24/05/2026
សារលិខិតគោរពជូនពរ សម្តេចអគ្គមហាពញាចក្រី ហេង សំរិន ប្រធានកិត្តិយសនៃក្រុមឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា ក្នុងឱកាសនៃខួបចម្រើនជន្មាយុ គម្រប់ ៩២ឆ្នាំ ឈានចូល ៩៣ឆ្នាំ....
===============
ថ្នាក់ដឹកនាំ សមាជិក-សមាជិកាទាំងអស់ នៃវេទិកាសន្តិភាពកម្ពុជា សូមគោរពអនុញ្ញាតសម្តែងនូវសេចក្តីសោមន្សរីករាយមនោសញ្ចេតនាយ៉ាងជ្រាលជ្រៅ និងស្មោះស្ម័គ្រ ព្រមជាមួយអំណរសាទរ គោរពជូនចំពោះ សម្តេចអគ្គមហាពញាចក្រី នាឱកាសនៃខួបចម្រើនជន្មាយុ គម្រប់ ៩២ឆ្នាំ ឈានចូល ៩៣ឆ្នាំ ដែលនឹងប្រព្រឹត្តទៅ នៅថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦ ខាងមុខនេះ។
ឆ្លៀតក្នុងវរោកាសដ៏វិសេសវិសាលប្រពៃថ្លៃថ្លា មហាមង្គលាភិរម្យឧត្តុង្គឧត្តម បវរសួស្តី សិរីមង្គល វិបុលសុខ មហាប្រសើរនេះ យើងខ្ញុំទាំងអស់គ្នា សូមប្រសិទ្ធពរជ័យ ជូនចំពោះ សម្តេចអគ្គមហាពញាចក្រី សូមបានប្រកបដោយសុខភាពល្អបរិបូរណ៍ កម្លាំងកាយពលមាំមួន បញ្ញាញាណភ្លឺថ្លា ជន្មាយុយឺនយូរតរៀងទៅ និងសូមកោតសរសើរប្រកបដោយមោទនភាពជាទីបំផុត ចំពោះគំរូវីរភាពដ៏មហស្ចារ្យ របស់ សម្តេចអគ្គមហាពញាចក្រី ដែលបានខិតខំប្រឹងប្រែងលះបង់អស់ពីកម្លាំងកាយពល និងបញ្ញាញាណ ដោយបានពុះពារគ្រប់ឧបសគ្គធ្វើពលិកម្មគ្រប់បែបយ៉ាង ក្នុងបុព្វហេតុជាតិមាតុភូមិ និងប្រជាជនកម្ពុជា ប្រកបដោយឆន្ទៈវីរភាពស្នេហាជាតិ ក្នុងការកសាង សន្តិភាព ស្ថិរភាព ឯកភាពជាតិ ពីកម្ទេចផេះផង់នៃភ្លើងសង្គ្រាម ជាពិសេសការជំរុញការកសាងប្រទេសឱ្យក្លាយទៅជានីតិរដ្ឋដ៏រឹងមាំ និងមានការអភិវឌ្ឍលើគ្រប់វិស័យ។
ជាថ្មីម្តងទៀត យើងខ្ញុំទាំងអស់គ្នា ជាថ្នាក់ដឹកនាំ សមាជិក-សមាជិកា នៃវេទិកាសន្តិភាពកម្ពុជា សូមបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិក្នុងលោក និងទេវតាថែរក្សាព្រះរាជាណាចក្រកម្ពុជា សូមជួយប្រោះព្រំសព្ទសាធុការពរ បវរសួស្តី ជ័យមង្គល វិបុលសុខ មហាប្រសើរថ្លៃថ្លា ជូនចំពោះ សម្តេចអគ្គមហាពញាចក្រី និងសម្តេចធម្មវិសុទ្ធវង្សា ព្រមទាំងបុត្រាបុត្រី ចៅប្រុសចៅស្រី សូមបានប្រកបដោយ ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូម សម្តេចអគ្គមហាពញាចក្រី និងសម្តេចធម្មវិសុទ្ធវង្សា មេត្តាទទួលនូវគាវរកិច្ចដ៏ស្មោះស្ម័គ្រ និងអភិវន្ទនកិច្ចដ៏ខ្ពង់ខ្ពស់បំផុតពីយើងខ្ញុំទាំងអស់គ្នា៕
===============
#វេទិកាសន្តិភាពកម្ពុជា /
Telegram 👉 https://t.me/cambodiapeaceforum
