អាជីវកម្មខ្ញុំ Our Business

អាជីវកម្មខ្ញុំ Our Business អាជីវកម្មខ្ញុំ Our Business is organized by the Youth Program Development Dept.
(1)

of the Ministry of Education, Youth and Sports with the aim of developing entrepreneurial skills, Digital and soft skills for Cambodian youth toward the decent careers. កម្មវិធីប្រកួតប្រជែងផែនការអាជីវកម្ម ក្រោមប្រធានបទ “អាជីវកម្មខ្ញុំ Our Business” ត្រូវបានរៀបចំដោយនាយកដ្ឋានគ្រប់គ្រងមជ្ឈមណ្ឌលនៃក្រសួងអប់រំ យុវជន និងកីឡា មានគោលបំណងជួយអភិវឌ្ឍសមត្ថភាព ជំនាញ បំណិនផ្នែកសហគ្រិនបែបអនុវត្តជាក់ស្តែងដល់យុវជនក្នុង និងក្រៅសាលា។ កម្មវិធីនេះជួយសម្រួចសមត្ថភាពវិជ្ជាជីវៈ បែបសហគ្រិន និងបំណិន សហគ្រិនជោគជ័យបែបអនុវត្តជាក់ស្ដែងដល់យុវជន ជាពិសេសបណ្ដុះបណ្ដាលចំណេះដឹង និងការបង្កើតគំនិតថ្មីៗលើបំណិនរៀបចំផែនការអាជីវកម្ម ដែលឆ្លើយតបទៅនឹងការផ្លាស់ប្តូរវិជ្ជមាននៅក្នុងសង្គម និងតម្រូវការទីផ្សារការងារក្នុងបរិបថបដិវត្តន៍ឧស្សាហកម្ម៤.០ និងការអប់រំបែបឌីជីថល។

ក្រុមទី៨៖ មកពីខេត្តកែប គម្រោងអាជីកម្ម៖ ងាវប្រែរូប​គោលបំណង៖ ១. ការកែច្នៃសំបក​ងាវ ខ្ចង ខ្ចៅ ដែលជាវត្ថុធាតុដើមដែល...
12/09/2026

ក្រុមទី៨៖ មកពីខេត្តកែប
គម្រោងអាជីកម្ម៖ ងាវប្រែរូប​

គោលបំណង៖
១. ការកែច្នៃសំបក​ងាវ ខ្ចង ខ្ចៅ ដែលជាវត្ថុធាតុដើមដែលស្រួលរក ដែលមាននៅក្នុងសមុទ្រជាច្រើនយកមកកែច្នៃអោយក្លាយទៅ​ជាវត្ថុអនុស្សាវរីយ៍ និងវត្ថុតាំងតាមគេហដ្ឋាន ភោគនីយដ្ឋាន​បន្ទប់គេងជាដើម​...
២.​ ជួយលើកកម្ពស់ដល់ប្រជានេសាទ ស្រ្តីមេផ្ទះ យុវជនដែលមិនទាន់មានការងារធ្វើ។ ហើយទោះបីសំបកងាវទាំងនេះជាកាកសំណល់​ដែល​គេគិតថាគ្មានប្រយោជន៍ដែលធ្វើអោយមានផលវិបាកដល់មនុស្សគ្រប់រូបដោយសារការចាក់ ឬ​​បោះចោលដោយគ្មានសណ្តាប់ធ្នាប់ធ្វើអោយ មុតដៃ​ មុតជើង ដែលជាបញ្ហាប្រឈមរបស់ពួកគេ។ ដោយសារ​តែបញ្ហាទាំងនេះហើយទើបក្រុមយើងខ្ញុំបានប្រមូលយកសំបកងាវទាំងនេះដែលគេយល់ថាគ្មានតម្លៃ យកមកកែច្នៃអោយក្លាយទៅជារបស់ប្រើប្រាស់ដូចជា: វត្ថុអនុស្សាវរីយ៍ និងសម្រាប់តាំងលម្អផ្សេងៗ។

ក្រុមទី១២៖ មកពីខេត្តបាត់ដំបង គម្រោងអាជីវកម្ម៖ ដូងវេទមន្ត បាត់ដំបង គោលបំណង៖ ១.ទឹកដូងជាភេសជ្ជៈធម្មជាតិ ដែលមានរ...
12/09/2026

ក្រុមទី១២៖ មកពីខេត្តបាត់ដំបង
គម្រោងអាជីវកម្ម៖ ដូងវេទមន្ត បាត់ដំបង

គោលបំណង៖
១.ទឹកដូងជាភេសជ្ជៈធម្មជាតិ ដែលមានរសជាតិឆ្ងាញ់ អាចទទួលទានបានគ្រប់វ័យ និងមានអត្ថប្រយោជន៍ល្អសម្រាប់សុខភាព មានសារធាតុប្រឆាំងអុកស៊ីតកម្មមួយចំនួន ជួយការពារកោសិការពីការពីការខូចខាត ជួយបំពេញជាតិទឹក ជួយទ្រទ្រង់សុខភាពបេះដូង មានកាឡូរីទាប ជួយកាត់បន្ថយស្រេ្តស ក្នុងទឹកដូងមានផ្តល់អេឡិចត្រូលីតដូចជា ប៉ូតាស្យូម ដែលជួយឲ្យសាច់ដុំ​ និងសរសៃប្រសាទដំណើរការ​ល្អ។ដោយឃើញពីសារៈប្រយោជន៍​ទាំងនេះហើយទើបក្រុមយើងខ្ញុំបានជ្រើសយកដូងមកធ្វើជាសិប្បកម្ម និងដើម្បីជួយលើកកម្ពស់ផលិតផលក្នុងស្រុក ហើយទីតាំងសិប្បកម្មរបស់យើងផ្ទាល់គឺនៅ វិទ្យាល័យ នេត យ៉ង់។ ចំណែកចម្ការដែលផ្គត់ផ្គង់ផ្លែដូងគឺនៅស្រុកសំឡូត
២. ដោយមើលឃើញពីការវិល​ត្រឡប់​មកមាតុប្រទេសវិញ នៅក្នុងភូមិសាស្ត្របាត់ដំបង​ចន្លោះពី 3 ទៅ 7 ម៉ឺននាក់ដោយសារមានបញ្ហាព្រំដែនដែលនាំឲ្យប្រជាជនពុំមានការងារធ្វើហេតុនេះហើយទើបក្រុមយើងខ្ញុំជ្រើសរើសយកដូងនេះឡើងដើម្បីជួយជាកម្លាំងតូចមួយក្នុងការជួយលើកកម្ពស់ផលិតផលក្នុងស្រុក​ និងបញ្ឈប់នូវការនាំចូលដូងពីប្រទេសជិតខាងជាពិសេសទឹកដូង ដោយពិនិត្យឃើញមានជាតិពុលដែលបណ្ដាលឲ្យប៉ះពាល់ដល់សុខភាព​អ្នកទទួលទាន។ ចំណែកឯភេសជ្ជៈផ្អែមគ្រឿងកំប៉ុងកំពុងកើនឡើងជាលំដាប់ធ្វើឲ្យប៉ះពាល់ដល់សុខភាពសាធារណៈ ហើយវ័យដែលប៉ះពាល់ខ្លាំងជាងគេបំផុតគឺ ចន្លោះ 5ឆ្នាំដល់ 35ឆ្នាំ​ ដែលប៉ះពាល់ដល់សុខភាពជាគោលដូចជា ទឹកនោមផ្អែមថ្លើម បញ្ហាប៉ះពាល់តម្រង់នោម និងធ្វើឲ្យប្រព័ន្ធខ្សោយនិងធ្លាក់ចុះអង្គចងចាំ។ ជាពិសេសយើងឃើញភេសជ្ជៈគ្រឿងកំប៉ុងទាំងនោះមានលក់នៅតាមគ្រឹះស្ថានអប់រំដែលបណ្ដាលឲ្យប៉ះពាល់ដល់សុខភាពកុមារនិងយុវវ័យដែលធ្វើឲ្យសារពាង្គកាយទាំងមូលមានសកម្មភាពយឺតយ៉ាវ។ យ៉ាងណាមិញទឹកដូងនៅតែជាអត្ថភាពពិសេសក្នុងការប្រកួតប្រជែងជាមួយលទ្ធផលគ្រឿងកំប៉ុង និងការលើក​កម្ពស់​នៅសុខភាពសាធារណៈជាគោល​ និងបង្កើនសង្វាក់ផលិតកម្មក្នុងស្រុកដែល ឆ្លើយតបទៅគោលនយោបាយពិសេសរបស់រាជរដ្ឋាភិបាល ជាពិសេសសាររបស់សម្ដេចមហាបវរធិបតីហ៊ុន ម៉ាណែតនារដ្ឋមន្ត្រីនៃព្រះរាជាណាចក្រកម្ពុជាបានថ្លែងយ៉ាងច្បាស់ថា​ «ចូរកែច្នៃវត្ថុធាតុដើមក្នុងស្រុកឲ្យអស់លទ្ធិភាព និងធ្វើឧត្តុងឧត្តមនវាវត្តន៍លើលទ្ធផលដែលមាននៅក្នុងស្រុកដើម្បីជាកំណើនទីផ្សារសេដ្ឋកិច្ចសេរី និងមុខរបររបស់ប្រជាជនប្រកបដោយបរិយាប័ន​ និងតុល្យភាព»។

ក្រុមទី២: មកពីខេត្តពោធិ៍សាត់គម្រោងអាជីវកម្ម: អាហារបួសសុខភាពគោលបំណង៖ ១. បង្កើតវប្បធម៌ហូបចុកបែបសុខភាព (Health & Lifest...
12/09/2026

ក្រុមទី២: មកពីខេត្តពោធិ៍សាត់
គម្រោងអាជីវកម្ម: អាហារបួសសុខភាព

គោលបំណង៖
១. បង្កើតវប្បធម៌ហូបចុកបែបសុខភាព (Health & Lifestyle
Transformation)៖ ប្តូរទស្សនៈមហាជនដែលគិតថា «អាហារបួសជាអាហារសាប ឬពិបាកហូប» មកជាអាហារដែលមានរសជាតិឆ្ងាញ់ ប្រកបដោយភាពច្នៃប្រឌិត និងសម្បូរសារធាតុចិញ្ចឹម​ គោលបំណងចម្បងគឺជួយឱ្យអតិថិជនគ្រប់វ័យ ជាពិសេស​យុវវ័យ និងអ្នកធ្វើការ ងាយស្រួលផ្លាស់ប្តូរទម្លាប់រស់នៅមកទទួលទានអាហាររុក្ខជាតិ (Plant-based) ដើម្បីការពារជំងឺរ៉ាំរ៉ៃ និងពង្រឹងសុខភាពពីរាងកាយខាងក្នុង
២. ចូលរួមការពារបរិស្ថាន និងកាត់បន្ថយឧស្ម័នកាបូនឌីអុកស៊ីត៖ ការហូបចុកបែបបួស ឬរុក្ខជាតិ គឺជាចំណែកមួយយ៉ាងសំខាន់ក្នុងការកាត់បន្ថយការភាយឧស្ម័នផ្ទះកញ្ចក់ពីការចិញ្ចឹមសត្វ។ អាជីវកម្មរបស់យើងផ្តោតលើការកាត់បន្ថយកាកសំណល់ (Zero Waste Concept) ប្រើប្រាស់ការវេចខ្ចប់ដែលមេត្រីភាពនឹងបរិស្ថាន (Eco-packaging) និងជំរុញឱ្យសហគមន៍យល់ដឹងកាន់តែច្បាស់ពីការចូលរួមថែរក្សាភពផែនដីតាមរយៈចានអាហារប្រចាំថ្ងៃ
៣. ជំរុញសេដ្ឋកិច្ចបៃតង និងបង្កើតបណ្តាញ «កសិកម្មប្រកបដោយនិរន្តរភាព»៖ មិនត្រឹមតែជាអ្នកទិញបន្លែពីកសិករនោះទេ ប៉ុន្តែអាជីវកម្មរបស់យើងមានគោលបំណងធ្វើជាដៃគូយុទ្ធសាស្ត្រជាមួយសហគមន៍កសិករដាំបន្លែសរីរាង្គ (Organic Farmer)។ យើងផ្តល់តម្លៃយុត្តិធម៌ (Fair Trade) ជំរុញការដាំដុះដោយគ្មានសារធាតុគីមី និងបង្កើតច្រកចេញទីផ្សារថេរជូនពួកគាត់ ដើម្បីបង្កើតសេដ្ឋកិច្ចវិលជុំមាំមួនក្នុងស្រុក
៤. បង្កើតសហគមន៍សុខភាព និងក្តីមេត្តា (Community of Compassion & Well-being)៖ បង្កើតលំហអាជីវកម្ម និងប្រព័ន្ធសហគមន៍មួយដែលចែករំលែកចំណេះដឹងផ្នែកអាហាររូបត្ថម្ភ កាយសម្បទា និងការរស់នៅដោយក្តីមេត្តាចំពោះធម្មជាតិ និងសត្វលោក។ យើងមានគោលដៅពង្រីកខ្លួនទៅជាម៉ាកសញ្ញាអាជីវកម្មអាហារបួសឈានមុខគេ ដែលធ្វើឱ្យការហូបបួសក្លាយជា «ស៊ីវីល័យ សុខភាព និងក្តីស្រឡាញ់»។

ក្រុមទី៤៖ មកពីខេត្តកំពង់ចាម គម្រោងអាជីវកម្ម៖ ជីកសិកម្មធម្មជាតិ គោលបំណង៖ ១. កែច្នៃជីកសិកម្មធម្មជាតិ ដែលមានវត្ថ...
12/09/2026

ក្រុមទី៤៖ មកពីខេត្តកំពង់ចាម
គម្រោងអាជីវកម្ម៖ ជីកសិកម្មធម្មជាតិ

គោលបំណង៖
១. កែច្នៃជីកសិកម្មធម្មជាតិ ដែលមានវត្ថុធាតុដើមដូចជា: ផេះ អង្កាម ទឹក ដើមទន្រ្ទានខែត អាចម៍គោ អាចម៍មាន់ អាចម៍ទា និងអាចម៍សត្វផ្សេងៗទៀតសុទ្ធសឹងតែជាវត្ថុធាតុដើមដែលងាយស្រួលរក ហើយមិនមានផលប៉ះពាល់ដល់សុខភាពឡើយ
២.ជួយលើកកម្ពស់វិស័យកសិកម្មក្នុងការប្រើប្រាស់ធនធានធម្មជាតិ និងសំណល់សរីរាង្គក្នុងសហគមន៍ដើម្បីផលិតជីកសិកម្មធម្មជាតិដែលមានគុណភាពល្អ និងមានសុវត្ថិភាពខ្ពស់។ ជួយកាត់បន្ថយការចំណាយលើជីគីមី ជួយថែរក្សាបរិស្ថាន និងសុខភាពអ្នកប្រើប្រាស់បង្កើនជីវជាតិដី និងលើកកម្ពស់ផលិតផលក្នុងស្រុក
៣.គម្រោងរបស់យើងខ្ញុំក៏មានគោលដៅជំរុញការយល់ដឹងរបស់យុវជន និងកសិករ អំពីសារៈសំខាន់នៃកសិកម្មបែបធម្មជាតិ និងការអភិវឌ្ឍសហគមន៍បៃតង។ តាមរយៈការសហការគ្នា និងការច្នៃប្រឌិត​ គម្រោងនេះរំពឹងថានឹងចូលរួមចំណែកក្នុងការកសាងវិស័យកសិកម្មឱ្យមាននិរន្តរភាព និងបរិស្ថានស្អាតសម្រាប់ថ្ងៃអនាគត។

ក្រុមទី៧៖ មកពីខេត្តប៉ៃលិន គម្រោងអាជីវកម្ម៖ ការអភិវឌ្ឍខ្យងប័រប៉ៃលិន គោលបំណង៖ ១. បង្កើតទីផ្សារច្បាស់លាស់៖ ប្រមូលទ...
12/09/2026

ក្រុមទី៧៖ មកពីខេត្តប៉ៃលិន
គម្រោងអាជីវកម្ម៖ ការអភិវឌ្ឍខ្យងប័រប៉ៃលិន

គោលបំណង៖
១. បង្កើតទីផ្សារច្បាស់លាស់៖ ប្រមូលទិញខ្យងប័រពីប្រជាកសិករក្នុងតំបន់ ដើម្បីផ្តល់ប្រភពចំណូលបន្ថែមប្រកបដោយទំនុកចិត្ត
២. ជំរុញការចិញ្ចឹមតាមស្តង់ដារ៖ លើកទឹកចិត្ត និងជំរុញឱ្យកសិករងាកមកបង្កើនការផលិត និងការចិញ្ចឹមឱ្យបានច្រើនដើម្បីផ្គត់ផ្គង់​តម្រូវការទីផ្សារដែលកំពុងកើនឡើង
៣. បង្កើនតម្លៃបន្ថែម ៖ ប្រមូលទិញខ្យងប័រពីសហគមន៍យកមកឆ្លងកាត់ការកែច្នៃ វេចខ្ចប់ប្រកបដោយអនាម័យ និងគុណភាព ដើម្បីចែកចាយលើទីផ្សារក្នុងនាមជាផលិតផលក្នុងស្រុកដ៏មានសក្តានុពល។

ក្រុមទី៥៖ មកពីខេត្តត្បូងឃ្មុំ គម្រោងអាជីវកម្ម៖ គ្រាប់ស្វាយចន្ទីមេមត់ ​ គោលបំណង៖ ១. កែច្នៃគ្រាប់ស្វាយចន្ទីស...
11/09/2026

ក្រុមទី៥៖ មកពីខេត្តត្បូងឃ្មុំ
គម្រោងអាជីវកម្ម៖ គ្រាប់ស្វាយចន្ទីមេមត់ ​

គោលបំណង៖
១. កែច្នៃគ្រាប់ស្វាយចន្ទីស្រស់ទៅជាគ្រាប់ស្វាយចន្ទីលីងរសជាតិប្រៃ និងម្សៅស្វាយចន្ទី ដែលសម្បូរដោយប្រូតេអ៊ីន ងាយស្រួលក្នុងការប្រើប្រាស់​ និងចំណេញ​ពេលវេលា
២.​ ជួយលើកកម្ពស់ជីវភាពអ្នកដាំស្វាយ​ចន្ទី​នៅក្នុងស្រុកបើទោះបីជាគ្រាប់​ស្វាយចន្ទីមានតម្រូវការច្រើននៅក្រៅ​ និងក្នុងប្រទេសក៏ដោយតែតម្លៃលក់ចេញនៅតែមានការប្រែប្រួលដោយពេលលខ្លះមានតម្លៃខ្ពស់ ពេលខ្លះតម្លៃទាប។ មិនថែមតែ​ប៉ុណ្ណោះ​យើងក៏ចង់លើកស្ទួយសេដ្ឋកិច្ចជាតិតាមរយៈការនាំយកគ្រាប់ស្វាយចន្ទីដាក់លើទីផ្សារជាតិ និងអន្តរជាតិដោយមិនបាច់នាំចេញទៅកែច្នៃនៅប្រទេសដទៃ។ ដូច្នេះហើយទើបយើងបង្កើតនូវគំនិតក្នុងការកែច្នៃគ្រាប់ស្វាយចន្ទីស្រស់ទៅជាគ្រាប់ឆ្អិន និងម្សៅស្វាយចន្ទីដែលជាអាហារ​សម្រន់​ដែលងាយស្រួលបរិភោគ​ និងមានសារធាតុចិញ្ចឹមល្អៗជាច្រើនដែលជួយដល់សុខភាពអ្នកប្រើប្រាស់។​ មិនតែប៉ុណ្ណោះនាពេលអនាគតយើងនឹងប្រើបច្ចេកទេសទំនើបក្នុងការកែច្នៃផលិតផលនេះ ឱ្យមានស្តង់ដារកាន់តែខ្ពស់ដោយរក្សាគុណភាពឱ្យនៅតែល្អប្រសើរ និងបន្ថែមរសជាតិផ្សេងៗទៅតាមតម្រូវការអតិថិជន។​ លើសពីនេះទៅទៀតយើងចង់កែច្នៃស្វាយចន្ទីទៅជាប្រភេទប្រេង និងស្ករស្វាយចន្ទីដែលមានគុណភាពល្អ ដោយបង្កើតជាសិប្បកម្មនៅក្នុងតំបន់ដើម្បីឱ្យគេបានដឹងថាតំបន់យើងមានស្វាយចន្ទីដែលល្អ និងមាន​គុណភាព។

ក្រុមទី១១៖ មកពីខេត្តកំពង់ស្ពឺ គម្រោងអាជីវកម្ម៖ Petcare Cambodia គោលបំណង៖ ១. ដើម្បីជួយសម្រួលដល់ម្ចាស់ចិញ្ចឹ...
11/09/2026

ក្រុមទី១១៖ មកពីខេត្តកំពង់ស្ពឺ
គម្រោងអាជីវកម្ម៖ Petcare Cambodia

គោលបំណង៖
១. ដើម្បីជួយសម្រួលដល់ម្ចាស់ចិញ្ចឹមសត្វ​ ឬអ្នកដែលមានចំណូលចិត្តខាងចិញ្ចឹមសត្វកុំឲ្យជួបប្រទះការលំបាកមួយចំនួនដូចជា: ការព្រួយបារម្ភពីការបាត់សត្វចិញ្ចឹមរបស់ខ្លួន ការខ្វះខាតប្រព័ន្ធផ្ទុកទិន្នន័យរបស់សុខភាពសត្វ​ (ប្រវត្តិចាក់វ៉ាក់សាំង) ការស្វែងរក ទិញចំណីអាហារ​ ឬសម្ភារ ដែលមានគុណភាព និងកង្វះការតភ្ជាប់ទំនាក់ទំនងរវាងអ្នកស្រឡាញ់សត្វចិញ្ចឹមដូចគ្នា
២.​ ជួយលើកកម្ពស់ដល់មនុស្សរាល់គ្នាឲ្យចេះស្រឡាញ់សត្វ​ តាម រយៈបច្ចេកវិទ្យាឌីជីថលឲ្យកាន់តែមានប្រសិទ្ធភាព សុវត្ថិភាព ជៀសវាងពីការបាត់បង់ និងពោរពេញទៅដោយភាពរីករាយ
៣.​ ក្នុងគោលបំណងដោះស្រាយបញ្ហាឱ្យចំគោលដៅមុខងារ ស្វែងរកសត្វចិញ្ចឹម ផ្តល់សេវាកម្មពេញលេញក្នុងកន្លែងតែមួយ ការរួមបញ្ចូលគ្នារវាង (GPS) ជាភ្នាក់ងារប្រព័ន្ធរំលឹក (Real-time tracking) & (safety alert)
៤. ក្នុងគោលបំណងធ្វើឲ្យកាន់តែមានភាពងាយស្រួលដល់ម្ចាស់អាជីវកម្មដែលទាក់ទងសត្វចិញ្ចឹមដែលជាផ្នែកមួយក្នុងការផ្សព្វផ្សាយនូវមុខទំនិញ និងមុខងាររបស់អាជីវកម្មឲ្យកាន់តែមានភាពទូលំទូលាយក្នុងទីផ្សារ
​ ៥. ផ្តល់បទពិសោធន៍ទិញទំនិញប្រកបដោយភាពងាយស្រួល​ រហ័សទាន់ចិត្ត និងគុណភាពខ្ពស់ដោយធ្វើការជ្រើសរើស និងផ្គត់ផ្គង់រាល់ផលិតផលព្រមទាំងសេវាកម្មសម្រាប់សត្វចិញ្ចឹម​ (Shopping) ធានាបាននូវតម្លៃសមរម្យ។

ក្រុមទី១៤៖ ខេត្តកោះកុង គម្រោងអាជីវកម្ម៖ ត្រីងៀតវិទ្យាល័យកោះស្ដេចគោលបំណងចម្បង៖អាជីវកម្មត្រីងៀតសមុទ្រ ដែលបង្កើតឡើងដើម្បីដោ...
11/09/2026

ក្រុមទី១៤៖ ខេត្តកោះកុង
គម្រោងអាជីវកម្ម៖ ត្រីងៀតវិទ្យាល័យកោះស្ដេច

គោលបំណងចម្បង៖
អាជីវកម្មត្រីងៀតសមុទ្រ ដែលបង្កើតឡើងដើម្បីដោះស្រាយបញ្ហាដូចជា៖
១- លើកកម្ពស់សេដ្ឋកិច្ចប្រជានេសាទ ដែលប្រកបមុខរបរនេសាទនៅភូមិកោះស្ដេច ឃុំកោះស្ដេច ស្រុកគិរីសាគរ ខេត្តកោះកុង តាមរយៈការជួយទិញត្រីសមុទ្រស្រស់ៗ ដែលនេសាទបានភ្លាមៗ និងជួយរក្សាតម្លៃត្រីមិនឱ្យធ្លាក់ថ្លៃខ្លាំងពេក
២- បង្កើតផលិតផលកែច្នៃត្រីងៀតប្រកបដោយគុណភាព អនាម័យ និងតម្លៃសមរម្យ
៣- ជួយបង្វឹកសហគ្រិនភាពដល់សិស្សឱ្យចាប់ផ្ដើមពីអាជីវកម្មខ្នាតតូចជា លក្ខណៈគ្រួសារ នឹងអាចឈានទៅដល់សិប្បកម្មខ្នាតធំ ។

ក្រុមទី១៥៖ ខេត្តបន្ទាយមានជ័យ គម្រោងអាជីវកម្ម BMCរចនា គោលបំណង ១. កែច្នៃសំណល់កសិកម្មឱ្មមានតម្លៃ៖ប្រមូល និងយកស...
11/09/2026

ក្រុមទី១៥៖ ខេត្តបន្ទាយមានជ័យ
គម្រោងអាជីវកម្ម BMCរចនា

គោលបំណង
១. កែច្នៃសំណល់កសិកម្មឱ្មមានតម្លៃ៖
ប្រមូល និងយកស្លឹកពោតដែលនៅសល់ពីការប្រមូលផល និងត្រូវបានបោះចោល មកកែច្នៃជាផ្ការំដួល និងផលិតផលតុបតែងផ្សេងៗ។ គោលបំណងនេះចង់បង្ហាញថា សំណល់ដែលមើលទៅគ្មានតម្លៃ អាចត្រូវបានប្រែក្លាយជាផលិតផលដែលមានតម្លៃ ប្រសិនបើយើងប្រើប្រាស់ការច្នៃប្រឌិត និងបច្ចេកទេសត្រឹមត្រូវ
២. លើកកម្ពស់សោភ័ណភាពបរិស្ថាន៖ចូលរួមកាត់បន្ថយបរិមាណសំណល់ស្លឹកពោតដែលត្រូវបានបោះចោលនៅក្នុងសហគមន៍ និងលើកកម្ពស់ទម្លាប់នៃការប្រើប្រាស់សំណល់ឡើងវិញ។ តាមរយៈនេះ គម្រោងចង់បង្កើតគំនិត «សំណល់មិនមែនជារបស់គ្មានតម្លៃទេ ប៉ុន្តែជាវត្ថុធាតុដើមសម្រាប់ការច្នៃប្រឌិត»
៣. បង្កើនបំណិនរកប្រាក់ចំណូលក្នុងសហគមន៍៖ បង្កើតឱកាសឱ្យប្រជាជនក្នុងតំបន់ ជាពិសេសអ្នកដែលមានជំនាញសិប្បកម្ម អាចចូលរួមក្នុងការប្រមូលវត្ថុធាតុដើម កែច្នៃ ផលិត វេចខ្ចប់ និងចែកចាយផលិតផលក្នុងរយៈពេលវែង គម្រោងមានបំណងរួមចំណែកបង្កើតប្រភពចំណូលបន្ថែម និងជំរុញសកម្មភាពសេដ្ឋកិច្ចក្នុងសហគមន៍។

ក្រុមទី១០៖ មកពីខេត្តសៀមរាបគម្រោងអាជីវកម្ម: MIX TEA គោលបំណង៖ ១. ផលិត និងកែច្នៃតែសុខភាពពីវត្ថុធាតុដើមធម្មជា...
10/09/2026

ក្រុមទី១០៖ មកពីខេត្តសៀមរាប
គម្រោងអាជីវកម្ម: MIX TEA

គោលបំណង៖
១. ផលិត និងកែច្នៃតែសុខភាពពីវត្ថុធាតុដើមធម្មជាតិរួមមាន ម្រេច ស្លឹកគ្រៃ និងរមៀត ដើម្បីផ្តល់ជូនអ្នកប្រើប្រាស់នូវផលិតផលដែលមានគុណភាព សុវត្ថិភាព និងមានអត្ថប្រយោជន៍ចំពោះសុខភាព ផលិតផលរបស់យើងត្រូវបានផលិតដោយយកចិត្តទុកដាក់លើគុណភាព អនាម័យ និងការវេចខ្ចប់ស្តង់ដារ ងាយស្រួលប្រើប្រាស់ និងសមស្របសម្រាប់ការទទួលទានប្រចាំថ្ងៃ
២.​ លើកកម្ពស់ការប្រើប្រាស់វត្ថុធាតុដើមក្នុងស្រុក និងបង្កើនតម្លៃដល់ផលិតផលកសិកម្មរបស់ប្រជាកសិករកម្ពុជា តាមរយៈការកែច្នៃទៅជាតែសុខភាពដែលមានគុណភាពខ្ពស់។ គម្រោងនេះក៏មានគោលបំណងបង្កើតឱកាសការងារ បង្កើនប្រាក់ចំណូលដល់សហគមន៍ និងគាំទ្រការអភិវឌ្ឍសហគ្រាសខ្នាតតូចក្នុងស្រុកផងដែរ
៣. ផ្តល់ជូនអតិថិជននូវជម្រើសភេសជ្ជៈសុខភាពដែលមានរសជាតិឆ្ងាញ់ ងាយស្រួលឆុង និងអាចជំនួសភេសជ្ជៈដែលមានជាតិស្ករខ្ពស់។ នៅពេលអនាគត អាជីវកម្ម MIX TEA មានគម្រោងពង្រីកប្រភេទផលិតផល បង្កើតរសជាតិថ្មីៗ ពង្រីកទីផ្សារទូទាំងប្រទេស និងឈានទៅកាន់ទីផ្សារអន្តរជាតិ ដើម្បីធ្វើឱ្យផលិតផលខ្មែរកាន់តែមានការទទួលស្គាល់។

Address

Boeng Keng Kang 1
Phnom Penh
12302

Opening Hours

Monday 07:30 - 17:30
Tuesday 07:30 - 17:30
Wednesday 07:30 - 17:30
Thursday 07:30 - 17:30
Friday 07:30 - 17:30

Website

Alerts

Be the first to know and let us send you an email when អាជីវកម្មខ្ញុំ Our Business posts news and promotions. Your email address will not be used for any other purpose, and you can unsubscribe at any time.

Shortcuts

Share

Category