NABU Kyrgyzstan

23/06/2026

Ошто фототузактар аркылуу жаратылышты изилдөө иштери күчөтүлөт

✅NABU Кыргызстан уюмунун мүдүрү Толкунбек Асыкуловдун жетектөөсү менен Ош облусундагы Кара-Суу районунун Папан аймагындагы Сарыгой капчыгайына фототузактарды коюуга даярдык көрүү жана аймактагы биотүрдүүлүктү изилдөө үчүн атайын иш-чара өткөрүлдү.

✅Атап айтканда, уюмдун “Мониторинг” бөлүмүнүн кызматкерлери түштүк бөлүмдөгү кесиптештерине фототузактарды орнотуу боюнча мастер-класс өтүштү. Анын алкагында, фототузактарды жөндөө, аларды кийинки жолу кайсы жерлерге коюлуш керектигин пландоо, мониторинг жүргүзүүнүн ыкмалары жана аймакты изилдөө иштери окутулду.

✅NABU Кыргызстан уюму өлкө аймагындагы тоолуу аймактарга фототузактарды коюп, жаратылыштагы жапайы жаныбарларга мониторинг жүргүзүп келет. Быйыл Чүй, Жалал-Абад жана Ош облустарынын бир канча аймактарында орнотулган аппараттардан илбирс, сүлөөсүн, карышкыр, түлкү, эчки-теке, бугу-марал, куран-элик, каман сыяктуу ондогон жаныбарлардын сүрөттөрү алынды.

✅Фототузактарды орнотуу – жапайы жаныбарларга мониторинг жүргүзүү ишинин алкагында сейрек кездешүүчү жаныбарлардын, анын ичинде илбирстердин сүрөттөрү да алынып, учурда ал маалыматтар жаратылышты коргоо иштеринде жана жапайы жаныбарларды изилдөөдө пайдаланылып жатат.
@актуальное

17/06/2026

Талас облусундагы фототузактарга илбирс, сүлөөсүн өңдүү жаныбарлар түштү

✅Талас облусунун Талас районундагы Чоң-Кошой өрөөнүнө, "Беш-Таш" жана "Кара-Буура" мамлекеттик жаратылыш парктарына өткөн жылы сентябрь айында коюлган фототузактарга илбирс, сүлөөсүн, эчки-теке, куран-элик, каман сыяктуу жаныбарлар түштү. Орнотулган аппараттарды биздин уюмдун “Мониторинг” бөлүмүнүн жана аталган парктардын кызматкерлери 8-16-июнь күндөрү барып, чечип келишти.

✅Учурда фототузактар аркылуу алынган фотомаалыматтар анализденип, аймактагы жапайы жаныбарлардын таралышы, жүрүү багыттары жана саны боюнча маалыматтар такталууда.

✅NABU Кыргызстан уюму өлкөнүн тоолуу аймактарына фототузактарды орнотуп, жапайы жаныбарларга мониторинг жүргүзүп келет. Буга чейин Чүй, Жалал-Абад жана Ош облустарынын бир канча аймактарында орнотулган аппараттардан илбирс, сүлөөсүн, карышкыр, түлкү, эчки-теке, бугу-марал, куран-элик, каман, улар сыяктуу ондогон жаныбарлардын сүрөттөрү алынган.

✅Фототузактарды орнотуу – жапайы жаныбарларга мониторинг жүргүзүү ишинин алкагында сейрек кездешүүчү жаныбарлардын, анын ичинде илбирстердин сүрөттөрү да алынып, учурда ал маалыматтар жаратылышты коргоо иштеринде жана жапайы жаныбарларды изилдөөдө пайдаланылып жатат.
@актуальное

17/06/2026

NABU Кыргызстан уюму Талас облусунда экологиялык агартуу экспедициясын өткөрдү

✅2026-жылдын 8-16-июнь күндөрү NABU Кыргызстан уюмунун адистери Талас облусунун Талас жана Айтматов райондорунда экологиялык агартуу экспедициясын өткөрүштү. Анын негизги максаты – калктын экологиялык сабаттуулугун жогорулатуу, биологиялык ар түрдүүлүктү сактоонун маанисин түшүндүрүү жана мамлекеттик мекемелер, билим берүү уюмдары жана өзгөчө корголуучу жаратылыш аймактары менен кызматташтыкты чыңдоо болду.

✅Экспедициянын алкагында Талас районундагы Чоң-Кошой өрөөнүндөгү жайлоодо мал чарбачылыгы менен алектенген жергиликтүү тургундар менен жолугушууларды өткөрүштү. Баарлашуу учурунда айлана-чөйрөнү коргоо, жапайы жаныбарларды мыйзамсыз атууга жана кармоого жол бербөө, Кыргызстандын жаратылыш мурасын сактоо маселелери талкууланды. Ошондой эле жаратылышты коргоо жана илбирсти сактоо боюнча сурамжылоо жүргүзүлүп, жарандарга жапайы жаныбарларды мыйзамсыз атууга карата жоопкерчилик тууралуу маалыматтык плакаттар жана NABU Кыргызстан уюмунун календарлары таратылды.

✅Жергиликтүү тургундардын балдары үчүн «Илбирс. Мөңгүдө калган издер» аттуу мультфильм көрсөтүлүп, ал чоңдордун да кызыгуусун жаратты. Мындан тышкары, балдарга Кыргызстандын жаратылышы, өсүмдүктөрү жана жапайы жаныбарлары чагылдырылган тематикалык боёмо китепчелер белекке берилди.

✅Экспедициянын жүрүшүндө Жусуп Баласагын атындагы Кыргыз улуттук университетинин Талас аймактык көп тармактуу институтунун директорунун орун басары Г.Турсалиева менен жумушчу жолугушуу өткөрүлдү. Анда NABU Кыргызстан уюмунун миссиясы жана жаратылышты коргоо багытындагы ишмердүүлүгү тааныштырылып, экологиялык билим берүү жаатындагы узак мөөнөттүү кызматташуу мүмкүнчүлүктөрү талкууланды.

✅Ошондой эле окуу жайдын агробизнес, биология жана туризм факультетинин деканы З.Ташибекова баш болгон окутуучулар курамы жана студенттери менен жолугушуу уюштурулуп, катышуучуларга уюмдун жаратылышты коргоо боюнча ишмердүүлүгү тууралуу презентация көрсөтүлдү. Анда Талас облусундагы өзгөчө корголуучу жаратылыш аймактарында биргелешкен илимий, окуу жана талаа иш-чараларын өткөрүү мүмкүнчүлүктөрүн талкууланды.

✅NABU Кыргызстан уюмунун кызматкерлери мамлекеттик «Кара-Буура» жана «Беш-Таш» жаратылыш парктарынын жетекчилиги жана кызматкерлери менен да жолугушту. Анда биологиялык ар түрдүүлүккө мониторинг жүргүзүү, калк арасында экологиялык агартуу иштерин күчөтүү жана биргелешкен жаратылышты коргоо демилгелерин ишке ашыруу маселелери каралды.

✅Айтматов районунда райондук мамлекеттик администрациянын аппарат жетекчиси Н.Токтокеева жана райондук билим берүү бөлүмүнүн башчысы З.Маркашов менен жолугушуулар өткөрүлдү. Мамлекеттик органдардын өкүлдөрү экологиялык маданиятты калыптандырууга багытталган долбоорлорду, билим берүү программаларын жана биргелешкен иш-чараларды колдоого даяр экендиктерин билдиришти.

✅Жумушчу жолугушуулардын катышуучуларына ыраазычылык иретинде NABU Кыргызстан уюмунун эстелик белектери – дубал сааттар, Кыргызстандын жаратылышы чагылдырылган сүрөттөр жана фирмалык календарлар тапшырылды.

✅Талас облусундагы экологиялык агартуу экспедициясы жаратылышты коргоо уюмдарынын, мамлекеттик мекемелердин, билим берүү уюмдарынын жана жергиликтүү жамааттардын ортосундагы кызматташтыкты чыңдоого багытталган дагы бир маанилүү кадам болду. Мындай иш-чаралар калктын экологиялык маданиятын жогорулатууга жана Кыргызстандын уникалдуу жаратылышын сактоо боюнча аракеттерди бириктирүүгө өбөлгө түзөт.
@актуальное

17/06/2026

Кыргызстанда биологиялык ар түрдүүлүктү сактоо боюнча долбоорду ишке ашыруу үчүн өнөктөш уюмдар изделет

✅Кыргызстанда катталган юридикалык жактарды SYMBIOTIC долбоорунун алкагында биологиялык ар түрдүүлүктү коомдун түрдүү тармактарына интеграциялоо боюнча кызмат көрсөтүүгө чакырышат.

✅Консультациялык кызматтын алкагында маалыматтык жана агартуу иштерин жүргүзүү, калктын жана адистердин потенциалын жогорулатуу, мамлекеттик саясатты өркүндөтүүгө колдоо көрсөтүү, ошондой эле туруктуу жайыт башкаруу багытындагы иш-чараларды ишке ашыруу каралган.

✅Кызыкдар тараптар тендер боюнча тактоочу суроолорун 2026-жылдын 22-июнуна чейин жөнөтө алышат. Ал эми тендердик сунуштарды кабыл алуу мөөнөтү 2026-жылдын 12-июлуна чейин уланат.

✅Тендердик сунуштар DTVP электрондук платформасы аркылуу кабыл алынат. Сунуш берүү үчүн аталган платформага алдын ала каттоодон өтүү талап кылынат.
@актуальное

English:

We are looking for a legal entity registered in Kyrgyzstan.

Title of service: Consultancy for the Implementation of Biodiversity Mainstreaming through Communication, Capacity development and policy integration for SYMBIOTIC in Kyrgyzstan.

Type and scope of service: Consultancy - design, implementation and support of integrated biodiversity mainstreaming services, including communication and outreach, education and capacity development, policy support, and sustainable pasture management in Kyrgyzstan.

Important deadlines:
Deadline for clarifying questions: 22 June 2026

Deadline for tender submission: 12 July 2026

Tender will be submitted via the platform DTVP (registration needed for tender submission)

15/06/2026

NABU Кыргызстан уюму фотокапкандарга түшкөн жапайы жаныбарлардын жаңы сүрөттөрүн алды

✅NABU Кыргызстан уюмунун түштүк бөлүмүнүн “Барс-2” тобунун кызматкерлери Жалал-Абад облусунун Тогуз-Торо районундагы “Саймалуу-Таш” мамлекеттик жаратылыш паркынын жана Чүй облусунун Жайыл районунун Суусамыр жайлоосунун аймагына орнотулган фотокапкандарды кайра чечип келишти. Аппаратка куран-элик, каман, сүлөөсүн, суусар сыяктуу жаныбарлар түшкөнү аныкталды.

✅Учурда фотомаалыматтар талданып, аймактагы жапайы жаныбарлардын таралышы, жүрүү багыттары жана саны боюнча маалыматтар такталууда.

✅Аталган аймакка фотокапкандарды өткөн жылы, т.а. 2025-жылдын ноябрь айында биздин уюмдун “Барс-2” тобу жана “Мониторинг” бөлүмүнүн кызматкерлери орнотушкан.

✅Буга чейин биздин уюм өткөн жылы Чүй обулсундагы "Чоң-Кемин" мамлекеттик жаратылыш паркына, Ош облусундагы Кара-Суу районунун Сарыгой капчыгайына жана Жалал-Абад облусунун Токтогул районунун Чычкан капчыгайынын аймагына орноткон фотокапкандарды алган. Аларда илбирс, сүлөөсүн, карышкыр, түлкү, эчки-теке, бугу-марал, куран-элик, каман, улар ж.б. ондон ашуун жаныбарлардын түрлөрү түшкөнү аныкталган.

✅Фотокапкандарды орнотуу – жапайы жаныбарларга мониторинг жүргүзүү ишинин алкагында сейрек кездешүүчү жаныбарлардын, анын ичинде илбирстердин сүрөттөрү да алынып, учурда ал маалыматтар жаратылышты коргоо иштеринде жана жапайы жаныбарларды изилдөөдө пайдаланылып жатат.
@актуальное

15/06/2026

NABU Кыргызстан уюму эколог кызматкерлер менен биргеликте үч облуста рейд өткөрдү

✅NABU Кыргызстан уюмунун “Барс” бөлүмүнүн кызматкерлери мамлекеттик экологиялык уюмдун өкүлдөрү менен биргеликте мыйзамсыз аңчылыкка каршы күрөшүү максатында Чүй, Талас жана Жалал-Абад облустарында рейд өткөрүштү.

✅Тактап айтканда, бул жолку рейд Талас облусунун Манас, Талас, Бакай-Ата, Кара-Буура райондорунда, Чүй облусунун Жайыл, Панфилов жана Жалал-Абаддын Чаткал райондорунда өттү.

✅Анын ичинен Талас районундагы Беш-Таш жаратылыш паркында, Кара-Буура районундагы Үрмарал капчыгайында рейд өттү. Бирок мыйзамсыз аңчылык фактылары катталган жок. Жергиликтүү тургундарга түшүндүрүү иштери жүргүзүлдү.

✅Чүй облусунун Жайыл жана Панфилов райондорундагы рейддер Кара-Кол, Сейит, Сокулук капчыгайларында жана Кожомкул, Мадылбек, Чоң-Корумду, Кичи-Корумду айылдарында да өттү. Ал эми Суусамыр өрөөнүндө балык уулоо боюнча 6 мыйзам бузуу фактысы катталып, аларга протокол жазылды. Тактап айтканда, уруксатсыз беш метрлик бир тор салып жүргөн жаранга 5500 сом, калган беш кайырмактын ээлерине миң сомдон 5 миң сом, жалпысынан 10 500 сом айыппул салынды.

✅Белгилей кетсек, бул рейддер КР ЖРЭжТК министрлигинин аймактардагы кызматкерлери менен биргеликте өткөрүлүп, жайлоолордогу кыртыштарды автоунаалар менен тебелетип айдаган айдоочуларга эскертүүлөр берилди.
@актуальное

05/06/2026

NABU Кыргызстан уюму жаратылыш сакчылары менен тегерек стол өткөрдү

✅Бүгүн, 5-июнь күнү NABU Кыргызстан уюмунун башкы кеңсесинде, Бүткүл дүйнөлүк жана Кыргыз Республикасынын Айлана-чөйрөнү коргоо күнүнө карата жаратылыш сакчыларынын катышуусунда тегерек стол өткөрүлдү.

✅Ага КР ЖРЭжТК министрлигинин Чүй регионалдык башкармалыгынын өзгөчө корголуучу жаратылыш аймактары жана биотүрдүүлүк бөлүмүнө караштуу Кемин жана Аламүдүн райондорунун аңчы адистери, егерлери, “Чоң-Кемин” жаратылыш паркынын, “Кара-Кужур” жана “Көл-Үкөк ак илбирс” коомдук бирикмелеринин, Кочкор районунан “Сөөк” жамаатынын өкүлдөрү жана NABU Кыргызстан уюмунун кызматкерлери катышты.

✅Иш-чарада жаратылышты коргоо, биологиялык ар түрдүүлүктү сактоо жана өзгөчө корголуучу жаратылыш аймактарын натыйжалуу башкаруу маселелери талкууланды. Катышуучулар жапайы жаныбарларды жана алардын жашоо чөйрөсүн коргоо боюнча жүргүзүлүп жаткан иштер тууралуу ой бөлүшүп, бул багыттагы кызматташууну мындан ары да күчөтүүнүн маанилүүлүгүн белгилешти.

✅Ошондой эле браконьерликке каршы күрөшүү, жер-жерлерде жүргүзүлүп жаткан мониторинг иштеринин жыйынтыктары жана жергиликтүү жамааттардын жаратылышты сактоодогу ролу тууралуу сөз болду. Тегерек столдун жүрүшүндө экологиялык көйгөйлөрдү биргелешип чечүү, тажрыйба алмашуу жана келечектеги кызматташтык боюнча сунуштар айтылды.

✅NABU Кыргызстан уюмунун мүдүрү Толкунбек Асыкулов куттуктоо сөз сүйлөп, жаратылыш сакчыларын кесиптик майрамы менен куттуктады. Ошондой эле экосистеманы коргоо жаатына салым кошкон өнөктөштөргө ыраазычылык кат тапшырды. Андан сырткары, аларга уюм тарабынан даярдалган уктоочу мүшөктөрдү, “кылымдык календарлардан”, саат, плакат сыяктуу атайын белектерди да берди.
@актуальное

05/06/2026

Бүткүл дүйнөлүк айлана-чөйрөнү коргоо күнү Ошто дагы өзгөчө белгиленди

✅Бүгүн, 5-июнь – Бүткүл дүйнөлүк жана Кыргыз Республикасынын Айлана-чөйрөнү коргоо күнү Ошто дагы өзгөчө белгиленди.

✅КР ЖРЭжТК министрлигинин Ош регионалдык башкармалыгынын өзгөчө корголуучу жаратылыш аймактары жана биотүрдүүлүк бөлүмүндө майрамдык иш-чарага NABU Кыргызстан уюмунун түштүк бөлүмүнүн кызматкерлери да катышты.

✅Иш-чарада облустук экологиялык мекеменин жетекчиси Эмилбек Орозалиев менен Экология жана техникалык көзөмөл кызматынын башчысы Асанбек Мамыраимов куттуктоо сөздөрүн айтышып, жаратылышты сактоого чоң салым кошкон кызматкерлерге, анын ичинен NABU Кыргызстан уюмунун өкүлдөрүнө ардак грамоталарды тапшырышты.

✅Алар күн сайын жаратылышты коргоо үчүн ак ниеттен эмгектенип жаткан экология кызматкерлерине, коомдук уюмдарга терең ыраазычылык билдиришти.

✅Өз кезегинде NABU Кыргызстан уюмунун түштүк бөлүмүнүн жетекчиси Ысабек Аматов сөз сүйлөп, тыгыз кызматташтык мындан ары да тереңдей беришин каалады. Андан соң уюмдун мамлекеттик органдар менен биргеликте аткарып жаткан иштери тууралуу маалымат берди жана өнөктөштөрдү кесиптик майрамы менен куттуктап, атайын белектерди тапшырды.
@актуальное

04/06/2026

Бүгүнкү коногубуз — Германиянын жаратылышты коргоо биримдиги болгон...

04/06/2026

NABU Кыргызстан уюмунун жетекчиси Толкунбек Асыкулов УТРК БАТКЕН телеканалындагы “Жашыл подкаст” берүүнүнүн коногу болду.

✅Маекте Баткен облусунда өткөрүлгөн илек-илектердин санагынын жыйынтыктары, алардын популяциясына байланыштуу акыркы маалыматтар жана мындай мониторингдин жаратылышты коргоодогу мааниси тууралуу сөз болду.

✅Ошондой эле NABU Кыргызстан уюмунун өлкөбүздө ишке ашырып жаткан долбоорлору, биологиялык ар түрдүүлүктү сактоо, жапайы жаныбарларды жана алардын жашоо чөйрөсүн коргоо боюнча жүргүзүлүп жаткан иштер талкууланды.

✅Мындан тышкары, Германиянын экологиялык маданияты, канаттууларды коргоо жана коомчулуктун жаратылышка болгон жоопкерчилигин жогорулатуу боюнча ийгиликтүү тажрыйбалары тууралуу кызыктуу маалыматтар бөлүшүлдү.

✅Маекти толугу менен көрүп, жаратылышты коргоо жаатындагы актуалдуу маселелер жана жакшы тажрыйбалар тууралуу кенен маалымат ала аласыздар.

✅Видео материал шилтемеде:

#ЖашылПодкаст #УТРКБаткен #ИлекИлек #ЖаратылыштыКоргоо #БиологиялыкАрТүрдүүлүк #Экология

Бүгүнкү коногубуз — Германиянын жаратылышты коргоо биримдиги болгон...