11/03/2026
ЫСЫК-КӨЛ ОБЛУСУН ӨНҮКТҮРҮҮ ФОНДУСУ БИЛИМ БЕРҮҮ ТАРМАГЫНА КОШКОН САЛЫМЫ.
Ысык-Көл облусун өнүктүрүү фондусунун ишмердүүлүгүнүн негизги багыттарынын бири облустун социалдык муктаждыктарын жоюуга багытталган. Ал эми билим берүү тармагы эн маанилүү жана чоң социалдык маселелердин бири экендиги талашсыз. Алсак, 2010-2025 жылдар аралыгында жалпысынан 1 млрд.916 млн 858. сом бөлүнгөн. Бул каражатка 43 мектептин жана 139 бала бакчасынын имараттары курулуп, колдонууга берилди. Мындан сырткары, райондор жана шаарлардан келип түшкөн сунуштарга ылайык, жыл сайын облус боюнча мектептердин жана бала бакчаларды имараттарын ондоп-түзөө иштери жүргүзүлүп, заманбап окуу куралдары жана техникалар менен камсызданып турат. Ошондой эле, билим берүү мекемелерине ысык тамак долбоорун ишке ашыруу максатында керектүү жабдыктар алынып берилген. Бүгүнкү күндө, төмөндөгү объектилердин курулушу бүткөрүлүп, колдонууга берилди:
-2010-жылы Түп району боюнча Кең-Суу айылында 250 орундуу мектеп, Жылуу-Булак айылындагы 192 орундуу мектеп, Арал айылында 250 орундуу мектеп, Кудургу айылында 250 орундуу мектеп, Ак-Булуң айылында 250 орундуу мектеп, Көөчү айылында 250 орундуу мектеп, Корумду айылында 250 орундуу мектеп. Ак-Суу районунун, Ичке-Жергез айылында 270 орундуу мектеп жана Жыргалаң айылында 250 орундуу мектеп. Ошондой эле, Жети-Өгүз районунунда Үч-Кошкон айылында 70 орундуу мектеп интернат жана Талды-Булак айылында 32 орундуу чакан (карликовый) мектептери колдонууга берилген.
Ал эми 2011-жылы Тоң районундагы Шор-Булак жана Бар-Булак айылдарындагы мектеп спортзалдары менен, Түп районундагы Күрмөнтү айылындагы мектептер берилген.
-2012-жылы Жети-Өгүз районундагы Санаторий Ысык-Көл айылында 96 орундуу мектеп, Саруу айылында 320 орундуу мектеп жана Ак-Суу районундагы Пионер айылында 96 орундуу мектеп, Ысык-Көл районунун Сары-Камыш айылындагы 150 орундуу мектептер колдонууга берилген.
-2014-жылы, Жети-Өгүз районунда, Барскоон айылында 350 орундуу мектеп спортзалы менен, Богатыровка айылында 320 орундуу мектеп, Мундуз айылында 114 орундуу мектеп, Боз-Бешик айылында 96 орундуу мектеп жана Ырдык айылында 350 орундуу мектеп спортзалы менен, Түп районунда Ой-Тал айылындагы 350 орундуу мектеп, Ысык-Көл району боюнча, Чоң Өрүктүү айылында 250 орундуу мектеп, Чолпон-Ата шаарында музыкалык мектеп жана Кашат айылында бала бакча берилген.
-2015-жылы, Жети-Огуз районунда Светлая Поляна айылындагы 320 орундуу мектеп, Тоң районунда Эшперов айылында 6 класска кошумча корпус курулган. Ал эми Кызыл-Туу айылында 320 орундуу мектеп спортзалы менен курулуп берилген. Ошондой эле, Ысык-Көл районунда Ананьево айылынын бала бакчасы капиталдык оңдоодон өткөрүлгөн.
-2017-жылы Ак-Суу районунун Качыбек айылындагы мектеп берилген. Ысык-Көл районунда Кожояр айылынын бала бакчасы реконструкциядан өткөн. Жети-Өгүз району боюнча Ан-Өстөн айылындагы бала бакча капиталдык оңдоодон өткөрүлгөн.
-2018-жылы Жети-Өгүз районунун Оргочор айылында бала бакча капиталдык оңдоодон өтүп, Тоң районундагы Тоң айылынын бала бакчасынын курулуш иштери бүткөрүлүп, колдонууга берилген. Ошондой эле, Жети-Өгүз районундагы Ак-Терек айылынын 100 орундуу бала бакчасы, Ак-Суу районунун Тегизчил айылындагы 60 орундуу бала бакча колдонууга берилип, иштөөдө.
- 2019-жылы Балыкчы шаарында 100 орундуу бала бакчанын курулуш иштери аяктап, колдонууга берилди. Ысык-Көл району боюнча Жаркынбаев айылында дагы бир 100 орундуу бала бакчанын курулуш иштери аяктап, бүгүнкү күндө иштеп жатат. Каракол шаарындагы №2 мектептин оңдоп түзөө иштери аяктап, ишке берилди. Тыныстанов атындагы Ысык-Көл мамлекеттик университенин №4 корпусунун тышкы келбети оңдолуп, ишке берилди. Каракол шааарындагы И.Ахунбаева атындагы медицина колледжинин 1-чи жана 2-чи корпусунун оңдоо иштери жүргүзүлдү.
-2020-жылы Жети-Өгүз районунун Саруу айылындагы С.Сыдыков атындагы орто мектебине компьютердик класс жана интерактивдик доска жана Курорт Жети-Өгүз айылындагы Д. Иманов атындагы орто мектебине ысык-тамак долбоорун уюштурууга ашканага керектелүүчү жабдуулар алынып берилди. Ысык-Көл районундагы Григорьевка айылындагы А.С.Пушкин атындагы орто мектебинин чатырын алмаштыруу иштери толугу менен аткарылып колдонууга берилди. Семеновка айыл аймагына караштуу П.Колесников атындагы орто мектебинин чатырын алмаштыруу иштери жүргүзүлгөн, Кара-Ой, Бостери жана Чоң-Сары-Ой айылдарынын жана Чолпон-Ата шаарынын мектептерине коопсуздукту камсыздоо максатында видеобайкоочу камералар сатылып алынып жана турникеттер орнотулду. Кош-Көл айылындагы №85 кесиптик лицейине кондиционер сатылып алынды. Тоң районундагы Эшперов айылындагы бала бакчага керектелүүчү курулуш жана электр материалдарын сатып алууга каражат бөлүнгөн. Кара-Коо айылынын Жангазиев орто мектебине тамак, нан бышыруучу печка, Кара-Шаар айылынын жаңы бүткөн бала бакчасына трансформатор, Бөкөнбаев айылындагы №81 лицейинин жатаканасына эмеректер сатылып алынып, толугу менен өткөрүлдү. Кара-Коо айылынын Р.Жамгырчиев атындагы орто мектебине буу казан орнотулуп жана райондук библиотекасынын материалдык техникалык базасын оңдоо иштери толук аяктап ишке берилди. Шор-Булак айылынын мектебинин актовый залын куруу иштери бүткөрүлгөн. Түп районундагы Корумду айылындагы М.Темиров орто мектебине ысык-тамак долбоорун ишке ашырууга жабдууларды алуу жана Жылуу-Булак айылындагы бала бакчанын полун оңдоого жана чатырын жылуулоо боюнча иштер аткарылды. Райондук балдарды окуутуу борборунун терезелерин алмаштыруу иштери, Ак-Чий айылындагы балдар бакчасынын оңдоо иштери, Челпек айылындагы бала бакчага оюн аянтчасын куруу иштери толугу менен бүткөрүлүп ишке берилди. Сары-Камыш айылындагы балдар бакчасынын айланасын көрктөндүрүүгө жана брусчатка алууга акча каражаты бөлүнүп берилди. Каракол шаары боюнча Каракол шаарынын №2 мектебинин ашканасын оңдоо иштери бүткөрүлдү. Балыкчы шаары боюнча Т.Ибраев атындагы №22 лицейине керектүү жабдуулар алынды. Балыкчы шаарынын №3 К.Абдылдаев атындагы орто мектебининин ашканасы оңдолду жана ашкана жабдуулары алынып берилди.
-2021-жыл Жети-Өгүз району боюнча Светлая Поляна айылында 140 орундуу балдар бакчасынын имараттары бүткөрүлүп колдонууга берилди. Ак-Дөбө айылындагы 150 орундуу мектептин курулушу аяктап колдонууга берилди. Мындан тышкары көптөгөн мектептердин материалдык техникалык базалары чындалып, оңдоо иштери дагы жүргүзүлдү.
-2022-жыл Тоң районунун Шор-Булак айылындагы мектептин актовый залынын курулушу аяктап колдонууга берилди. Жолголот айылындагы бала бакчасына 8,0 млн.сомдон ашык акча каражаты каржыланып оңдоо иштери аяктап колдонууга берилди. Ой-Тал айылындагы бала бакчанын оңдоо иштерине 4,2 млн.сом каржыланып колдонууга берилди.
-2023-жылы Жаңы-Арык айылында сметалык баасы 55,7 млн.сомдук 320 орундуу мектеп спортзалы менен колдонууга берилди. Жети-Өгүз районунун Боз-Бешик айылындагы клубду 50 орундуу бала бакчага айландырууга курулуш иштери аяктап, колдонууга берилди.
-2024-жылы Каракол шаарындагы К.Тыныстанов атындагы университетинин тышкы келбетин (фасад) оңдоп-түзөө иштери жүргүзүлүп, колдонууга берилди.
-2025-жылы Тон районунун Коңур-Өлөң айылындагы 50 орундуу бала бакчанын, Ак-Өлөң айылындагы 100 орундуу бала бакчанын курулушу, Ан-Өстөн айылындагы 275 орундуу мектеп спорттук залы менен, Ичке-Булун айылындагы 60 орундуу бала бакчанын курулушу, Кытай айылындагы 150 орундуу мектептин, Кабак айылындагы 275 орундуу мектеп спорт залы менен, Григорьевка айылындагы 140 орундуу бала бакчанын курулушу, Темир айылындагы 120 орундуу бала бакчанын курулушу бүткөрүлүп, колдонууга берилди. Балыкчы шаарына “Жаштар борбору” (коворкинг) курулду. Жолколот айылындагы З.Сооронбаева атындагы орто мектебинин капиталдык оңдоо иштери толугу менен бүткөрүлүп, колдонууга берилди. Ошондой эле, 2026-жылга карата бир катар социалдык обьектилердин курулушу аяктап, колдонууга берилүүсү күтүлүүдө.
