15/04/2026
إعادة علاقتنا بحبوبنا كرحلة بحث ومعرفة مجتمعية، وكتجربة للاكتشاف وإعادة التجذر في آن واحد. مطعم لوف في محمية اليرموك بإشراف شيف سيرين الكردي وقمح البركة عم برجعوا القمح البلدي الأصيل في المطبخ الحوراني لبلاد الشام، سلسلة الغذاء كاملة من الحبة للمائدة عم يعاد بناؤها ونرجع نفهم تاريخ وقصة هذا المكان من بلادنا، اللي القمح جزء أساسي منه.
لا أكلنا اليوم ولاخبزنا وغماسنا هو نفسه قبل ١٠٠ سنة. ليش كنا نزرع حبوب مثل الشعير والحنطة والذرة البيضاء وبطلنا؟ ليش كنا نعرف نستخدم نباتات برية حولنا وصرنا ما منعرفها؟ كيف كان أكلنا يتغير بالمواسم وكان مرتبط بعلاقاتنا مع الناس وصار طعام واحد مناكله طول السنة. لهيك التجربة في مطعم لوف تتجاوزكونها وجبة على مائدة، هي بتعيد تفكيك علاقاتنا بالأكل وبالمكان والناس فيه.
لسبب ما درج في مخيلتنا الفصل بين العمل ذي القيمة الاجتماعية والعمل ذي الجدوى الاقتصادية، لكن الأكتاف الحقيقية لأي عملية تغيير هي بالدرجة الاولى اقتصادية، الشراكة بين المزارع والمطحنة والمطعم والمخبز اللي بوصل للناس، هذا إنتصار للعمل الجماعي اللي خلانا نقدر نستعيد سلسلة إنتاج القمح.
زوروا مطعم لوف بمحمية اليرموك هذ الربيع، يقع الموقع في شمال الأردن داخل محمية غابات اليرموك، وبالقرب من بلدة أم قيس.
