Peace Link Operator- مشغل روابط السلام الثقافية

15/08/2026

احترف التداول بطريقة عملية: كيف تبني دخلاً حقيقياً بعيداً عن فخ "الثراء الفاحش" 📈

فرصة تدريبية نوعية وتطبيقية مع "مستشار التدريب رشدي علام" من جمهورية مصر العربية (خبرة أكثر من 10 سنوات في بناء وتطوير الأعمال عبر الإنترنت).

تفاصيل وشروط الانضمام:

- المقاعد محدودة جداً: سيتم قبول *50 مقعداً* فقط من كافة أنحاء المملكة كمرحلة أولى.
- مرحلة التطبيق الحي: ستتم تصفية واختيار *20 متدرباً* فقط بعد الشهر الأول للانتقال إلى مرحلة التطبيق الحي والمباشر مع المستشار.
- القبول يخضع لمعايير وشروط محددة (التسجيل لا يعني القبول التلقائي).
- الموعد يُحدد ويُعلن للمقبولين لاحقاً.

خطوات التقديم:

1. أرسل كلمة"تداول"عبر رسائل الواتساب للحصول على كامل التفاصيل والشروط.
2. بعد الاطلاع على التفاصيل، يتم تعبئة نموذج التسجيل (الفورم) واعتماد الطلب.

📲 للاستفسار وطلب التفاصيل، تواصل معنا عبر

الواتساب: https://iwtsp.com/962780223731

15/08/2026

⏳ موعد البدء في دورة التداول الاحترافية :
سيتم الإعلان عن الموعد الدقيق لانطلاق أولى الجلسات قريباً جداً، وذلك فور صدور الاعتماد والموافقة الرسمية من الوزارة.

🔗 لحجز مقعدك والبدء في مراحل الدورة ، يرجى تعبئة الرابط التالي:

👉 https://forms.gle/3d5xjzB7uvQ4i78m9

نتمنى لك رحلة تدريبية موفقة وثرية بالمعرفة والمهارات المالية!

🚀 أهلاً بك في بوابة الانضمام إلى حاضنة فنتك للتمكين الرقمي (FinTech Hub) برنامج التمكين والتشغيل الذاتي – جمعية روابط السلام. 🔒 لماذا يُعد هذا البرنامج الأكثر أماناً وح...

21/07/2026

مساكم سعيد يا احلى عيلة بحب اخبركم انو صار جاهز البرنامج دورة التداول العملية( من الصفر حتى تحقيق من 10 الى 15 دولار يويمي )من حيث التصميم والايام والرسوم وغيرها من التفاصيل والاجندة والمدربين ضايل الاجراءات الرسمية حتى نعلن بشكل رسمي بعد اخذ الموافقات الرسمية لكن رح نختصر الوقت ونرسل التفاصيل هاي بملف pdf الكم على الخاص للي راسلونا واللي لسة ما راسلنا يبعتلنا مسج على الواتساب بكلمة تداول حتى نرسلة الملف التفصيلي .

Send a message to learn more

08/07/2026

صباح الخير أعزائي وأجمل متابعين ☀️ يارب تكونوا بألف خير..

يمكن كل حدا تعامل معنا مسبقاً بيعرف تماماً إنو إحنا دايماً بصف الطالب أو الباحث عن عمل، وبنعمل كل اللي بنقدر عليه وضمن نطاق مسؤوليتنا عشان نفتح بيوت ونساعد الشباب يلاقوا طريقهم 🤝.

لكن هاد البوست مخصص لأوضح نقطة جوهرية ومهمة جداً، لإنو وصلني مسج "مستفزة جداً جداً" من والدة طالبة.. وأنا للأمانة ما بلومها لإنها بتدور لبنتها على فرصة عمل، بس أنا مش مع المنطق اللي بتطرح فيه فكرتها أبداً! 🤦‍♂️

⚖️ القصة وما فيها:
الأم بعتت بدها تسجل لبنتها، وبدأت بالاستفسارات الطبيعية عن الدورة ومدى الفائدة.. وكل اللي راسلني قبل هيك بيعرف قديش بالي طويل وبعيد الشرح لو شو ما كان السؤال، لإنو هدفي بالأول وبالآخر إنو الطالب لما يلتزم، يكون عارف ومقتنع بشو رح يلتزم 🎯.

بنص الحديث.. بتحكيلي حرفياً: "أنا مش فاهمة إشي على السوالف اللي بتحكيها هاي! أنا بدي أسجل وأدفع المبلغ وأأمن وظيفة للبنت!" 🙄

هون أنا فهمت إنها أولاً مش الطالبة، وإني عم بشرح للشخص الخطأ (علماً إنها لما عرفت عن حالها بالبداية عرفت باسم بنتها وتخصصها).

فبكل هدوء بحكيلها: "ستي طيب يا ريت تعطي التلفون للطالبة اللي بدها تشارك، لانو الموضوع بيتطلب قدرات ومعرفة معينة هي أدرى فيها، يمكن ما بتحب الأمور المالية، يمكن ما بتحب قعدة التلفون أو التطبيقات.. التداول فيه مهارات لازم تكون هي مستعدة تتعلمهم وهاد لمصلحتها" 🙏.

🤯 جوابها صدمني!
بتحكيلي: "أنا بدفع الرسوم شو ما كانت وهاد المطلوب.. وإنتوا بدكوا تشغلوها!" 💸

هون تأكدت إنو نقاشي رح يكون عقيم، واخترت إني أختصر الكلام وأقدملها حل منطقي يحمي بنتها: "بامكان بنتك تدخل المرحلة المجانية (اللي مدتها شهر) ولو شفنا إنها اجتازت ومناسب إلها التدريب، ساعتها بنحكي عن المستويات الثانية، ما بقدر ألتزم مع البنت بأكثر من هيك" 👍.

📢 لو تعرفوا شو جاوبتني؟!
بتحكيلي: "أحكيلك.. حسبي الله ونعم الوكيل فيكوا ياللي ماصين البلد!" 🤦‍♂️😂

أنا هون فعلاً نزل علي الضحك! وقعدت أفكر لمدة 3 ثواني: كيف رح يصير في فايدة بولادنا إذا هيك تفكير بعض الأهالي؟!

🚫 رسالة من القلب لبعض الأهالي قبل الطلاب:
يا حبايبي، نظرية المؤامرة لا تنطبق على الجميع، وما تتسرعوا بالحكي. التداول والتشغيل الذاتي مهارة وعلم وعقد ملزم بالتزام الطالب وتطبيقه، مش سلعة بتشتريها بالفلوس ووظيفة جاهزة بتستلمها وثاني يوم بتصير تكسب! 📉❌

ولأني فكرت بهدول الـ 3 ثواني، جاوبتها بـ (وردة 🌹) وكتبتلها: "مدام.. طالما الموضوع عند ربنا ووكلتيه، بقدر أنهي الحوار وأنا متطمنة."

👥 وإنتوا شو رأيكم بالموضوع؟
إحنا عشان نضمن الجدية والنتائج الحقيقية، رح نختار على مدار المشروع 100 طالب فقط وعلى مراحل مدروسة، وإذا شفنا إنو الأمور عم تمشي بسهولة والشباب ملتزمة، بنطور وبنستقبل دفعات جديدة 🚀.

لهيك.. عنجد يارب وكلتك كل أمري، والحمد لله دايماً وأبداً 🤲.

شاركوني آرائكم بالتعليقات 👇، وخلينا دايماً شركاء قرار ووعي.

07/07/2026

صباح صباح أرق من النسيم عليكم يا أجمل متابعين 🌼✨🌼✨

طول امبارح وإحنا مجتمعين بس بنفكر في برامج يكون المخرجات تبعتها "تشغيل حقيقي"وبأي طريقة (سواء جزئي، كلي، أو تشغيل ذاتي) للشباب. والجميل إنو وقفنا عند أكثر المشاكل اللي بتواجه فعلياً الشباب بعد مرحلة التعلم وحاولنا نلاقي إلها حلول عمليّة:

❌ أولاً: أهم مشكلة بعد ما يوخد الطالب أي دورة (سواء مبتدئ أو محترف) بيضل عندو جزء التطبيق، واللي مش بسهولة يقدر يتوفر الو، وبعد مدة بتروح المعلومات كلها من راسو!
❌ ثانياً:المتابعة! بعد ما المدرب يعطي الدورة بيختفي وكأنه ما كان، فبصير مطلوب من الطالب يبحث ويجرب لحالو.. وهو مش غلط، لكن رح يحتاج وقت أطول وكلفة أعلى، وبالتالي ممكن يصيبو اليأس.
❌ أخيراً: الكلفة المادية وبعد المكان للدورات أو البرامج المحترفة، واللي ممكن ما توفر للشخص فرصة يتعرف أكثر: هل أنا قادر فعلاً على هاد المهنة أو القطاع؟ هل بتناسبني؟ وغيرها من الأسئلة.

💡 وعشان كل هاي المشاكل.. طلعنا بطريقة عملية تطبيقية تضمن للكل يعدي أهم 3 مشاكل، وصممنا البرامج التدريبية بناءً عليها! كيف؟ تعالوا أشرحلكم:

⬅️ المرحلة الأولى: في أي برنامج تدريبي رح تكون دائماً (مجانية واونلاين)ومتخصصة كثير. يعني لو لسة ما بتعرف حالك هل مناسب إلك هاي الدورة أو هل ممكن تستوعبها، إحنا رح نوفرها لـ 200 شخص مجاناً!

طيب وبعدين؟ 🤔
هدول الـ 200 رح نختار منهم أكثر ناس ناسبها الموضوع معنا لحد الـ 100 شخص بكل مرحلة. هدول المية رح نكمل معهم برنامج من الصفر إلى أن يدخل يومياً إيرادات لا تقل عن 15 دولار في اليوم! وكل شهرين رح نرجع نستقبل كمان 200 ونختار 100، يعني الكل رح يقدر يستفيد. والحلو؟ ما رح نحط عمر محدد، المهم فوق الـ 18 ويكون مسؤول عن توقيع عقد الدورة للالتزام.

طيب كيف؟ وهل مضمون هاد الإشي؟! 🎯
أيوا مضمون؛ لأنو رح ندخل مع بعض ونشتغل مع بعض "لايف". مثلاً لو بنحكي عن التداول، رح يفتح المدرب معهم بث مباشر ويوخدوا الصفقات مباشرة (مش نسخ مش تدريب مش أي إشي). مجرد التزامك معه في اللايف لمدة ساعة في اليوم رح تقدر توصل لـ 10 أو 15 دولار في اليوم. والاكيد لازم يكون في عقد تدريب ملزم للطرفين عشان نضمن استمرارية الطالب في البرنامج.

طيب ورأس المال من وين؟ 💰🎒
رأس المال (إحنا رح نوفره للطلاب)اللي اجتازوا المراحل الأولى والثانية! يعني الناس اللي أثبتوا فعلياً إنو بيقدروا على هاد المجال وبدهم يعملوا دخل إضافي حقيقي.

طيب كم رح نحتاج حتى نوصل لنطلع دخل إضافي من 10 لـ 15 دولار في اليوم؟ 📉
أول شي احسبوها: الـ 15 دولار في اليوم مضروبين في 22 يوم عمل.. إنت رح تقدر تطلع كم دولار في الشهر؟ احسبوها واحكولي يلا 😉🌼.

هاد الإيراد رح يكون بإشرافنا ومتابعة دقيقة منا يعني ضمن إرشاداتنا، ورح تحتاج منك ساعة باليوم تدخل مع المدرب وبعديها سكر حسابك تماماً. هاي الطريقة عشان نضمن ما تتأثر وتدخل قبلنا أو بعدنا وتخسر، والحكي هاد وغيرو رح تتعلمو بالتفصيل خلال البرنامج.

طيب لية هوه اسمه "برنامج" مش دورة؟ 🧐
لأن ببساطة الدورة بتخلص وكل حدى بروح يجرب لحالو، بينما إحنا ملتزمين معك سنة كاملة تدخل معنا لايف! يعني لو حدى فعلاً بدو دخل إضافي حوالي 350 دولار من شغل ساعة وحدة في اليوم هاد البرنامج مناسب الو.. بس اللي بدو يصير مليونير بيوم وليلة؟ البرنامج مش الو ❌.

طبعاً البرنامج عبارة عن3 مراحل مكثفة (التأسيس، المتخصص، والمحترف) واللي رح تستمر شهرين مكثفين مع المدرب، ومش رح نستقبل إلا الناس اللي فعلاً بدها تشتغل وتتدرب مش اللي بدها تكسب بدون شغل.

ابتداءً من مستوى (المحترف) رح تبدأ تدخل لايف مع المدرب، ورأس المال حينزلك بحسابك (50 دولار) اللي رح تشتغل فيهم. بنهاية الدورة رح تكون في المستوى الثالث عم تكسب مع المدرب لايف لمدة ساعة تقريباً 10 دولار يومياً. أثناء الدورة رح تطلع معك رصيد وأرباح تخليك تبدأ من جديد فيهم وبرضه مع المدرب، بشرط تلتزم إنك ما تدخل فردي إلا بعد ما نتأكد من سيطرتك على مشاعرك وعلى إدارتك لرأس المال.

حسابك باسمك، يعني إنت مؤهل تسحب براحتك أرباحك وكلشي، بس اللي رح نطلبه نلتزم بإدارة رأس المال حسب ما المدرب بيحكيلنا.

طيب إنتوا شو رح تستفيدوا؟ 🤝
إحنا رح نمول رأس المال وندفع أجور المدربين للشهر الأول لحد ما نختار المجموعة اللي رح تكمل وتقدر تلتزم وجديين. هدول المجموعة حيدخلوا الدورة المتخصصة اللي رح يكونوا فيها لايف مع المدرب ويكسبوا فيها مباشر، بس رح يدفعوا رسوم للدورة بسيطة لكن رح ترجع الهم من أرباحهم عالأكيد.

هلا الاستراتيجية اعتمدناها وبدنا نعرف رأيكم فيها، بعدها رح نطبقها ونتفق على أي رسوم وغيرها من تفاصيل (ما حددنا شي إلا الفكرة حالياً).

📢 البوست الجاي:رح ننزل تفاصيل المستويات والمدد الزمنية. والاستفسارات على رقم الواتساب كالعادة، بس اكتب كلمة "تداول" عشان نقدر نتناقش.

بعرف البوست طويل بس مهم نعرف هاي الاستراتيجية قبل لا ننزل بالتفاصيل الأساسية، وبرضه بيمنا رأيكم حتى نعدل بناءً عليه.

💡 طلبنا منكم اليوم:
اقترحوا علينا كم الرسوم اللي نحطها للجزء المحترف؟ علماً إنكم رح تبدأوا من المحترف ولمدة سنة تربحوا يومي من 10 إلى 15 دولار ضمن اللايف مع المدرب مباشرة. بدي تقترحوا علينا هاي النقطة تحديداً: كم عندك استعداد تدفع لهاد المستوى؟ (طبعاً بدي تبحثوا قبل لا تقترحوا وتشوفوا هادا النوع من الدورات لو متوفر كم كلفته ثم نقترح). اعتبروا حالكم صناع قرار معنا وخلينا نطبق سوا هاي التجربة...

اهم شغلة لازم تعرفوها انو انتوا التزامكم معنا ومش مع المدرب يعني احنا المسؤولين امامكم عن اي خطوة يعني مافيها مجال للمدرب لا يختفي او يفكر باي شي احتيالي فاهمين طبعا قصدي .....

بانتظار اقتراحاتكم سواءً في التعليقات أو عبر الواتساب 👇المسنجر انا مش متواجدة علية بس للتذكير...

للسرعة راسلوني على هاد الرقم (واتساب) أفضل من رقم الجمعية اللي على الصفحة حتى أرد أنا عليكم مباشرة:

📞0780223731

روابط واتساب مباشرة:
🔗 [http://wa.me/+962780223731]

🔗 [https://iwtsp.com/962780223731]

06/07/2026

مين حابب يغيّر اللعبة ويفهم التداول صح؟ 🤔🔥

كلنا بنسمع عن "التداول"، وبنشوف الإعلانات المبالغ فيها اللي بتوهمك بـ "الثراء السريع" وسيارات الفارهة بـ يوم وليلة.. وإحنا عارفين، وإنتوا عارفين، قديش في غش وبيع أوهام بهاد السوق لدرجة خلت الواحد يخاف أو يفقد الثقة.

عشان هيك، إحنا قررنا نكسر هاد الروتين ونقدم شي حقيقي، علمي، و ع الأرض.

اليوم بالليل (المسا) رح ننزل بوست بفكرة برنامج تدريبي متكامل ورح يغير نظرتك للتداول تماماً. بس قبل ما ننزل التفاصيل، بدنا نشوف طاقة الشباب والصبايا:

- لو كنت بتدور على مصدر دخل إضافي حقيقي وجانبي يدعمك؟
- لو حاسس حالك عندك القدرة على التعلم، ومخك نظيف وبستوعب، بس كل اللي ناقصك "مين يكون جنبك، يراقبك، ويدعمك خطوة بخطوة" وما يتركك بنص الطريق؟

إذا الكلام بلامس طموحك، فرجينا حماسك بالتعليقات! 👇

اكتب "مهتم" أو اترك تعليق، وخليك جاهز لبوست المسا.. لأنو اللي جاي رح يكون مبني صح وبدون أوهام! 😉📈

06/07/2026

مساء الورد والنشاط على الجميع! 🌸✨

بحب اخبركم عن فتح باب العضوية والانضمام للهيئة العامة للشباب والصبايا الشغوفين، وتحديداً من أهلنا في إربد (مع كل الترحيب بالشباب والصبايا من خارج إربد، على شرط القدرة على الالتزام بحضور اجتماعين من أصل 3 حضورياً في السنة).

📌 موعدنا الأهم:
الاجتماع السنوي العام رح يكون يوم (30-9 من كل سنة)، وهو الاجتماع الأساسي اللي بنقعد فيه كلنا على طاولة وحدة لمناقشة الخطة السنوية والميزانية للسنة القادمة، وبهمنا تكون موجود ومشارك بصوتك وأفكارك.

🤔 طيّب، إنت كعضو شو رح تستفيد؟ (مميزات الانضمام)

- شغل حقيقي على الأرض:رح تكون جزء أساسي في التخطيط والتنفيذ لبرامجنا، مبادراتنا، وأنشطتنا المتنوعة.
- الأولوية في الدورات والفرص:إلك الأولوية دايماً بالمشاركة في الدورات اللي بنعقدها (حسب شروط كل دورة)، بالإضافة لأولوية الحصول على الفرص الوظيفية أو التطوعية، سواء كانت مدفوعة أو غير مدفوعة.
- تطوير وتنمية المهارات: فرصة ذهبية لتقوية مهاراتك الاجتماعية والإدارية، وتوسيع شبكة علاقاتك.
- صنع تغيير حقيقي: رح تكون عنصر فاعل وتركّب بصمتك في صناعة تغيير حقيقي بلمس المجتمع.
- شهادة خبرة موثقة: الجمعية بتمنحك شهادة خبرة عملية بتدعم سيرتك الذاتية وتفتح لك أبواب المستقبل.
- تأهيل للمستقبل: مشاركتك القوية اليوم، بتأهلك وبتعطيك الأولوية لتكون أحد الأعضاء الإداريين وصنّاع القرار في الجمعية مستقبلاً!

📋 شو هي الشروط المطلوبة؟

1. العمر فوق 18 سنة.
2. القدرة على تسديد اشتراك العضوية السنوية وقيمتها (10 دنانير فقط) والجمعية رح تدفع عنك 10 دنانير لمرة واحدة قيمة رسم الانتساب اللي يدفع لمرة واحدة.
3. تكون فاعل بمقترحاتك وأفكارك، وملتزم بحضور اجتماعات الهيئة العامة الثلاثة على مدار السنة (وتشارك بالانتخابات).

📥 طريقة التقديم والانضمام:

كل حدا شايف في نفسه القدرة والرغبة بالانضمام، وتحديداً القدرة على التواجد معنا تحديدا في يوم الاجتماع السنوي، يبلغنا برغبته من خلال إرسال رسالة عبر الواتساب فقط لحتى نتابع معه باقي الإجراءات:

الرسالة لازم تشمل التفاصيل التالية:

- الاسم الكامل والعمر.
- التخصص ومكان السكن الحالي.
- فقرة قصيرة تعرّف فيها عن نفسك، وليش حاب تنضم لعيلتنا في الجمعية رح نختار اقوى رسالة مقنعة فيها شغف واضح؟

💡الجمعية بتكبر بأفكاركم وطاقتكم، والمقاعد متاحين لكل حدا حاب يترك بصمة حقيقية!

02/06/2026

يا أحلى مسا على عيلتنا الكبيرة اللي بتكبر كل يوم بوعيكم وثقتكم فينا! 🌸✨

بتتذكروا لما حكينا زمان إنو طريقنا طويلة، وبدأنا خطوة بخطوة اولية بمشروع مشاغل المونة ؟ يومها وعدتكم إنو المسيرة مارح توقف هون، واليوم صار وقت نوفي بالوعد وننطلق بالخطوة الإستراتيجية الجاية اللي بتهم كل بيت وكل أم بالأردن! 🎯📚

من قلب "مشغل روابط السلام الثقافية"، بلشنا التجهيزات والتحضيرات الضخمة لإطلاق أقوى مشروع تعليمي وتأسيسي أونلاين (قراءة وحساب) للطلاب، والهدف مش بس تعليم أولادنا، الهدف ندمج الأمّهات بصلب العملية التعليمية، ونفتح أكبر باب رزق وفائدة لـ أخواتنا وبناتنا المعلمات المبدعات! 👩‍🏫👦👧

شو عم بنحضرلكم ؟
قريباً جداً رح ننزل الرابط الرسمي للمنصة، ورح يكون عندنا:
1️⃣ فورم خاص للأمهات: لتسجيل الأبناء في مرحلة التأسيس والتقوية (قراءة وحساب) ضمن حصص أونلاين تفاعلية ومبهرة.
2️⃣ فورم خاص للمعلمات والمعلمين: لأننا بحاجة لأعداد كبيرة جداً من الكفاءات المبدعة عشان نغطي كل المحافظات ونشغل أكبر قدر ممكن من الستات والخريجين.

⚠️ تنويه مهم :
لأننا بنشتغل بشغل متكامل ومؤسسي، الموضوع مش عشوائي نهائياً! لكل فئة في شروط، ومعايير دقيقة، وحصة تجريبية أونلاين للي رح يوقع عليهم الاختيار عشان نضمن أعلى جودة تعليمية لأولادنا.

إحنا اليوم بنبني قاعدة تعليمية عملاقة رح تكبر فيكم ومعكم، من الشباب للشباب، ومن البيوت للبيوت.

جهّزوا حالكم، وتابعوا منشورات الصفحة والجروبات أول بأول لانو بس ينزل الفورم الأولويّة رح تكون للأسرع بالتسجيل واستكمال البيانات! 💻📝

شاركونا بالتعليقات: مين الأمهات والمعلمات الجاهزات معنا لهي الانطلاقة؟ خلونا نشوف الحماس! 🔥📚✨

31/05/2026

إلى جماعة "الغالي سعره فيه" والتجار المرضى نفسياً.. تعالوا نحسبها بالملّيمتر! 👇🏺

طالعين علينا بنغمة "السعر قليل يعني مغشوش"، ومفترضين الغش مسبقاً لأن أسعارنا بتكسر جشعكم. المغشوش الحقيقي هو مخكِ وذمتكِ عند ربنا اللي أمرنا ما نسعر بغلاء فاحش ناكل فيه قوت الناس أكل!

تعالوا نكشف الطابق وعلى بلاطة:
إنتو تجار مكاتب، بتشتروا طن الحليب والزيتون والبتنجان جملة، وعشان هوامش ربحكم بالمحلات والمستودعات وتكاليفكم الإدارية، بتضطروا ترفعوا السعر دبل!
أما إحنا؟ إحنا مش تجار! إحنا ولاد أرض وبركة. لما يكون الحليب من الغنم والماعز اللي عند ستات البيوت بالمشروع (كل وحدة عندها غنمتين ولا ثلاث بتنتج منهم ذهب)، والزعتر من أرضنا، والزيتون من شجرنا.. يعني الإنتاج صافي من أمّاتنا وأخواتنا بالبيوت والمشغل.. التكلفة بتفرق معنا بالقرش لصالح الزبون!

حسبة بسيطة عشان تنجلطوا صح:
إذا كيلو الحليب جملة بنص دينار، والبتنجان بـ 35 قرش، والجوز بـ 4 دنانير، والثوم الأخضر بدينار ونص وبتنشف.. لِيش أحط مرطبان المقدوس بـ 8 دنانير؟! هاد هو الكفر بعينه والجشع الفاحش! إحنا بنربح بالقليل وبنكسب بركة دعاء الناس.

أما عن الجودة؟ إحنا بنتحدى السوق كله بالتغليف الصحي الفخم العالي الجودة، مش علب بلاستيك رخيصة ومسرطنة ويلا المهم تمشي! واللي ذاق وفحص بيفهم طعم النظافة المنزلية اللي بنحكي عنها.

ملاحظة أخيرة للتجار: بليييز لا حد يراسلنا، لن نبيع أي تاجر نهائياً! بضاعتنا لستات البيوت اللي بدها تمون برخص وبركة وبس. وعاملين حملات وبتعلقوا؟ ااااااااااخر همي وسولفوا للصبح! واللي بفكر يسيء، تذكروا إنه رفع القضايا والجرائم الإلكترونية على الإساءة أسهل منه ما في.

مكملين بالسعر والجودة.. واللي مو عاجبه يفقع! 🫒🏺🧀

29/05/2026

زهقتِ من المونة المغشوشة؟ 🏺

كل بكج بـ 25 دينار فقط + هدايا مجانية مع كل بكج بقيمة 15 دينار 🎁

🧀 جبنة مغلية 4 كيلو صافي
🫒 زيتون ملوكي اخضر نبالي 5 لتر+ اسود جرجيري او جامبو 5 لتر
🥛 لبنة مدحبرة 4 كيلو صافي
🏺 مقدوس ملوكي 5 كيلو صافي

✅ وزن صافي مضمون
✅ بدون خلط ولا مواد حافظة
✅ شغل بيتي أصيل

📦 توصيل دينارين لكل الأردن
💙 ريع المشغل لسيدات روابط السلام

💌 اضغطي واتساب هلأ واحكيلنا أي بكج بدك واختاري الهدايا ⬇️