ស ស យ ក ក្រុងបាត់ដំបង

29/09/2026

លោក លាង វាសនា ប្រធាន ស.ស.យ.ក.ក្រុងបាត់ដំបង អញ្ជើញចុះជួប ពូ មីង អ្នកភូមិវត្តលៀប និងភូមិវត្តរំដួល

27/09/2026

លោក លាង វាសនា អភិបាលក្រុងបាត់ដំបង និងជាប្រធាន ស.ស.យ.ក.ក្រុង តំណាងដ៏ខ្ពង់ខ្ពស់ឯកឧត្តម សុខ លូ អភិបាលខេត្តបាត់ដំបង ដឹកនាំគ្រួសារ ស.ស.យ.ក.ក្រុង ចុះនាំយកអំណោយទៅចែកជូនបងប្អូនប្រជាពលរដ្ឋដែលរងគ្រោះដោយសារជំនន់ទឹកភ្លៀងចំនួន ៤០គ្រួសារ ស្ថិតក្នុងភូមិខ្សាច់ពោយ សង្កាត់វត្តគរ ក្រុងបាត់ដំបង ដែលក្នុង១គ្រួសារទទួលបាន៖ អង្ករចំនួន១០គីឡូក្រាម,មី១កេស,ទឹកសុទ្ធ២យួរ ។

ថ្ងៃអាទិត្យ ១រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកញ្ញា ឆ្នាំ២០២៦

25/09/2026

លោក លាង វាសនា អភិបាលក្រុងបាត់ដំបង ព្រមទាំងសហការី អញ្ជើញចុះជួបជូនដំណឹងដល់បងប្អូនប្រជាពលរដ្ឋដែលមានផ្ទះជាប់ច្រាំងស្ទឹងសង្កែបង្កើនការប្រុងប្រយ័ត្នឲ្យបានខ្ពស់ពិសេសមនុស្សចាស់ និងកុមារ....

24/09/2026

🇰🇭 អបអរសាទរ ទិវាប្រកាសរដ្ឋធម្មនុញ្ញ នៃព្រះរាជាណាចក្រកម្ពុជា 🇰🇭
🎉 ខួបលើកទី៣៣
២៤ កញ្ញា ១៩៩៣ – ២៤ កញ្ញា ២០២៦

20/09/2026

លោក លាង វាសនា ប្រធាន ស.ស.យ.ក ក្រុងបាត់ដំបង ព្រមទាំងសហការី អញ្ជើញចុះសួរសុខទុក្ខនាំយកអំណោយឯកឧត្តម ស រដ្ឋា និងលោកជំទាវ កាំង ណៃគួយ ចែកជូនបងប្អូនប្រជាពលរដ្ឋមានជីវភាពខ្វះខាតចំនួន ១០គ្រួសារ ស្ថិតនៅក្នុងភូមិព្រៃកូនសេក សង្កាត់អូរចារ ក្រុងបាត់ដំបង ដោយក្នុងមួយគ្រួសារៗទទួលបាន អង្ករ ២៥គីឡូក្រាម, ត្រីខ ១យួរ ,ទឹកត្រី ៣ដប, ទឹកស៊ីអ៊ីវ ៣ដប, មី ១កេស ។
១-អ៊ួច សុឃឿម ភេទស្រី អាយុ ៥៤ឆ្នាំ
២-ផល អ៊ួក ភេទស្រី អាយុ ៥៩ឆ្នាំ
៣-ឆាន់ ចិត្ត ភេទស្រី អាយុ ៦១ឆ្នាំ
៤-ព្រឿន ហ៊ុន ភេទស្រី អាយុ ៧៩ឆ្នាំ
៥-ឡុង ឈៀត ភេទប្រុស អាយុ ៧៦ឆ្នាំ
៦-ស្រី ជា ភេទស្រី អាយុ ៧០ឆ្នាំ
៧-វី សាលឿត ភេទស្រី អាយុ ៧៨ឆ្នាំ
៨-តោ ឆន ភេទប្រុស អាយុ ៧៤ឆ្នាំ
៩-អ៊ូច សុន ភេទស្រី អាយុ ៥៨ឆ្នាំ
១០-អ៊ួ ប៊ុនណា ភេទប្រុស អាយុ ៤៧ឆ្នាំ

ថ្ងៃអាទិត្យ ៩កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែកញ្ញា ឆ្នាំ២០២៦

09/09/2026

ខ្ញុំបាទសូមគោរពជូនពរ ឯកឧត្តម សុខ លូ ប្រធាន​កិត្តិយសសហភាពសហព័ន្ធយុវជនកម្ពុជាខេត្តបាត់ដំបង ក្នុងឱកាសដ៏មង្គលថ្លៃថ្លាមហានក្ខត្តឫក្ស ថ្ងៃខួបកំណើត ក្នុងឱកាសដ៏បវរថ្លៃថ្លានេះ សូមគោរពជូនពរ ឯកឧត្តម ទទួលបាននូវសុខភាពល្អបរិបូរណ៍ កម្លាំងពលំខ្លាំងក្លា ប្រាជ្ញាឈ្លាសវៃ អាយុយឺនយូរ ព្រមទាំងជោគជ័យគ្រប់ភារកិច្ច និងបន្តចូលរួមបម្រើជាតិមាតុភូមិ និងជាពិសេសខេត្តបាត់ដំបង ឆ្ពោះទៅរកវឌ្ឍនភាពសុខសន្តិភាព ស្ថិរភាពតរៀងទៅ ។
សូម ឯកឧត្តម និងលោកជំទាវ ព្រមទាំងបុត្រាបុត្រី
សមប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

សូមគោរពជូនពរពី ខ្ញុំបាទ លាង វាសនា ប្រធានគណៈគណកម្មាធិការសហភាពសហព័ន្ធយុវជនកម្ពុជាក្រុងបាត់ដំបង ព្រមទាំងថ្នាក់ដឹកនាំ សមាជិក សមាជិកា ស.ស.យ.ក.ក្រុងទាំងអស់ ។

24/08/2026

លោក លាង វាសនា ប្រធាន សសយក.ក្រុងបាត់ដំបង អញ្ជើញដឹកនាំគ្រួសារ សសយក.ក្រុង ចំនួន ៥០នាក់ ចូលរួមដាំកូនផ្កាភួងម៉ាល័យ ចំនួន ១០០០ដើម ក្នុងយុទ្ធនាការ “ផ្ទះមួយខ្នង ដើមឈើមួយដើម” តាមបណ្តោយប្រឡាយពោធិ៍ម៉ស្រី ដោយមានការចូលរួមពីលោក លោកស្រីថ្នាក់ដឹកនាំរដ្ឋបាលក្រុង លោកគ្រូ អ្នកគ្រូ ចៅសង្កាត់ ក្រុមប្រឹក្សាសង្កាត់ អង្គភាពភូមិ អង្គការ COMPED ប្រជាការពារសង្កាត់ ព្រមទាំងបងប្អូនប្រជាពលរដ្ឋដែលរស់នៅតាមសងខាងប្រឡាយ ស្ថិតក្នុងសង្កាត់ចំការសំរោង សង្កាត់ស្លាកែត និងសង្កាត់ក្តុលដូនទាវ នាឱកាសនោះក៏បានចូលរួមលើកស្លាកព្រំប្រទល់រវាងក្រុងបាត់ដំបង ជាមួយស្រុកឯកភ្នំ ខេត្តបាត់ដំបង ។

ថ្ងៃចន្ទ ១១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែសីហា ឆ្នាំ២០២៦

23/08/2026

លោក លាង វាសនា ប្រធាន ស.ស.យ.ក ក្រុងបាត់ដំបង ព្រមទាំងសហការី អញ្ជើញចុះសួរសុខទុក្ខនាំយកអំណោយឯកឧត្តម ស រដ្ឋា និងលោកជំទាវ កាំង ណៃគួយ ចែកជូនគ្រួសារអតីតយុទ្ធជនចំនួន១គ្រួសារ (សង្ក័សី ១៥សន្លឹកសំរាប់ប្រក់ដំបូលផ្ទះ) និងបងប្អូនប្រជាពលរដ្ឋមានជីវភាពខ្វះខាតចំនួន ៤គ្រួសារទៀត ស្ថិតនៅក្នុងភូមិទួលតាឯក សង្កាត់ទួលតាឯក ក្រុងបាត់ដំបង ដោយក្នុងមួយគ្រួសារៗទទួលបាន អង្ករ ២៥គីឡូក្រាម, ត្រីខ ១យួរ ,ទឹកត្រី ៣ដប, ទឹកស៊ីអ៉ីវ ៣ដប និងមី ១កេស ដោយមនោសញ្ចេតនារីករាយ។

ថ្ងៃអាទិត្យ ១០កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែសីហា ឆ្នាំ២០២៦

16/08/2026