Napleslanka

17/04/2024

730 සම්මන්ත්‍රණය
21/04/2024 සවස 3.30 සිට..
Piazzetta San Gennaro a materdei
SCUGNIZZO පාසල් පරිශ්‍රයේ දී..

730 වාර්තාව යනු කුමක්ද?
එය ඉදිරිපත් කල හැක්කේ කාටද?
සුදුසුකම් මොනවාද ?
එහි ඇති වාසි අවාසි මොනවාද?
පසුගිය වසරේ අදාල වාර්තාව මත මුදල් නොලැබූ අය කල යුත්තේ කුමක්ද ?

මේ අදායම් වාර්තා කරන කාලයයි!
රාජ්‍ය චක්‍රලේඛන අනුව 730 වාර්තාව 2024 මැයි මස මුල සිට සැප්තැම්බර් මස අවසානය දක්වාත්, UNICO වාර්තාව 2024 නොවැම්බර් මස අවසානය දක්වාත් යොමු කල හැකිය.
පසුගිය වර්ෂය තුල ආදායම් උපයා ඇති හෝ අදාල චක්‍රලේඛණ අනුව නීති සම්පාදන වලින් බැහැර නොවන සියලු පුරවැසියන් විසින් මෙම ආදායම් වාර්තා ඉදිරිපත් කල යුතුය .

මෙහි මූලික අරමුණ අදායම් බදු ගෙවීම වන අතර රාජ්‍ය ආධාර, බැංකු ගනුදෙනු (උදා; ඉතාලිය තුල ස්ථාවර වත්කම් මිලදී ගන්න හෝ දිගුකාලීන නය ලබා ගන්න), සංක්‍රමික යන් හට ඉතාලි පුරවැසිභාවය ලබා ගන්න ද මෙම අදායම් වාර්තා අතීෂයින්ම වැදගත් වේ.

එහෙත් රැකියා ස්වභාවය, ආදායම් මාර්ගයන් සහ වියදම් ස්වභාවය අනුව, මෙම විෂය පථය යම්තාක් දුරට සංකීර්ණ වන අතර, මෙම සම්මන්ත්‍රණය තුල, විශේෂයෙන්ම ගෘහ සේවය සහ ස්වයං රැකියා (පාරෙ කොන්ත්‍රාත්🤔) සදහා 2024 වාර්ෂික ආදායම් වාර්තාවන් (730/UNICO) බලපාන අයුරු පිලිබද ව නිසි අවබෝධයක් ලබා දීමටත් නව සංශෝධන සහ අනිවාර්ය කරුනු පිලිබද ව සාකච්ඡා කිරීමටත් අපේක්ෂා කරමු.

තවද , ගෘහ සේවයේ යෙදෙන්නන් තම සේවායෝජයාගෙන් වාර්ෂික ව ලබා ගත යුතු අදායම් වාර්තාව "Dichiarazione sostitutiva CU* (ex CUD) හි ආකෘතියක් නොමිලේ ලබා දීමටත්, එහි ඇතුලත් විය යුතු කරණු පිලිබද ව දැනුවත් කිරීමටත් අප අපේක්ෂා කරමු.

ඉතාලි ආර්ථිකයට පණපොවන ඔබගේ ආර්ථික සහ වුර්තිමය අයිතීන් පිලිබදව නිසියාකාරව දැනුවත් වීම, හෙට දිනයේ ඔබගේ අනාගත සැලසුම් සදහා පිටුවහලක් වනු ඇතැයි අප විශ්වාස කරමු.

සංක්‍රමිකයන් හට තම සංක්‍රමණය තුල මුහුණ දිය යුතු ගැටලු ද, නිවැරැදි අනුකූලනයක් තුල එය නිරාකරණය කර ගන්නා අයුරු ද ප්‍රායොගිකව අත්විඳි කණ්ඩායමක් ලෙසත්, ඔවුන්ගේ වගකීම් මෙන්ම අයිතීන් සුරැකීමේ සංවිධානයක් ලෙසත් "සමාජ ප්‍රවර්ධන වැඩසටහනක්" ලෙස මෙම සම්මන්ත්‍රණය පැවැත්වීමට අප අදහස් කරන අතර, පොදුවේ සියලු දෙනාටම සහභාගි වන මෙන් ගෞරවයෙන් ආරාධනා කරමු.
ස්තූතියි 🙏
ස්ථානය :
SCUGNIZZO පාසල් පරිශ්‍රය
(මදෙර්දෙයි මෙට්‍රෝ පිවිසුම අසල)
PIAZZETTA S. GENNARO A MATERDEI
සැ.යු
ඡායා රූපය අප විසින් නැරඹූ චිත්‍රපටයක මතක සටහනක් බව කාරුණිකව සලකන්න.

15/04/2024

ආරාධනා!!
2024 අප්‍රේල් මස 21 වෙනි ඉරුදින සවස 3.30 ට ආරම්භ වීමට නියමිත "ASSEMBLEA DEI SOCI 2024/I/IV" සාමාජික හමුව සහ භෝජන සංග්‍රහය ට සහභාගි වන මෙන් ඔබ සැමට ගෞරවයෙන් ආරාධනා කරමු!
මෙදින සාමාජික හමුව තුල 2024 වර්ෂය ට අදාල අදායම් වාර්තා (730/UNICO)
පිලිබද ව සාකච්ඡා කිරීමටත් ඒ තුලින් නව සංශෝධන මෙන්ම අනිවාර්ය කරුනු පිලිබද ව ඔබ දැනුවත් කිරීමට ත්, A2 සහතික පත් ප්‍රදානය කිරීමටත් ඔබ සියලු දෙනාගෙම ගෞරවනීය සහභාගිත්වය අප අපේක්ෂා කරමු. ස්තූතියි !

04/02/2024

“Io Studio 2024” – La Regione Campania lancia il bando per studenti delle scuole secondarie di secondo grado

Il bando è aperto agli studenti che frequentano le scuole secondarie di secondo grado, pubbliche e private, presenti su tutto il territorio campano.

La borsa di studio corrisponde a 250 euro
È possibile presentare la domanda fino alle ore 22.00 del 7 febbraio 2024.

රාජ්‍ය හෝ පුද්ගලික අධ්‍යාපනය හදාරන scuole secondarie di secondo grado සිසු සිසුවියන් සදහා අධ්‍යාපන හේතු මත, කම්පානියා පළාත් සභාව විසින් යූරෝ 250ක ශිෂ්‍යත්ව අරමුදලක් නිවේදනය කර ඇත.
2024 ඊසේ අගය උපරිම € 15.748,48 ට අඩු ආදායම් ලාභී පවුල් සදහා 2024 පෙබරවාරි 7 වෙනිදා රාත්‍රි 10ට පෙර, මේ සදහා අයදුම්පත් යොමු කල හැකිය.

22/12/2023

2023/2024 පාසල් වර්ෂයේ පලමු A2 ඉතාලි භාෂා දැනුම පරීක්ෂණය ඉතාමත් සාර්ථකව මෙවරත් පැවැත්වුණු අතර, කාර්තා සෝජෝර්නෝ බලපත්‍රයෙ හි අවශ්‍යතාව සහ තම ඉතාලි භාෂා දැනුම මට්ටම වැඩි දියුණු කර ගැනීමේ අරමුණින් සහභාගී වූ සියලු දෙනාටම සුබපැතුම් එක් කරමු !!

18/12/2023

12/12/2023

ආරාධනා!!
2023 දෙසැම්බර් මස 16 වෙනි සෙනසුරාදා සවස 3.30 ට Piazzetta San Gennaro හි Scuola dello SCUGNIZZO පාසල් පරීශ්‍රයේදී
පැවැත්වීමට නියමිත "ASSEMBLEA DEI SOCI 2023/2024" වර්ෂ අවසාන සාමාජික හමුව සහ භෝජන සංග්‍රහය ට සහභාගි වන මෙන් ඔබට/ඔබ සැමට ගෞරවයෙන් ආරාධනා කරමු.

මෙදින සාමාජික හමුව තුල පහත සදහන් කරුනු සාකච්ඡා කිරීමටත් ඒ තුලින් ඔබ දැනුවත් කිරීමට ත් අප අපේක්ෂා කරමු.

☑️2024 වර්ෂයට අදාලව නව රජය විසින් යෝජිත මෙන්න අනුමත ආධාර, ප්‍රතිලාභ, බෝනස් සහ නව නීති සංශෝධන
☑️ගෘහ සේවකයන්ගේ වුර්තිමය අයිතීන්
☑️සංක්‍රමණ නව නීති සහ සංශෝධන
☑️අධ්‍යාපන පාඨමාලා සහ වුර්තිමය පාඨමාලා
☑️2024 වර්ශයේ ආරම්භ වීමට යෝජිත අප සංගමයේ නව සමාජ ප්‍රවර්ධන ව්‍යාපෘති

2024 වර්ෂය තුල විවිධ ජාතීන් හට අයත්ව විවිධ පුද්ගලයින් සහ පවුල් විශාල පිරිසක් සංගමයේ සේවය ලබා ගෙන ඇති අතර, අපගේ දුර්වලතා සහ අඩු පාඩු හදුනා ගැනීම සදහා සාමාජිකයන් ගේ චෝදනා, යෝජනා සහ අදහස් විමසන්න ද අප නිහතමානීව අපෙක්ෂා කරමු.

වර්ෂය ක් පුරාවට සාමාජිකයින් ගේ කාලීන සහ අනාගත අවශ්‍යතා අප සමග බෙදාගනිමින් සංක්‍රමික, නීතිමය, රැකියා, අධ්‍යාපන, ආර්ථික මෙන්ම විවිධ වූ ගැටලු නිරාකරණය කර ගැනීමට අප කෙරෙහි තැබූ විශ්වාසය ට ස්තූති වන්ත වීමට ත්, කෘතගුණ සැලකීමට ත් අප මෙය අවස්ථාව ක් කර ගනිමු.

සැ.යු.
සාමාජික හමුව ට සහභාගි වීමට අපේක්ෂා කරන සියලුම දෙනා දැසැම්බර් 15 වනදා ට ප්‍රථම අප දැනුවත් කරන මෙන් කාරුණික ඉල්ලා සිටිමු

ස්තූති යි🙏

04/10/2023

01/10/2023

A2 - ඉතාලි භාෂා දැනුම පරීක්ෂණය

දිගුකාලීන සෝජෝර්නෝ බලපත්‍රය (Permesso di soggiorno UE - lungo periodo) අයැදුම් කිරීම සදහා අවැසි ඉතාලි භාශා දැනුම පරීක්ෂණය, ඉතාලිය තුල රැදී සිටින විදේශිකයන් ගේ අතීෂයින්ම වැදගත් කඩඉමක් බව අප විශ්වාස කරමු.
මෙම පරීක්ෂණය අවසානයේ පිරිනමන සහතිකය (Titolo Attestante della Lingua Italiana - Livello A2 del QCER) කාර්තා සෝජෝර්නෝ ව අයදුම් කිරීමේ මූලික සුදුසුකමක් මෙන්ම, රැකියා සම්මුඛ පරීක්ෂණ වලදී, තමන්ගේ වටිනාකම තහවුරු කිරිමට මනා පිටුවහලක් වනු ඇත.
එමෙන්ම,A2 සහතිකය මගින් OSA/OSS (ස්ව්ස්ථා සේවය - බදාන්තේ වුර්තිමය පාඨමාලා) සදහා අයැදුම් කිරීමට ඔබට අවස්ථාව උදාවනු ඇත.

අවාසනාවකට මෙම සහතිකය නොයෙකුත් ක්‍රමවේද ඔස්සේ, "මිලදී ගන්නට" යොමුකෙරෙන සමාජය ක් තුල, ඔබ නිවැරැදි ගමන් මගක යොමු කිරීමට සහ සහතිකය දක්වා ඔබ සූදානම් කිරීමට අප ක්‍රියාකාරී ව සිටිමු.
2021/2022 වර්ෂයන් හි අප සමග 200ට අධික පිරිසක් A2 ඉතාලි භාෂා දැනුම පරීක්ෂණය ට සහභාගි වූ අතර ඉන් කිසිවෙකු අසමත් නොවීම, නිවැරැදි මග පෙන්වීමක් තුල අප ලැබූ ජයග්‍රහණය ක් ලෙස නිහතමානීව සතුටු වෙමු.
සැ.යු.
වයස අව්.18 වැඩි සෝජෝර්නෝ ලාභී
සියලුම විජාතික යන් හට මෙම පරීක්ෂණය සදහා අයදුම් කල හැකි අතර ඉතාලියේ රැදී සිටින කාලය අදාළ නොවේ.

2023/2024 පාසල් වර්ෂයේ දෙවන ඛාණ්ඩයේ සම්මුඛ පරීක්ෂණ 2023 ඔක්තෝම්බර් මස 06,13, 20 සහ 27 යන දිනයන්හීදි පැවැත්වීමට නියමිත අතර, ලියාපදිංචිය සදහා වේලාවක් වෙන් කර ගැනීමට පහත සදහන් සබඳතා ඔස්සේ අප කාර්යාලය සම්බන්ධ කර ගත හැක.
(මෙම නිවේදනය සමග පලකරන ජායාරූප අප සමග සම්බන්ධ වූ මෙවර පාඨමාලා ලාභීන් මෙන්ම සහතික පත් ලාභීන් ගෙන් සමහරක් වන අතර, එම ජායාරූප නියෝජනය කරන යම් අයෙක්ගේ අකමැත්තක් ඇත්නම්, අපගේ අතීශය කනගාටු ව පල කරන අතර ඒ සදහා අප දැනුවත් කරන මෙන් කාරුණික වෙමු.)

Ass.pro.soc.NaplesLanka
Piazzetta Materdei 7
80136, Napoli(NA)
081 18823104
329 5485600
[email protected]

31/08/2023

TEST ITALIANO - Livello A2
දිගුකාලීන සෝජෝර්නෝ බලපත්‍රය (permesso di soggiorno UE - lungo periodo) සදහා ඉතාලි භාශා දැනුම පරීක්ෂණය.

A2 - ඉතාලි භාෂා දැනුම පරීක්ෂණය 2023/2024 පාසල් වර්ෂයේ පළමු ඛාණ්ඩය සදහා සම්මුඛ පරීක්ෂණ 2023 සැප්තැම්බර් මස 08,15 22 සහ 29 යන දිනයන්හීදි පැවැත්වීමට නියමිතය. ලියාපදිංචිය සදහා අයදුම්පත් යොමු කිරීම, නාපොලි අප ප්‍රධාන කාර්‍යාලයේ සිදු කෙරෙන අතර ඒ සදහා වේලාවක් වෙන් කර ගැනීමට පහත සදහන් සබඳතා ඔස්සේ අප කාර්‍යාලය සම්බන්ධ කර ගත හැක.

Ass.pro.soc.NaplesLanka
Piazzetta Materdei 7
80136, Napoli(NA)
081 18823104
329 5485600
[email protected]