Khmeng Onka Cambodia

Khmeng Onka Cambodia បណ្តាញទំនាក់ទំនងសម្រាប់ក្មេងអង្គការ និង Care Leaver នៅកម្ពុជា

31/07/2025

សូមបងប្អូនបន្តជួយគាំទ្រ​ និងបរិច្ចាកទៅតាមលទ្ធភាព​ ទម្រាំដល់ពេលបងប្អូនភៀសសឹកយេីងអាចត្រឡប់ទៅទីលំនៅដ្ឋានរបស់ខ្លូនវិញ។ ការបរិច្ចាករបស់បងប្អូនក្នុងគ្រានេះគឺពិតជាមានតម្លៃណាស់សម្រាប់ពួកគាត់​ ❤️️

🙏​ ជំរាបសួរ​ អ៊ំ​ ពូមីង​ យាយតា​ បងប្អូន​ ទាំងអស់គ្នាជាទីគោរពស្រឡាញ់រាប់អាន!👩​ ខ្ញុំដឹងថាអ្នកទាំងអស់គ្នាកំពុងស្ថិតនៅក្នុង...
31/07/2025

🙏​ ជំរាបសួរ​ អ៊ំ​ ពូមីង​ យាយតា​ បងប្អូន​ ទាំងអស់គ្នាជាទីគោរពស្រឡាញ់រាប់អាន!

👩​ ខ្ញុំដឹងថាអ្នកទាំងអស់គ្នាកំពុងស្ថិតនៅក្នុងស្ថានភាពដ៏លំបាកនៅឡេីយ​ ប៉ុន្តែខ្ញុំសង្ឃឹមថាការជួយគាំទ្រពីបងប្អូនសប្បុរសជនខ្មែរទាំងឡាយ​ មិនថាក្នុងស្រុក​ ក្រៅស្រុក​ រួមទាំងរាជរដ្ឋាភិបាលគឺបានផ្តល់ភាពកក់ក្តៅដល់អ្នកទាំងអស់គ្នា​ក្នុងគ្រាមានអាសន្ននេះ ដោយមិនអោយអ្នកទាំងអស់គ្នាឯកការឡេីយ។

🇰🇭​ ក្នុងវេលានេះ​ ខ្ញុំសូមអរគុណដល់សប្បុរជនពីគ្រប់ទិសទី ជាពិសេសទៅដល់​អង្គការ Cambodian Children's Trust ក្រសួងសង្គមកិច្ចខេត្តបាត់ដំបង​ ពួកម៉ាកជិតស្និទ្ធខ្ញុំទាំងអស់​ Suong Mak @មហាដេីរ​ ​ Srey Pov បងៗក្រុមការងារ​ ចត្វាប៊ុក្ស-Chatwa Books​ បងៗនៅ​ @បណ្ណាល័យភូមិ​ Soth Bopha បងៗក្រុមការងារ Blue Romance Pao Makara ពៅ មករា​ Thida Khun បងៗនៅ Le Story Bookshop និងក្រុមអ្នកនិពន្ធខ្មែរយេីងទាំងអស់ សម្រាប់រយ:ពេលប៉ុន្មានថ្ងៃកន្លងមកនេះដែលពួកយេីងស្រុះស្រួលពួតដៃប្រមូលគ្នាចុះជួយដល់បងប្អូនខ្មែរយេីងដែលកំពុងភៀសសឹកនៅតាមព្រំដែន។ កន្លងមកខ្ញុំតែងតែសុំសៀវភៅអានពីបងបងទាំងអស់គ្នា​ដេីម្បីចែកជូនបងប្អូនយេីងអានកំសាន្ត​ ខ្ញុំគ្មា​នពាក្យអ្វីក្រៅពីលេីកដៃសំពះអរគុណអ្នកទាំងអស់គ្នាទេ។
មួយវិញទៀត​ ខ្ញុំសូមអធ្រាស្រ័យផង​ ដែលមិនបានថតរូប​ ឬវីដេអូសកម្មភាពអោយបានច្រេីន​ ដោយហេតុថា​ ម្នាក់ៗរវល់ខ្លាំង​ ហេីយស្ថានការកំពុងចលាចល។

🇰🇭​ ការជួយយ៉ាងសស្រាក់សស្រាំក្នុងកាលៈទេសៈនេះ​ ពិតជាមានអត្តន័យខ្លាំងណាស់សម្រាប់ពួកគាត់ក៏ដូចជាខ្មែរយេីងជារួមផងដែរ។
ការសាមគ្គីក្នុងគ្រានេះ​ សបញ្ជាក់អោយឃេីញថាជនជាតិខ្មែរយេីងពិតជាជនជាតិមួយពេញដោយគុណធម៌​ សីលធម៌​ កិត្តិយស​ ភាពថ្លៃថ្នូរ​ ស្មោះត្រង់​ និងចិត្តល្អចេញពីបេះដូងពិតៗ។

☮️ ទោះបីជាបច្ចុប្បន្ននេះ​ មានកិច្ចព្រមព្រៀងបទឈប់បាញ់ក៏ពិតមែន​ ប៉ុន្តែបងប្អូន​ អ៊ំ​ ពូមីង​ យាយតា​ ក្មេងៗ​ ដែលកំពុងស្ថិតនៅជំរំភៀសសឹកគឺនៅមិនទាន់អាចត្រឡប់ទៅផ្ទះសំបែង​ ភូមិស្រុកកំណេីតខ្លួនបាននៅឡេីយទេ​ ដោយត្រូវចាំមេីលស្ថានការជាក់ស្តែង​ និងរងចាំការផ្តល់ដំណឹងពីរាជរដ្ឋាភិបាលខ្មែរយេីងជាមុនសិន​ ដូច្នេះសូមបងប្អូនទាំងអស់គ្នាមេត្តបន្តជួយគាំទ្រ​ និងបរិច្ចាកតាមលទ្ធភាព​ ដេីម្បីជួយសម្រួលដល់ការលំបាករបស់ពួកគាត់រហូតដល់ពេលដែលពួកគាត់អាចត្រឡប់ទៅទីលំនៅរបស់ខ្លួនវិញបាន។

❤️️​ ទោះក្នុងស្ថានភាពលំបាកយ៉ាងណាក៏ដោយ​ ខ្ញុំសូមជំរុញលេីកទឹកចិត្តដល់បងប្អូនដែលកំពុងភៀសសឹក​ ក៏ដូចជាបងប្អូនទាំងអស់គ្នា​ សូមមេត្តាថែរក្សាសុខភាព​ ទាំងផ្លូវចិត្ត​ និងផ្លូវកាយអោយបានមាំមួន​ ព្រោះបេីសុខភាពធ្លាក់ហេីយ​ អ្វីក៏យេីងមិនអាចធ្វេីជួយជាតិបានដែរ​។ សុខភាពគឺជាកត្តាចំបង​ក្នុងការជួយគាំទ្រដល់ប្រទេសជាតិយេីងតទៅមុខ​ទៀត ហេីយការរួមចំណែកមិនថាធំតូចគឺពិតជាមានតម្លៃមិនអាចកាត់ថ្លៃបានឡេីយ។

🙏🌷​ជាចុងក្រោយ​ ខ្ញុំសូមអរគុណ​ និងដឹងគុណ​ ទៅដល់បងបងដែលជាវីរ:កងទ័ពជួរមុខ​ ដែលបានលះបង់ជីវិតជួយការពារប្រជាជន​យេីង និងប្រទេសជាតិយេីងអោយមានសុខសន្ថិភាព។ ហេីយពួកយេីងក៏សូមចូលរួមរំលែកទុក្ខដល់បងប្អូនដែលបានបាត់បង់សមាជិកគ្រួសារក្នុងគ្រានេះផង។ ការលះបង់របស់បងបងទាំងអស់គ្នា​ពួកយេីងនឹងចងចាំទុកជារៀងរហូត។

សូមផ្ញេីក្តីស្រឡាញ់​ នឹករលឹកដល់អ្នកទាំងអស់គ្នា​ ❤️️

🙏ជំរាបសួរ អ៊ំ ពូមីង យាយតា ពុកម៉ែ បងប្អូនខ្មែរទាំងអស់គ្នា ជាទីគោរពស្រឡាញ់រាប់អាន!👩‍🦰 ខ្ញុំឈ្មោះ ច័ន្ទ ស៉ីណេត ជា local amb...
26/07/2025

🙏ជំរាបសួរ អ៊ំ ពូមីង យាយតា ពុកម៉ែ បងប្អូនខ្មែរទាំងអស់គ្នា ជាទីគោរពស្រឡាញ់រាប់អាន!

👩‍🦰 ខ្ញុំឈ្មោះ ច័ន្ទ ស៉ីណេត ជា local ambassador និងជាអ្នកសម្របសម្រួលក្លឹបយុវជនអ្នកចាកចេញពីមណ្ឌលកុមារកំព្រានៃក្លឹប Khmeng Onka Cambodia ក្នុងអង្គការ Cambodian Children's Trust (CCT) និងជាអ្នកតស៊ូមតិសម្រាប់សិទ្ធកុមារ និងសិទ្ធមនុស្សម្នាក់ផងដែរ។

🇰🇭ក្នុងវេលានេះ ខ្ញុំដឹងថា អ៊ំ ពូមីង យាយតា ពុកម៉ែ បងប្អូនខ្មែរទាំងអស់គ្នា សុទ្ធតែជួបប្រទះទុក្ខលំបាកដែលមិនអាចបរិយាយបាន ជាពិសេសប្អូនៗកុមារជាច្រើននាក់ដែលត្រូវផ្អាកការសិក្សា ហើយត្រូវភៀសខ្លួនចេញពីផ្ទះសំបែងដែលខ្លួនធ្លាប់ស្នាក់នៅដោយសុខសន្តិភាព រួមទាំងត្រូវបែកបាក់សាច់ញាតិ មិត្តភក្តិជាទីស្រឡាញ់។
ខ្ញុំមិនដឹងថាខ្លួនឯងអាចជួយអ្វីបានក្នុងស្ថានភាពនេះនោះទេ ដូច្នេះគឺមានតែរួមចំណែកចូលរួមចែករំលែកទុក្ខលំបាករបស់ប្អូនៗកុមារដែលជាជនងាយរងគ្រោះជាងគេ ដោយធ្វើការស្នើសុំអំពាវនាវការបរិច្ចាកជាសៀវភៅអាន សម្ភារៈកំសាន្ត តុក្កតា ឬសម្ភារៈផ្សេងៗទៀត ដើម្បីជួយសម្រួលដល់ការកំសាន្ត លើកទឹកចិត្ត ជួយបំបាត់ស្ត្រេស បាក់ទឹកចិត្ត និងបាក់ស្មាតីដល់ប្អូនៗអោយបានធូរស្បើយបានខ្លះក្នុងស្ថានភាពដ៏លំបាកនេះ។

📡ដោយបច្ចុប្បន្ននេះ អង្គការទំនុកចិត្តកុមារកម្ពុជា (CCT) បានចេញយុទ្ធនាការចុះនាំស្បៀងអាហារ និងសម្ភារៈប្រើប្រាស់ចាំបាច់ផ្សេងៗទៀតដល់ អ៊ំ ពូមីង យាយតា ពុកម៉ែ បងប្អូនខ្មែរដែលកំពុងភៀសខ្លួននៅតាមព្រំដែន ដូចច្នេះពួកយើងនឹងចូលរួមជាមួយ CCT ដើម្បីចូលរួមក្នុងយុទ្ធនាការនេះដែរ។

☎️សម្រាប់ព័ត៌មានបន្ថែម សូមទាក់ទងមកកាន់ផេករបស់ពួកយើងផ្ទាល់។
📬ទីតាំងទទួលការបរិច្ចាក/Droping Donation Destination @ក្មេងអង្គការកម្ពុជាក្លឹប ក្រុម១៤ ភូមិអូតាគាំ១ សង្កាត់ទួលតាឯក ក្រុងបាត់ដំបង ខេត្តបាត់ដំបង។
📬សម្រាប់ការបរិច្ចាក សូមទាក់ទង៖ 081 71 77 61 ឬ 092 207 798។
ដោយក្តីស្រឡាញ់រាប់អាន និងអរគុណយ៉ាងជ្រាលជ្រៅបំផុតពីយើងទាំងអស់គ្នា! ❤️

ជំរាបសួរ បងៗជាទីស្រឡាញ់រាប់អាន!🚩កន្លងមកនេះ @បណ្តាញយុវជនក្មេងអង្គការកម្ពុជាក្លឹប បានទទួលសៀវភៅបរិច្ចាកល្អៗណាស់ពីបងៗទាំងអស់...
25/12/2024

ជំរាបសួរ បងៗជាទីស្រឡាញ់រាប់អាន!

🚩កន្លងមកនេះ @បណ្តាញយុវជនក្មេងអង្គការកម្ពុជាក្លឹប បានទទួលសៀវភៅបរិច្ចាកល្អៗណាស់ពីបងៗទាំងអស់គ្នា​។ ដោយសារការចែករំលែករបស់បងៗ ពួកយើងមានឱកាសបានអានសៀវភៅសុទ្ធតែល្អៗ និងទទួលបានចំណេះដឹងថ្មីៗជាច្រេីន​ ហើយពួកយើងពិតជាសប្បាយរីករាយ ត្រេកអរ និងសូមអរគុណដល់ទឹកចិត្តចែករំលែករបស់បងៗទាំងអស់គ្នា។​

📌មកដល់វេលានេះ ក្លឹបរបស់ពួកយេីងបានបេីកបំរេី​ និងនឹងផ្តល់សេវាគាំទ្រដល់កុមារ​ និងយុវជនបានរយ:ពេលជិត​ 5ឆ្នាំហេីយ។ ដោយឡែក បច្ចុប្បន្ននេះ ខាងបណ្ណាល័យរបស់យើងមានការខ្វះខាតសៀវភៅអានជាច្រើន​សម្រាប់ផ្តល់ជូនអោយកុមារ និង​យុវជនអាន​បានគ្រប់គ្រាន់។​

🔊ដូចនេះ​ ដេីម្បីជាជំនួយដល់ការសិក្សា​ ស្រាវជ្រាវ​ និងការកំសាន្ត​ ពួកយើងកំពុងស្វែងរកការបរិច្ចាកសៀវភៅអានពីបងៗទាំងអស់គ្នា។ បងៗអាចចូលរួមបរិច្ចាគជាមួយពួកយើងនូវ៖ សៀវភៅអានគ្រប់ប្រភេទមិនថា​ ចាស់​ ឬថ្មី​ ពួកយើងទទួលយកទាំងអស់។​ សៀវភៅអានទាំងនោះអាចចាស់សម្រាប់ពួកបង ប៉ុន្តែវាថ្មីសម្រាប់ពួកយើង។ ពួកយេីងសង្ឃឹមថាបងៗទាំងអស់គ្នានឹងជួយគាំទ្រដល់ពួកយេីង។​

☎️សម្រាប់ព័ត៌មានបន្ថែមសូមទាក់ទងមកកាន់ផេករបស់ពួកយើងផ្ទាល់។

📬ទីតាំងទទួលការបរិច្ចាក/Droping Donation Destination @ក្មេងអង្គការកម្ពុជាក្លឹប ក្រុម ២៤ ភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង។

📬សម្រាប់ការបរិច្ចាក សូមទាក់ទង៖ 081 71 77 61 ឬ 092 207 798

ដោយក្តីស្រឡាញ់រាប់អាន និងអរគុណ! ❤️

📌នៅថ្ងៃទី 07 ខែ វិច្ចិកា ឆ្នាំ 2024 ខាងក្លឹបយុវជន@ក្មេងអង្គកាកម្ពុជា បានចុះទៅផ្សព្វផ្សាយគម្រោងនៅ សង្កាត់ ព្រែកព្រះស្តេច ...
11/11/2024

📌នៅថ្ងៃទី 07 ខែ វិច្ចិកា ឆ្នាំ 2024 ខាងក្លឹបយុវជន@ក្មេងអង្គកាកម្ពុជា បានចុះទៅផ្សព្វផ្សាយគម្រោងនៅ សង្កាត់ ព្រែកព្រះស្តេច ចំនួនពីរ ភូម( ភូមិចំការឬស្សី និងភូមិ 13 មករា) ។

📌មានអ្នកចូលរួម សរុបចំនួន 58នាក់ ស្រី 46នាក់។ ដោយមានការចូលរួមយ៉ាងសកម្មពី អាជ្ញាធរដែលជាប់ពាក់ព័ន្ធ។ ក្នុងគោលបំណងពង្រីកការផ្សព្វផ្សាយ និងការបង្កើនការយល់ដឹងអំពី៖

1.ផលប៉ះពាល់កុមារ បែកចេញពីគ្រួសារ( កុមារដែលរស់នៅក្នុងមណ្ឌលថែទាំជំនួស)
2. ចូលរួមការទប់ស្កាត់កុមារបែកចេញគ្រួសារ
3. កម្លាំងសេវាគាំទ្រសង្គមពីបណ្តាញអង្គកាជាដៃគូរ របស់ឃុំ សង្កាត់ ក្រុង និងខេត្ត។ ដែលផ្តោតទៅលើសុខុមាលភាពគ្រួសារ និងកុមារប្រកបដោយការរស់នៅល្អប្រសើរ និងទទួលបានការអភិវឌ្ឍន៍។

📌ប្រជាពលរដ្ឋពលមានការយល់ដឹងកាន់តែសុីជម្រៅលើផលប៉ះពាល់កុមារបែកចេញពីគ្រួសារ( កុមាររស់នៅក្នុងមណ្ឌលថែទាំជំនួស)

កាលពីថ្ងៃទី 27 ខែ តុលា ឆ្នាំ 2024 ក្លឹបយុវជនបានផ្តល់នូវវគ្គបណ្តុះបណ្តាលទៅដល់យុវជន លើប្រធានបទ៖ ការតម្រង់ទិស និងផែនការអនាគ...
05/11/2024

កាលពីថ្ងៃទី 27 ខែ តុលា ឆ្នាំ 2024 ក្លឹបយុវជនបានផ្តល់នូវវគ្គបណ្តុះបណ្តាលទៅដល់យុវជន លើប្រធានបទ៖ ការតម្រង់ទិស និងផែនការអនាគត ដោយលោកគ្រូ ឯម សារិទ្ធ។ ដោយមានអ្នកចូលរួមសរុបចំនួន៖ 43 ប្រុស 5នាក់ មានខាងអង្កការ KNK CCT និង ឧប្បការគុណទី១។

១.គោលបំណង
-ដើម្បីបង្កើនការទំនានាក់ទំនងឲ្យមានភាពជិតស្និទ្ថរវាងអ្នកាចាកចេញពីមណ្ឌលថែទាំ និងការចែករំលែកបទពិសោធន៍ពី អ្នកចូលរួមដែលជា កត្តានាំឲ្យភាពជោគជួយសម្រាប់អនាគតល្អ។
-ដើម្បីឲ្យយុវជន ជ្រើសរើសនូវកាសិក្សាពីចំណេះដឹង ជំនាញវិជ្ជាជីវ: ដែលចាប់អារម្មណ៍និងចូលចិត្ត ហើយកំណត់បាននូវភាពខ្លាំងរបស់ខ្លួន
-ដើម្បីឲ្យយុវជនគាត់បានត្រៀមខ្លួននិងធ្វើការពិចារណាហើយសម្រេចចិត្តបានច្បាស់លាស់
-កាត់បន្ថយភាពតានតឹងក្នុងអារម្មណ៍ដែលពួកគាត់មានការប៉ះទង្គិចលើអារម្មណ៍និងផ្លូវចិត្ត ផ្លូវកាយ ពីមុននិងបច្ចុប្បន្ន

🔖តំណាងឱ្យក្រុមអ្នកចាកចេញ នាងខ្ញុំសូមថ្លែងអំណអរគុណដល់អ្នកគ្រូ ខេង សុខាវត្តី ដែលបានអញ្ជើញចូលរួមជាភ្ញៀវកិត្តិយស ក្នុងការចែក...
17/10/2024

🔖តំណាងឱ្យក្រុមអ្នកចាកចេញ នាងខ្ញុំសូមថ្លែងអំណអរគុណដល់អ្នកគ្រូ ខេង សុខាវត្តី ដែលបានអញ្ជើញចូលរួមជាភ្ញៀវកិត្តិយស ក្នុងការចែករំលែក លើប្រធានបទ៖ ការសង្គ្រោះបឋម ទៅកាន់ក្រុមអ្នកចាកចេញ កាលពីថ្ងៃទី22 ខែកញ្ញា ឆ្នាំ2024 ដោយមានអ្នកចូលរួមចំនួន 51 នាក់ ប្រុស 5នាក់ ដោយមានអង្កការ ឧបក្ខារគុណ KNK CFI។
ប្រព្រឹត្តិទៅនៅក្នុងការិយាល័យ ស៊ីស៊ីធី នៅភូមិជ្រៃកោង សង្កាត់ស្លាកែត/ បាតដំបង។
ប្រធាបបទទាក់ទងនិង ការសង្រ្គោះបឋមពិតជាមានអត្ថប្រយោជន៍ដូចជា
-📚កុមារអាចយកទៅប្រើប្រាស់ និងអនុវត្តប្រចាំថ្ងៃបានពេលជួបបញ្ហាដោយយថាហេតុ
-📚យល់ដឹងពីរបៀបជួយសង្គ្រោះនៃការស្លាក់, ធ្វើចលនាចង្វាក់បេះដូង, ការលាងរបួស, ការលង់ទឹក និងចុងក្រោយការជួយសង្គ្រោះអ្នកដែលខ្យល់គ។

📌បន្ទាប់ពីទទួលបានវគ្គបណ្តុះបណ្តាលរួច យុវជន/កុមារមានការតាំងចិត្តក្នុងការចែករំលែកបន្តទៅកាន់គ្រួសារ និងសហគមន៍ដើម្បីឱ្យបានយល់ដឹងដូចជាពួកគេដែរ។

📢សួស្តីអ្នកទាំងអស់គ្នា នៅថ្ងៃទី 22 ខែកញ្ញា ឆ្នាំ 2024ខាងមុននេះ ខាង@ក្មេងអង្កកាកម្ពុជានិងមានវគ្គបណ្តុះបណ្តាលលើ៖👉ប្រធានបទ៖...
19/09/2024

📢សួស្តីអ្នកទាំងអស់គ្នា
នៅថ្ងៃទី 22 ខែកញ្ញា ឆ្នាំ 2024ខាងមុននេះ ខាង@ក្មេងអង្កកាកម្ពុជានិងមានវគ្គបណ្តុះបណ្តាលលើ៖

👉ប្រធានបទ៖ ការសង្គ្រោះបឋម ដោយបានអញ្ជើញអ្នកជំនាញក្នុងចែករំលែក

👉ពេលវេលា៖ ចាប់ពីម៉ោង 8ព្រឹក ដល់ម៉ោង 5ល្ងាច

👉ទីតាំង ៖ ភូមិជ្រៃកោង សង្កាត់ ស្លកែត ក្រុងបាត់ដំបង

📖 ក្នុងគោលបំណង៖ ដើម្បីបង្កើតការយល់ដឹងអំពីការសង្គ្រោះបឋម និងពង្រឹងសមត្ថភាពដល់ក្រុមអ្នកចាកចេញឱ្យមានភាពខ្លាំងក្នុងការរស់នៅ។
📌 សង្ឃឹមថាប្អូននិងបានចូលរួមដោយក្តីរីកាយ

នៅថ្ងៃទី 29 ខែសីហា ឆ្នាំ 2024 ខាងក្លឹបយុវជន@ក្មេងអង្គកាកម្ពុជា បានចុះទៅផ្សព្វផ្សាយគម្រោងនៅ សង្កាត់ វត្តគរ។ មានអ្នកចូលរួម...
02/09/2024

នៅថ្ងៃទី 29 ខែសីហា ឆ្នាំ 2024 ខាងក្លឹបយុវជន@ក្មេងអង្គកាកម្ពុជា បានចុះទៅផ្សព្វផ្សាយគម្រោងនៅ សង្កាត់ វត្តគរ។ មានអ្នកចូលរួម សរុបចំនួន ៤៩នាក់ ស្រី ២៩នាក់។ ដោយមានការចូលរួមពីលោកចៅសង្កាត់ ព្រម មេភូម /អ.ក.ន.ក/ អនុភូមិ/ ក្រុមប្រឹក្សាសង្កាត់ និងសហគមន៍ ។ ក្នុងគោលបំណងពង្រីកការផ្សព្វផ្សាយ និងការបង្កើនការយល់ដឹងអំពី៖

1.ផលប៉ះពាល់កុមារ បែកចេញពីគ្រួសារ( កុមារដែលរស់នៅក្នុងមណ្ឌលថែទាំជំនួស)
2. ចូលរួមការទប់ស្កាត់កុមារបែកចេញគ្រួសារ
3. កម្លាំងសេវាគាំទ្រសង្គមពីបណ្តាញអង្គកាជាដៃគូរ របស់ឃុំ សង្កាត់ ក្រុង និងខេត្ត។ ដែលផ្តោតទៅលើសុខុមាលភាពគ្រួសារ និងកុមារប្រកបដោយការរស់នៅល្អប្រសើរ និងទទួលបានការអភិវឌ្ឍន៍។
សូមថ្លែងអំណគុណដល់លោកចៅសង្កាត់ ព្រមទាំងក្រុមប្រឹក្សាសង្កាត់ ដែលបានផ្តល់ឱកាសឱ្យក្រុមយុវជនបានចែករំលែកបទពីសោធន៍ជីវិតរបស់ពួកគាត់។

📢 សួស្តីអ្នកទាំងអស់គ្នា!កាលពីថ្ងៃអាទិត្យ ទី២៥ ខែសីហា ឆ្នាំ ២០២៤ @ក្លឹបយុជនក្មេងអង្គការកម្ពុជា បានរៀបចំកម្មវិធីចែករំលែកចំ...
27/08/2024

📢 សួស្តីអ្នកទាំងអស់គ្នា!
កាលពីថ្ងៃអាទិត្យ ទី២៥ ខែសីហា ឆ្នាំ ២០២៤ @ក្លឹបយុជនក្មេងអង្គការកម្ពុជា បានរៀបចំកម្មវិធីចែករំលែកចំណេះដឹងទាក់ទងនឹងល្ខោនគំនិត ដែលយើងមានគោលបំណងផ្តោតលើ ការពង្រឹងសម្ថតិភាព លើភាពក្លាហាន ទំនុកចិត្ត ជាពិសេសចេះទំនាក់ទំនងជាមួយមនុស្សជុំវិញខ្លួន។ ម្យ៉ាងទៀតដើម្បីជួយកាត់បន្ថយភាពតានតឹងដល់អ្នកចូលរួម ព្រមទាំងជាប្រយោជន៍ ក្នុងការតំឡើងសាច់រឿងនៅក្នុងសហគមន៍។
ក្នុងនោះបន្ទាប់ពីពួកយើងបានរៀនសូត្រ និងចែករំលែកចំណេះជាមួយគ្នាហើយ ពួកយើងបានជួបជុំគ្នា ញ៉ាំបុកល្ហុងសាមគ្គី។ មើលតែរូបទៅដឹងហើយ ថារស់ជាតិជក់មាត់យ៉ាងណា 🤣
👉 ប្រធានបទប្រចាំសប្តាហ៍៖ "ល្ខោនគំនិត"។
👉 គោលបំណង៖ ផ្តល់ជំនាញវិជ្ជាជីវៈ និងបច្ចេកទេសដល់យុវជន ដែលមកពីគ្រួសារក្រីក្រ និងគ្រួសារដែលងាយរងហានិភ័យ។
👉 បញ្ជាក់៖ ក្នុងគម្រោងនេះយើងនឹងផ្តោតសំខាន់ទៅលើ "ការបង្កើនសមត្ថភាពសម្រាប់យុវជនចេញពីមណ្ឌលថែទាំជំនួស"។
👱 ភ្ញៀវកិត្តិប្រចាំសប្តាហ៍៖ យុវជន ហួត លាងហាប់ ជាសមាជិកគំរូ នៃក្លឹបយុវជនក្មេងអង្គការកម្ពុជា។
📆 ថ្ងៃអាទិត្យ​ ទី២៦ ខែសីហា ឆ្នាំ២០២៤។
⏰ ពេលវេលា៖ ចាប់ពីម៉ោង ២:០០ រសៀល ដល់ម៉ោង ៥:០០ ល្ងាច។
☑ទីតាំង៖​ @ក្មេងអង្គការកម្ពុជាក្លឹប ការិយាល័យកណ្តាលអង្គការទំនុកចិត្តកុមារកម្ពុជា ក្រុម ២៤ ភូមិជ្រៃកោង
សង្កាត់ស្លាកែត ក្រុងបាត់ដំបង ខេត្តបាត់ដំបង។
👉 សូមអធ្យាស្រ័យ Admin អត់បានផស Update ជាមុន ដោយសារ Admid ច្រឡំថ្ងៃ 🤣។
👉 ថែខ្លួន ហើយយើងនឹងជួបគ្នាឆាប់ៗនេះក្នុងប្រធានបទថ្មីៗទៀត ❤
👉 បើចង់មកញាំបុកល្លុងជុំគ្នាលើកក្រោយអាចមកបាន 🤣

📆កាលពីថ្ងៃទី១២ ខែសីហា ឆ្នាំ២០២៤ @ក្លឹបយុវជនក្មេងអង្គការកម្ពុជា បានប្រារព្ធឡើងនៅការិយាល័យស៊ីស៊ីធី មានអ្នកចូលរួមសរុប ២២នាក...
23/08/2024

📆កាលពីថ្ងៃទី១២ ខែសីហា ឆ្នាំ២០២៤ @ក្លឹបយុវជនក្មេងអង្គការកម្ពុជា បានប្រារព្ធឡើងនៅការិយាល័យស៊ីស៊ីធី មានអ្នកចូលរួមសរុប ២២នាក់ ប្រុស ៨នាក់ លើកម្មវិធី ទិវាយុវជនអន្តរជាតិ។

▶️ ក្នុងគោលបំណង៖
១. ដើម្បីឱ្យយុវជនយល់ដឹងពីសិទ្ធសេរីភាព នៃការលើកកម្ពស់យុវជន បញ្ចេញមតិជាសាធារណៈ។
២. ជំរុញលើកទឹកចិត្តឱ្យយុវជនមានភាពរឹងមាំក្នុងការដឹកនាំក្រុម និងក្លាយជាយុវជនឆ្នើម។
៣. ពង្រឹងសម្ថតិភាពលើការងារក្រុម និងមានទំនាក់ទំនងល្អក្នុងសហគមន៍។
៤. កាត់បន្ថយនូវភាពតានតឹងដែលបានប៉ះទង្គិចផ្លូវចិត្ត។
⭐️ក្នុងនោះ យុវជនបានចូលរួមក្នុងការចែករំលែកលើប្រធានបទ៖ ការលើទឹកចិត្តទៅដល់អ្នកចូលរួម និងមានដំណើរកំសាន្តទៅកាន់ជើងភ្នំបាណន់ផងដែរ។

📌នៅថ្ងៃទី២៣ ខែនិថុនា ឆ្នាំ២០២៤ ចាប់ពីម៉ោង ៧:am ដល់ ៥:៣០pm @ក្លឹបយុវជនក្មេងអង្គការកម្ពុជា បានសហការជាមួយអង្កការដៃគូរពី មន្...
08/07/2024

📌នៅថ្ងៃទី២៣ ខែនិថុនា ឆ្នាំ២០២៤ ចាប់ពីម៉ោង ៧:am ដល់ ៥:៣០pm @ក្លឹបយុវជនក្មេងអង្គការកម្ពុជា បានសហការជាមួយអង្កការដៃគូរពី មន្ទីពេទ្យម៉ារីស្តូប បានរៀបចំកម្មវិធីវគ្គបណ្តុះបណ្តាល លើប្រធានបទ៖ សុខភាពបន្តពូជ។ ដោយមានកុមារ/យុវជនចូលរួមចំនួន ៦២នាក់ ប្រុស ១៥នាក់។
👉ប្រធានបទ ផ្តោតលើ៖
• ជំងឺមហារីកមាត់ស្បូន។
• ជំងីកាមរោគ។
• ចំណេះដឹងមូលដ្ឋានស្តីពីមធ្យោបាយកំណើត។
• ការលើកម្ពស់ចំណេះដឹងស្តីអំពីការមករដូវ និងការធ្លាក់ស។
👉គោលបំណង៖ លើកកម្ពស់ការយល់ដឹងអំពីសុខភាពបន្តពូជ ជូនដល់កុមារ/យុវជនដើម្បីជាចំណេះដឹងក្នុងការការពារសុខភាព អនាម័យ និងរវាងដៃគូរ។
👉លទ្ធផល៖ កុមារ/យុវជន មានការចាប់អារម្មណ៍លើមេរៀនដែលអ្នកជំនាញបានចែករំលែក និងមានការយកចិត្តទុកដាក់ក្នុងការចូលរួមក្នុងសកម្មភាព។ ក្នុងនោះកុមារ/យុវជន មានភាពក្លាហានក្នុងការសួរសំនួរ និងឆ្លើយសំនួររបស់អ្នកសម្របសម្រួល។ កុមារ/យុវជន ទទួលបានចំណេះដឹងថ្មីតាមរយៈវគ្គបណ្តុះបណ្តាល។ ពួកគេបានដឹងពីរបៀបរក្សាសុខភាពអនាម័យក្នុងការរស់នៅ ការកត់សម្គាល់ពីរោគសញ្ញាកាមរោគ ដោយមានការបង្ហាញពីអ្នកជំនាញលើឧបករណ៍ ពន្យារកំណើតមានដូចជា ថ្នាំ កងដាក់ស្បូន ថ្នាំចាក់ ។ល។
👉ក្នុងនោះយើងមានសកម្មភាព និងមេរៀន និងការស្ទាបស្ទង់មតិ អំពីការយល់ដឹងលើសុខភាពបន្តពូជដោយធ្វើ Pre-test៖
១) មធ្យោបាយពន្យារកំណើតមានប៉ុន្មានប្រភេទ?
២) អ្វីទៅជាជម្ងឺកាមរាគ?
៣) តើការមធ្យោបាយពន្យារកំណើតគឺជាអ្វី?
៤) ជម្ងឺកាមរោគមានអ្វីខ្លះ?
៥) អង្កការម៉ារីស្តុប ផ្តល់សេវាប៉ុន្មាន?
៦) ការមករដូវគឺជាអ្វី?

Address

PO Box 376
Battambang
02351

Telephone

+85592207798

Website

Alerts

Be the first to know and let us send you an email when Khmeng Onka Cambodia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Khmeng Onka Cambodia:

Shortcuts

Share

Category