Муфтияттын Нарындагы өкүлчүлүгү

Муфтияттын Нарындагы өкүлчүлүгү Contact information, map and directions, contact form, opening hours, services, ratings, photos, videos and announcements from Муфтияттын Нарындагы өкүлчүлүгү, Community Organization, Naryn.

Мечиттердин дааратканаларындагы тазалык жана тартип көзөмөлдөндүНарын районунун баш имам-хатиби Рустам Чыров Нарын район...
23/06/2026

Мечиттердин дааратканаларындагы тазалык жана тартип көзөмөлдөндү

Нарын районунун баш имам-хатиби Рустам Чыров Нарын районунун Дөбөлү айыл аймагына караштуу Эки-Нарын, Таш-Башат, Дөбөлү жана Кеңеш айылдарындагы мечиттерди кыдырып, алардын дааратканаларынын абалы менен жеринен таанышты.

Иш сапардын жүрүшүндө мечиттердин тазалыгы, санитардык абалы жана жалпы шарттары текшерилип, айрым кемчиликтер аныкталды. Натыйжада ар бир мечиттин имамдарына тиешелүү тапшырмалар берилип, аныкталган көйгөйлөрдү өз убагында жоюу, тазалыкты сактоо жана дааратканалардын абалын талапка ылайык ирээтке келтирүү зарылдыгы белгиленди.

Кочкор районунун Түз айылында жайгашкан Абдулазиз мечитинде саамалык демилге ишке ашууда. 1998-жылкы жигиттер (10 жылдык...
22/06/2026

Кочкор районунун Түз айылында жайгашкан Абдулазиз мечитинде саамалык демилге ишке ашууда. 1998-жылкы жигиттер (10 жылдыктар) биригип, мечиттин дааратканасын баштан-аяк жаңыдан куруп берүүнү колго алышты.

Бул иш – жаштардын ыйманга болгон бекемдигин, айылга болгон күйүмдүүлүгүн жана биримдигин даңазалаган жакшы саамалык болуп саналат. Жигиттер заман талабына жооп берген, таза жана ыңгайлуу даараткананы куруп, эл кызматында болуучу шарт түзүүнү максат кылышууда.

Айыл тургундары бул демилгени кубануу менен кабыл алып, жаштарга терең ыраазычылык билдиришүүдө.

Ардагер имамга колдоо көрсөтүлдүНарын районунун Жерге-Тал айылынын имам-хатиби Акматов Тынымсейит ажы 25 жылдан ашуун уб...
19/06/2026

Ардагер имамга колдоо көрсөтүлдү

Нарын районунун Жерге-Тал айылынын имам-хатиби Акматов Тынымсейит ажы 25 жылдан ашуун убакыттан бери элге диний кызмат көрсөтүп, айылдын руханий жашоосуна чоң салым кошуп келген. Ден соолугуна байланыштуу көп жылдан берки оорусунан улам бир ай мурда бутуна операция жасалып, учурда үйүндө дарылануусун улантууда.

Ушуга байланыштуу Нарын районунун баш имам-хатиби Чыров Рустам жана райондогу аксакал имамдар атайын зыярат кылып барышты. Зыяраттын жүрүшүндө Нарын райондук хатибияты тарабынан материалдык колдоо көрсөтүлүп, Тынымсейит ажынын көп жылдык үзүрлүү эмгеги жогору баалап өтүштү.

Аллах Таала Тынымсейит ажыга шыпаа берип, өмүрүн береке тартууласын!

Ак-Талаа: Үгүт айылында сооптуу иштер улануудаАк-Талаа районунун Үгүт айылында жакшы саамалыктар болуп, мечиттин алдында...
17/06/2026

Ак-Талаа: Үгүт айылында сооптуу иштер уланууда

Ак-Талаа районунун Үгүт айылында жакшы саамалыктар болуп, мечиттин алдындагы хужуранын курулуш иштери жүрүп жатат.
Айыл тургундары маркум жакындарынын кыркылыгына жумшала турган каражаттарын сооптуу ишке багыттап, мечиттин курулушуна колдоо көрсөтүшүүдө.

Тактап айтканда, Сагындыков Кутман атасынын кыркылыгына кетчү чыгымды айылдын жолуна шагыл төктүрүп, артылган 20 миң сом каражатты мечитке тапшырды.
Ошондой эле, Кангожоев Рыскелди апасы Жунус кызы Абаскан апанын кыркылыгына жумшала турган 200 миң сом каражатты мечиттин курулушуна берди.
Мындай кайрымдуу иштер айыл элинин ынтымагын бекемдеп, айыл мечитинин кужурасынын салынышына чоң салым кошушту.
Аллах Таала бул жакшылыктарды кабыл кылып, өтүп кеткен жакындарына эселеп соопторду насип кылып өз мээримине алсын демекчибиз. Бергендерден Аллахым ыраазы болсун!
Бул жакшы маалыматты Үгүт айылынын имамы Алтынбек Канжоев бөлүштү.

Кыргызстан мусулмандарынын дин башкармалыгынын 2026-жылдын 25-майындагы №4/267 буйругунун негизинде Нарын району жана На...
16/06/2026

Кыргызстан мусулмандарынын дин башкармалыгынын 2026-жылдын 25-майындагы №4/267 буйругунун негизинде Нарын району жана Нарын шаарындагы «Йакин-Инкар» агымынан баш тарткан жарандарга багытталган профилактикалык жана реабилитациялык окуулар уюштурулууда
Аталган иш-чаранын алкагында Нарын районунун баш имам-хатибинин милдетин аткаруучу Рустам Чыров Нарын шаарындагы «Жакыпбек ата» мечитинде атайын сабак өттү. Сабактын жүрүшүндө салттуу диний түшүнүктөр, коомдогу ынтымак-биримдик, мекенчилдик жана туура диний билимдин мааниси тууралуу кеңири баяндалды.

Мындан ары бул сабактар жамааттын талабына ылайык жумасына үзгүлтүксүз өткөрүлүп турмакчы. Ар бир жолугушууда ар кандай актуалдуу темалар камтылып, катышуучулардын диний түшүнүгүн бекемдөө жана коомго пайдалуу көз карашты калыптандыруу багытында жүргүзүлөт.

Ынтымак жана биримдик багытындагы таалим сабактары үзгүлтүксүз өтүүдөАт-Башы районунун баш имам-хатиби Рахат Дүйшембиев...
15/06/2026

Ынтымак жана биримдик багытындагы таалим сабактары үзгүлтүксүз өтүүдө

Ат-Башы районунун баш имам-хатиби Рахат Дүйшембиев тарабынан райондогу инкар-якин жамаатынын өкүлдөрүнө ар жуманын ишемби күнү таалим сабактары үзгүлтүксүз өткөрүлүп келүүдө.
Сабактардын жүрүшүндө ислам дининин негизги баалуулуктары, адеп-ахлак, үй-бүлөлүк тарбия, коомдогу жоопкерчилик жана мекенчилдик сыяктуу маанилүү темалар кеңири баяндалууда. Ошондой эле мамлекеттин бүтүндүгүн сактоо, элдин ынтымагын бекемдөө, коомдук тынчтыкты жана биримдикти көздүн карегиндей сактоонун мааниси тууралуу насааттар айтылып, түшүндүрүү иштери жүргүзүлүүдө.
Мындай сабактар жамааттын диний түшүнүгүн туура нукка багыттап, коомдогу ынтымакты, өз ара урмат-сыйды жана мекенге болгон жоопкерчиликти арттырууга өбөлгө түзүүдө.

Кочкор жана Ак-Талаа райондорунун баш имам-хатибдерине ыраазычылык билдирилди Кыргыз Республикасынын Жогорку Кеңешинин д...
12/06/2026

Кочкор жана Ак-Талаа райондорунун баш имам-хатибдерине ыраазычылык билдирилди

Кыргыз Республикасынын Жогорку Кеңешинин депутаты Табылды Муратбеков тарабынан коомдук иштерге жана руханий агартуу жаатындагы үзүрлүү эмгек жогору бааланып, Кочкор районунун баш имам-хатиби Жеңишбек Арзымкожоев Ыраазычылык кат менен сыйланды.
Бул сыйлык Кочкор районунда жүргүзүлүп жаткан диний-агартуу жана тарбиялык иштердин үзүрүн, ошондой эле элдин руханий баалуулуктарын бекемдөө багытындагы аракеттердин натыйжасын даңазалайт.

Ошондой эле Ак-Талаа районунун баш имам-хатиби Айбек уулу Каныбек жаш муундарды адеп-ахлакка үндөөдө, алардын билимдүү жана ыймандуу болуп калыптанышына кошкон салымы үчүн Ыраазычылык барагы менен сыйланды.

Сыйлык ээлерин чын жүрөктөн куттуктап, мындан аркы иштерине ийгиликтерди, бекем ден соолук жана элибиздин руханий өнүгүүсүнө кызмат кылууда чоң жетишкендиктерди каалайбыз. Сыйлыгыңыздар кут болсун, урматтуу эл агартуучулар!

Ак-Муз айылында улан-кыздар арасында Куран жарышы өткөрүлдүАт-Башы районунун Ак-Муз айылында улан-кыздар арасында Куран ...
28/05/2026

Ак-Муз айылында улан-кыздар арасында Куран жарышы өткөрүлдү

Ат-Башы районунун Ак-Муз айылында улан-кыздар арасында Куран жарышы өткөрүлдү. Жарышка айылдагы мектеп окуучулары активдүү катышып, өздөрүнүн Куран окуудагы жөндөмдөрүн көрсөтүштү.

Иш-чарага Ат-Башы районунун баш имам-хатиби Рахат Дүйшембиев жана райондук имамдар калыстык кылышып, катышуучулардын окуусуна баа беришти.

Жарыштын жыйынтыгында балдар жана кыздар арасында алдыга озуп чыккан катышуучуларга атайын белектер тапшырылды. Алдыңкы орундарды багындыргандарга велосипед белекке берилсе, калган катышуучулар дагы баалуу сыйлыктар менен сыйланышты.

Мындай саамалыкка уул-кыздарын катыштырган ата-энелер уюштуруучуларга ыраазычылык билдиришип, Куран жарыштары мындан ары дагы байма-бай өткөрүлүп турушун каалашты.

Бул иш-чара жаш муундарды адеп-ахлакка, ыйманга жана Куран илимине болгон кызыгуусун арттырууга болгон чоң өбөлгө .

Турдакун Усубалиев атындагы аянтта Курман айт намазы окулду. Айт намазына чогулган жамаатка алгач баян-насаат айтылып, К...
27/05/2026

Турдакун Усубалиев атындагы аянтта Курман айт намазы окулду. Айт намазына чогулган жамаатка алгач баян-насаат айтылып, Курман айттын мааниси, курмандык чалуунун эрежелери айтылып айт намазы окулду.

25/05/2026

АЙТ НАМАЗЫ 27-МАЙ КҮНҮ АЯНТТА ОКУЛАТ

Саат 07:00до диний баян айтылып,
07:30да намаз башталат.
Жайнамаздарды ала келиңиздер!

КЕЧИКПЕҢИЗДЕР!!!

Address

Naryn

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when Муфтияттын Нарындагы өкүлчүлүгү posts news and promotions. Your email address will not be used for any other purpose, and you can unsubscribe at any time.

Shortcuts

Share

Category