29/05/2026
INSRIGIS!
BO SAIMR ENN GEBEEN? BO KÈMMR ENN HIN?
KUCKU
Hearsche, der kucku sink bider?
“I òn in kucku geheart!”, sok man in onevònk maje unt èntlich schpirt man in lòngas ah. Lònksman beart’s òis bider grien unt der sèll vougl schrait eftar vourmitoge unt geign schnòchts.
“Benn s’hèckl schnaidt, sèbm tuit der kucku schrain”. Abesn schprichberter ònt pit ihme ze tuin unt man òt gelap, assar eppas guits oder s'geigntal eppas bildis (on)daitit.
“Benn de d’earschte vòrt hearscht in kucku schrain, muische gèlt me sòcke hobm (nor òsche s’gònze johr gèlt)”. Unt man graift in sòck, bo man eppas minz drinn òt. Laar unt mansicht… Kaa glickigis johr ver s'gèlt unt ver in verdien!
Der vougl kenn ah ans schtrofn, bo gelougn òt oder eppas vòlschis gesok òt: “Der kucku hott mi houln / houl mi!” / “Sòtt di der kucku houln!” oder “Do kenn mi der kucku pèckn! / Sòtt di der kucku pèckn!”.
Inser vougl is an erger schmarouzar: er vliek van ame pame af in òndre unt suicht an èscht, bo aalan van ame òndern veigilan drinn saint. Nor birftar se aus, lek sains, unt vliek bider vort. Er lòt’s va me biat veigilan, bo net va deme tausch baass, auspruitn: benn s'aale ausgeat, ziglt’s unt vietert's in klane kucku a bi bennar sain bar, a bi a schtiefeltar.
Af den vòòl sok man ame mònne, bo me hause va saime baibe geat plaibm: “Deer is kucku gean / Er is a kuck”.
Dr kucku gib in nome ander pflònze, as bòcst unt schean pliet, bo der grunt vaicht is, unt as pasundra schbòrza tipflan / tepflan òt: kuckupleiter (af bèlsch orchidea maculata / concordia (Dactylorhiza maculata) oder kuckuprief oder kuckuplotsche. Man òt ah gelap, as man va de sègn tipflan / tepflan eppas lesn òt gekennt.
“S’sèll, bòs dain is, klaub aus, s’sèll, bòs et dain is, lòss lign, des òt der kucku (in pleiter) geschribm”.
Unt benn maje verpai is, “heart in juni der kucku auf ze schrain, bennar in earschtn schouber me vèlde siit”, ònt insra d'òltn gesok.
IL CUCULO
La primavera è annunciata dal canto del cuculo.
A questo uc***lo sono legati molti proverbi o detti, che hanno a che fare con la sua consuetudine di deporre le uova nel nido di altri, con le credenze che il suo canto porti bene economicamente oppure che punisca chi mente.
Il cuculo dà anche il nome ad un particolare tipo di orchidea che cresce nei prati umidi e nelle cui foglie a puntini tanti si sono divertiti a leggere scritte fantasiose.
Schanni! Af de nècschte vòrt!
