30/07/2026
១៦៨៥ថ្ងៃ ភាពអយុត្តិធម៌នៅតែបន្ត នៃការធ្វើកូដកម្មទាមទារយុត្តិធម៌របស់កម្មករនិយោជិកនៃក្រុមហ៊ុនណាហ្គាវើលដ៏(NAGAWORLD)
ថ្ងៃទី៣០ ខែកក្កដា ឆ្នាំ២០២៦ (១៦៨៥ថ្ងៃ)
————————————
១៦៨៥ថ្ងៃរបស់កម្មករក្នុងការធ្វើកូដកម្មមិនមែន ស៊ីឈ្នួល មិនមែនបទញុះញង់។ ថ្ងៃនេះដែរកូដករក្រុមហ៊ុនណាហ្គាវេីលដ៏នៅតែបន្តតស៊ូមតិដេីម្បីអោយថៅកែណាហ្គាវេីលដ៏ដោះស្រាយចំពោះការទាមទារទាំង៧ចំណុច ដែលកូដករទាំងអស់បានធ្វើកូដកម្មអស់រយៈពេល១៦៨៥ថ្ងៃហើយដើម្បីទាមទារ ប៉ុន្ដែមិនទាន់ទទួលបាននូវដំណោះស្រាយ១ចំណុចណាឡើយ។
១. Naga world ត្រូវទទួលយកថ្នាក់ដឹកនាំសហជីព និងសមាជិកឲ្យចូលធ្វើការវិញ។
២. Naga world ត្រូវគិតប្រាក់បំណាច់បញ្ចប់កិច្ចសន្យាការងារឲ្យបានត្រឹមត្រូវតាមច្បាប់។
៣. គិតប្រាក់បញ្ចប់កិច្ចសន្យាការងារបន្ថែមឲ្យបានត្រឹមត្រូវសម្រាប់កម្មករដែលត្រូវបានបញ្ឈប់ក្នុងឆ្នាំ ២០២០ និងដើមឆ្នាំ ២០២១។
៤. Naga world ត្រូវផ្ដល់ប្រាក់បំណាច់អតីតភាពការងារនិងប្រាក់រំលឹកអតីតភាពការងារឲ្យបានត្រឹមត្រូវតាមច្បាប់។
៥. ត្រូវដំឡើងប្រាក់ឈ្នួលគោល៧% លើប្រាក់ឈ្នួលបច្ចុប្បន្ន។
៦. បញ្ឈប់ការកេងប្រវ័ញ្ចតាមរយៈការប្រើបុគ្គលិកក្រោមស្លាកកម្មសិក្សា និងទទួលយកឱ្យក្លាយជាបុគ្គលិកពេញសិទ្ធិ។
៧. ផ្តល់ប្រាក់ឈ្នួលគោលស្មើគ្នារវាងបុគ្គលិកក្នុងស្រុកធៀបនឹងបុគ្គលិកក្រៅស្រុកដែលមានឋានៈ និងផ្នែកដូចគ្នា។
ព្រមទាំងទាមទារឱ្យថៅកែនៃក្រុមហ៊ុនណាហ្គាវើលដ៏បញ្ឈប់ការរេីសអេីងសហជីពគ្រប់រូបភាព បេីទោះការតស៊ូលំបាកប៉ុណ្ណាក៏កម្មករមិនបោះបង់ការទាមទារព្រោះកម្មករមេីលឃេីញថាពីមួយថ្ងៃទៅមួយថ្ងៃថៅកែគឺបន្តរំលោភសិទ្ធិកម្មករកាន់តែធ្ងន់ធ្ងរទៅៗ ។ យេីងជាកម្មករសង្ឃឹមថាក្រសួងពាក់ព័ន្ធជាពិសេសក្រសួងការងារត្រូវតែពិចារណារឿងទាំងនេះឡេីងវិញ ហេីយងាកមកដោះស្រាយឱ្យកម្មករ ។
#ទម្លាក់បទចោទចំពោះថ្នាក់ដឹកនាំ_សកម្មជននិងសមាជិកសហជីព
#កម្មករស្រី
