មជ្ឈមណ្ឌលស្តារលទ្ធភាពពលកម្ម កាយសម្បទា ខេត្តកំពង់ចាម PRC Kampong Cham

16/09/2026

ដោយទទួលបានការអនុញ្ញាតពីឯកឧត្តម ខុម ផលលឿន ប្រតិភូរាជរដ្ឋាភិបាលកម្ពុជា ទទួលបន្ទុកជានាយកមូលនិធិជនពិការ នៅព្រឹកថ្ងៃទី១៦ ខែកញ្ញា ឆ្នាំ២០២៦នេះ សាខា និងមជ្ឈមណ្ឌលស្តារលទ្ធភាពពលកម្មកាយសម្បទា ខេត្តកំពង់ចាម បានទទួលបដិសណ្ឋារកិច្ចព្រះតេជគុណចំនួន ៣០អង្គ ជាព្រះគ្រូចៅអធិការវត្ត និងជាព្រះគ្រូសូត្រតំណាងវត្តដែលបានអនុញ្ញាតឱ្យសាខា ដាក់ហិបសប្បុរសធម៌មូលនិធិជនពិការ និមន្តមកទស្សនកិច្ចនៅមជ្ឈមណ្ឌលស្តារ ដោយមានការសម្របសម្រួល និងអញ្ជើញចូលរួមពីលោក រ៉េត សារ៉ាត ប្រធានមន្ទីរធម្មការ និងសាសនាខេត្ត។

ដំណើរទស្សនកិច្ចសិក្សានេះ រៀបចំឡើងក្នុងគោលបំណង ដើម្បីឱ្យព្រះគ្រូចៅអធិការវត្តទាំង៣០វត្ត បានជ្រាបកាន់តែច្បាស់ និងឃើញជាក់ស្តែងនូវការផ្តល់សេវារបស់មជ្ឈមណ្ឌលស្តារ ជូនបងប្អូនមានពិការភាព និងដើម្បីផ្សព្វផ្សាយបន្ត ពិសេសកៀរគរមូលនិធិទាំងសម្ភារៈ និងថវិកាបន្ថែមជួយដល់មជ្ឈមណ្ឌល។

ជាមួយគ្នានោះ ព្រះតេជគុណគ្រប់ព្រះអង្គ និងលោកប្រធានមន្ទីរធម្មការ និងសាសនាខេត្ត សម្តែងការចាប់អារម្មណ៍ពីការផ្តល់សេវារបស់មជ្ឈមណ្ឌល ព្រមទាំងបានផ្តាំផ្ញើរថានឹងយកទៅផ្សព្វផ្សាយបន្ត ពិសេសកៀរគរសប្បុរសជនជួយដាក់បច្ច័យក្នុងហិប ថែរក្សាហិប និងជួយឧបត្ថម្ភគាំទ្រតាមលទ្ធភាព។

13/09/2026

ព្រឹកថ្ងៃទី១៣ ខែកញ្ញា ឆ្នាំ២០២៦

ឯកឧត្តម ខុម ផលលឿន ប្រតិភូរាជរដ្ឋាភិបាលកម្ពុជា ទទួលបន្ទុកជានាយកមូលនិធិជនពិការ បានចាត់លោកស្រី ហ៊ុំ ណៃរ៉ុង ប្រធានសាខាមូលនិធិជនពិការ ខេត្តកំពង់ចាម ដឹកនាំក្រុមការងារសាខា និងមជ្ឈមណ្ឌលស្តារលទ្ធភាពពលកម្មកាយសម្បទាខេត្ត នាំយកសាររំលែកទុក្ខ និងថវិការបស់ឯកឧត្តម ចូលរួមគោរពវិញ្ញាណក្ខ័ន្ធ និងរំលែកទុក្ខជាមួយគ្រួសារសពឯកឧត្តម ទូច ឆៃ សមាជិកក្រុមប្រឹក្សាខេត្ត និងជានាយកសាខាកាកបាទក្រហមកម្ពុជា ខេត្តកំពង់ចាម ត្រូវជាឪពុកបង្កើតរបស់លោក ទូច វឌ្ឍនា ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកំពង់ចាម ដែលបានទទួលមរណ:ភាព កាលពីថ្ងៃសុក្រ ១៤រោច ខែស្រាពណ៌ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១១ ខែកញ្ញា ឆ្នាំ២០២៦ វេលាម៉ោង ៦:៣០នាទីព្រឹក ក្នុងជន្មាយុ ៦៦ឆ្នាំ ដោយរោគាពាធ។ ពិធីបុណ្យប្រព្រឹត្តទៅនៅគេហដ្ឋានសព ស្ថិតនៅភូមិទី១២ សង្កាត់កំពង់ចាម ក្រុងកំពង់ចាម។

យើងខ្ញុំទាំងអស់គ្នា សូមបួងសួងដល់ដួងវិញ្ញាណក្ខ័ន្ធឯកឧត្តម បានអញ្ជើញទៅកាន់ទីបរមសុខ កុំបីឃ្លៀងឃ្លាតឡើយ🙏🙏🙏

11/09/2026

សារលិខិតរំលែកទុក្ខ

09/09/2026

28/08/2026

ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី២៨ ខែសីហា ឆ្នាំ២០២៦ សាខាមូលនិធិជនពិការ និងមជ្ឈមណ្ឌលស្តារលទ្ធភាពពលកម្មកាយសម្បទា ខេត្តកំពង់ចាម បានទទួលប្រតិភូអង្គការ Oxfarm និងសម្ព័ន្ធអង្គការដៃគូ សរុបចំនួន ១១នាក់ អញ្ជើញមកទស្សនកិច្ចសិក្សាស្វែងយល់ ដកស្រង់បទពិសោធន៍ពីសេវាកម្មរបស់មជ្ឈមណ្ឌលស្តារខេត្តកំពង់ចាម ផ្តល់ជូនជនមានពិការភាពក្នុងខេត្ត និងខេត្តជុំវិញ។

ក្នុងដំណើរទស្សនកិច្ចនេះ ក្រុមប្រតិភូបានសាកសួរពីបទពិសោធន៍ល្អៗ ដែលកម្ពុជាបានអនុវត្តកន្លងមក និងវាយតម្លៃខ្ពស់ចំពោះការផ្តល់សេវារបស់មជ្ឈមណ្ឌល ជូនជនមានពិការភាព ប្រកបដោយការទទួលខុសត្រូវ និងយកចិត្តទុកដាក់ខ្ពស់របស់មន្រ្តីមជ្ឈមណ្ឌលស្តារ។ ក្រុមប្រតិភូក៏បានចែករំលែកបទពិសោធន៍ពីសេវាកម្មរបស់មជ្ឈមណ្ឌលស្តាររបស់ប្រទេសដទៃបានអនុវត្ត ជាមួយគ្នានេះក្រុមប្រតិភូនឹងជួយផ្សព្វផ្សាយពីសេវាកម្មរបស់មជ្ឈមណ្ឌលស្តារ និងជួយស្វែងរកមូលនិធិនានា ដើម្បីជួយឧបត្ថម្ភគាំទ្រមជ្ឈមណ្ឌលតាមលទ្ធភាព។

28/08/2026

24/08/2026