Carmen's Walking Journey حلم كارمن بالمشي

  • Home
  • Jordan
  • Amman
  • Carmen's Walking Journey حلم كارمن بالمشي

Carmen's Walking Journey حلم كارمن بالمشي Contact information, map and directions, contact form, opening hours, services, ratings, photos, videos and announcements from Carmen's Walking Journey حلم كارمن بالمشي, Charitable organisation, Amman.

أنا كارمن عندي شلل دماغي وجاي عشان أخليكم تبتسموا 😄 يمكن ما بمشي بسرعة بس عندي أحلى ضحكة! رح اشاركم حياتي واحكي عن مغامراتي و العلاج والأشياء المضحكة اللي بتصير لما رجليك يكونوا في إجازة 🦽😂 بدي نضحك سوا ونفرجي الدنيا إن الشلل الدماغي ما بيقدر يوقفنا💪

كارمن الله يحميها ما بتعرف معنى كلمة “خوف” أصلاً… يعني امتحان رياضيات؟ هون فجأة بتصير إنسانة حساسة ومتوترة وبدها دعم نفس...
30/04/2026

كارمن الله يحميها ما بتعرف معنى كلمة “خوف” أصلاً… يعني امتحان رياضيات؟ هون فجأة بتصير إنسانة حساسة ومتوترة وبدها دعم نفسي وجلسة تأمل قبل ما تفتح الدفتر 😂 بس حية؟ عادي، بتمسكها بإيدها وكأنها لعبة وبتقلي “ماما شوفي قديش كيوت!”… وأنا واقفة وراها بقنع قلبي ما يوقف فجاة وبراجع كل قرارات حياتي! ممنوع أسمع منها كلمة “خايفة” طبعاً… إلا لما أقولها يلا ندرس! ساعتها بصير عندها فوبيا من الجمع والطرح 😅! خلي الشجاعة للامتحانات وخافي شوي من الحيايا والسحالي، خلص قلبي مش متحمل هالبطولات!

أنا صرت مقتنعة إنه بنتي مش طالبة… هي مديرة مشاريع وأنا الموظفة الوحيدة عندها 😅 كل مرة بتيجي بكل براءة وتحكي: “ماما بتقدر...
22/04/2026

أنا صرت مقتنعة إنه بنتي مش طالبة… هي مديرة مشاريع وأنا الموظفة الوحيدة عندها 😅 كل مرة بتيجي بكل براءة وتحكي: “ماما بتقدر تعمله”… وأنا من جوا: يا رب استرها يا ترى شو المشروع هالمرة؟! 😄 مرة بدها مجسم، مرة تجربة، مرة لوحة فنية شوي و بفتح معرض فني علمي ادبي ثقافي 😂😂! وأنا طبعًا أول ما أسمع الخبر بمد إيدي عالتلفون برن على خواتي وبحكي كلمة السر: "الحقوني!” 🤭 وست كارمن ضيفة بس بتعطي اوامر لا مش هاد اللون لا مش هيك القص لا مش زابط الطول 😒😒… بالنهاية بنسلّم المشروع، والبنت بابتسامة فخر: “عملت المشروع” و فريق ناسا الي كان شغال معك هاد شو؟ 😳😅🥸

عيد قيامة مجيد ✝️🤍 يا رب يكون عيد مليان فرح و ضحك و راحة بال… زي فرحة أول لقمة معمول بعد صيام 😅✨بس الأهم إنو قلوبنا تع...
12/04/2026

عيد قيامة مجيد ✝️🤍

يا رب يكون عيد مليان فرح و ضحك و راحة بال… زي فرحة أول لقمة معمول بعد صيام 😅✨بس الأهم إنو قلوبنا تعيد على محبة، سلام، وبداية جديدة أحلى 💛 كل سنة وإنتو بخير، دافيين بين أحبابكم، ومبسوطين حتى لو الميزان زعل شوي بعد العيد 😜🎉 happy easter 🐣🐇 he is risen

30/03/2026

المعمول بالعيد إله طعم غير… مش بس تمر وعجينة، هو لمّة أهل، وريحة بيت مليانة دفا، وصوت ضحك بيطلع من المطبخ و هواش امي و ابوي الي ما بخلص. كل سنة نفس الطقوس، نفس الحكي، ونفس التفاصيل الصغيرة اللي تعودنا عليها من وإحنا صغار. كنا نقعد نتفرّج على أمهاتنا وجدّاتنا، وكيف بإيدهم كل شي بيطلع مرتب وحلو، ومع الوقت صرنا إحنا نعيد نفس الحكاية مع أولادنا. وأحلى شعور لما تشوفي بنت صغيرة زي كارمن ماسكة القالب وبتحاول تنقش معمولها بإيدها… يمكن الشكل مش مثالي، بس الفرحة بعينيها بتسوى الدنيا، وبتحسي إنه العادة كملت، والفرح انتقل من جيل لجيل بكل حب.

زمان كنت أنا الأستاذة… أمسك الفرشة وكأني داخلة حرب، وشعر أختي الكيرلي هو الضحية 😭 "اقعدي لا تتحركي!"، "ليش هيك شعرك معق...
20/03/2026

زمان كنت أنا الأستاذة… أمسك الفرشة وكأني داخلة حرب، وشعر أختي الكيرلي هو الضحية 😭
"اقعدي لا تتحركي!"، "ليش هيك شعرك معقد؟!"، وطبعا النتيجة… نفشة أكبر من قبل 🤦‍♀️

اليوم؟
دار الزمن… وصرت أنا قاعدة زي الطالبة المؤدبة، وأختي الصغيرة واقفة فوق راسي:
"ماما ركزي! مش هيك الكيرلي!"
"لااا، هاي مش كريم، هاي جريمة!"
"شعرك كان بدو إنقاذ من زمان!" 😂

وأنا بس أهز راسي و الحقيقة انه كان بدي اقوم اعجنها هي و كارمن و جملتها "اختك بتسلك احسن منك"🫠

الحياة غريبة…
كنت أمشط شعرها بالعافية، وهلأ هي بتمشط كرامتي قبل شعر بنتي 💔😂

17/03/2026

بس اعطوها ساحة فاضية و بطارية مشحونة كامل 😂😂 كان الله في عون المشاة و الرصيف و العواميد و كل الكائنات الحية بس تتعلم سواقة 😅😅

07/03/2026

سلختنا +٤ و +٢ لما شبعنا 😂😂 مو طبيعي شو شريرة طلعت لما فهمت اللعبة 😈

لو حدا إجى قبل ٩ سنين وقاللي: “استعدّي… رح توصلي لهون، ورح تشوفي بنتك تكسر الدنيا إنجازات” كنت رح أضحك وأقله يخفف مسلسلا...
03/03/2026

لو حدا إجى قبل ٩ سنين وقاللي: “استعدّي… رح توصلي لهون، ورح تشوفي بنتك تكسر الدنيا إنجازات” كنت رح أضحك وأقله يخفف مسلسلات 😅 كنت وقتها غرقانة قلق، مواعيد، خوف من بكرا، كيف ما اكون هيك و انا بتعامل مع طفلة اجت بوزن ٩٨٠ غرام و قد كف الايد 😭 و انا ماما جديدة على الصنعة 😅 .. دوامة و لا اقوى ملاهي 😂. ما كنت متخيلة قديش انا و كارمن رح نمر بمراحل و تجارب و تقلبات، وكيف المصاعب اللي كنا نحسها جبال تطلع دروس متنكرة. اليوم لما بطلع ورا، بشوف تعب، دموع، توتر… بس بشوف كمان قوة، إصرار، وضحكة بنتي اللي كانت دايمًا تقوللي بطريقتها: “ماما، إحنا قدها.”

أهم درس تعلمته؟ إن الوقت مش بس بمر… الوقت كنز. إذا ضيعناه بالتوتر بس، منكون سرقنا حالنا من لحظات حلوة ما بتتعوض ❤️. الحياة مش كاملة، بس مليانة فرص نعيشها صح، نضحك أكتر، ونخلي القلق ياخد حجمه الطبيعي… مش كل المسرح. 💛

انا و كارمن فريق ضد الحياة و ضد الشلل ضد اليأس و كارمن لحالها ضد المدرسة انا مو معها 😂😂

28/02/2026

امبارح بنتي اكتشفت تطبيق كاريوكي… ومن وقتها صرنا عايشين بحفلة أونلاين رسمية 😂 ماسكة الموبايل بكل تركيز كأن عندها بث مباشر لملايين المتابعين، وبتغني بإحساس عالي جدًا لدرجة أنا صرت أصفّق بحرارة بس مشان الله نخلص 😂😂. الكلمات نصها صح و النص الثاني تأليف فوري 😅😅، بس الثقة؟ ملييييييييون بالعالالي ! وكل ما تخلص أغنية بتطلع فيني تستنى التقييم كأني لجنة تحكيم برنامج مواهب 🙃🙃. البيت صار استوديو، وأجمل إشي إنها مبسوطة وعايشة اللحظة كأنها نجمة حقيقية ⭐🎤

24/02/2026

بعيدا عن اني proud mama 🥰 و فخورة بكارميلا انها تعلمت اهم درس بحياتها مني و هو "كارمن الشلل الدماغي مش رايح و لا اي مكان و ما رح يتغير، الموضوع اختيارك يا اما بتعيشي حياتك تعيسة او بتعيشي حياتك مبسوطة. نقطة!"🙅‍♀️ اكتئبي عادي .. انهاري عادي .. انفصلي عن الواقع عادي .. كل اشي عادي يا امي الا انك تستسلمي💪! نحنا بالسوشال ميديا ما بنزل الا الانجازات الحلوة و الطاقة الايجابية بس الي خلف الكواليسسسسسس قصة ثانية تماما ماراثون حتى نحقق خطوة لقدام 👩‍🦽

كل مرة بطلب من ربّي القوة، ما بنزلها عليّ دفعة وحدة و لا بيعطيني معجزة! بتردد براسي اية"أَمَا أَمَرْتُكَ؟ تَشَدَّدْ وَتَ...
07/10/2025

كل مرة بطلب من ربّي القوة، ما بنزلها عليّ دفعة وحدة و لا بيعطيني معجزة! بتردد براسي اية
"أَمَا أَمَرْتُكَ؟ تَشَدَّدْ وَتَشَجَّعْ! لاَ تَرْهَبْ وَلاَ تَرْتَعِبْ لأَنَّ الرَّبَّ إِلهَكَ مَعَكَ حَيْثُمَا تَذْهَبُ"

بحكيلي بصريح العبارة "معجزة هلا مافي يا قليلة الايمان .. انا اعطيتك كارمن انا المسؤول عنها و انا الي رح اساعدك بتوقيتي و بطريقتي .. شو بيعمل رينا؟
 ببعتلي ناس. ببعتلي أمي الي بتسندني .. خواتي الي شافوني باسوء حالات الاحباط و التعب و الاستسلام و اليأس، المدرسة اللي بتدعم كارمن و تدمجها .. الشادو الي اشتغلوا مع كارمن، وصاحباتي اللي بيوقفوا معي وقت التعب قبل الفرح. و صحباتها الين و سلمى الي هم اكبر نعمة موجودة بحياة كارمن

يمكن الناس تشوفني واقفة لحالي، بس الحقيقة إنو وراي جيش. وراي صلوات، وقلوب بتحبّني انا و بنتي، وأيدين بتمدّ لي قبل ما أطلب. ما في شي عملته لوحدي، ولا كان ممكن أكون اللي أنا عليه بدونهم. فعلاً…

كارمن هدية من ربنا و عايشة و بتكبر بنعمة ربنا .. انا بس واحد من الاشخاص الي ضمن خطة ربنا لهاي الطفلة

Address

Amman

Website

Alerts

Be the first to know and let us send you an email when Carmen's Walking Journey حلم كارمن بالمشي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category