07/12/2025
Incoeu a l'è Sant Ambroeus, protetor de Milan e, insema al San Carlo Borromee, de la Lombardia. A l'è stad vescov de Milan del 7 de dicember 374 al 4 de avril 397 e l'è regordad per la so vita de povertà, per el contrast a l'eresia ariana (istess che 'l San Nicola, el Sant de ier) e perchè el s'è mitud contra al poder civil in difesa de la fed. A Milan l'è una figura che la va oltra la religion, benvoluda e regordada de tucc.
Ma besogna fà ballà l'oeugg quand che se scriv el so nom: el se scriv «Sant Ambroeus» senza l'apostrof «Sant'Ambrogio»). Inveci, per i sante la situazzion l'è diversa perchè la parolla a l'è «Santa» sia in lombard che in italian (per esempi: «Santa Agnesa» > «Sant'Agnesa»).
