EcoFlow Authorized Distributor KH

14/10/2026

🙏🇰🇭 គម្រប់ខួបលើកទី១៤ នៃទិវាគោរពព្រះវិញ្ញាណក្ខន្ធ ព្រះបរមរតនកោដ្ឋ 🇰🇭
ក្នុងឱកាសគម្រប់ខួបដ៏មានអត្ថន័យនេះ យើងខ្ញុំសូមចូលរួមគោរពព្រះវិញ្ញាណក្ខន្ធ និងចងចាំជានិច្ចនូវព្រះរាជគុណដ៏ថ្លៃថ្លារបស់ ព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ»។
សូមព្រះវិញ្ញាណក្ខន្ធព្រះអង្គបានយាងសោយសុខក្នុងព្រះបរមសុគតិភពជានិរន្តរ៍។ 🙏🕊
១៥ តុលា ២០១២ – ១៥ តុលា ២០២៦

09/10/2026

🙏✨ អបអរសាទរ ពិធីបុណ្យភ្ជុំបិណ្ឌ!
🌾 ពិធីបុណ្យភ្ជុំបិណ្ឌ ជាពេលវេលាដ៏មានអត្ថន័យសម្រាប់ការជួបជុំក្រុមគ្រួសារធ្វើបុណ្យ និងរក្សាប្រពៃណីដ៏ល្អរបស់ខ្មែរ។ 🇰🇭 សូមជូនពរបងប្អូនខ្មែរទាំងអស់ឱ្យមាន សុខភាពល្អ សុភមង្គល សំណាងល្អ និងជោគជ័យគ្រប់ភារកិច្ច។ 💛🙏
សូមឱ្យការធ្វើដំណើរទៅកាន់ស្រុកកំណើតប្រកបដោយសុខសុវត្ថិភាព និងភាពកក់ក្តៅជាមួយក្រុមគ្រួសារ។ 🌿✨

04/10/2026

📚 អបអរសាទរ ទិវាគ្រូបង្រៀនពិភពលោក 🌍👩‍🏫
Happy World Teachers’ Day! 🎉
ក្នុងឱកាស ទិវាគ្រូបង្រៀនពិភពលោក យើងសូមថ្លែងអំណរគុណយ៉ាងជ្រាលជ្រៅជូនចំពោះលោកគ្រូ អ្នកគ្រូគ្រប់រូប ដែលបានលះបង់ពេលវេលា កម្លាំងកាយចិត្ត និងចំណេះដឹង ដើម្បីបណ្តុះបណ្តាល និងបំភ្លឺផ្លូវអនាគតដល់សិស្សានុសិស្ស។ ❤️
សូមជូនពរលោកគ្រូ អ្នកគ្រូទាំងអស់ ជួបប្រទះតែសុខភាពល្អ សុភមង្គល ជោគជ័យ និងមានកម្លាំងចិត្តបន្តបេសកកម្មដ៏មានតម្លៃនេះជារៀងរហូត។ 🌟
អរគុណលោកគ្រូ អ្នកគ្រូ សម្រាប់ការបំភ្លឺផ្លូវអនាគតរបស់យើង! 🙏💙

03/10/2026

25/09/2026

🌕🏮 រីករាយពិធីបុណ្យសែនព្រះខែ 🥮✨
ក្នុងឱកាសពិធីបុណ្យសែនព្រះខែ សូមជូនពរដល់បងប្អូនប្រជាពលរដ្ឋខ្មែរទាំងអស់ និងក្រុមគ្រួសារ សូមជួបតែ សេចក្តីសុខ សុភមង្គល សុខភាពល្អ និងភាពចម្រុងចម្រើន។ ❤️
🌕 Happy Mid-Autumn Festival! 🥮
សូមរីករាយ និងអបអរសាទរពិធីបុណ្យសែនព្រះខែ! ✨

17/09/2026

🇰🇭 អបអរសាទរ ខួបលើកទី3 តំបន់​ប្រាសាទ​កោះ​កេរ ត្រូវ​បាន​ចុះ​ក្នុង​បញ្ជី​បេតិក​ភណ្ឌ​ពិភពលោករបស់អង្គការយូណេស្កូ។
📅 ១៧ កញ្ញា ២០២៣ – ១៧ កញ្ញា ២០២៦
ការដាក់បញ្ចូលតំបន់ប្រាសាទកោះកេរ ក្នុងបញ្ជីបេតិកភណ្ឌពិភពលោក គឺជាសមិទ្ធផលដ៏មានតម្លៃ និងជាមោទនភាពដ៏ធំធេងសម្រាប់ប្រជាជនកម្ពុជា ព្រមទាំងជាការទទួលស្គាល់នូវតម្លៃប្រវត្តិសាស្ត្រ ស្ថាបត្យកម្ម និងវប្បធម៌ដ៏សម្បូរបែបរបស់អរិយធម៌ខ្មែរ។
សូមរួមគ្នាចូលរួមថែរក្សា ការពារ និងអភិរក្សមរតកវប្បធម៌ជាតិ ដ៏មានតម្លៃនេះឱ្យស្ថិតស្ថេរជាមរតកសម្រាប់កូនចៅខ្មែរ និងមនុស្សជំនាន់ក្រោយ។ ❤️🇰🇭

08/09/2026

📚✨អបអរសាទរ ខួបលើកទី២៦ ទិវាអក្ខរកម្មអន្តរជាតិ
International Literacy Day – September 8 🌍
ការរៀនសូត្រ គឺជាគ្រឹះដ៏សំខាន់សម្រាប់ការអភិវឌ្ឍខ្លួន និងសង្គមជាតិ។
ក្នុងយុគសម័យឌីជីថល ចំណេះដឹង និងជំនាញប្រើប្រាស់បច្ចេកវិទ្យា ក៏កាន់តែមានសារៈសំខាន់សម្រាប់ការសិក្សា និងការងារ។

សូមចូលរួមលើកកម្ពស់ការរៀនសូត្រ និងការចែករំលែកចំណេះដឹង ដើម្បីបង្កើតឱកាសកាន់តែប្រសើរសម្រាប់មនុស្សគ្រប់រូប។ ❤️
រៀនថ្ងៃនេះ ដើម្បីបង្កើតឱកាសសម្រាប់ថ្ងៃស្អែក! 🌱

07/07/2026

៩ ឆ្នាំនៃមោទនភាពជាតិខ្មែរលើឆាកអន្តរជាតិ! 🇰🇭✨
(៨ កក្កដា ២០១៧ - ៨ កក្កដា ២០២៦)

រួមគ្នាអបអរសាទរខួបលើកទី៩ នៃការដាក់បញ្ចូល «តំបន់ប្រាសាទសំបូរព្រៃគុក» ទៅក្នុងបញ្ជីបេតិកភណ្ឌពិភពលោក ដោយអង្គការ UNESCO នាទីក្រុងក្រាកូវ ប្រទេសប៉ូឡូញ។

ក្នុងនាមជាកូនខ្មែរជំនាន់ក្រោយ ពួកយើងរួមគ្នាថែរក្សា និងផ្សព្វផ្សាយអច្ឆរិយភាពនេះទៅកាន់ពិភពលោក ព្រោះ កិច្ចការពារបេតិកភណ្ឌវប្បធម៌ ជាភារកិច្ចរបស់កូនខ្មែរគ្រប់ៗរូប។ 🇰🇭❤️

03/07/2026

🎉 អបអរសាទរ ខួបលើកទី៧៥ 🎉 🇰🇭 កម្ពុជាចូលជាសមាជិកអង្គការយូណេស្កូ
📅 ៣ កក្កដា ១៩៥១ – ៣ កក្កដា ២០២៦ (Cambodia joined UNESCO)រយៈពេល ៧៥ ឆ្នាំនៃភាពជាសមាជិកអង្គការយូណេស្កូ គឺជាសក្ខីភាពនៃការប្តេជ្ញាចិត្តរបស់កម្ពុជា ក្នុងការលើកកម្ពស់ការអប់រំ វប្បធម៌ វិទ្យាសាស្ត្រ និងការអភិរក្សបេតិកភណ្ឌជាតិឱ្យមានការទទួលស្គាល់ និងលេចធ្លោលើឆាកអន្តរជាតិ។

សូមចូលរួមអបអរសាទរ និងបន្តរួមគ្នាថែរក្សា អភិរក្ស និងផ្សព្វផ្សាយនូវបេតិកភណ្ឌវប្បធម៌ដ៏មានតម្លៃរបស់កម្ពុជា ដើម្បីជាមរតកដល់មនុស្សជំនាន់ក្រោយ។