29/05/2026
លោក ឧកញ៉ា ឱសថបណ្ឌិត ហៃ លីអ៊ាងជាប្រធានមូលនិធិគីណាល់ និងលោកជំទាវ បានចូលរួមបរិច្ចាគថាវិកាចំនួន ១ លានរៀល ដល់មូលនិធិគន្ធបុប្ផាកម្ពុជា ក្នុង “យុទ្ធនាការ ១ម៉ឺនរៀល ១ម៉ឺននាក់” របស់មូលនិធិគន្ធបុប្ផាកម្ពុជា ឆ្នាំ២០២៦ ដែលមាន លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា។ ការចូលរួមបរិច្ចាគរបស់មូលនិធិគីណាល់នាពេលនេះ បង្ហាញឱ្យឃើញពីស្មារតី “ខ្មែរជួយខ្មែរ” និងរួមគ្នានាំក្ដីសង្ឃឹម និងភាពញញឹមដល់ទារក និងកុមារ ព្រមទាំងស្ត្រីមានផ្ទៃពោះ ដែលត្រូវការសេវាពិនិត្យ ព្យាបាល និងសម្ភព ដោយឥតគិតថ្លៃ ប្រកបដោយគុណភាព និងមិនមានការរើសអើង នៅមន្ទីរពេទ្យគនុ្ធបុប្ផា ទាំងនៅរាជធានីភ្នំពេញ និងនៅខេត្តសៀមរាប។
