វេទិកាសន្តិភាពកម្ពុជា-Cambodia Peace Forum

25/08/2026

បាត់ដំបង៖ លោកស្រី សាក់ ថារី ប្រធានសាខាប្រតិបត្តិ វេទិកាសន្តិភាពកម្ពុជា ខេត្តបាត់ដំបង ជាតំណាងដ៏ខ្ពង់ខ្ពស់ឯកឧត្តមបណ្ឌិត សួន សេរីរដ្ឋា ប្រធានគណៈអចិន្រ្តៃយ៍ ក្រុមប្រឹក្សាភិបាល វេទិកាសន្តិភាពកម្ពុជា នាថ្ងៃចន្ទ ១១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ២៥៧០ ត្រូវនឹងថ្ងៃទី២៤ ខែសីហា ឆ្នាំ២០២៦ បានដឹកនាំក្រុមការងារ វេទិកាសន្តិភាពកម្ពុជា ចូលរួមយកសម្ភារៈសិក្សាចែកជូនដល់សិស្សសាលាបឋមសិក្សាវត្តលៀប ដោយសម្ភារៈទាំងនោះបានមកពី ថ្នាក់ដឹកនាំ សប្បុរសជន យុវជននៅប្រទេសកូរ៉េខាងត្បូង ដែលបានរួបរួមគ្នា សម្រាប់ចែកជូនទៅដល់សិស្សានុសិស្សមានចំនួន 340នាក់។
===============
#វេទិកាសន្តិភាពកម្ពុជា /
Telegram 👉 https://t.me/cambodiapeaceforum

25/08/2026

បន្ទាយមានជ័យ ៖ លោក មាស ខន ប្រធានអនុសាខាប្រតិបត្តិ ស្រុកម៉ាឡៃ តំណាងលោក អ៊ី ប៊ុនថន ប្រធានសាខាប្រតិបត្តិ វេទិកាសន្ដិភាពកម្ពុជា ខេត្តបន្ទាយមានជ័យ នាព្រឹកថ្ងៃចន្ច័ ១១កើត ខែស្រាពណ៍ ឆ្នាំមមី ព.ស២៥៧០ ត្រូវនឹងថ្ងៃទី២៤ ខែសីហា ឆ្នាំ២០២៦ បានដឹកនាំក្រុមការងារ សមាជិក សមាជិកា ដើម្បីចែកអំណោយជួនដល់គ្រួសារក្រីក្រ ជនពិការ ចំនួន៨គ្រួសារ ដោយក្នុងនោះ ៤គ្រួសារ នៅភូមិខ្លាងាប់ ឃុំទូលពង្រ ស្រុកម៉ាឡៃ និង៤គ្រួសារទៀត នៅភូមិកោះស្នួល ឃុំទូលពង្រ ស្រុកម៉ាឡៃ ។

អំណោយសម្រាប់ចែកជូនរួមមាន៖ អង្ករ២៥០គីឡូ រទេះ៤គ្រឿង និងគ្រឿងសម្ភារបរិភោគមួយចំនួន ដែលមានការអញ្ចើញចូលរួមដោយលោកមេឃុំទូលពង្រ ក្រុមប្រឹក្សាឃុំ និងលោកមេភូមិផងដែរ ដោយអំណោយទាំងនោះបានមកពីអង្ការមេត្តាករុណា ខេត្តបន្ទាយមានជ័យ។

យើងខ្ញុំសូមថ្លែងអំណរអរគុណយ៉ាងជ្រាវជ្រៅ ដល់ក្រុមការងា វេទិកាសន្តិភាពកម្ពុជា និងបងប្អូនសប្បុរសជនទាំងអស់ ដែលបានចូលរួមបរិច្ចាគថវិកា និងសម្ភារផ្សេងៗ។
ខ្មែរយើងរួបរួម ខ្មែរយើងឈ្នះ!
===============
#វេទិកាសន្តិភាពកម្ពុជា /
Telegram 👉 https://t.me/cambodiapeaceforum

24/08/2026

រាជធានីភ្នំពេញ៖ ឯកឧត្តម​ កេត​ កែវអមតៈ​ ប្រធានក្រុមការងារចុះជួយសាខាប្រតិបត្តិវេទិកាសន្តិភាពកម្ពុជា​ រាជធានីភ្នំពេញនិងខេត្តកណ្តាល ដឹកនាំក្រុមការងារចូលរួមបុណ្យសពឧបាសិកា​ ដោក​ ឈន់។

នៅយប់ថ្ងៃអាទិត្យ ១០កេីត ខែ​ស្រាពណ៍​ ឆ្នាំ​មមី​ អដ្ឋស័ក​ ព.ស​ ២៥៧០​ ត្រូវនឹងថ្ងៃទី២៣ ខែសីហា​ ឆ្នាំ២០២៦​ ឯកឧត្តម​ កេត​ កែវអមតៈ​ តំណាងដ៏ខ្ពង់ខ្ពស់ឯកឧត្តមបណ្ឌិត​ សួន​ សេរីរដ្ឋា​ ប្រធានគណៈអចិន្ត្រៃយ៍ក្រុមប្រឹក្សាភិបាល​ វេទិកាសន្តិភាពកម្ពុជា​ បានដឹកនាំក្រុមការងារអញ្ជេីញចូលរួមបុណ្យសពឧបាសិកា​ ដោក​ ឈន់​ ត្រូវជាម្តាយបង្កេីតរបស់លោក​វេជ្ជបណ្ឌិត​ សាន់​ ចាន់ថេង សមាជិកសកម្ម ប្រចាំសាខាប្រតិបត្តិរាជធានីភ្នំពេញនិងខេត្តកណ្តាល​ ដែលបានទទួលមរណភាពនៅវេលាម៉ោង​ ២៖០០នាទីរំលងអធ្រាត្រ​ ថ្ងៃទី២៣​ ខែសីហា​ ឆ្នាំ២០២៦​ ក្នុងជន្មាយុ​ ៨៣ឆ្នាំ​ ដោយជរាពាធ​។​

ឯកឧត្តមបានពាំនាំការផ្តាំផ្ញេីចូលរួមរំលែកមរណទុក្ខដ៏ក្រៀមក្រំពីសំណាក់ឯកឧត្តមបណ្ឌិត​ សួន​ សេរីរដ្ឋា​ និងថ្នាក់ដឹកនាំទាំងអស់នៅចំពោះមុខការបាត់បង់មនុស្សជាទីគោរពស្រឡាញ់នៅពេលនេះ​ និងសូមឧទ្ទិសដល់ដួងវិញ្ញាណក្ខន្ធឧបាសិកា​ ដោក​ ឈន់ បានយោងកំណេីតក្នុងសុគតិភពកុំបីឃ្លៀងឃ្លាតឡេីយ៕
===============
#វេទិកាសន្តិភាពកម្ពុជា /
Telegram 👉 https://t.me/cambodiapeaceforum

24/08/2026

បាត់ដំបង៖ថ្ងៃច័ន្ទ ១១កើត ខែស្រាពណ៍ ឆ្នាំមមី ព.ស២៥៧០ត្រូវនឹងថ្ងៃទី២៤ ខែសីហាឆ្នាំ ២០២៦ ថ្នាក់ដឹកនាំវេទិកាសន្តិភាពកម្ពុជា សាខាខេត្តបាត់ដំបង មានសេចក្តីសោមនស្សរីករាយជាពន់ពេកដោយបានទទួលអំណោយដ៏ថ្លៃថ្លាអំពីឯកឧត្តមបណ្ឌិត សួន សេរីរដ្ឋា ប្រធានគណៈអចិន្ត្រៃយ៍ ក្រុមប្រឹក្សាភិបាលវេទិកាសន្តិភាពកម្ពុជា និងលោកជំទាវ ដែលបានផ្តល់កញ្ចប់សៀវភៅចំនួន២០៤កញ្ចប់ ដោយក្នុងមួយកញ្ចប់មានសៀវភៅសរសេរ សៀវភៅគំនូ ខ្មៅដៃ បន្ទាត់ ជ័រលុប ក្តាឈ្នួន កាបូបដាក់ប៊ិក និង គូល័រផាត់រូប ។

តាំងនាមតំណាងថ្នាក់ដឹកនាំវេទិកាសន្តិភាពកម្ពុជា សាខាខេត្តបាត់ដំបងទាំងអស់ សូមថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ឧត្តុង្គឧត្តមរបស់ឯកឧត្តមបណ្ឌិត និងលោកជំទាវដែលតែងគិតគួរពីសុខទុក្ខរបស់ថ្នាក់ដឹកនាំក៏ដូចជាប្រជាពលរដ្ឋ និងសិស្សានុសិស្សនៅតាមទីដាច់ស្រយាលនានា ដោយតែងលះបង់ទាំងកម្លាំងកាយចិត្តដើម្បីជួយដល់សង្គម ដោយមិនខ្លាចការនឿយហត់។

អំណោយទាំងអស់នឹងត្រូវបានចែកជូនដល់សិស្សទៅតាមបណ្តាស្រុកដែលកំពុងខ្វះសម្ភារៈសិក្សា។
សូមប្រសិទ្ធិពរជ័យជូនដល់ឯកឧត្តមបណ្ឌិត និងលោកជំទាវ ព្រមទាំងបុត្រាបុត្រី សូមជួបតែសេចក្តីសុខ មានសុវត្ថិភាព និងជួបតែពុទ្ធពរទាំង៤ប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
===============
#វេទិកាសន្តិភាពកម្ពុជា /
Telegram 👉 https://t.me/cambodiapeaceforum

24/08/2026

រាជធានីភ្នំពេញ​៖ ឯកឧត្តម​បណ្ឌិត​ សួន​ សេរីរដ្ឋា​ ប្រធានគណៈអចិន្ត្រៃយ៍ក្រុមប្រឹក្សាភិបាលវេទិកាសន្តិភាពកម្ពុជា​ និងលោកបណ្ឌិត​ អ៉ី​ លីម៉ា​ សាកលវិទ្យាធិការនៃសាកលវិទ្យាល័យ​ ចេនឡា​ អញ្ជេីញជាអធិបតីក្នុងពិធីប្រគល់-ទទួលអាហារូបករណ៍ពីសាកលវិទ្យាល័យ​ ចេនឡា។

វេលាព្រឹកថ្ងៃចន្ទ​ ១១កេីត​ ខែស្រាពណ៍​ ឆ្នាំមមី​ អដ្ឋស័ក​ ព.ស​ ២៥៧០​ ត្រូវនឹងថ្ងៃទី២៤​ ខែសីហា​ ឆ្នាំ២០២៦​ នៅឯទីស្នាក់ការកណ្តាលវេទិកាសន្តិភាពកម្ពុជា​ មានការរៀបចំពិធីប្រគល់ទទួលអាហារូបករណ៍សម្រាប់ឆ្នាំថ្មី​ ឆ្នាំសិក្សា២០២៦​ ចំនួន​ ៥០កន្លែងពីសាកលវិទ្យាល័យ​ ចេនឡា​ ជូនមកឯកឧត្តម​បណ្ឌិត​ សួន​ សេរីរដ្ឋា​ ក្នុងនោះរួមមាន៖
-​ អាហារូបករណ៍​ ៥០%​ ចំនួន​ ០១កន្លែង​ កម្រិតបរិញ្ញាបត្រគិលានុបដ្ឋាក​ ឬ​ឆ្មប​ សិក្សាមួយចប់កម្មវិធី
-​ អាហារូបករណ៍​ ២៥%​ ចំនួន​ ០៥កន្លែង​ កម្រិតបរិញ្ញាបត្ររងបច្ចកទេសមន្ទីរពិសោធន៍​ សិក្សាមួយចប់កម្មវិធី
-​ អាហារូបករណ៍​ ២៥%​ ចំនួន​ ០៥កន្លែង​ កម្រិតបរិញ្ញាបត្ររងឆ្មប​ សិក្សាមួយចប់កម្មវិធី
-​ អាហារូបករណ៍ពិសេស​ ១០០%​ ចំនួន​ ០៦កន្លែង​ កម្រិតបរិញ្ញាបត្ររង​ ឬបរិញ្ញាបត្រសម្រាប់ជំនាញក្រៅវិស័យសុខាភិបាល
-​ អាហារូបករណ៍ពិសេស​បំផុត បង់ថ្លៃ៣០០ដុល្លារ​ សម្រាប់រយៈពេល៤ឆ្នាំសិក្សាមួយចប់កម្មវិធី ចំនួន​ ៣៣កន្លែង​ កម្រិតបរិញ្ញាបត្ររង​ ឬបរិញ្ញាបត្រសម្រាប់ជំនាញក្រៅវិស័យសុខាភិបាល។

តាមរយៈការទទួលបានអាហារូបករណ៍ខាងលេី​ ឯកឧត្តម​បណ្ឌិត​ សួន​ សេរីរដ្ឋា​ ប្រធានគណៈអចិន្ត្រៃយ៍ក្រុមប្រឹក្សាភិបាល​ បានប្រគល់ជូនក្រុមការងារ​ ស្នេី​ ទទួល​ និងគ្រប់គ្រងអាហារូបករណ៍វេទិកាសន្តិភាពកម្ពុជាក្នុងការផ្សព្វផ្សាយ​ ទទួលពាក្យ​ សម្ភាសន៍​និងវាយតម្លៃដោយផ្តោតជាពិសេសទៅលេីកូនចៅរបស់វីរកងកម្លាំងជួរមុខជាអាទិភាព​។ កម្មវិធីនេះក៏មានការអញ្ជេីញចូលរួមពីសំណាក់ថ្នាក់ដឹកនាំវេទិកាសន្តិភាពកម្ពុជា​ គណៈគ្រប់គ្រងសាកលវិទ្យាល័យចេនឡា​ ក្រុមការងារគ្រប់គ្រងអាហារូបករណ៍ឯកឧត្តម​បណ្ឌិត​ សួន​ សេរីរដ្ឋា​ និងនិស្សិតអាហារូបករណ៍ទាំងបួនជំនាន់។​

គួរបញ្ជាក់ដែរថា​ សាកលវិទ្យាល័យ​ ចេនឡា​ តែងតែបានផ្តល់នូវការយកចិត្តទុកដាក់ខ្ពស់ក្នុងការលេីកកម្ពស់សមត្ថភាពដល់យុវជនជំនាន់ក្រោយ​ ដោយរួមទាំងយុវជនរបស់វេទិកាសន្តិភាពកម្ពុជាតាមរយៈការផ្តល់កិច្ចសហការយ៉ាងខ្ជាប់ខ្ជួនចាប់តាំងពីឆ្នាំ២០២៣រហូតមកដល់បច្ចុប្បន្ន។

ក្នុងពិធីនោះឯកឧត្តម​បណ្ឌិត​ សួន​ សេរីរដ្ឋា​ និងលោកបណ្ឌិត​ អ៉ី​ លីម៉ា​ បានចែករំលែកបទិសោធន៍ដ៏មានសារសំខាន់ជូនដល់និស្សិតអាហារូបករណ៍​សំដៅជម្រុញការខិតខំតស៊ូសិក្សាដេីម្បីក្លាយជាទំពាំងស្នងឫស្សីទៅថ្ងៃអនាគត៕
===============
#វេទិកាសន្តិភាពកម្ពុជា /
Telegram 👉 https://t.me/cambodiapeaceforum

24/08/2026

23/08/2026

បាត់ដំបង៖ លោកស្រី សាក់ ថារី ប្រធានសាខាប្រតិបត្តិវេទិកាសន្តិភាពកម្ពុជា ខេត្តបាត់ដំបង ជាតំណាងដ៏ខ្ពង់ខ្ពស់ឯកឧត្តមបណ្ឌិត សួន សេរីរដ្ឋា ប្រធានគណៈអចិន្រ្តៃយ៍ ក្រុមប្រឹក្សាភិបាលវេទិកាសន្តិភាពកម្ពុជា នាថ្ងៃអាទិត្យ ១០កើត ខែ ស្រាពណ៍ ឆ្នាំម្សាញ់ ព.ស ២៥៧០ ត្រូវនឹងថ្ងៃទី២៣ ខែសីហា ឆ្នាំ២០២៦ បានដឹកនាំក្រុមការងារប្រជុំនៅមជ្ឈមណ្ឌលភាសាកូរ៉េបាត់ដំបង ស្ថិតនៅក្នុងក្រុងបាត់ដំបង។

ខ្លឹមសារនៃកិច្ចប្រជុំរួមមាន៖ ១) ការពង្រឹងវិន័យនិងបទបញ្ជាផ្ទៃក្នុង ២) ការត្រួតពិនិត្យ និងលើកទិសដៅបន្តសម្រាប់ឆ្នាំ២០២៦ និង ៣) ការពិភ្សាគ្នាដើម្បីរៀបចំការងារឲ្យកាន់តែរីកចម្រើន។

រួមជាមួយនោះលោកស្រីប្រធានក៏បានលើកទឹកចិត្តដល់ក្រុមការងារទាំងអស់ឲ្យខិតខំប្រឹងប្រែងក្នុងដំណើរផ្សព្វផ្សាយគុណតម្លៃនៃសន្តិភាពនិងត្រូវចូលរួមគ្រប់សកម្មភាពដើម្បីជួយដល់សង្គមជាតិ។

ការប្រជុំត្រូវបានបញ្ចប់ដោយភាពសប្បាយរីករាយ និងសោមនស្សក្រៃលែងដោយថ្នាក់ដឹកនាំទាំងអស់បានយល់ច្បាស់ពីការងារនិងប្តេជ្ញាចិត្តប្រឹងប្រែងបន្តការងារឲ្យកាន់តែមានភាពឈានឡើងជាលំដាប់។
===============
#វេទិកាសន្តិភាពកម្ពុជា /
Telegram 👉 https://t.me/cambodiapeaceforum

22/08/2026

រាជធានីភ្នំពេញ៖
==========
ឯកឧត្តម​ កេត​ កែវអមតៈ​ ប្រធានក្រុមការងារចុះជួយសាខាប្រតិបត្តិរាជធានីភ្នំពេញនិងខេត្តកណ្តាល​ អញ្ជេីញដឹកនាំកិច្ចប្រជុំ​សាមញ្ញលេីកទី០៨ ឆ្នាំ២០២៦​ របស់សាខាប្រតិបត្តិរាជធានីភ្នំពេញនិងខេត្តកណ្តាល​។

នៅល្ងាចថ្ងៃសុក្រ ៨កេីត ខែ​ស្រាពណ៍ ឆ្នាំមមី​ អដ្ឋស័ក​ ព.ស​ ២៥៧០​ ត្រូវនឹងថ្ងៃទី២១ ខែសីហា​ ឆ្នាំ២០២៦​ ឯកឧត្តម​ កេត​ កែវអមតៈ​ តំណាងដ៏ខ្ពង់ខ្ពស់ឯកឧត្តមបណ្ឌិត​ សួន​ សេរីរដ្ឋា​ ប្រធានគណៈអចិន្ត្រៃយ៍នៃក្រុមប្រឹក្សាភិបាលវេទិកាសន្តិភាពកម្ពុជា​ បានដឹកនាំកិច្ចប្រជុំសាមញ្ញលេីកទី០៨ ឆ្នាំ២០២៦​ របស់សាខាប្រតិបត្តិវេទិកាសន្តិភាពកម្ពុជា​ប្រចាំរាជធានីភ្នំពេញ​ និងខេត្តកណ្តាល​ ដេីម្បីបូកសរុបលទ្ធផលការងារសម្រេចបាន​ និងដាក់ទិសដៅអនុវត្តការងារបន្ត។

ការងារដែលត្រូវរៀបចំបន្តរួមមាន​ ការកែលម្អរបៀបរបបការងារ​ របបរបាយការណ៍​ ការងារគ្រប់គ្រងព័ត៌មាននិស្សិតអាហារូបករណ៍​ ការរៀបចំរចនាសម្ព័ន្ធអនុសាខា​ និងផែនការចុះទៅបណ្តុះបណ្តាលវិធីសាស្ត្រសង្គ្រោះបឋម​នៅតាមជូនប្រជាការពារតាមបណ្តាឃុំ​ សង្កាត់​។​ ឯកឧត្តមប្រធានអង្គប្រជុំបានថ្លែងអំណរគុណ​និងវាយតម្លៃខ្ពស់ចំពោះថ្នាក់ដឹកនាំសាខាព្រមទាំងសមាជិក​ សមាជិកាដែលបានចូលរួមផ្តល់ឈាមក្នុងកម្មវិធីផ្តល់ឈាមដេីម្បីសង្គ្រោះជីវិតរបស់វេទិកាសន្តិភាពកម្ពុជា​ ដែលនេះបានបង្ហាញពីកាយវិការដ៏ប្រពៃផ្សារភ្ជាប់ការគាំទ្រដល់វីរកងកម្លាំងនៅជួរមុខ។

កិច្ចប្រជុំបានបិទបញ្ចប់ប្រកបដោយបរិយាកាសរីករាយ​ និងស្និទ្ធស្នាល​៕
===============
#វេទិកាសន្តិភាពកម្ពុជា /
Telegram 👉 https://t.me/cambodiapeaceforum

14/08/2026

សារលិខិតជូនពរ សូមគោរពជូន សម្តេចកិត្តិសង្គហបណ្ឌិត ម៉ែន សំអន ក្នុងឱកាសនៃខួបចម្រើនជន្មាយុ គម្រប់ ៧៣ឆ្នាំ ឈានចូល ៧៤ឆ្នាំ...
===============
ថ្នាក់ដឹកនាំ សមាជិក-សមាជិកាទាំងអស់ នៃវេទិកាសន្តិភាពកម្ពុជា សូមគោរពអនុញ្ញាតសម្តែងនូវសេចក្តីសោមន្សរីករាយ មនោសញ្ចេតនាយ៉ាងជ្រាលជ្រៅ និងស្មោះស្ម័គ្រ ព្រមជាមួយអំណរសាទរ គោរពជូនចំពោះ សម្តេចកិត្តិសង្គហបណ្ឌិត ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា នាឱកាសដ៏មហាមង្គលាភិរម្យឧត្តុង្គឧត្តម បវរសួស្តី សិរីមង្គល វិបុលសុខ មហាប្រសើរ នៃខួបចម្រើនជន្មាយុ គម្រប់ ៧៣ឆ្នាំ ឈានចូល ៧៤ឆ្នាំ ដែលនឹងប្រព្រឹត្តទៅ នៅថ្ងៃសៅរ៍ ២កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៥ ខែសីហា ឆ្នាំ២០២៦ ខាងមុខនេះ។

ឆ្លៀតក្នុងឱកាសដ៏វិសេសវិសាលប្រពៃថ្លៃថ្លានេះ យើងខ្ញុំទាំងអស់គ្នា សូមគោរពស្ញប់ស្ញែងកោតសរសើរប្រកបដោយស្មោះអស់ពីដួងចិត្ត ចំពោះ សម្តេចកិត្តិសង្គហបណ្ឌិត គឺជាវីរជនស្ត្រីដ៏ឆ្នើម ប្រកបដោយសីលធម៌ គុណធម៌ និងទេពកោសល្យដ៏ឧត្ដុង្គឧត្តម ដែលបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញាស្មារតី មិនខ្លាចនឿយហត់ និងបានលះបង់ពេលវេលាផ្ទាល់ខ្លួន គុណបំណាច់ដ៏ធំធេង ចំពោះ “ជាតិ សាសនា ព្រះមហាក្សត្រ” ជាពិសេស សម្តេចកិត្តិសង្គហបណ្ឌិត ជាប្រតិបត្តិករស្វែងរកសន្តិភាពមួយរូប មានសមត្ថភាពក្នុងការជួយអនុវត្តគោលនយោបាយ ឈ្នះ-ឈ្នះ នាំមកនូវការបង្រួបបង្រួមជាតិ ឯកភាពទឹកដី សុខសន្តិភាព ស្ថិរភាពសង្គម សេចក្តីសុខ សុវត្ថិភាព និងសុភមង្គលរបស់ប្រជាជនកម្ពុជា ក្រោមដំបូលនៃ “សន្តិភាព” និងបានលើកកម្ពស់តម្លៃស្ត្រីខ្មែរ ទទួលស្គាល់ពីគ្រប់មជ្ឈដ្ឋានជាតិ និងអន្តរជាតិ បានរួមចំណែកដ៏ធំធេងក្នុងវិស័យមនុស្សធម៌ ក៏ដូចជាបានធ្វើឱ្យប្រជាជនកម្ពុជាទាំងមូលរស់នៅប្រកបដោយសុភមង្គល និងការអភិវឌ្ឍ។

ជាថ្មីម្តងទៀត យើងខ្ញុំទាំងអស់គ្នាជាថ្នាក់ដឹកនាំ សមាជិក-សមាជិកា នៃវេទិកាសន្តិភាពកម្ពុជា សូមបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិក្នុងលោក និងទេវតាថែរក្សាព្រះរាជាណាចក្រកម្ពុជា សូមជួយប្រោះព្រំសព្ទសាធុការពរជ័យ ជូនចំពោះ សម្តេចកិត្តិសង្គហបណ្ឌិត ព្រមទាំងបុត្រ សូមបានប្រកបដោយ ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូម សម្តេចកិត្តិសង្គហបណ្ឌិត មេត្តាទទួលនូវគាវរកិច្ចដ៏ស្មោះស្ម័គ្រ និងអភិវន្ទនកិច្ចដ៏ខ្ពង់ខ្ពស់បំផុត អំពីយើងខ្ញុំទាំងអស់គ្នា៕

===============
#វេទិកាសន្តិភាពកម្ពុជា /
Telegram 👉 https://t.me/cambodiapeaceforum

12/08/2026

រាជធានីភ្នំពេញ៖
==========
ឯកឧត្តម​ សេង​ សុគង់​ សមាជិកអចិន្ត្រៃយ៍ក្រុមប្រឹក្សាភិបាល​ និងជាអគ្គបណ្តាញសាខារាជធានី-ខេត្ត​ វេទិកាសន្តិភាពកម្ពុជា​ អញ្ជេីញជាអធិបតីដឹកនាំកិច្ចប្រជុំ​​ត្រួតពិនិត្យការរៀបវំរចនាសម្ព័ន្ធរបស់សាខាប្រតិបត្តិវេទិកាសន្តិភាពកម្ពុជា​ ប្រចាំរាជធានីភ្នំពេញនិងខេត្តកណ្តាល​។

នៅល្ងាចថ្ងៃពុធ ១៤រោច​ ខែ​ទុតិយាសាឍ ឆ្នាំមមី​ អដ្ឋស័ក​ ព.ស​ ២៥៧០​ ត្រូវនឹងថ្ងៃទី១២ ខែសីហា ឆ្នាំ២០២៦​ ឯកឧត្តម​ សេង​ សុគង់​ តំណាងដ៏ខ្ពង់ខ្ពស់ឯកឧត្តមបណ្ឌិត​ សួន​ សេរីរដ្ឋា​ ប្រធានគណៈអចិន្ត្រៃយ៍នៃក្រុមប្រឹក្សាភិបាលវេទិកាសន្តិភាពកម្ពុជា​ បានអញ្ជេីញដឹកនាំកិច្ចប្រជុំត្រួតពិនិត្យការរៀបវំរចនាសម្ព័ន្ធរបស់សាខាប្រតិបត្តិវេទិកាសន្តិភាពកម្ពុជា​ប្រចាំរាជធានីភ្នំពេញ​ និងខេត្តកណ្តាល​។ រចនាសម្ព័ន្ធអនុសាខាចំណុះឱ្យសាខាប្រតិបត្តិរាជធានីភ្នំពេញនិងខេត្តកណ្តាល​ ដែលត្រូវរៀបចំនាពេលខ្លីខាងមុខមានចំនួនបីគឺ​ អនុសាខាប្រតិបត្តិខណ្ឌសែនសុខ​ អនុសាខាប្រតិបត្តិខណ្ឌដង្កោ​ និងអនុសាខាប្រតិបត្តិខណ្ឌកំបូល។

មានប្រសាសន៍ក្នុងកិច្ចប្រជុំ​ ឯកឧត្តមលេីកទឹកចិត្តដល់ថ្នាក់ដឹកនាំសាខាប្រតិបត្តិរាជធានីភ្នំពេញនិងខេត្តកណ្តាល​ បន្តខិតខំរៀបចំអនុសាខាបន្ថែមទាំងនៅភូមិសាស្ត្ររាជធានីភ្នំពេញ​ និងខេត្តកណ្តាល​ ព្រមទាំងជ្រេីសរេីសបេក្ខភាពក្នុងរចនាសម្ព័ន្ធដែលអាចបំពេញការងារសង្គម​និងជូនអង្គភាពបានរីកចម្រេីនទៅមុខ។
កិច្ចប្រជុំបានបិទបញ្ចប់ប្រកបដោយបរិយាកាសរីករាយ​ និងអាហារសាមគ្គី៕
===============
#វេទិកាសន្តិភាពកម្ពុជា /
Telegram 👉 https://t.me/cambodiapeaceforum