KYGM Affiliate PUC

11/05/2025

11/05/2025

អនុមោទនាបុណ្យ "វិសាខបូជា" 🙏🙏🙏
ថ្ងៃពុធ ១៥កើត ខែពិសាខ ឆ្នាំរោង ឆស័ក ព.ស. ២៥៦៧
ត្រូវនឹងថ្ងៃទី22 ខែឧសភា ឆ្នាំ2024

22/04/2025

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សូមប្រគេន-ជូនដំណឹង

ក្នុងនាមក្រុមគ្រួសារ និងក្រុមយុវជនបេសកកម្មសុច្ឆន្ទៈខ្មែរ(KYGM) សូមពិតប្រគេនព្រះសង្ឃគ្រប់ព្រះអង្គ និងជម្រាបជូនដល់សាធារណជនទាំងអស់មេត្តាជ្រាបថា ដោយថ្មីៗកន្លងទៅនេះ មានការផ្តួចផ្តើមមតិកសាងរូបសំណាករបស់លោកសាស្ត្រាចារ្យសំបូរ មាណ្ណារ៉ា ដើម្បីជាការនឹករឭកដល់បដិការគុណ និងកិត្យានុភាពរបស់លោក។ ក៏ប៉ុន្តែ ក្រុមគ្រួសារពុំបានទទួលការសុំអនុញ្ញាត និងឯកភាពទៅលើការកសាងរូបសំណាករបស់លោកសាស្ត្រាចារ្យនោះទេ ហើយក្រុមគ្រួសារក៏បានបញ្ជាក់ច្បាស់ដល់បុគ្គលរូបនោះថាមិនបានឯកភាពលើសំណើរនេះទេ ដោយហេតុថា គ្មានការពិភាក្សាគ្នាជាមុន។ ក្រុមគ្រួសារមានភស្តុតាងគ្រប់គ្រាន់ដើម្បីបញ្ជាក់ថា ក្រុមគ្រួសារមិនបានឯកភាពលើរឿងនេះ។ ដរាបណាបុគ្គលរូបនោះនៅតែបន្តយុទ្ធនាការរៃអង្គាសប្រាក់ទៀត យើងខ្ញុំនឹងចាត់វិធានការតាមផ្លូវច្បាប់។ ដូច្នេះប្រសិនបើមាន ការរៃអង្គាសថវិកា ឬការអំពាវនាវណាមួយដើម្បីកសាងរូបសំណាកលោក ដោយយកកិត្តិនាម និងគុណតម្លៃលោកសាស្ត្រាចារ្យ គឺបុគ្គលនោះប្រើដើម្បីតែប្រយោជន៍ផ្ទាល់ខ្លួនទៅវិញទេ។

សូមពិតប្រគេននិងជម្រាបជូនសាធារណជនមេត្តាជ្រាបផងដែរថា កាលលោកសាស្ត្រាចារ្យនៅមានជីវិត លោកពុំដែលបានទាមទារឱ្យកសាងរូបសំណាកលោក ក្រោយលោកអនិច្ចកម្មទៅនោះទេ ផ្ទុយទៅវិញ លោកបានខិតខំបណ្តុះគំនិត ពង្រឹងស្មារតី និងបន្សុទ្ធមនសិការឱ្យយើងចេះគិត ចេះស្រឡាញ់ជាតិ ស្នេហាមាតុភូមិ និងគោរពស្រឡាញ់គ្នាក្នុងនាមជាខ្មែរទៅវិញទេ។

ជាចុងក្រោយ ខ្ញុំព្រះករុណាយើងខ្ញុំ ពិតជាសូមអរព្រះគុណ និងអរគុណចំពោះសមានចិត្ត និងទឹកចិត្តកតញ្ញូរបស់ខេមរជនគ្រប់រូប ពីព្រោះថាគុណតម្លៃ ពាក្យពេចន៍អប់រំ បានចារឹកក្នុងហឫទ័យ និងឆ្លាក់ជាប់មនសិការរបស់យើងរួចស្រេចហើយ ដូច្នេះមិនចាំបាច់ត្រូវការរូបសំណាករបស់លោកមកតម្កល់ទុកនោះទេ។

អាស្រ័យដូចបានពិតប្រគេន និងជម្រាបជូនខាងលើ សូមខេមរជនគ្រប់រូប មេត្តាជ្រាបជាព័ត៌មាន និងយល់យោគដល់ទឹកចិត្តគ្រួសារ និងទឹកចិត្តរបស់លោកសាស្ត្រាចារ្យ។

ថ្ងៃអង្គារ ១០រោច ខែចេត្រ សប្តស័ក ព.ស.២៥៦៨

រាជធានីភ្នំពេញ ថ្ងៃទី២២ ខែមេសា ឆ្នាំ២០២៥

ក្រុមគ្រួសារលោកសាស្ត្រាចារ្យ សំបូរ មាណ្ណារ៉ា

20/04/2025

រូបភាពបុណ្យគម្រប់ខួប ១ ឆ្នាំ របស់លោកសាស្ត្រាចារ្យ សំបូរ មាណ្ណារ៉ា ដែលមានការផ្ដួចផ្ដើមឡើងពីក្រុមគ្រួសាររបស់លោកសាស្ត្រាចារ្យផ្ទាល់ និងការចូលរួមពីសំណាក់ក្រុមយុវជនបេសកកម្មសុច្ឆន្ទៈខ្មែរ (KYGM) ទាំងបីជំនាន់ផងដែរ។ យើងខ្ញុំសូមឧទ្ទិសកុសលផលបុណ្យទាំងឡាយជូនទៅដល់លោកសាស្ត្រាចារ្យ សំបូរ មាណ្ណារ៉ា ដែលបានចែកឋានទៅលោកខាងមុខ។🙏🙏🙏

20/04/2025

ថ្ងៃនេះ ជាថ្ងៃបុណ្យគម្រប់ខួប ១ ឆ្នាំ របស់លោកសាស្ត្រាចារ្យ សំបូរ មាណ្ណារ៉ា ដែលជាស្ថាបនិក និងក្រុមប្រឹក្សាភិបាលជាន់ខ្ពស់របស់ KYGM យើងខ្ញុំ។ យើងខ្ញុំសូមឧទ្ទិសកុសលផលបុណ្យទាំងឡាយជូនទៅដល់លោកសាស្ត្រាចារ្យ សំបូរ មាណ្ណារ៉ា ដែលបានចែកឋានទៅលោកខាងមុខ។🙏🙏🙏