13/07/2026
JUNIOR STARLETS WAFUZU KOMBE LA DUNIA LA FIFA LA WASICHANA CHINI YA MIAKA 17
Timu ya taifa ya wasichana chini ya umri wa miaka 17, Junior Starlets, imefuzu kushiriki Kombe la Dunia la FIFA la Wasichana chini ya miaka 17 mwaka 2026 baada ya kuichapa Afrika Kusini mabao 3–1 katika mechi ya marudiano ya hatua ya mwisho ya kufuzu iliyochezwa katika Uwanja wa Nyayo, Nairobi.
Ushindi huo umeipa Kenya ushindi wa jumla wa mabao 5–1 na hivyo kufuzu kwa mara ya pili mfululizo kushiriki mashindano hayo yatakayofanyika nchini Morocco baadaye mwaka huu.
Chini ya kocha Mildred Cheche, Junior Starlets walionyesha kiwango cha juu cha mchezo mbele ya mashabiki walioufisha Uwanja wa Nyayo, jambo linalodhihirisha maendeleo makubwa ya soka la wanawake nchini Kenya.
Hatua hiyo ya kihistoria imepokelewa kwa shangwe na mashabiki wa soka kote nchini, huku timu ikianza maandalizi ya kuiwakilisha Kenya katika jukwaa la kimataifa.
Kuripoti kwa niaba ya Abraar TV, mimi ni Abdallah Abraary.
