«Кыргыз нур» коомдук бирикмеси Уюштуруу чогулуштун чечими менен 2007-жылдын 28-ноябрында уюшулган, 2007-жылдын 29-декабрында расмий түрдө Кыргыз Республикасынын Адилет министрлигинде каттоодон өткөн. Жалпы республикалык статуска ээ.
Бирикме көбүнчө төмөнкү 4 тармакта иш жүргүзөт:
1. Жаштар саясаты (билимдүү, мекенчил жана ниети таза жаштарды колдоо, жаштардын потенциалын жогорулатуу, жаштардын ма
даният, укуктук маданият деңгээлин жана укуктук аң-сезимин жогорулатуу);
2. Кыргыз маданияты (кыргыз маданиятын, тилин, тарыхын, үрп-адаттарын, каада-салттарын жана «Манас» эпосун сактап калуу жана даңазалоо);
3. Социалдык суроолор (мүмкүнчүлүгү чектелген адамдарды жана жетим балдарды колдоо жана аларга жардам берүү);
4. Спорт (Бирикменин «Кыргыз нур» аттуу футболдук командасы Бишкек шаарындагы эң популярдуу болуп саналган профессионал эмес командалардын арасындагы Tennisi FUT-Лига аттуу футболдук турнирде ойнойт).
Бирикменин уюшулганынан бери бир топ иштер жасалды. Кээ-бирөөлөрүн эле атай кетсек:
1. «Бөбөктөр үчүн китеп» долбоорунун алкагында, КРсындагы ФРГнын элчилиги жана Немис тилин өнүктүрүү боюнча кыргыз-немис коомунун демөөрчүлүк жардамы менен, КРсынын Билим берүү жана илим министрлигинин колдоосу менен кыргыз тилинде «Ата-бабалар мурасы» китеби басылып чыгарылган;
2. Бириккен Улуттар Уюмунун Өнүктүрүү Программасынын Жаштар программасынын колдоосу менен Кыргызстандын баардык 7 дубанындагы жаштар үчүн төмөнкү темалар боюнча тренингтер өткөрүлгөн:
- «Жаштардын коомдун саясий системындагы ээлеген орду жана аткарган ролу» (укуктук суроолор боюнча);
- «Кыргызстандын жаштары: маданият жана бүгүнкү күн» (кыргыз маданияты боюнча);
3. Бирикменин жана Бирикменин мүчөлөрүнүн каражаттары менен төмөнкү 7 кайрымдуулук акциялар өткөрүлдү:
- Военно-Антоновкадагы балдар үйүндөгү балдар үчүн (2008);
- Красная речкадагы жетим балдар мектеп-интернаттагы балдар үчүн (2 жолу: 2009, 2011);
- Беловодсктогу мектеп жашка чейинки балдар үйүндөгү балдар үчүн (2010);
- Бишкек шаардык сокур жана дүлөйлөрдүн уюмунун балдары үчүн (2009);
- 2010-жылынын июнь айында Ош шаарында жана Ош дубанында жабыр тарткан балдар үчүн (2010);
- Бишкектеги кичинекей наристелер үйүндөгү балдар үчүн (2012).
Бирикме Кыргызстандын өнүгүшүнө өз салымын кошуу максатында, билимдүү, мекенчил жана ниети таза жаштардын башын кошуу аракетин көрүп жатат
