FNAI

16/06/2026

12/06/2026

Të nderuar qytetarë,

Ju ftoj që nesër të merrni pjesë në koncertin me artistët e kombit “Të pandarë-përjetësisht shqiptarë”, një mbrëmje e veçantë kushtuar këngës dhe kulturës shqiptare.

Le të jemi sa më shumë për të përjetuar së bashku një program artistik me emra të njohur të skenës shqiptare.

12 Qershor 2026
Ora 20:00
Çarshia e Preshevës

Mirë se vini!

12/06/2026

12/06/2026

FTESË

Fondacioni Çamëria "Hasan Tahsini" dhe Shoqata Patriotike "Çamëria" – Dega Vlorë ju ftojnë të merrni pjesë në premierën e filmit dokumentar:

“Më çoni në Qafë të Botës të shoh ÇAMËRINË!”

Ka histori që nuk mund të fshihen nga koha. Ka kujtime që nuk mund të mbulohen nga heshtja. Dhe ka troje që vazhdojnë të jetojnë në zemrën e atyre që u detyruan t’i lënë pas.

Një produksion i Fondacionit Çamëria "Hasan Tahsini".

📅 12 Qershor 2026
🕖 Ora 19:00
📍 Kinemaja e Pallatit të Kulturës "Labëria", Vlorë

📝 Skenari: Luan Rama
🎥 Regjia: Pandeli Çeço

Hyrja e lirë! Shoqata Patriotike Çameria Dega Vlore

12/06/2026

12/06/2026

Njoftim

Sot, më datë 08.06.2026, u mblodh Kryesia e Shoqatës Patriotike “Çamëria” për të diskutuar mbi organizimin e aktiviteteve në kuadër të “Javës Çame” gjatë muajit qershor, si dhe mbi procesin e anëtarësimeve dhe zgjedhjeve të kryetarëve të degëve të shoqatës në të gjithë vendin, si edhe të Kryetarit të Shoqatës Patriotike “Çamëria”.

Pas diskutimeve, Kryesia vendosi që deri më datë 15.06.2026 të ngrihet Komisioni i Posaçëm Qendror Zgjedhor, i cili do të përbëhet nga përfaqësues të të gjitha degëve të shoqatës në Shqipëri. Ky komision do të ketë përgjegjësinë për administrimin e procesit të anëtarësimeve, mbledhjen e kuotacioneve dhe organizimin e procesit zgjedhor, i cili parashikohet të përmbyllet brenda vjeshtës së këtij viti.

Gjithashtu, Kryesia miratoi programin e aktiviteteve të “Javës Çame”, e cila do të zhvillohet nga data 22 qershor deri më 27 qershor 2026, me një sërë veprimtarish përkujtimore, kulturore dhe patriotike në nder të historisë, identitetit dhe kauzës së Çamërisë.

Kryesia e Shoqatës Patriotike “Çamëria”
08.06.2026