Media for Peace Alliance - MPA

28/09/2026

28/09/2026

កម្មវិធី បទបង្ហាញពីស្ថានភាពតម្លាភាពលទ្ធកម្មសាធារណៈនៅថ្នាក់ជាតិ និងក្រោមជាតិ ២០២៥-២០២៦ ដែលរៀបចំឡើងដោយក្រុមការងារដើម្បីសិទ្ធិទទួលបានព័ត៌មាន(A2I WG) ដឹកនាំដោយ វិទ្យាស្ថានតស៊ូមតិ និងគោលនយោបាយ (API)

14/09/2026

ក្នុងសម័យដែលបច្ចេកវិទ្យាឌីជីថល និងបណ្តាញសង្គមកំពុងរីកចម្រើនយ៉ាងឆាប់រហ័ស សារព័ត៌មានពលរដ្ឋ កាន់តែមានតួនាទីសំខាន់ក្នុងការចូលរួមចែករំលែកព័ត៌មានដែលកើតមាននៅក្នុងមូលដ្ឋាន។
តាមរយៈការប្រើប្រាស់ឧបករណ៍ឌីជីថល និងបណ្តាញសង្គម ប្រជាពលរដ្ឋ យុវជន និងបណ្តាញសហគមន៍ អាចចូលរួមបង្ហាញពីសកម្មភាព សមិទ្ធផល និងបញ្ហាប្រឈមដែលពួកគេជួបប្រទះ។

វគ្គបណ្តុះបណ្តាលស្តីពី សារព័ត៌មានពលរដ្ឋ ត្រូវបានរៀបចំឡើង ដើម្បីលើកកម្ពស់ការយល់ដឹង និងចំណេះដឹងជាក់ស្តែងក្នុងការប្រមូល រៀបចំ និងចែករំលែកព័ត៌មានប្រកបដោយភាពត្រឹមត្រូវ និងការទទួលខុសត្រូវ ក៏ដូចជាការចូលរួមត្រួតពិនិត្យផ្ទៀងផ្ទាត់ និងការជួយឱ្យសម្លេងរបស់ប្រជាពលរដ្ឋ និងសហគមន៍ត្រូវបានយកចិត្តទុកដាក់ និងបង្កើតឱកាសសម្រាប់ការឆ្លើយតបពីអាជ្ញាធរមូលដ្ឋាន និងភាគីពាក់ព័ន្ធតាមរយៈការសន្ទនា និងវិធីសាស្ត្រសន្តិវិធី។

ជាមួយគ្នានេះ សារព័ត៌មានពលរដ្ឋក៏ជាឱកាសមួយក្នុងការពង្រឹងសមត្ថភាពក្នុងការប្រើប្រាស់ ឧបករណ៍ឌីជីថល បណ្តាញសង្គម និងចំណេះដឹងអំពីសុវត្ថិភាពឌីជីថល ដើម្បីឱ្យការចែករំលែកព័ត៌មានកាន់តែមានប្រសិទ្ធភាព និងមានការយកចិត្តទុកដាក់ចំពោះសុវត្ថិភាព។

សារព័ត៌មានពលរដ្ឋ មិនមែនមានត្រឹមតែការចែករំលែកអ្វីដែលកំពុងកើតឡើងនោះទេ។ វាក៏អាចជាមធ្យោបាយមួយដែលជួយ ភ្ជាប់សម្លេងរបស់សហគមន៍ជាមួយសង្គម បង្កើនការយល់ដឹង និងបើកចំហលំហសម្រាប់ការសន្ទនា និងការស្វែងរកដំណោះស្រាយដោយសន្តិវិធី។​

11/09/2026

11/09/2026

09/09/2026

សារព័ត៌មាន/ប្រព័ន្ធផ្សព្វផ្សាយដើម្បីសន្តិភាព (Media for Peace)

✍️នៅចុងខែសីហា ឆ្នាំ២០២៦ ក្រុមការងារ និងបណ្តាញអ្នកសារព័ត៌មានតាមអនឡាញ និងប្រព័ន្ធផ្សព្វផ្សាយ នៅតាមបណ្តាខេត្តគោលដៅ បានរៀបចំកម្មវិធីចែករំលែកចំណេះដឹងស្តីពី ការពង្រឹងក្រមសីលធម៌ វិជ្ជាជីវៈអ្នកសារព័ត៌មាន និងគោលការណ៍សារព័ត៌មានបែបសន្តិភាព។

សកម្មភាពនេះមានគោលបំណងចូលរួមពង្រឹងសមត្ថភាព និងការអនុវត្តការងាររបស់អ្នកសារព័ត៌មាន ឱ្យកាន់តែមានវិជ្ជាជីវៈ ការទទួលខុសត្រូវ និងការយកចិត្តទុកដាក់ចំពោះផលប៉ះពាល់នៃព័ត៌មានដែលបានផ្សព្វផ្សាយ។ ការផ្តល់ព័ត៌មានដែលត្រឹមត្រូវ និងអាចទុកចិត្តបាន គឺជាផ្នែកមួយដ៏សំខាន់ក្នុងការលើកកម្ពស់ការយល់ដឹងរបស់សាធារណជន និងគុណតម្លៃនៃវិជ្ជាជីវៈសារព័ត៌មានក្នុងសង្គម។

តាមរយៈគោលការណ៍សារព័ត៌មានបែបសន្តិភាព អ្នកសារព័ត៌មានត្រូវបានលើកទឹកចិត្តឱ្យប្រើប្រាស់ ភាសាអហិង្សា និងមានការទទួលខុសត្រូវ វិភាគបញ្ហាឱ្យបានស៊ីជម្រៅ ស្វែងរកប្រភពព័ត៌មានដែលអាចទុកចិត្តបាន និងបង្ហាញទស្សនៈពីភាគីពាក់ព័ន្ធដោយមានតុល្យភាព។ ការជៀសវាងការជេរប្រមាថ ការវាយប្រហារដោយគ្មានមូលដ្ឋាន និងការផ្សព្វផ្សាយព័ត៌មានដែលមិនទាន់បានផ្ទៀងផ្ទាត់ អាចជួយកាត់បន្ថយការយល់ច្រឡំ និងការកើនឡើងនៃភាពតានតឹងនៅក្នុងសង្គម។

ដើម្បីសង្គមមានភាពរីកចម្រើន យើងគ្រប់រូបអាចចូលរួមចំណែកតាមរយៈអ្វីដែលយើងអាចធ្វើបាន ដើម្បីបម្រើផលប្រយោជន៍រួម និងអ្នកនៅជុំវិញខ្លួន។ សម្រាប់អ្នកសារព័ត៌មាន ការចូលរួមនេះអាចចាប់ផ្តើមពីការបន្តពង្រឹងចំណេះដឹង ការអនុវត្តការងារប្រកបដោយទំនួលខុសត្រូវ ការគោរពក្រមសីលធម៌ និងវិជ្ជាជីវៈ ព្រមទាំងការប្រកាន់ខ្ជាប់នូវសុចរិតភាពក្នុងការបំពេញតួនាទី។
✍️ព័ត៌មានត្រឹមត្រូវ គឺជាមូលដ្ឋាននៃការយល់ដឹង🥰

10/07/2026

01/06/2026