Village Support Group

20/05/2026

ចូលរួមទាំងអស់គ្នា សម្រាប់យុទ្ធនាការជាតិរយៈពេល ៧៥ថ្ងៃ សង្រ្គោះភពផែនដីរបស់យើង។

14/05/2026

នៅថ្ងៃទី១២ ១៣ ខែឧសភា ឆ្នាំ២០២៦ នៅការិយាល័យអប់រំក្រុងសំរោង VSG បានជួយសម្របសម្រួលជាមួយការិយាល័យអប់រំក្រុងសំរោង រៀបចំវគ្គបណ្តុះបណ្តាលបន្តលើវិធីសាស្រ្តបង្រៀន៦ជំហាន និងការអនុវត្តកម្មវិធីបំណិនជីវិតប្រកបដោយប្រសិទ្ធិភាព ដល់គណៈគ្រប់គ្រងសាលារៀនទាំ៥សាលា ទទួលបានអ្នកចូលរួមសរុប ២៨នាក់ ស្រី៩នាក់។ ជាលទ្ធផល កិច្ចតែងការបង្រៀន និងប្រធានបទនិងផែនការបង្រៀន ត្រូវបានរៀបចំរួច ដោយក្នុង១សាលាមានរយៈពេល១៨ម៉ោង ក្នុង១សប្តាហ៍រៀន២ម៉ោង រៀងរាល់ថ្ងៃព្រហស្បតិ៍ ចាប់ពីខែឧសភា ឆ្នាំ២០២៦នេះតទៅ ហើយសិក្ខាកាមមានភាពច្បាស់លាស់ជាងមុន។ ក្នុងភាពជាដៃគូជាមួយអាក់សិនអេតកម្ពុជា និងគាំទ្រថវិកាដោយម្ចាស់ឧបត្ថម្ភប្រទេសអីតាលី។
ActionAid Cambodia
Oxfam in Cambodia

07/05/2026

06/05/2026

ក្នុងភាពជាដៃគូរវាង IUCN និងអង្គការក្រុមទ្រទ្រង់ភូមិ (VSG) នៃ”Strengthening CSO Capacity to Scale Up Sustainable Freshwater Fisheries in Cambodia (EU-CSO)” បាននាំឱ្យមានសមិទ្ធផលសំខាន់ៗដូចខាងក្រោម៖
តាមរយៈការប្រមូលផ្តុំសកម្មភាពបណ្តុះបណ្តាល ការណែនាំជិតស្និទ្ធ ដំណើរទស្សនកិច្ចសិក្សា តួនាទីដឹកនាំរបស់លោក ហាប់ រ៉ាន ព្រមទាំងសមាជិកគណៈកម្មការគ្រប់គ្រងផ្សេងៗ ក្នុងការចូលរួមរបស់សហគមន៍ បានសាងសង់ផ្លូវការពារភ្លើង (firebreak) ប្រវែងសរុប ៥៥០ ម៉ែត្រ ដើម្បីការពារ និងទប់ស្កាត់អគ្គិភ័យនៅក្នុងព្រៃលិចទឹកនៃសហគមន៍នេសាទតាឡំព្រះនេត្រព្រះ (CFi)។
លទ្ធផលសំខាន់មួយទៀត គឺការសាងសង់ប៉ុស្តិ៍យាមសហគមន៍ ដែលបានមកពីការបរិច្ចាគថវិកាពីសមាជិកសហគមន៍។ ប៉ុស្តិ៍យាមនេះត្រូវបានប្រើប្រាស់ជាកន្លែងប្រជុំសហគមន៍ និងជាទីតាំងយាមការពារធនធានធម្មជាតិដោយសមាជិកគណៈកម្មការសហគមន៍នេសាទ ដើម្បីទប់ស្កាត់សកម្មភាពខុសច្បាប់។
បន្ទាប់ពីបានចូលរួមពិគ្រោះយោបល់អំពីការកែសម្រួលច្បាប់សហគមន៍កសិកម្ម និងបទប្បញ្ញត្តិពាក់ព័ន្ធនឹងវិស័យនេសាទ នៅខេត្តកំពត សមាជិកគណៈកម្មការគ្រប់គ្រងបានចាប់ផ្តើមរៀបចំកិច្ចប្រជុំ និងបង្កើតយុទ្ធសាស្ត្ររកធនធាន ដោយសម្រេចធ្វើការកែលម្អអាងទឹកដែលមានស្រាប់របស់សហគមន៍នេសាទ (មិនមែនអាងអភិរក្ស) ដើម្បីប្រើប្រាស់ជាអាងអភិវឌ្ឍន៍សហគមន៍ តាមរយៈការចាប់ត្រី និងសត្វទឹកផ្សេងៗប្រចាំឆ្នាំ។
ប្រាក់ចំណូលដែលបានពីសកម្មភាពទាំងនេះ ត្រូវបានយកទៅវិនិយោគវិញសម្រាប់សកម្មភាពគ្រប់គ្រងសហគមន៍នេសាទ ដោយដឹកនាំដោយសហគមន៍ រួមមានការអភិរក្ស ការល្បាត និងការការពារទីជម្រកត្រី។
The partnership between IUCN and the Village Support Group(VSG) under the Strengthening CSO Capacity to Scale Up Sustainable Freshwater Fisheries in Cambodia (EU-CSO) project has resulted in the following key achievements:
Through a combination of training, coaching, study tours, and through the leadership of Mr. Hap Ran and other management committee members for community engagement, a total of 550 meters of the firebreak pathway had been constructed to protect and prevent the fire on the flooded forest of the CFi.
Another significant outcome, a community guardhouse was constructed through the fundraised contributions that contributed by the members of the community. The guardhouse serves as the venue for the community meeting, a guarding place for the CFi committee members on the natural resources to prevent illegal activities.
From the attended the consultations on the amendment of the Agricultural Cooperative Law and related fisheries regulations in Kampot Province, the management committee members started the discussion meeting and came up with resources mobilization strategy by decided to renovate the CFi existing pond, not the conservation lake, and serve as a community development pond though annual fish and other aquatic animals harvesting.
The revenue generated from these initiatives is being reinvested into community-led fisheries management activities, including conservation, patrolling, and fish habitat protection.

30/04/2026

Agroforestry Production System in the future in Cambodia.
ActionAid Cambodia
Oxfam in Cambodia

28/04/2026

ហេតុអ្វីបានជាព្រៃឈើសំខាន់?

27/04/2026

នៅថ្ងៃទី ២៧ ខែមេសា ឆ្នាំ២០២៦ អង្គការVSG បានបើកវគ្គបណ្តុះបណ្តាលរំលឹកឡើងវិញ ស្តីពីកម្មវិធីកុមារ ស្របពេលដែលVSG ទទួលបានសារស្តង់ដារលើកទី១ សម្រាប់ឆ្នាំ២០២៦ ពីអង្គការអាក់សិនអេតកម្ពុជា។ វគ្គបណ្តុះបណ្តាលនេះធ្វើឡើងក្នុងគោលបំណង៖ពង្រឹងសមត្ថភាព និងចំណេះដឹងក្នុងការប្រមូលសារ និងអប់រំដល់កុមារតូចតាមភូមិ ឱ្យមានសមត្ថភាពគូរសារកាន់តែស្អាត និងទាក់ទាញ ឱ្យត្រូវតាមគោលនយោបាយ និងគោលការណ៍ដែលបានកំណត់។
គ្រូបង្គោលត្រូវតែមានសមត្ថភាព ពីព្រោះពួកគាត់ជាអ្នកតំណាងឱ្យសហគមន៍ និងកុមារ ហើយពួកគាត់ជាអ្នកធ្វើឱ្យមានការផ្លាស់ប្តូរជាវិជ្ជមាននៅក្នុងសហគមន៍ពួកគាត់កំពុងរស់នៅ។
ក្នុងភាពជាដៃគូរជាមួយអង្គការអាក់សិនអេតកម្ពុជា អនុវត្តដោយ VSG និងគាំទ្រដោយម្ចាស់ឧបត្ថម្ភប្រទេសអីតាលី។
ActionAid Cambodia
Oxfam in Cambodia

24/04/2026

តើ លោកអ្នក ចង់ដឹង និងស្វែងយល់ពីធនធានធម្មជាតិដ៏សម្បូរបែបនៅក្នុងសហគមន៍តំបន់ការពារធនធានធម្មជាតិ ព្រៃសង្ឃសហគមន៍រុក្ខាវ័ន MCF ទេ?
Are you interested in and eager to explore the enrichment of natural resources of this community Protected Area?

https://www.facebook.com/share/p/1C2dRkmqGK/

09/04/2026

នៅថ្ងៃទី៩ ខែមេសា ឆ្នាំ២០២៦នេះ អង្គការក្រុមទ្រទ្រង់ភូមិ Village Support Group បានរៀបចំកិច្ចប្រជុំបុគ្គលិកប្រចាំត្រីមាសទី១ នៃឆ្នាំ២០២៦នៅការិយាល័យកណ្តាលរបស់អង្គការ។ កិច្ចប្រជុំនេះ បានពិភាក្សាដោយផ្តោតទៅលើការពង្រឹង និងធ្វើឱ្យកាន់តែប្រសើរឡើងនូវគុណភាព ប្រសិទ្ធភាព ព្រមទាំង ប្រសិទ្ធផល ដើម្បីឆ្លើយតបទៅនឹងគោលបំណង និងលទ្ធផលរំពឹងទុកលើការអនុវត្តគម្រោងនីមួយៗរបស់ស្ថាប័ន។