គម្រោងរេដបូក កែវសីមា I Keo Seima REDD+

19/09/2026

🐃 សត្វខ្ទីង (Bos gaurus) គឺជាប្រភេទអម្បូរគោសាទិសដែលមានមាឌធំ និងកម្លាំងខ្លាំង ដែលអាចមានទម្ងន់រហូតដល់ ១ ០០០គីឡូក្រាម សម្រាប់សត្វខ្ទីងពេញវ័យ។ ជាមួយនឹងរាងកាយដ៏មាំមួន ស្មាពោរពេញដោយសាច់ដុំ ជើងផ្នែកខាងក្រោមមានពណ៌សប្លែក និងមានស្នែងកោង ខ្ទីងអាចរស់នៅបានចាប់ពីតំបន់ទំនាបរហូតដល់តំបន់ខ្ពង់រាបដែលមានរយៈកម្ពស់រហូតដល់ ២ ០០០ម៉ែត្រ។ ខ្ទីងរស់នៅក្នុងព្រៃស្រោង ព្រៃល្បោះ វាលស្មៅ និងអាចរស់នៅតាមតំបន់ដែលមានរយៈកម្ពស់ខ្ពស់ជាងសត្វទន្សោង។

⚠️ ប៉ុន្តែនៅពីក្រោយរូបរាងដ៏គួរឱ្យចាប់អារម្មណ៍នេះ សត្វខ្ទីងកំពុងប្រឈមនឹងបញ្ហាកាន់តែច្រើនឡើងៗនៅតាមជម្រកធម្មជាតិដែលពួកវាកំពុងរស់នៅ ដែលជាកត្តាគំរាមកំហែងដល់ការរស់រានមានជីវិតរបស់សត្វព្រៃដ៏មហិមាមួយប្រភេទនេះ។

♻️ សត្វខ្ទីងមានតួនាទីសំខាន់ក្នុងការរក្សាលំនឹងប្រព័ន្ធអេកូឡូស៊ី តាមរយៈការស៊ីស្មៅ ស្លឹកឈើ និងរុក្ខជាតិផ្សេងៗ។ ខ្ទីងជួយគ្រប់គ្រង និងរៀបចំការលូតលាស់របស់រុក្ខជាតិ ខណៈដែលការធ្វើដំណើរ និងលាមករបស់វាក៏ជួយដល់ការនាំគ្រប់ពូជទៅកាន់តំបន់ថ្មីៗ និងផ្តល់សារធាតុចិញ្ចឹម ដែលរួមចំណែកដល់ការលូតលាស់ និងស្តារព្រៃឈើឡើងវិញរ។

🐾 សត្វខ្ទីងកំពុងប្រឈមមុខនឹងគ្រោះថ្នាក់ដោយសារការបរបាញ់ ការដាក់អន្ទាក់ដើម្បីយកសាច់ ស្នែង ឆ្អឹង និងការបាត់បង់ទីជម្រកធម្មជាតិដោយសារការកាប់បំផ្លាញព្រៃឈើក្នុងតំបន់ការពារធម្មជាតិ។ សត្វប្រភេទនេះត្រូវបានចុះក្នុងបញ្ជីក្រហមរបស់អង្គការ IUCN ជាប្រភេទកំពុងរងការគំរាមកំហែង។ ដូចនេះបើមិនមានការការពារ និងអភិរក្សឲ្យបានត្រឹមត្រូវទេ សត្វខ្ទីងអាចប្រឈមនឹងហានិភ័យខ្ពស់ ដែលអាចឈានទៅដល់ការផុតពូជដូចសត្វគោព្រៃផងដែរ។

🤝 សូមចូលរួមទាំងអស់គ្នា ទប់ស្កាត់ការជួញដូរសត្វព្រៃគ្រប់ប្រភេទ និងបដិសេធការបរិភោគ សាច់សត្វព្រៃ និងការយកសត្វព្រៃធ្វើជាសត្វចិញ្ចឹម។
______________________________

🐃 Gaur (Bos gaurus) is a large and powerful species of wild cattle, with fully grown individuals weighing up to 1,000 kilograms. With its robust body, muscular shoulders, distinctive white lower legs, and curved horns, the gaur can live in habitats ranging from lowlands to upland areas at elevations of up to 2,000 metres. Gaurs inhabit evergreen forests, deciduous forests, grasslands, and can also live at higher elevations than banteng.

⚠️ But behind this impressive appearance, gaurs are facing increasing challenges in the natural habitats where they live. These threats are putting the survival of this wild species at risk.

♻️ Gaurs play an important role in maintaining the balance of the ecosystem by feeding on grasses, leaves, and other plants. They help regulate and shape vegetation growth, while their movements and dung also help disperse seeds to new areas and return nutrients to the soil, which contributes to forest growth and regeneration.

🐾 Gaurs are facing threats from hunting and snaring for their meat, horns, and bones, as well as the loss of their natural habitat due to deforestation in protected areas. The species is listed on the IUCN Red List as Vulnerable. That means without effective protection and conservation measures, gaurs face increasing risks to their survival, potentially leading to further population declines and, in some areas, local extinction.

🤝 Let’s all work together to help prevent the illegal wildlife trade of all species, and reject the consumption of wildlife meat and keeping wild animals as pets.

15/09/2026

🌟 នាសប្តាហ៍កន្លងទៅនេះ អង្គការសមាគមអភិរក្សសត្វព្រៃប្រចាំកម្ពុជាសហការជាមួយការិយាល័យសេនានុព័ន្ធស៊ើបអង្កេតសន្តិសុខមាតុភូមិ (Homeland Security Investigations-HSI) នៃស្ថានទូតអាមេរិកប្រចាំកម្ពុជា បានរៀបចំវគ្គបណ្តុះបណ្តាលស្តីពី «ការស៊ើបអង្កេតបទល្មើសដឹកឈើ និងការប្រើប្រាស់ឧបករណ៍កោសល្យវិច័យឈើចល័ត ArborTron» ដល់មន្រ្តីឧទ្យានុរក្ស និង ដៃគូអភិរក្ស ចាប់ពីថ្ងៃទី៩ ដល់ ថ្ងៃទី១១ ខែកញ្ញា ឆ្នាំ២០២៦ នៅទីស្នាក់ការកណ្តាលដែនជម្រកសត្វព្រៃកែវសីមា ខេត្តមណ្ឌលគិរី ។

☘️ វគ្គបណ្តុះបណ្តាលនេះធ្វើឡើងបន្ទាប់ពីជំនួបដ៏មានអត្ថន័យ និងស្របតាមអនុសាសន៍ណែនាំរបស់ ឯកឧត្តម បណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ក្នុងការប្តេជាចិត្តការពារបរិស្ថាន និងការពារខ្សែច្រវ៉ាក់ផ្គត់ផ្គង់ ផលិតផលធនធានធម្មជាតិដែលស្របតាមច្បាប់ ជាពិសេសលើប្រភេទឈើដែលតែងតែត្រូវបានកេងប្រវ័ញ្ចដោយឧក្រិដ្ឋជនព្រៃឈើ។

🔬 តាមរយៈវគ្គបណ្តុះបណ្តាលរយៈពេល ៣ថ្ងៃនេះ មន្ត្រីឧទ្យានុរក្សបានស្វែងយល់ពីឧបករណ៍ ArborTron ដែលជាឧបករណ៍សម្រាប់ធ្វើការកំណត់អត្តសញ្ញាណឈើ ដែលជាការកំណត់ប្រភេទឈើតាមបែបវិទ្យាសាស្រ្ត ហើយតាមរយៈឧបករណ៍នេះ វាអាចជួយដល់ការពង្រឹងមូលដ្ឋានវត្ថុតាង ក្នុងការកសាងសំណុំរឿងអនុវត្តច្បាប់ប្រឆាំងទៅនឹងអ្នកប្រព្រឹត្តបទល្មើស។ ArborTron គឺជាឧបករណ៍កោសល្យវិច័យឈើចល័តដែលត្រូវបានរចនាឡើងសម្រាប់មន្ត្រីអនុវត្តច្បាប់ប្រើប្រាស់ក្នុងប្រតិបត្តិការទីវាល ដោយឧបករណ៍នេះអាចជួយកំណត់បានយ៉ាងឆាប់រហ័សថា តើឈើដែលចរាចរនោះជាប្រភេទឈើដែលត្រូវបានការពារ រឹតបន្តឹង ឬគ្រប់គ្រងតាមពាណិជ្ជកម្មដែរឬទេ និងផ្តល់លទ្ធផលភ្លាមៗ ដែលអាចជួយដល់មន្ត្រីអនុវត្តច្បាប់ធ្វើការវាយតម្លៃបទល្មើសបានយ៉ាងឆាប់រហ័ស។ បន្ថែមពីនេះ អ្នកចូលរួមបានអនុវត្តការធ្វើតេស្តជាក់ស្តែងទៅតាមសេណារីយ៉ូដែលបានរៀបចំ ក្នុងគោលដៅពង្រឹងសមត្ថភាពរបស់មន្ត្រីអនុវត្តច្បាប់នូវវីធីសាស្ត្រក្នុងការចាប់ឃាត់ខ្លួនជនសង្ស័យ ការថែរក្សាវត្ថុតាង និងការស៊ើបអង្កេតបទល្មើសធនធានធម្មជាតិ ដែលដឹកនាំដោយគ្រូបង្គោលមកពីសេនានុព័ន្ធស៊ើបអង្កេតសន្តិសុខមាតុភូមិ នៃស្ថានទូតអាមេរិកប្រចាំកម្ពុជា។

✨ លោក នេត វិបុល នាយករងអង្គការសមាគមអភិរក្សសត្វព្រៃប្រចាំកម្ពុជាបានថ្លែងអំណរគុណដល់ក្រសួងបរិស្ថាន និងស្ថានទូតអាមេរិកដែលបាននាំយកនូវឧបករណ៍បច្ចេកវិទ្យាថ្មីដែលគាំទ្រដល់ការងារអភិរក្សធនធានធម្មជាតិមកបង្ហាញជូនថ្នាក់ដឹកនាំក្រសួងបរិស្ថាន ហើយជាការឆ្លើយតប យើងបានទទួលគោលការណ៍ពីក្រសួង ដោយថ្នាក់ដឹកនាំក្រសួងបានមើលឃើញពីតម្លៃនៃការប្រើប្រាស់ឧបករណ៍ដើម្បីគាំទ្រដល់មន្ត្រីឧទ្យានុរក្ស ដូច្នេះវគ្គបណ្តុះបណ្តាលនេះបានឆ្លុះបញ្ចាំងពីភាពជាដៃគូរវាងក្រសួងបរិស្ថាន អង្គការWCS និងស្ថានទូតអាមេរិកប្រចាំកម្ពុជាក្នុងការពង្រឹង និងពង្រីកកិច្ចសហប្រតិបត្តិការលើការងារប្រឆាំងបទល្មើសបរិស្ថាន និងធនធានធម្មជាតិ ជាពិសេសការកាប់ឈើចេញពីតំបន់ការពារធម្មជាតិ។

📌 គួរបញ្ជាក់ផងដែរថា នេះជាវគ្គបណ្តុះបណ្តាលដំបូងពីឧបករណ៍ ArborTron សម្រាប់មន្ត្រីឧទ្យានុរក្សក្នុងប្រទេសកម្ពុជា ដែលមានសិក្ខាកាមសរុបចំនួន ៤៩នាក់ ក្នុងនោះមានមន្ត្រីឧទ្យានុរក្សចំនួន ៣៩នាក់ មកពីតំបន់ការពារធម្មជាតិក្នុងខេត្តមណ្ឌលគិរី និងខេត្តក្រចេះ។
--------------------------
🌟 Last week, WCS Cambodia, in collaboration with the Homeland Security Investigations (HSI) Office of the U.S. Embassy Phnom Penh, Cambodia, conducted a three-day training on “Timber Investigations and ArborTron” for park rangers and conservation partners at the Keo Seima Wildlife Sanctuary headquarters from September 9th – 11th, 2026.

☘️ This training was conducted following a meaningful engagement and recommendations from H.E. Dr. Eang Sophalleth, Minister of Environment, reaffirming the commitment to protecting the environment and safeguarding legal natural-resource supply chains – particularly timber, which is frequently exploited by forest crime networks.

🔬 During the three-day training, park rangers learned how to use ArborTron, a portable wood-forensics device that enables the scientific identification of timber species. This technology can strengthen the evidence base for environmental crime investigations by providing rapid identification results in the field and helping law enforcement officers build stronger cases against offenders. Designed for law enforcement officers in the field, ArborTron can quickly determine whether traded timber belongs to a protected, restricted, or commercially regulated species. Its immediate results can help officers quickly assess potential violations and take appropriate enforcement action. Participants also took practical, scenario-based exercises to strengthen their skills in apprehending suspects, preserving evidence, and investigating natural-resource crime. Trainers from the Homeland Security Investigations Office of the U.S. Embassy in Cambodia led the exercises.

✨ Mr. Neth Vibol, Deputy Country Director of WCS Cambodia, expressed his appreciation to the Ministry of Environment and the U.S. Embassy for introducing this innovative technology that supports natural resource conservation, and to the ministry for recognizing and approving this training. This training represents an important partnership between the Ministry of Environment, WCS Cambodia, and the U.S. Embassy in Cambodia in strengthening and expanding cooperation in combating environmental and natural-resource crimes – particularly illegal timber extracted from protected areas.

📌 This was the first ArborTron training for park rangers in Cambodia, bringing together 49 trainees, including 39 park rangers from protected areas across Mondulkiri and Kratie provinces.

🤝 Through the integration of field experience, advanced scientific technology, and robust partnerships, Cambodia’s conservation teams are now better prepared to identify environmental crimes, enhance evidence-based enforcement, and safeguard the nation’s natural heritage.

10/09/2026

🚰 សហគមន៍ចំនួន ២០ភូមិ ក្នុងដែនជម្រកសត្វព្រៃកែវសីមា ទទួលបានអណ្តូងទឹកស្អាត និងប្រព័ន្ធចែកចាយទឹកស្អាតតាមរយៈការគាំទ្រពីគម្រោងរេដបូកកែវសីមា។

💧នៅក្នុងរដូវប្រាំង ប្រភពទឹកធម្មជាតិដូចជា៖ អូរ ត្រពាំង បឹងបួរ ត្រូវបានរីងស្ងួតជាបន្តបន្ទាប់ ដែលបង្កការលំបាកដល់ប្រជាសហគមន៍ក្នុងការស្វែងរកទឹកសម្រាប់ប្រើប្រាស់ ជាពិសេសនៅតាមភូមិឃុំដាច់ស្រយាល។ អ្នកស្រី មួច ពើញ ដែលជាសមាជិកសហគមន៍រស់នៅភូមិពូកេះបានលើកឡើងថា៖ «កាលពីមិនទាន់មានអណ្តូងទឹកស្អាត ខ្ញុំប្រើទឹកថ្លុក ឬទឹកអូរ។ នៅរដូវប្រាំង ខ្ញុំមិនមានទឹកគ្រប់គ្រាន់សម្រាប់ប្រើប្រាស់ឡើយ ហើយត្រូវធ្វើដំណើរទៅឆ្ងាយដើម្បីដងយកមកប្រើប្រាស់ប្រចាំថ្ងៃ ហើយមានពេលខ្លះត្រូវរង់ចាំយូរទម្រាំ មានទឹកគ្រប់គ្រាន់ដើម្បីដង។»

🍃 ក្រោយពីទទួលបាន អណ្តូងស្នប់ អណ្តូងម៉ូទ័រ និងប្រព័ន្ធចែកចាយទឹកស្អាតដោយថាមពលសូឡា ប្រជាសហគមន៍ក្នុងដែនជម្រកសត្វព្រៃកែវសីមា លែងមានកង្វល់ពីការប្រើប្រាស់ទឹកដូចមុនទៀតហើយ ពីព្រោះ អណ្តូងស្នប់ អណ្តូងម៉ូទ័រ និងប្រព័ន្ធទឹកស្អាតដែលគម្រោងបានជួយគាំទ្រនេះ បានផ្គត់ផ្គង់ទឹកនៅសហគមន៍នីមួយៗបានគ្រប់គ្រាន់។ លោក ប្រូច សាមុល សមាជិកសហគមន៍ភូមិពូង៉ោល បានលើកឡើងថា៖ «ខ្ញុំមានអារម្មណ៍សប្បាយចិត្តណាស់ នៅពេលដែលខ្ញុំមានអណ្តូងទឹកស្អាតប្រើប្រាស់ ពីព្រោះខ្ញុំប្រើពេលតិចដើម្បីបានទឹកស្អាតប្រើប្រាស់ ហើយសល់ពេលវេលាធ្វើការងារផ្សេងៗបានច្រើន ដូចជាធ្វើស្រែចម្ការ ជាដើម។»

🌳ក្រៅពីការគាំទ្រផ្នែកទឹកស្អាត សហគមន៍ក្នុងគម្រោងរេដបូកកែវសីមា បានទទួលអត្ថប្រយោជន៍ជាច្រើនផ្សេងទៀតដូចជា៖ ការជួសជុលផ្លូវ ដាក់អំពូលសូឡាបំភ្លឺផ្លូវ ចែកសម្ភារសិក្សាឲ្យសិស្សានុសិស្ស ផ្តល់ការបង្រៀនថ្នាក់ភាសាអង់គ្លេសក្រៅម៉ោង ផ្តល់អាហាររូបករណ៍ថ្នាក់វិទ្យាល័យដល់សិស្សានុសិស្ស ផ្តល់ពូជគោសម្រាប់ចិញ្ចឹមយកកូន ព្រមទាំងគាំទ្រជាថវិកា និងសម្ភារលើសកម្មភាពល្បាតព្រៃសហគមន៍ដែលជាគោលដៅចម្បងក្នុងការអនុវត្តគម្រោងរេដបូកកែវសីមា។
____________________________________

🚰 Twenty villages in Keo Seima Wildlife Sanctuary have received wells and clean water systems with support from the Keo Seima REDD+ Project.

💧 During the dry season, natural water sources such as streams, ponds, and lakes can dry up, making it difficult for community members, particularly in remote areas, to access enough water for their daily needs. Ms. Mouch Pernh, a community member from Pu Keh Village, shared, “Before we had access to a clean water well, I used water from springs or streams. During the dry season, there was not enough water for our daily needs, so I had to travel long distances to collect it. Sometimes, I had to wait a long time until enough water was available to bring home.”

🍀 After receiving hand-pump wells, motorized wells, and solar-powered clean water systems, community members in Keo Seima Wildlife Sanctuary face fewer challenges accessing water than before. These systems provide communities with more reliable access to clean water. Mr. Proch Samul, a community member from Pu Ngaol Village, shared, “I am very happy to have access to clean water. I spend much less time collecting it, which gives me more time for other important activities, such as farming and working in the fields.”

🌳 In addition to clean water support, communities participating in the Keo Seima REDD+ Project have received other benefits, including road improvements, solar-powered street lighting, school supplies, after-school English classes, high school scholarships, and cattle for breeding. The project also provides financial and material support for community forest patrols, a key part of project implementation.

06/09/2026

🐻ខ្លាឃ្មុំធំ (Ursus thibetanus) គឺជាខ្លាឃ្មុំដែលមានទំហំមធ្យម ច្រើនមានសកម្មភាពនៅពេលយប់ និងជាសត្វដែលមានសមត្ថភាពឡើងដើមឈើបានយ៉ាងស្ទាត់ជំនាញ។ វាតែងតែសម្រាកនិងស្វែងរកចំណីនៅលើដើមឈើ។ ខ្លាឃ្មុំធំ ជាសព្វាសីដែលស៊ីទាំងរុក្ខជាតិ និងសាច់រួមមាន៖ ផ្លែឈើ គ្រាប់រុក្ខជាតិ សត្វល្អិត ទឹកឃ្មុំ និងសត្វតូចៗជាដើម។

♻️ខ្លាឃ្មុំធំ មានតួនាទីសំខាន់ក្នុងប្រព័ន្ធអេកូឡូស៊ីព្រៃឈើ។ តាមរយៈការស៊ីផ្លែឈើជាច្រើនប្រភេទ ពួកវាបានជួយពង្រាយគ្រាប់ពូជទៅតំបន់ផ្សេងៗក្នុងព្រៃដែលជួយដល់ការស្តារព្រៃឈើឡើងវិញតាមធម្មជាតិ។ ដោយសារវាជាសត្វដែលត្រូវការតំបន់រស់នៅធំទូលាយ វត្តមានរបស់វាក៏អាចជាសូចនាករមួយបង្ហាញពីសុខភាពនៃប្រព័ន្ធអេកូឡូស៊ីព្រៃឈើផងដែរ។

🐾បច្ចុប្បន្នខ្លាឃ្មុំធំកំពុងប្រឈមនឹងការគំរាមកំហែងធ្ងន់ធ្ងរដូចជា ការបាត់បង់ទីជម្រក ការបរបាញ់ខុសច្បាប់ ព្រមទាំងការជួញដូរសត្វព្រៃខុសច្បាប់។ ពួកវាក៏ត្រូវបានបរបាញ់ដោយខុសច្បាប់ដើម្បីយកសំណាកនៃរាងកាយដើម្បីផលិតជាឱសថបុរាណផងដែរ។

🚫 ការបរបាញ់ ឬការជួញដូរសត្វព្រៃ គឺជាអំពើខុសច្បាប់។

🤝 សូមចូលរួមទាំងអស់គ្នា ទប់ស្កាត់ការជួញដូរសត្វព្រៃគ្រប់ប្រភេទ និងបដិសេធការបរិភោគសាច់សត្វព្រៃ និងការយកសត្វព្រៃធ្វើជាសត្វចិញ្ចឹម។
____________________________

🐻The Moon Bear (Ursus thibetanus), also known as the Asiatic Black Bear, is a medium-sized forest bear. It is mainly active at night and is an excellent climber, often resting and feeding in trees. As an omnivore, it eats fruits, nuts, insects, honey, and small animals.

♻️Moon bears play an important role in forest ecosystems. By eating a wide variety of fruits, they help disperse seeds across the forest, supporting natural forest regeneration. They also feed on insects and break apart logs while searching for food, helping recycle nutrients and maintain healthy forest habitats. As a wide-ranging forest species, their presence can also indicate the health and connectivity of the forest ecosystem.

🐾Moon bears face serious threats, including habitat loss and forest fragmentation, illegal hunting and poaching, and the illegal wildlife trade. They are also sometimes hunted for their body parts for traditional medicine.

🚫 Hunting or trafficking wildlife is illegal.

🤝 Let's join together to stop the trafficking of all types of wildlife, don’t consume wild meat, and refrain from keeping wild animals as pets.

04/09/2026

📚🌳 គម្រោងរេដបូកកែវសីមាលើកស្ទួយការអប់រំរបស់សិស្សានុសិស្សនៅតាមតំបន់ដាច់ស្រយាល

💵 តាមរយៈថវិកាសម្រាប់សហគមន៍ (C4C) ដែលទទួលបានពីការអនុវត្តគម្រោងរេដបូកកែវសីមា សមាជិកសហគមន៍ជនជាតិដើមភាគតិចព្នងភូមិស្រែអុី បានឯកភាពគ្នាក្នុងការបែងចែកអត្ថប្រយោជន៍ដែលបានមកពីថវិកាC4C ក្នុងការលើកកម្ពស់ការសិក្សារបស់សិស្សកម្រិតបឋមសិក្សា ដោយផ្តល់ជូនសិស្សានុសិស្សដែលសិក្សានៅសាលាបឋមសិក្សាស្រែអុី នូវសម្ភារសិក្សាមួយចំនួនដូចជា៖ សៀវភៅ ប៊ិច ខ្មៅដៃ ឯកសណ្ឋានសិស្ស និងឯកសណ្ឋានកីឡា សម្រាប់ជាការលើកទឹកចិត្ត និងជម្រុញឲ្យសិស្សចុះឈ្មោះចូលរៀនកាន់តែច្រើន។ បន្ថែមពីនេះ ដោយមានសំណើពីលោកនាយករងសាលា សហគមន៍ក៏បានមូលមតិគ្នាក្នុងការប្រើប្រាស់ថវិកាC4C ក្នុងការគាំទ្រការសាងសង់ហេដ្ឋារចនាសម្ព័ន្ធក្នុងសាលា និងគ្រឿងបរិក្ខារក្នុងទីចាត់ការ ដែលក្នុងនោះរួមមាន៖ ម៉ាស៊ីនព្រីន ទូដាក់ឯកសារ កង្ហារភ្ជាប់ជញ្ជាំងចំនួន ៣០គ្រឿង រៀបចំសួនជីវៈចម្រុះ សាងសង់អគារថ្នាក់មត្តេយ្យ សាងសង់រូបសំណាកព្រះបាទជ័យវវ្ម័នទី៧ និងចាក់បេតុងក្នុងទីធ្លាសាលារៀន។

🥇 ដើម្បីជាការលើកទឹកចិត្ត និងកោតសរសើរដល់ការខិតខំប្រឹងប្រែងសិក្សារបស់សិស្សានុសិស្ស សាលាបឋមសិក្សាស្រែអុី បានរៀបចំកម្មវិធីប្រគល់ប័ណ្ណសរសើរដល់សិស្សដែលជាប់ចំណាត់ថ្នាក់ពីលេខ១ ដល់ លេខ៣ ចំនួន ១៨នាក់ និងបំពាក់មេដាយដល់លោកគ្រូ អ្នកគ្រូ ដែលបានយកចិត្តទុកដាក់បង្រៀនសិស្សឲ្យមានចំណេះដឹង និងសុជីវធម៌ប្រកបដោយវិន័យ ស្របតាមផែនការយុទ្ធសាស្រ្តរបស់ក្រសួងអប់រំ។

💫 ព្រមជាមួយគ្នានេះដែរ សាលាបឋមសិក្សាស្រែអុីក៏បានប្រគល់លិខិតថ្លែងអំណរគុណដល់សហគមន៍ជនជាតិដើមភាគតិចព្នងភូមិស្រែអុី គម្រោងរេដបូកកែវសីមាតាមរយៈអង្គការសមាគមអភិរក្សសត្វព្រៃWCS និងអង្គការដៃគូ ដែលបានចូលរួមចំណែកក្នុងការគាំទ្រដល់ការសិក្សាអប់រំរបស់សិស្ស ដែលនេះបានបង្ហាញពីការជ្រោមជ្រែងយ៉ាងពេញទំហឹង របស់សហគមន៍ និងដៃគូអភិវឌ្ឍន៍ក្នុងការលើកកម្ពស់ការសិក្សារបស់សិស្ស និងធ្វើឲ្យប្រសើរឡើងនូវហេដ្ឋារចនាសម្ព័ន្ធរបស់សាលានៅតាមតំបន់ដាច់ស្រយាល។

📖🎓 ការពង្រឹងការអប់រំគឺជាគោលដៅមួយក្នុងចំណោមគោលដៅផ្សេងទៀតរបស់គម្រោងរេដបូកកែវសីមា ដែលបានបែងចែកអត្ថប្រយោជន៍ពីការលក់ឥណទានកាបូន តាមរយៈការការពារព្រៃឈើ និងសត្វព្រៃ ដោយមានការចូលរួមពីសហគមន៍ និងអាជ្ញាធរមូលដ្ឋាន។ អត្ថប្រយោជន៍ទាំងនេះត្រូវបានផ្តល់ជូនទៅតាមសហគមន៍នីមួយៗក្នុងគម្រោង ដើម្បីផ្តល់លទ្ធភាពដល់សហគមន៍ក្នុងការរៀបចំផែនការអភិវឌ្ឍន៍សហគមន៍ស្របទៅតាមតម្រូវការ និងការសម្រេចចិត្តរបស់សហគមន៍។ ក្រៅពីសហគមន៍ជនជាតិដើមភាគតិចព្នងភូមិស្រែអុី សហគមន៍ក្នុងភូមិចំនួន១៩ ផ្សេងទៀតក៏ទទួលបានអត្ថប្រយោជន៍ពីការបែងចែកភាគលាភដែលបានមកពីការលក់ឥណទានកាបូនក្នុងគម្រោងរេដបូកកែវសីមាផងដែរ។ ក្នុងនោះសហគមន៍នីមួយៗបានពិភាក្សាកំណត់គោលដៅសកម្មភាពអាទិភាពរួម ស្របទៅតាមតម្រូវការរបស់ភូមិនីមួយៗ ហើយវិស័យអប់រំត្រូវបានចាត់ថ្នាក់ជាគោលដៅអាទិភាពក្នុងការអភិវឌ្ឍធនធានមនុស្សក្នុងសហគមន៍ផងដែរ។
--------------------------
📚🌳 Keo Seima REDD+ Project Supports Education in Remote Communities

💵 Through Cash for Communities (C4C) generated from the carbon credit sale of the Keo Seima REDD+ Project, Indigenous Bunong community members in Sre I village have allocated their benefit-sharing fund to support primary school education in their village.

📖 With this support, each student at Sre I primary school received essential study materials, including books, pens, pencils, school uniforms, and sports outfits. This initiative demonstrates the strong commitment of community in promoting education, encouraging more student enrollment, and creating a better learning environment for students in the remote community. In addition, the community also contributed their C4C funds to improve school infrastructure and administrative facilities. These contributions include a printer, document cabinet, 30 wall-mounted fans, a biodiversity garden, a new kindergarten classroom building, a statue of King Jayavarman VII, and concrete paving in the school compound.

🥇 To recognize students’ academic achievements, the school also organized an awards ceremony to honor 18 students who ranked from first to third place in academic year 2025-2026. While teachers were also presented with medals in recognition of their commitment to providing knowledge and guidance for students in line with the strategic direction of Cambodia’s Ministry of Education, Youth and Sport.

💫 During the ceremony, the school also presented letters of appreciation to the Sre I Indigenous Bunong community, the Keo Seima REDD+ project through WCS Cambodia, and partner organizations for their valuable contributions in improving education and strengthening school facilities in remote areas.

📖🎓 Education is one of the key priorities of the Keo Seima REDD+ Project, in which benefits that communities received generated from the sale of carbon credits through the protection of forest and wildlife with the participation of local communities and authorities. The C4C funds are allocated to 20 participating communities in the Keo Seima REDD+ Project, enabling them to allocate funds for community development activities based on their priorities and decision-making processes. Through community discussions and participatory decision-making, each village identifies priority activities that respond to its specific needs. Among those, education has consistently emerged as an important priority in investing in human resources and creating better opportunities for future generations.
+

03/09/2026

🌳 ថ្នាលបណ្ដុះកូនឈើខ្នាតធំមួយទៀតបានសាងសង់រួចរាល់!

🌟យើងមានសេចក្តីសោមនស្សរីករាយណាស់ដែលថ្នាលបណ្តុះកូនឈើថ្នាក់តំបន់នៃស្នាក់ការកណ្តាលនៃដែនជម្រកសត្វព្រៃកែវសីមា បានសាងសង់រួចរាល់ជាស្ថាពរដោយរួមជាមួយប្រព័ន្ធទឹកស្រោចស្រពកូនឈើទៀតផង។ ថ្នាលបណ្តុះកូនឈើថ្នាក់តំបន់នេះមានសមត្ថភាពផ្ទុកកូនឈើបានប្រមាណចំនួន ៣០០ ០០០ដើម។

✨ អង្គការ WCS កម្ពុជា ក្រោមការគាំទ្រពីគម្រោងរេដបូកកែវសីមា (Keo Seima REDD+) បាននិងកំពុងសហការយ៉ាងជិតស្និទ្ធជាមួយក្រសួងបរិស្ថានដើម្បីពង្រឹងកិច្ចខិតខំប្រឹងប្រែងក្នុងការដាំស្តារព្រៃឈើឡើងវិញស្របតាមយុទ្ធសាស្រ្តចតុកោណរបស់រាជរដ្ឋាភិបាល និងតាមយុទ្ធសាស្ត្រចក្រាបរិស្ថានឆ្នាំ ២០២៣–២០២៨ របស់ក្រសួងបរិស្ថាន។

🪴 ការគាំទ្រនេះផ្តោតលើការអភិវឌ្ឍថ្នាលបណ្តុះកូនឈើថ្នាក់តំបន់នៅភូមិភាគឦសាននៃប្រទេសកម្ពុជា និងកែលម្អហេដ្ឋារចនាសម្ព័ន្ធថ្នាល ដើម្បីបណ្តុះកូនឈើដែលមានគុណភាពល្អ ស្របទៅតាមបរិយាកាស និងសណ្ឋានដីប្រទេសកម្ពុជា។ ក្នុងនោះ គម្រោងបានគាំទ្រដល់ហេដ្ឋារចនាសម្ព័ន្ធថ្នាលដែលរួមមានប្រព័ន្ធទឹកស្រោចស្រព ការសាងសង់ខ្លោងទ្វារថ្នាលបណ្តុះកូនឈើថ្នាក់តំបន់ ព្រមទាំងគ្រាប់ពូជ បច្ចេកទេសបណ្តុះកូនឈើ និងការថែទាំកូនឈើនៅថ្នាលបណ្តុះកូនឈើថ្នាក់តំបន់នៃដែនជម្រកសត្វព្រៃកែវសីមា។

🌿 ក្នុងឆ្នាំ២០២៦នេះ គម្រោងរេដបូកកែវសីមាបានគាំទ្រសកម្មភាពបណ្តុះកូនឈើជាច្រើនប្រភេទដែលមានសរុបចំនួន ១១០ ០០០ដើម រួមមាន៖ បេង កកោះ ធ្នង់ ស្រល់ គគីរ និងឈើហូបផ្លែ…។ល។ កូនឈើទាំងនេះនឹងត្រូវយកទៅគាំទ្រលើការងារដាំស្តារព្រៃឈើឡើងវិញនៅក្នុងដែនជម្រកសត្វព្រៃកែវសីមា ព្រមទាំងចែកចាយទៅតាមសហគមន៍មូលដ្ឋាន តាមរយៈយុទ្ធនាការពន្លកបៃតង ក្នុងគោលដៅស្តារគម្របព្រៃឈើ និងពង្រឹងភាពធន់នឹងអាកាសធាតុ។

🌱 សម្រាប់ឆ្នាំ២០២៧ គម្រោងមានផែនការបណ្តុះកូនឈើចំនួន ១៥០ ០០០ដើម បន្ថែមទៀត ដើម្បីបង្កើនភាពចម្រុះនៃប្រព័ន្ធអេកូឡូស៊ី និងផ្តល់អត្ថប្រយោជន៍បន្ថែមដល់សហគមន៍មូលដ្ឋាន និងភពផែនដីទាំងមូល។

____________________

🌟 We are pleased to announce that the regional tree nursery at the headquarters of Keo Seima Wildlife Sanctuary has now been fully completed, including an irrigation system. The regional tree nursery has the capacity to accommodate up to 300,000 seedlings.

✨ With support from the Keo Seima REDD+ Project, WCS Cambodia has been working closely with the Ministry of Environment to strengthen forest restoration efforts in line with the Rectangular Strategy of the Royal Government of Cambodia and Ministry of Environment’s 2023-2028 Circular Strategy.

🪴 This support focuses on developing regional tree nurseries in eastern Cambodia and improving nursery infrastructure to produce high-quality seedlings that are well adapted to Cambodia's environment and soil conditions. The project has supported the installation of an irrigation system and the construction of the entrance gate for the regional tree nursery in Keo Seima Wildlife Sanctuary headquarters.

🌿 In 2026, the Keo Seima REDD+ Project supported the production of 110,000 native tree seedlings, including Beng (Afzelia xylocarpa, Kurz Craib), Korkoh (Sindora cochinchinensis, Baill), Thnong (Pterocarpus macrocarpus, Kurz), Srorl (Pinus merkusii, Jungh & de Vries), Koki (Hopea odorata, Roxb), etc. These seedlings will be used to support forest restoration activities within Keo Seima Wildlife Sanctuary and will also be distributed to local communities through the Green Sprout Campaign to help restore forest cover and strengthen climate resilience.

🌱 Looking ahead to 2027, the project aims to produce an additional 150,000 tree seedlings to restore degraded forest and provide long-term benefits to local communities and the planet.

02/09/2026

🎉 🎓 អបអរសាទរដស់សិស្សានុសិស្សដែលទទួលបានលទ្ធផលល្អក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២៥-២០២៦ ដែលក្នុងនោះមានសិស្សអាហារូបករណ៍របស់គម្រោងរេដបូកកែវសីមាចំនួន ១៩នាក់ ផងដែរ។ ភាពជោគជ័យនេះមិនមែនកើតដោយចៃដន្យនោះទេ ប៉ុន្តែជាលទ្ធផលនៃការខិតខំប្រឹងប្រែង តស៊ូ អត់ធ្មត់ និងការប្តេជ្ញាចិត្តក្នុងការជំនះរាល់ឧបសគ្គនានាក្នុងការក្រេបយកចំណេះវិជ្ជា។

👩‍🎓 ជាសិស្សមកពីវិទ្យាល័យហ៊ុនសែនកែវសីមា យុវតី សាក់ សម្ភស្ស បានបង្ហាញការត្រេកអរជាមួយលទ្ធផលនិទ្ទេសB ដែលនាងទើបតែទទួលបាន។ នាងបានចែករំលែកឲ្យដឹងដែរថា «ខ្ញុំសប្បាយចិត្តណាស់នៅពេលដែលដឹងថាខ្ញុំទទួលបាននិទ្ទេសB ព្រោះវាជាអ្វីដែលខ្ញុំបានរំពឹងទុក និងខិតខំប្រឹងប្រែងសិក្សានាពេលកន្លងមក។ លទ្ធផលជាទីគាប់ប្រសើរនេះអាចទទួលបានក៏ដោយសារការគាំទ្ររបស់គម្រោងរេដបូកកែវសីមាដែលបានជួយជម្រុញការសិក្សារបស់ខ្ញុំតាមរយៈការបង្រៀនបន្ថែមលើមុខវិជ្ជាសំខាន់ៗ សម្រួលដល់ការស្នាក់នៅ ម្ហូបអាហារ និងការសិក្សានៅថ្នាក់វិទ្យាល័យ។» សម្ភស្សជាសិស្សជនជាតិដើមភាគតិចព្នងមកពីតំបន់ដាច់ស្រយាលម្នាក់ក្នុងចំណោមសិស្សអាហារូបករណ៍របស់គម្រោងរេដបូកកែវសីមា ដែលទទួលបានការគាំទ្រលើការសិក្សាតាំងពីថ្នាក់ទី១០ រហូតដល់បញ្ចប់ថ្នាក់ទី១២។

📚 តាមរយៈការគាំទ្ររបស់គម្រោង សម្ភស្ស និងសិស្សអាហារូបករណ៍ទាំង ១៩នាក់ផ្សេងទៀត ទទួលបានទីកន្លែងស្នាក់នៅនៅទីរួមស្រុកកែវសីមា ប្រាប់ឧបត្ថម្ភប្រចាំខែ ម្នាក់៦០ដុល្លារ ឯកសណ្ឋានសិស្ស និងការបង្រៀនគួរក្រៅម៉ោង ដើម្បីពង្រឹងសមត្ថភាព និងចំណេះដឹងរបស់ពួកគេឲ្យបានល្អប្រសើរ។ ជាមួយគ្នានេះ សម្ភស្សបានបន្ថែមដែរថា «បើអត់មានអាហារូបករណ៍ពីគម្រោងរេដបូកកែវសីមាទេ ខ្ញុំអាចនឹងបោះបង់ការសិក្សា ព្រោះឪពុករបស់ខ្ញុំទើបតែទទួលមរណភាព ដែលធ្វើឲ្យប៉ះពាល់ដល់ជីវភាពគ្រួសារ ហើយម្តាយខ្ញុំក៏មានវ័យចំណាស់ មិនអាចរកថវិកាដើម្បីផ្គត់ផ្គង់ការសិក្សារបស់ខ្ញុំបានទេ។ តែក្រោយទទួលបានអាហារូបករណ៍នេះមក ខ្ញុំអាចបន្តការសិក្សាថ្នាក់វិទ្យាល័យបានដោយចប់ចុងចប់ដើម និងបានជួយកាត់បន្ថយការខ្វះខាតរបស់គ្រួសារខ្ញុំ។»

🌱 មិនខុសគ្នាពីយុវតីខាងលើ យុវតី មូល តុលា បានរៀបរាប់ទាំងក្តុកក្តួលថា «ប្រសិនបើអត់មានអាហារូបករណ៍នេះ ខ្ញុំអត់បានបន្តការសិក្សាដល់បច្ចុប្បន្នទេ ដោយសារស្ថានភាពគ្រួសារលំបាក ហើយមិនមានមធ្យោបាយធ្វើដំណើរទៅសាលារៀន ដោយសារចង្ងាយពីផ្ទះទៅវិទ្យាល័យមានចម្ងាយជិត ៦៥គីឡូម៉ែត ដែលជាបញ្ហាប្រឈមធ្វើឲ្យខ្ញុំពិបាកក្នុងការបន្តការសិក្សា។» តុលាជាយុវតីជនជាតិដើមភាគតិច ជាកូនទី៦ ក្នុងចំណោមបងប្អូន ៨នាក់ ដែលមានឪពុកម្តាយជាកសិករ រស់នៅភូមិក្មូម ឃុំស្រែឈូក ស្រុកកែវសីមា ខេត្តមណ្ឌលគិរី។ អ្នករស់នៅទីនេះ ភាគច្រើនប្រកបរបរធ្វើស្រែចំការ និងពឹងអាស្រ័យលើធនធានធម្មជាតិក្នុងតំបន់ ប៉ុន្តែតុលាមិនចង់ពឹងអាស្រ័យលើធនធានធម្មជាតិទាំងស្រុងនោះទេ។ តុលាមានបំណងចង់ធ្វើការជាបុគ្គលិកអង្គការ ព្រោះយុវតីរូបនេះចង់ចូលរួមចំណែកជួយដោះស្រាយបញ្ហាក្នុងសហគមន៍ និងយកចំណេះជំនាញដែលនាងមានមកអភិវឌ្ឍសហគមន៍ឲ្យបានរីកចម្រើន។

🍀 តុលាជាសិស្សដែលខិតខំជំនះគ្រប់ឧបសគ្គក្នុងការសិក្សា ទោះបីជាត្រូវឆ្លងកាត់ការលំបាក និងការតស៊ូយ៉ាងណាក៏ដោយ ព្រោះយុវតីរូបនេះយល់ថា មានតែចំណេះដឹងទេដែលអាចជាស្ពាននាំឲ្យនាង និងគ្រួសារមានជីវភាពល្អប្រសើរ។ ក្នុងចំណោមបងប្អូនទាំង ៨នាក់ មានតែតុលាម្នាក់ទេដែលអាចបញ្ចប់ការសិក្សាថ្នាក់វិទ្យាល័យ ដែលនេះជារឿងដ៏មោទនភាពមួយសម្រាប់គ្រួសាររបស់តុលា។ លោក លើ មូល ដែលជាឪពុករបស់តុលាបានប្រាប់ឲ្យដឹងដែរថា «ខ្ញុំចង់ជម្រុញកូនឲ្យមានចំណេះដឹង កុំឲ្យងងឹត ល្ងង់ដូចខ្ញុំដូច្នេះ អត់កើតទេ។» ព្រមជាមួយគ្នានេះ លោកក៏សូមអរគុណដល់គម្រោងរេដបូកកែវសីមាដែលបានផ្តល់អាហារូករណ៍ដល់សិស្សជនជាតិដើមភាគតិចដែលមានជីវភាពខ្វះខាតដូចជាកូនរបស់លោក ហើយលោកសង្ឃឹមថាតុលានឹងរកបានការងារល្អ និងមានអនាគតល្អប្រសើរ។

🌈 គម្រោងរេដបូកកែវសីមា តាមរយៈអង្គការWCS សូមចូលរួមអបអរសាទរដល់បេក្ខជនប្រឡងសញ្ញាបត្រមធ្យមសិក្សាទុតិយភូមិទាំងអស់ដែលបានសម្រេចនូវសមិទ្ធផលដ៏អស្ចារ្យសម្រាប់ខ្លួនឯង គ្រួសារ និងសង្គមជាតិ។ ជោគជ័យនេះគឺជាជំហានមួយឆ្ពោះទៅរកអនាគតដ៏ត្រចះត្រចង់ និងជាកត្តាជម្រុញឲ្យយើងទាំងអស់គ្នាបន្តឈោងចាប់ក្តីស្រមៃ ដោយជឿជាក់លើសមត្ថភាពខ្លួនឯង ដើម្បីចូលរួមចំណែកជាធនធានដែលមានសក្តានុពលសម្រាប់ការរីកចម្រើនរបស់សង្គម និងប្រទេសជាតិ។
+

31/08/2026

18/08/2026

🌟 នាសប្តាហ៍កន្លងទៅនេះ យើងបានប្រារព្ធទិវាអន្តរជាតិជនជាតិដើមភាគតិចពិភពលោកនៅខេត្តស្ទឹងត្រែង ដែលសហគមន៍ជនជាតិដើមភាគតិចមកពីទូទាំងប្រទេសកម្ពុជាបានជួបជុំគ្នាដើម្បីផ្លាស់ប្តូរវប្បធម៌ និងបទពិសោធន៍ទៅវិញទៅមក។

🏺 ដើម្បីជាការគោរពដល់ការចូលរួមចំណែករបស់ជនជាតិដើមភាគតិច និងការទទួលស្គាល់ពីការដឹកនាំរបស់ជនជាតិដើមភាគតិចក្នុងការការពារ អភិរក្សព្រៃឈើ យើងសូមចែករំលែកវីដេអូខ្លីមួយដែលបង្ហាញពីភាពចម្រុះនៃជនជាតិដើមភាគតិចដែលកំពុងរស់នៅក្នុងប្រទេសកម្ពុជា។
--------------------------
🌟 Last week, we celebrated the International Day of the World’s Indigenous Peoples in Stung Treng Province, where Indigenous communities from across Cambodia gathered to exchange their cultures and experiences.

🏺 In honoring their contribution, respecting their rights, and recognizing the Indigenous leadership in forest protection, we would like to share a video that highlights the diversity of the Indigenous communities that are living in Cambodia.

12/08/2026

🎊🐘 រីករាយទិវាសត្វដំរីពិភពលោក!

🐘 ដំរីអាស៊ី (Elephas maximus) គឺជាថនិកសត្វរស់នៅលើដីមានមាឌធំបំផុតក្នុងប្រទេសកម្ពុជា ហើយក៏ជាប្រភេទសត្វព្រៃដ៏លេចធ្លោមួយរបស់ប្រទេសកម្ពុជាផងដែរ។ ដំរីធ្វើដំណើរឆ្លងកាត់ព្រៃឈើដើម្បីស្វែងរកអាហារ និងទឹក ហើយដើរតួនាទីយ៉ាងសំខាន់ក្នុងការរក្សាលំនឹងប្រព័ន្ធអេកូឡូស៊ី ដោយជួយពង្រាយគ្រាប់ពូជរុក្ខជាតិ បង្កើតផ្លូវធម្មជាតិក្នុងព្រៃ និងជួយបង្កើតជម្រកដែលផ្តល់អត្ថប្រយោជន៍ដល់រុក្ខជាតិ និងសត្វជាច្រើនប្រភេទ។

🌿 ទោះបីជាដំរីអាស៊ីមានមាឌធំ និងកម្លាំងខ្លាំងក៏ដោយ ក៏ពួកវាកំពុងប្រឈមនឹងការគំរាមកំហែងកាន់តែខ្លាំង ឡើងដោយសារការបាត់បង់ទីជម្រក ការដាក់អន្ទាក់ និងជម្លោះរវាងមនុស្សនិងដំរី។ នៅពេលព្រៃឈើរួមតូច និងប្រភពអាហារថយចុះ ដំរីអាចចូលទៅក្នុងចម្ការរបស់ប្រជាពលរដ្ឋដើម្បីស្វែងរកអាហារ ដែលបង្កឱ្យមានបញ្ហាប្រឈមទាំងមនុស្សនិងសត្វដំរី។

🤝 ការការពារដំរីអាស៊ី គឺជាការការពារព្រៃឈើរបស់កម្ពុជា និងជាការគាំទ្រដល់ការរស់នៅក្នុងទីជម្រករួមគ្នាប្រកបដោយសុខដុមរវាងមនុស្ស និងសត្វព្រៃ។ តាមរយៈការអភិរក្សព្រៃឈើដោយការសហការជាមួយសហគមន៍មូលដ្ឋាន យើងអាចជួយធានាថាសត្វព្រៃដ៏អស្ចារ្យទាំងនេះនឹងបន្តមានវត្តមានសម្រាប់មនុស្សជំនាន់ក្រោយ។

💚 រាល់សកម្មភាពការពារធម្មជាតិគឺជាការរួមចំណែកក្នុងការធានាអនាគតមួយ ដែលដំរី និងមនុស្សអាចរស់នៅក្នុងទីជម្រករួមគ្នាប្រកបដោយសុខដុម។
______________________________

🎊🐘 Happy World Elephant Day!

🐘 The Asian Elephant (Elephas maximus) is Cambodia's largest land mammal and one of the country's most iconic wildlife species. Roaming forests in search of food and water, these gentle giants play a vital role in maintaining healthy ecosystems by dispersing seeds, creating forest pathways, and shaping habitats that benefit countless other plants and animals.

🌿 Despite their size, Asian Elephants face growing threats from habitat loss, forest fragmentation, snaring, and escalating human-elephant conflict. As forests shrink and food sources decline, elephants may enter farmlands in search of food, creating challenges for both people and wildlife.

🤝 Protecting Asian Elephants means safeguarding Cambodia's forests and supporting peaceful coexistence between people and wildlife. Conserving connected forest landscapes and collaborating with local communities can help ensure these magnificent animals continue to thrive for generations to come.

💚 Every action to protect nature helps secure a future where elephants and people can live side by side.