SOS Children's Village Kampot

14/04/2023

សង្រ្កាន្តនៅភូមិកុមារ SOSកំពត!
🙏សារលិខិត​ជូន​ពរឆ្នាំថ្មី ២០២៣🙏
ក្នុង​ឱកាសពិធីបុណ្យ​ចូល​ឆ្នាំ​ថ្មី​ប្រពៃណី​ជាតិ​ខ្មែរ​ ឆ្នាំ​ថោះ បញ្ចស័ក ពស​ ២៥៦៧ គស​២០២៣​ ខ្ញុំ​បាទ​ និង​ ក្រុមគ្រួសារ សូម​ប្រសិទ្ធិពរជ័យ​ សិរីសួរស្តី ជ័យមង្គល​ វិបុលសុខ​ ​បវរមហាប្រសេីរ​ កេីតមាន​
ចំពោះ​ ​អ្នកម្តាយ កូនៗ សហការី លោកគ្រូ អ្នកគ្រូ មហាគ្រួសារ ភូមិកុមារ SOS កំពតទាំងអស់ទទួលបាន​នូវ​ កំលាំង​ខ្លាំង​ក្លា បញ្ញា​ឈ្លាសវៃ​ អាយុ​យឺនយូរ​ សុខភាព​ល្អ​បរិបូរណ៍​ និង​ជោគជ័យ​គ្រប់​ភារកិច្ច​ ជាពិសេសធ្វើដំណើរកំសាន្តគ្រប់ទីកន្លែងប្រកបដោយសុវត្ថិភាព និងសប្បាយរីករាយជួបជុំក្រុមគ្រួសារ។

សូមគោរព​ជូនពរ​អំពីខ្ញុំ ម៉ុក វណ្ណូន

18/08/2022

តាងនាមឱ្យលោកស្រី សម្បត្តិ សុគន្ធា នាយិកាថ្នាក់ជាតិនៃអង្គការភូមិកុមារ SOS កម្ពុជា និងក្នុងនាមបុគ្គលិក អ្នកម្តាយ និងកូនៗ ភូមិកុមារ SOS កំពត សូមថ្លែងអំណរគុណយ៉ាងជ្រាលជ្រៅចំពោះធីតាឯកសង្រ្កាន្តរដូវកាលទី៣ទាំង៥រូបដែលបានចំណាយពេលដ៏មានតម្លៃអញ្ជើញមកទស្សកិច្ច និងផ្តល់ក្តីស្រលាញ់ ផ្តល់ភាពកក់ក្តៅ ផ្តល់ការអប់រំអនាម័យ សុខុមាលភាព ចែករំលែកចំណេះដឹងផ្សេងៗ និងផ្តល់អំណោយមួយចំនួន ព្រមទាំងចែករំលែកបទពិសោធន៍ល្អៗទាក់ទងនឹងការសិក្សា និងសកម្មភាពសប្បាយរីករាយដល់កុមារ ក្នុងភូមិកុមារ SOS កំពត។

03/08/2022

ឱកាសការងារចំពោះបងប្អូនស្រ្តីៗ

31/07/2022

ខ្ញុំបាទតាងនាមឱ្យ បុគ្គលិក លោកគ្រូ អ្នកគ្រូ អ្នកម្តាយ និងកុមារកំព្រានៅភូមិកុមារ SOS កំពត និងក្នុងនាមខ្ញុំផ្ទាល់ សូមថ្លែងអំណរគុណយ៉ាងជ្រាលជ្រៅបំផុតចំពោះ លោកឧកញ៉ា លី គួង និងលោកជំទាវ កូយ សុធារី និងបុត្រា បុត្រី និង បុត្រីរបស់លោកឧកញ៉ា ហុង ពីវ ដែលបានឧបត្ថម្ភ អំណោយជាច្រើនមុខដូចជាអង្ករ ២តោន កញ្ចប់ស្បៀងអាហារ សម្ភារសិក្សា សម្ភារកីឡា និងថវិកា ដល់កុមារកំព្រា អ្នកម្តាយ បុគ្គលិក លោកគ្រូ អ្នកគ្រូនៅក្នុងភូមិកុមារ SOS កំពត និងកុមារកំព្រារស់នៅជាមួយសាច់ញាតិនៅតាមសហគមន៍ក្នុងខេត្តកំពត។
ខ្ញុំសូមគោរពជូនពរ លោកឧកញ៉ា លោកជំទាវ និងបុត្រាបុត្រី និងកញ្ញា Hong Linna បុត្រីលោកឧកញ៉ា ហុង ពីវ ជួបប្រទះនូវពុទ្ធពរ ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

29/03/2022