01/11/2026
සියලු සාන්තුවරයන්ගේ
මංගල්යය දිනය අදයි 💐💐
නොවැම්බර් 1
"Sanctus, sanctus, sanctus Dominus deus sabaoth"
(සුවිශුද්ධය, සුවිශුද්ධය, සුවිශුද්ධය ලෝකාග්ර දෙවිස්වාමින් වහන්සේ සුවිශුද්ධය)
ඉහත පාඨය ඔබ හොදින් දන්නනෙහුය. අප අදහන දෙවියන්වහන්සේ සුවිශුද්ධ බව අපි දනිමු. සාන්තුවරයන් යනු උන්වහන්සේගේ සුවිශුද්ධ බවේ කැඩපත් වේ. සාන්තුවරයෝ දෙවියන්වහන්සේගේ සුවිශුද්ධ බව අත්දැක ඒ සුවිශුද්ධ බව ජිවත් කරමින් මිහිමත ජිවත් වන කාලයේ අන් අයගේ ජිවිත සුවිශුද්ධ කළහ.
'Sanctus' යන ලතින් වචනය සමගම තවත් ලතින් වචනයක් ගැන ඔබේ අවධානය යොමු කරමි. ඒ Sanguis වේ. එහි අර්ථය රුධිරය වේ. සියලුම සාන්තුවරයන්ට ඉතා වටිනා පානයක් තිබුණි. ඒ ජේසුස් වහන්සේගේ රුධිරයයි. ඔවුන් දුබල වුවත්, ප්රබල වුණේ ජේසුස් වහන්සේගේ රුධිරයෙනි. සමහර සාන්තුවරයන් තමන්ගේ රුධිරය හෙළා ප්රාණ පරිත්යාග කිරීටය දිනා ගැනිමට බොහෝ සේ ආශාවක් දැක්වූයේ, ජේසුස් වහන්සේගේ රුධිරයේ බලය සහා රස දන්න නිසාය.
මිත්රවරුනි, සාන්තුවරයන් යනු ඔබටත් මටත් මෙන් ලේ ඇට මස් නහර තිබුණු මිනිසුන්ය. ඔවුන්ට සාන්තුවරයන් වීමට sanctus (සුවිශුද්ධ) සහා sanguis (රුධිරය) යන වචන දෙකේ අර්ථය බෙහෙවින් උපකාරී විය. ඒ නිසාම ඔවුන්ගේ සිතුවිලි, වචන සහා ක්රියා සුපිරිසිදු විය. ඒ සදහා පදනම වුණේ සුපිරිසිදු හදවතයි. ඔවුන්ගේ හදවත් සුපිරිසිදු වුණේ ජේසුස් වහන්සේගේ රුධිරයෙනි. ඔවුන් අනුන්ව ද සුපිරිසිදු කළේ ජේසුස් වහන්සේගේ රුධිරයෙනි. ඔවුන්ගේ ඇදහිල්ල ශක්තිමත් වුණේ ජේසුස් වහන්සේගේ රුධිරයෙනි. ඒ නිසාම ඕනෑම වෙලාවක තමන්ගේ රුධිරය හෙළා ජේසුස් වහන්සේ ව ජිවත් කරන්නට ඔවුන්ට මහත් ධෛර්යක් තිබුණි. ජේසුස් වහන්සේගේ රුධිරය යනු නිකම් ම නිකම් පානයක් නොව කොන්දේසි විරහිත ආදරයේ පානයක් බව ඔවුහු දැන සිටියහ. අපිට එහි රස, බලය, ශක්තිය දැනෙනවාද?
මිත්රවරුනි,අපටත් අනිවාර්යයෙන්ම සාන්තුවරයන් විය හැකිය. ඒ සදහා ඔබ සහා මම අනිවාර්යයෙන්ම දෙවියන්වහන්සේගේ සුවිශුද්ධ බවේ කැඩපත් විය යුතුයි. අපේ සිතුවිලි, වචන සහා ක්රියා යන සියල්ලක්ම සුපිරිසිදු විය යුතුයි. ඒ සදහා ජේසුස් වහන්සේගේ රුධිරය සහා මාංශය අනිවාර්යයෙන්ම උදව් වනු ඇත. නමුත් මේ ලෝකයේ එසේ ජිවත් වන්නට පහසු නැත. ජේසුස් වහන්සේගේ සුවිශුද්ධ රුධිරයේ සහා මාංශයේ බලයෙන් ශක්තිමත් වුණු සුපිරිසිදු හදවත් ඇති මිනිසුන්ට අනිවාර්යයෙන්ම මේ ලෝකයේ අභියෝග, ගැටලු, බාධා, ප්රශ්න හමු වනු ඇත. දුක, කලකිරිම්, වේදනාවන් දැනෙනු ඇත. නමුත් ඒ කිසිම දෙයක් නිසා අධෛර්යමත් නොවන්න. අවසානයේ දී ජයග්රහණය කරන්නේ ජේසුස් වහන්සේගේ සුවිශුද්ධ රුධිරයේ සහා මාංශයේ බලයෙන් ප්රබල වන ඔබේ සුවිශුද්ධ හදවතයි. උන්වහන්සේ තුළ බලාපොරොත්තුව ඇති සුපිරිසිදු හදවත් ඇති ඕනෑම කෙනෙක් කෙදිනෙක හෝ අනිවාර්යයෙන්ම උන්වහන්සේගේ ප්රකෘති ස්වභාවයෙහිම දකිනු ඇත.
අපටත් සාන්තුවරයන් වීමට හැකි වන පිණිස අප තුළ සුවිශුද්ධ හදවත් ඇතිකරගන්නට අප වෙනුවෙන් ශු. ත්රීත්වය ඉදිරියෙහි යාච්ඤා කරන මෙන් සියලුම සාන්තුවරයන්ගෙන් ඉල්ලමු.
සියලුම සාන්තුවරුනි, දුබල අප සියල්ලන් වෙනුවෙන් යාච්ඤා කළ මැනව ❤️