ИМОХ - Италийн Монголчуудын Холбоо

28/04/2026

ИМОХ-оос мэдээллэж байна.

🇲🇳🇲🇳🇲🇳 Монголдоо санхүүгийн дэмжлэгтэй дадлага хийх бодит боломж байна‼️ 🇲🇳🇲🇳🇲🇳

Амжиж бүртгүүлээрэй

📢 МОНГОЛ ДИАСПОРА ТӨСӨЛ – СУДАЛГАА БА ДАДЛАГЫН ХӨТӨЛБӨР-ийн мэдээлэл

Олон Улсын Шилжилт Хөдөлгөөний Байгууллага (IOM) Хилийн чанад дахь Монголчуудын Зөвлөлтэй хамтран 2026-2027 онуудад хэрэгжих “МОНГОЛ ДИАСПОРА ТӨСӨЛ”-ийг хэрэгжүүлж байна.

📍 Одоогийн байдлаар 300,000+ Монгол иргэн хилийн чанадад амьдарч байгаа бөгөөд тэдний ихэнх нь залуу, өндөр боловсролтой, мэргэжлийн туршлагатай иргэд юм. Монгол Улсад тодорхой салбаруудад ур чадварын дутагдал үүсээд байгаатай уялдуулан энэ төсөл нь диаспорагийн богино хугацааны сайн дурын оролцоог бодит хөтөлбөрөөр дэмжих зорилготой.

🔹 1. ХИЛИЙН ЧАНАД ДАХЬ МОНГОЛЧУУДЫН СУДАЛГАА

Судалгаа нь хилийн чанад дахь Монгол оюутан, шинэ төгсөгч болон мэргэжилтнүүдийн:

– боловсрол, ур чадвар

– Монголд богино хугацаанд ажиллах сонирхол

– сонирхсон салбар, ажлын чиглэл, тохиромжтой хугацаа

– эх орондоо ирж оролцоход тулгарч буй бэрхшээл, хэрэгцээг

тодорхойлох зорилготой.

📊 Судалгааг онлайн асуулга болон ярилцлага хосолсон хэлбэрээр хийж, үр дүнг нь дараагийн дадлага болон ур чадвар дамжуулах хөтөлбөрүүдийн агуулгыг боловсруулахад ашиглана. Улс болгоноос заавал хамрагдах ёстой хүмүүсийн тоо буюу квот байгаа.

✍️Судалгааг бөглөх холбоос: https://forms.gle/k9H8jadA8joxRTWC7

🔹 2. ОЮУТАН, ШИНЭ ТӨГСӨГЧДӨД ЗОРИУЛСАН ДАДЛАГЫН (INTERNSHIP) ХӨТӨЛБӨР

Энэ нь хилийн чанадад сурч, амьдарч буй Монгол залуусыг Монгол Улсад ТҮР ХУГАЦААНД дадлагажуулах туршилтын хөтөлбөр юм. Гадаадад олон жил болсон залуусыг эргэж эх оронтой нь холбох, бүр мөсөн буцахад хөшүүрэг болох зорилготой. Хэрэв төслийн 2 жилийн хугацаанд амжилттай хэрэгжвэл цаашид Засгийн газар, эсвэл ХЧМЗ үргэлжлүүлэн хэрэгжүүлэн авч явах бололцоог бүрдүүлэх туйлын зорилготой.

👥 Хэн хамрагдах вэ?

– Хилийн чанад дахь Монгол оюутан, шинэ төгсөгч

– Гадаадад удаан хугацаанд сурч, амьдарч буй болон 2 дахь үеийн Монгол иргэд

📍 Үндсэн мэдээлэл:

✔️ Хамрагдах хүний тоо: 40 хүн (аль улсаас хэдэн хүн оролцоно гэсэн квот байхгүй)

✔️ Хугацаа: 2–3 сар (Зуны саруудад)

✔️ Байршил: Монгол Улс

✔️ Дадлага хийх байгууллага: төр, хувийн хэвшил, ТББ (дадлагажигч авах 9 байгууллага тодорсон байгаа)

🛠 Оролцогчид:

– бодит ажлын байранд дадлага хийнэ

– Монголын байгууллагын ажлын орчин, соёлтой танилцана

– туршлага солилцох уулзалт, карьер хөгжлийн сургалт, семинарт хамрагдана

💰 САНХҮҮГИЙН ДЭМЖЛЭГ

– Төслийн хүрээнд IOM‑оос оролцогч бүрт 1,000 (нэг мянга) ам.долларын тэтгэлэг (grant) олгоно

– Үүнээс гадна зарим хүлээн авагч байгууллагууд дотоод журмынхаа хүрээнд цалин эсхүл амжиргааны тэтгэмж (allowance) олгох боломжтой

13/04/2026

🇲🇳 🇮🇹 “ИТАЛИ УЛС”-д ажиллаж байна

Итали улс нь Хөгжлийн бэрхшээлийн яамтай ба төр, ТББ-ын түншлэл хамтын ажиллагаа нь маш сайн бэхжсэн байдаг. ХБхүний эрхийг хангаж, шаардлагатай үйлчилгээг хүргэдэг өндөр хөгжилтэй улс юм. Мөн энэ жил өвлийн олимп, паралимпыг зохион байгуулж байгаа билээ.

Миний бие Милано-Кортина өвлийн Паралимпын нээлтэд “Тусгай зочин”-оор уригдаж ССАЖЗ-ын Дэд сайд Г.Дашнямын хамтаар оролцож байна.

Нээлтийн ёслолын өмнө Италийн Хөгжлийн бэрхшээлийн асуудал хариуцсан сайд, эрхэм хүндэт хатагтай Локателлитай уулзаж, санал солилцлоо.

Түүнчлэн Монгол Улсад 30 гаруй жилийн турш хөгжлийн бэрхшээлтэй иргэдийн салбарт үнэтэй хувь нэмэр оруулж ажиллаж буй Aifo Inclusione e Cura ОУБ-ын урилгаар Итали улсын ХБ хүмүүст зориулсан үйлчилгээний систем, Төр ба ТББ-ын түншлэлийн туршлага, туслах технологийн төвийн үйл ажиллагаа, ICF-ийн туршлага судлах ажлаар Эмилия-Романья мужийн захиргаа, ХБИ-ийн “AIAS Bologna “ ТББ, Туслах технологийн төв, “OVCI” буюу “Манай гэр бүл” зэрэг байгууллагуудаар зочлохоор төлөвлөж байна.

Уулзалтуудын үр дүнгээс хуваалцаад явна. Богц дүүрэн туршлага, хамтын ажиллагаа өвөртлөн буцна гэж итгэж байна. 💡 Нэмж хэлэхэд (сонирхолтой факт):

Энэ улс 59 сая хүн амтай, 3 сая гаруй нь хөгжлийн бэрхшээлтэй гэж тоолдог, аа мөн яг хятадтай адилхан хөгжлийн бэрхшээлийн асуудал эрхэлсэн яамтай, “Minister for Disabilities” гэж тусгай сайд байдаг. Тэр нь:
• хөгжлийн бэрхшээлтэй хүмүүсийн эрх
• хүртээмж
• оролцоо
• спорт, боловсрол, хөдөлмөрийн бодлого
зэрэг асуудлыг Засгийн газрын түвшинд уялдуулж зохицуулдаг.

19/02/2026

Монгол хэлний үгийн сангаас мартагдаж байгаа сайхан үгс байна

https://www.facebook.com/share/r/1823T4cp2L/

16/02/2026

Мажионе хот дахь “Цагаан сарын баяр”-ын арга хэмжээний цахим бүртгэл 02.20-ыг хүртэл сунгагдлаа. 🙌🤩🥳
Бүртгүүлэх холбоос:
https://forms.gle/r44ZPCYX16HezxY19

03/02/2026

📌 ИТАЛИЙН МОНГОЛЧУУДЫН ХОЛБООНЫ анхны Цагаан сар, Улаан Гал морин жилийн 🇲🇳ЦАГААН САРЫГ ИТАЛИД 2026 оны 2 дугаар сарын 21нд тэмдэглэнэ.

📌🇲🇳МОНГОЛ ИТАЛИЙН НИЙГЭМЛЭГ нь 2000 оноос хойш жил бүр Цагаан сарын баярын арга хэмжээг 13 дугаар зууны алдарт аялагч Плано Карпинигийн төрсөн нутаг 🇮🇹 МАЖОНЕ 🇮🇹 хоттой хамтран уламжлал болгон зохион байгуулсаар ирсэн билээ.

📌🇲🇳ИТАЛИЙН МОНГОЛЧУУДЫН ХОЛБОО нь энэ жил анх удаагаа энэ арга хэмжээний хамтран зохион байгуулагчаар оролцож байна.

🌞Энэхүү арга хэмжээ нь 🇲🇳🇮🇹 хоёр орны түүх, өв соёл уламжлалыг таниулан сурталчлах онцгой ач холбогдолтой төдийгүй Итали улсад оршин сууж буй монголчууд хамтдаа үндэсний баяраа тэмдэглэх болон бусад зочин төлөөлөгчдөд монгол үндэсний хоол, урлагийн тоглолтоор дамжуулан монгол ёс заншилтай ойроос танилцах боломжийг олгодгоороо онцлогтой.

🌞Италийн зүрхэнд орших Мажоне хотод зохион байгуулагддаг уг баярын арга хэмжээ нь Итали улсад амьдарч буй монголчууд болон Монголын түүх, соёлд сонирхолтой хэн бүхэнд нээлттэй.

📌Та бүхнийг үндэсний дархлаа болсон өв соёл юүгээн түгээн таниулах үйлсэд өргөнөөр оролцож, төрт ёсны эрхэм "Цагаан сарын баяр"-аа хамтдаа тэмдэглэхийг урьж байна.

👉БҮРТГЭЛ: 2026 оны 02 дугаар сарын 16-ныг дуустал
👉Суудал дүүрсэн тохиолдолд бүртгэл урьдчилан хаагдахыг анхаарна уу.
👉Бүртгэлийн холбоос: https://forms.gle/r44ZPCYX16HezxY19
👉Таны бүртгэл баталгаажсаны дараа зохион байгуулалтын талаарх нарийвчилсан мэдээллийг бид хүргэх болно.

📌Дэлгэрэнгүй мэдээллийг:
ИМОХ - Италийн монголчуудын холбоо, Associazione Mongolia Italia - Монгол Италийн нийгэмлэг пэйжүүдээс болон
☎️🇲🇳хэлээр: 3314566222, 3519256876 дугааруудаар холбогдон аваарай

#ЦагаанСар Mongolian Embassy in Italy Associazione Mongolia Italia - Монгол Италийн нийгэмлэг

31/01/2026

Итали улсын Умбриа мужийн Мажоне хот дахь Цагаан сарын баярын арга хэмжээ 🌙✨

"Монгол Италийн нийгэмлэг" нь Умбриа мужийн Мажоне хотод жил бүр Цагаан сарын баярын арга хэмжээг уламжлал болгон зохион байгуулсаар ирсэн билээ. Харин энэ жилээс эхлэн "Италийн монголчуудын холбоо" хамтран зохион байгуулагчаар оролцож байна.

Энэхүү арга хэмжээ нь хоёр орны түүх, өв соёл уламжлалыг таниулан сурталчлах онцгой ач холбогдолтой бөгөөд Итали улсад оршин сууж буй монголчууд болон зочин төлөөлөгчдөд монгол үндэсний хоол, урлагийн тоглолтоор дамжуулан Монгол ёс заншилтай ойроос танилцах боломжийг олгодог.

Италийн зүрхэнд орших Мажоне хотод зохион байгуулагддаг уг баярын арга хэмжээ нь Итали улсад амьдарч буй монголчууд төдийгүй Монголын түүх, соёлд сонирхолтой хэн бүхэнд нээлттэй. 🐎🎶🥟

Цагаан сарын баяр нь Итали, Монгол хоёр орныг холбосон уулзалтын цэг болж, соёлоо хуваалцан, харилцан ойлголцол, нөхөрлөлийг бэхжүүлэх сайхан боломжийг бүрдүүлдэг. 🇮🇹🤝🇲🇳

Бидний ондоошил, өв соёлын дээж болсон Цагаан сарын баярын арга хэмжээ нь Итали, Монгол хоёр орны иргэдийн хооронд соёлын гүүр болж, хамтын нөхөрлөлөө улам бэхжүүлэх гайхалтай боломж байна гэдэгт итгэлтэй байна. 🇮🇹🤝🇲🇳

(Монгол Италийн нийгэмлэг нь Мажоне хотын захиргаа болон “Pro Loco” байгууллагатай хамтран зохион байгуулж байсан өмнөх жилүүдийн арга хэмжээнүүдийн зургуудаас хуваалцаж байна.)

Associazione Mongolia Italia - Монгол Италийн нийгэмлэг

01/01/2026

Ром хотын Коллизейн эргэн тойрны баярын буудлага, 2026.01.01, 00.00 цагт

29/12/2025

🎇🍾🥂💫✨Felice Anno Nuovo✨💫🥂🍾🎇

Улиран одож буй хуучин он танд
Ухаарал баяслыг хайрлаж
Угтан авч буй шинэ он танд
Урам зориг, амжилт бүтээл, аз жаргалын дээдийг бэлэглэг 🎉🥳🎁
Шинэ оны мэндийг хүргэе!

29/12/2025

25/12/2025

Мэндчилгээ
Хилийн Чанад дахь Монголчуудын Зөвлөл НҮТББ
Хилийн чанад дахь Монголчуудын Зөвлөл

Мэндчилгээ
Хилийн Чанад дахь Монголчуудын Зөвлөл НҮТББ-ын хувьд улиран өнгөрч буй 2025 он амжилт бүтээлээр дүүрэн, өрнүүн сайхан жил болж өнгөрч байна.

Энэ онд бид бүхэн "Дэлхийн Монголчуудын Анхдугаар Наадам" арга хэмжээг Бельгийн Хаант Улсын нийслэл Брюссель хот, "Хилийн чанад дахь Монгол Оюутан залуучуудын 6-р чуулга уулзалтыг (MSYOC) Турк улсын Истанбул хотноо тус тус амжилттай зохион явуулж чадлаа. Эдгээр үйл ажиллагааг зохион явуулахад дэмжин туслаж хамтран ажилласан нийт гишүүд, төрийн болон ТББ-ууд, хувь хүмүүс, аж ахуйн нэгжүүдэд чин сэтгэлийн талархлаа дахин дэвшүүлж байна.

Эрхэм хүндэт гишүүд, биднийг дэмжин хамтран ажилладаг байгууллагууд, хилийн чанадад оршин суугаа элэг нэгт монголчууд Та бүхэндээ Зул сарын болон шинэ жилийн баярын мэндийг хүргэж, айлчлан ирж буй 2026 онд аз жаргал, амжилт бүтээлээр дүүрэн байхын ерөөлийг өргөн дэвшүүлье!

Хилийн Чанад дахь Монголчуудын Зөвлөл НҮТББ

Хилийн чанад дахь Монголчуудын Зөвлөл