំតំបន់៣ បានចូលរួមកិច្ចប្រជុំវាយតម្លៃផែនការពិពិធកម្ម និងធុរកិច្ចកសិកម្ម របស់សហគមន៍កសិកម្មទំនើបម្ទេសដំណាក់ត្រយឹង នៅក្នុងឃុំព្រងិល ស្រុកភ្នំក្រវាញ ខេត្តពោធិ៍សាត់។ កិច្ចប្រជុំនេះដឹកនាំ ដោយលោកប្រធានគម្រោង និងប្រធានគណៈកម្មការវាយតម្លៃ ដោយចូលរួមពីក្រុមហ៊ុនទិញម្ទេស មន្ទីរកសិកម្ម សម្ព័ន្ធសហគមន៍កសិកម្ម គណៈកម្មការសហគមន៍កសិកម្ម និងក្រុមការងារ TSP តំបន់៣។

06/05/2025

ថ្ងៃទី៦ ខែឧសភា ឆ្នាំ២០២៥ ក្រុមការងារបច្ចេកទេសនៃអង្គការ ARD បានចុះគាំទ្រសហគមន៍កសិកម្មគោលដៅនៅក្នុងខេត្តពោធិ៍សាត់បានចំនួន២សហគមន៍ គឺសហគមន៍អន្លង់រាប និងប្រម៉ោយ ស្ថិតនៅក្នុងស្រុកវាលវែង ខេត្តពោធិសាត់ ដើម្បីរៀបចំផែនការពិពិធកម្ម និងធុរកិច្ចកសិកម្ម (DPl/BPls) ដើម្បីទទួលបានការគាំទ្រហរិញ្ញប្បទានឥតសំណងបំពេញបន្ថែមលើទុនវិនិយោគចំនួន៤០% ពីគម្រោងពិពិធកម្មកសិកម្មកម្ពុជា (CASDP)។ កិច្ចប្រជុំនេះគឺមានការចូលរួមដោយមន្ទីរកសិកម្ម រុក្ខាប្រមាញ់ និងនេសាទ ដែលជាអ្នកសម្របសម្រួលនឹងដឹកនាំគម្រោងថ្នាក់ខេត្ត។

សហគមន៍ទាំងពីរ គ្រោងលើកសំណើស្ដីទីការដាំដុះបន្លែសុវត្ថិភាពក្នុងផ្ទះសំណាញ់ និងទីវាល ដោយមានសមាជិកចូលរួមសរុបប្រមាណ ២០គ្រួសារក្នុងមួយសហគមន៍។

12/04/2025

😍 សួស្ដីឆ្នាំថ្មី ឆ្នាំម្សាញ់ សប្ដស័ក ព.ស ២៥៦៨ គ.ស២០២៥ អង្គការARD សូមគោរពជូនពរឯកឧត្ដម លោកជំទាវ អស់លោក លោកស្រី អ្នកនាង កញ្ញា និងក្រុមគ្រួសារជួបតែសេចក្ដីសុខ សុខភាពល្អ ធ្វើដំណើទៅទីជិតឆ្ងាយ ជួបតែសុខសុវត្តិភាព។ 🙏🙏🙏

12/04/2025

រយៈពេលមួយសប្ដាហ៍ពេញពីថ្ងៃទី៧ ដល់១១ ខែមេសា ឆ្នាំ២០២៥, ក្រុមជំនាញការនៃអង្គការ ARD បានសហការជាមួយមន្ទីរកសិកម្មខេត្តពោធិ៍សាត់ ដើម្បីចុះគាំទ្រសហគមន៍កសិកម្មគោលដៅចំនួន៦សហគមន៍ ដែលសហគមន៍ទាំងនេះគឺបានលើកស្នើផែនការអាជីវកម្មទៅលើ ផលិតកម្មដំណាំដំឡូងមី ផលិតស្រូវពូជ និងដាំដុះបន្លែ។ ក្រុមការងារនៃអង្គការ ARD បានគាំទ្រសហគមន៍ ដើម្បីរៀបចំផែនការពិពិធកម្មនិងធុរកិច្ចកសិកម្ម ដើម្បីដាក់មកកាន់ក្រសួងកសិកម្ម ក្នុងគោលបំណងទទួលបានហិរញ្ញប្បទានឥតសំណងបំពេញបន្ថែមលើទុនវិនិយោគសរុប។

ក្រោយពីបានចុះជួប ក្រុមជំនាញការនៃអង្គការ ARD និងចាប់ផ្ដើមពង្រាងផែនការ និងដាក់ជូនទៅកាន់គម្រោង។

02/04/2025

នៅថ្ងៃទី២ ខែមេសា ឆ្នាំ២០២៥, ក្រុមការងារបច្ចេកទេសនៃប្រចាំតំបន់៣ នៃអង្គការ ARD បានចុះគាំទ្រសហគមន៍កសិកម្មមាន់ស្រែ អូផុត ស្ថិតនៅក្នុងឃុំអង្គតាសោម ស្រុកត្រាំកក់ ខេត្តតាកែវ ដើម្បីរៀបចំផែនការពិពិធកម្ម និងធុរកិច្ចកសិកម្ម (DPl/BPls) ស្ដីពីការពង្រីកអាជីវកម្មដាំដុះបន្លែក្នុងផ្ទះសំណាញ់ និង ចិញ្ចឹមមាន់យកស៊ុត។ ផែនការអាជីវកម្មនេះរៀបចំឡើងដោយមានការចូលរួមពីសមាជិកក្រុមផលិតមាន់ចំនួន ២៧គ្រួសារ និងបន្លែ២៩គ្រួសារ ដើម្បីទទួលបានការគាំទ្រហរិញ្ញប្បទានឥតសំណងបំពេញបន្ថែមលើទុនវិនិយោគ ៦០% ពីគម្រោងពិពិធកម្មកសិកម្មកម្ពុជា (CASDP) នៃក្រសួងកសិកម្ម រុក្ខាប្រមាញ់ និងនេសាទ (MAFF)។

19/03/2025

ចូលរួមអបអរសាទរដល់សហគមន៍កសិកម្មទំនើប បន្លែផ្ទះសំណាញ់ត្រាំកក់ ដែលទទួលបានការចុះកិច្ចព្រមព្រៀងហិរញ្ញប្បទានឥតសំណងបំពេញបន្ថែមលើទុនវិនិយោគជាមួយគម្រោងពិពិធកម្មកសិកម្មកម្ពុជា (CASDP) នៃក្រសួងកសិកម្ម រុក្ខាប្រមាញ់ និងនេសាទ (MAFF) កាលពីថ្ងៃទី១៨ ខែមីនា ឆ្នាំ២០២៥។

សហគមន៍កសិកម្មទំនើប បន្លែផ្ទះសំណាញ់ត្រាំកក់ គឺមានទីតាំងស្ថិតនៅភូមិត្រពាំងចក ឃុំត្រាំកក់ ស្រុកត្រាំកក់ ខេត្ដតាកែវ និងដំណើការអាជីវកម្មដាំដុះបន្លែសុវត្ដិភាពក្នុងផ្ទះសំណាញ់សរុបចំនួន ១០០ខ្នង ដើម្បីផ្គត់ផ្គង់ទៅកាន់ទីផ្សារក្នុងស្រុក។

ពិធីចុះកិច្ចព្រមព្រៀងនេះគឺចូលរួមដោយឯកឧត្ដម ឃឹម ហ្វីណង់ អនុរដ្ឋលេខាធិការ នៃក្រសួងកសិកម្ម រុក្ខាប្រមាញ់ និងនេសាទ និងជានាយកគម្រោងពិពិធកម្មកសិកម្មកម្ពុជា អមដោយប្រធានគម្រោងនៃអន្ដរក្រសួង (ក្រសួងកសិកម្ម រុក្ខាប្រមាញ់ និងនេសាទ, ក្រសួងសេដ្ឋកិច្ច និងហិរញ្ញវត្ថុ, ក្រសួងធនធានទឹក និងឧតុនិយម, និងក្រសួងអភិវឌ្ឍន៍ជនបទ) មន្ទីរកសិកម្ម អាជ្ញាធរមូលដ្ឋាន អ្នកផ្ដស់សេវាបច្ចេកទេសប្រចាំតំបន់៣ នៃអង្គការ ARD និងគណៈកម្មការ នឹងសមាជិកក្រុមផលិតសហគមន៍។

18/03/2025

Congratulations, ARD/TSP Con3 of CASDP successfully supported Modern AC

14/03/2025

ខេត្ដកំពង់ស្ពឺ ថ្ងៃទី១៤ ខែមីនា ឆ្នាំ២០២៥៖ ពិធីចុះកិច្ចព្រមព្រៀងហិរញ្ញប្បទានឥតសំណងបំពេញបន្ថែមលើទុនវិនិយោគរវាងសហគមន៍កសិកម្ម និងគម្រោងពិពិធកម្មកសិកម្មកម្ពុជា (CASDP)

ដោយមានការសហការ និងគាំទ្រពីគម្រោង មន្ទីរ ក្រុមការងារផ្ដល់សេវាបច្ចេកទេសប្រចាំតំបន់ ៣ នៃអង្គការ ARD បានគាំទ្រសហគមន៍កសិកម្មរីកចម្រើនឃុំទូលអំពិល ដែលស្ថិតនៅក្នុងឃុំទួលអំពិល ស្រុកបសេដ្ឋ ខេត្ដកំពង់ស្ពឺ ទទួលបានចុះកិច្ចព្រមព្រៀងហិរញ្ញប្បទានឥតសំណងបំពេញបន្ថែមលើទុនវិនយោគជាផ្លូវការជាមួយគម្រោងពិពិធកម្មកសិកម្មកម្ពុុជា (CASDP) នៃក្រសួងកសិកម្ម រុក្ខាប្រមាញ់ និងនេសាទ (MAFF) ដើម្បីដំណើការអាជីវកម្មដាំដុះបន្លែសុវត្ថិភាពក្នុងផ្ទះសំណាញ់។

ផែនការធុរកិច្ចនេះ ត្រូវបានរៀបចំឡើងដោយសហគមន៍ និងមានការចូលរួមពីក្រុមផលិតចំនួន ៤៧គ្រួសារ ដែលបានគ្រោងសាងសង់ផ្ទះសំណាញ់ចំនួន១០៣ ខ្នង ក្នុងគោលដៅទទួលបានប្រាក់ចំណេញសម្រាប់សហគមន៍ និងក្រុមផលិត ទឹកប្រាក់ជាមធ្យម ៦១.៧៨៥ ដុល្លារអាមេរិក និង ៣២៩.៦០២ សម្រាប់រយៈពេល ៣ ឆ្នាំ។

ផែនការនេះ នឹងផ្តល់ផលក្នុងបរិមាណជាមធ្យម ៣៦១ តោន/ឆ្នាំ និង ១.២៥២ តោនសម្រាប់រយៈពេល៣ឆ្នាំ ដើម្បីបំពេញតម្រូវការបញ្ជាទិញ និងការប្រមូលទិញពីក្រុមហ៊ុន ព្រមទាំងអាជីវករជាដៃគូអាជីវកម្ម តាមរយៈការកែលម្អបច្ចេកទេសដាំដុះដែលធន់ទៅនឹងការប្រែប្រួលអាកាសធាតុ ការរៀបចំផែនការវិនិយោគច្បាស់លាស់ ការអនុវត្ដបច្ចេកវិទ្យាថ្មីៗ ការប្រមូលផ្តុំទិញ សម្អាត វេចខ្ចប់ និងកែលម្អខ្សែច្រវាក់ផលិតកម្ម។

13/02/2025

ក្រុមការងារបច្ចេកទេសនៃអង្គការ ARD បានចុះគាំទ្រសហគមន៍កសិកម្ម សហគមន៍នេសាទ មានទីតាំងនៅខេត្តព្រះសីហនុ ដើម្បីរៀបចំផែនការពិពិធកម្ម និងធុរកិច្ចកសិកម្ម (DPl/BPl) របស់សហគមន៍ នឹងទទួលបានហិរញ្ញប្បទានឥតសំណង ៤០% បន្ថែមទៅលើទុនវិនិយោគសរុប។ ចូលរួមដោយ PDAFF, MAFF, ACs.

30/09/2024

សូមគោរពជូនពរ និងថ្វាយព្រះពរដល់ សម្ដេច ឯកឧត្ដម លោកជំទាវ លោក លោកស្រី អ្នកនាង កញ្ញា សូមមានសិរីសួស្ដី សុភមង្គល សុខភាពល្អបរិបូរណ៍ ប្រាជ្ញាឈ្លាសវៃ ជោគជ័យគ្រប់ភារកិច្ច និងធ្វើដំណើរប្រកបដោយសុវត្ថិភាព។ សូមអរគុណ 🙏

27/08/2024

អស់រយៈពេលជិត១ឆ្នាំក្នុងការគាំទ្រសហគមន៍កសិកម្មសំបូរមានជ័យ ដើម្បីរៀបចំផែនធុរកិច្ចកសិកម្មស្ដីពីការកែលម្អ និងពង្រីកការដាំដុះបន្លែសុវត្ថិភាពក្នុងផ្ទះសំណាញ់និងដាំដុះស្លឹកគ្រៃស្រស់ រហូតទទួលបានជោគជ័យ នឹងបានចុះកិច្ចព្រមព្រៀងហិរញ្ញប្បទានជាមួយគម្រោងពិពិធកម្មកសិកម្មកម្ពុជា នៃក្រសួងកសិកម្ម រុក្ខាប្រមាញ់ និងនេសាទ ដើម្បីទទួលបានការគាំទ្រជំនួយឥតសំណង៤០% លើការអនុវត្តផែនការធិរកិច្ចរបស់ខ្លួន។

Action for Research and Development - ARD

22/08/2025

27/05/2025

06/05/2025

12/04/2025

12/04/2025

02/04/2025

19/03/2025

18/03/2025

14/03/2025

13/02/2025

30/09/2024

27/08/2024

Address

Website

Alerts

Contact The Organization

Shortcuts

Share

Category