ڕێکخراوەی ژینگە پارێزانی پیرانشار

ڕێکخراوەی ژینگە پارێزانی پیرانشار Contact information, map and directions, contact form, opening hours, services, ratings, photos, videos and announcements from ڕێکخراوەی ژینگە پارێزانی پیرانشار, Community Organization, Piran Shahr.

لەناو تەواوی سەرقاڵییەکانی ئەم ڕۆژانەدا، کە زۆرینە پشتی دە بەها ئەخلاقییەکان کردووە، دوو لاوی پیرانشاری دە خەمی دارەکانی...
25/07/2026

لەناو تەواوی سەرقاڵییەکانی ئەم ڕۆژانەدا، کە زۆرینە پشتی دە بەها ئەخلاقییەکان کردووە، دوو لاوی پیرانشاری دە خەمی دارەکانی ژینگەپارێزاندان و بەشەو چوونە ئاویان داون نەوەک لەو گەرمایەدا و لە کەمتەرخەمیی بەرپرسانی شاری پیرانشاردا ئیشک بن.
سەری ڕێز دادەنوێنین لەئاست بەرپرسیارەتی و وەفای ئەو خۆشەویستانە، کاک ئاسۆ و کاک هاوڕێ.

شوێنی دارەکان: پێش نەخۆشخانەی نوێ.

ڕێکخراوەی ژینگەپارێزانی پیرانشار
گەلاوێژی ٢٧٢٦

🌱🌾🌺 لە ڕێگەی تۆڕە کۆمەڵایەتییەکانی: ئینستاگڕام و تێلێگڕام لەگەڵمان بن.

پەیامی ڕێکخراوەی ژینگەپارێزانی پیرانشار بەبۆنەی ۷ی پووشپەڕ ساڵوەگەڕی کارەساتی کیمیابارانی شاری سەردەشت و دامەزراندنی ڕێک...
28/06/2026

پەیامی ڕێکخراوەی ژینگەپارێزانی پیرانشار بەبۆنەی ۷ی پووشپەڕ ساڵوەگەڕی کارەساتی کیمیابارانی شاری سەردەشت و دامەزراندنی ڕێکخراوەی ژینگەپارێزانی پیرانشار

ئەوڕۆ، ۷ی پووشپەڕ، ۳۹هەمین ساڵوەگەڕی کیمیابارانی شاری سەردەشت، هاوکاتە لەگەڵ یازدەیەمین ساڵڕۆژی دامەزرانی ڕێکخراوەی ژینگەپارێزانی پیرانشار.

سەدان شەهید، هەزاران بریندار و بەرکەوتوو، ژینگەیەکی ژەهراوی و گەلێکی داماو، ڕزگاربوو لە هەوڵی قڕکردن و جینۆساید...
ئەوە بەرهەمی جینایەتێکە کە تاهەتایە، مرۆڤایەتی دەبی لە ئاستی هەست بە شەرمەزاری بکات.
بەڵام شین و ڕۆڕۆ و گلەیی لە ئاسمان و زەوی و نەفرەت کردن لە بکەران و یارمەتیدەران و سەبەبکارانی کارەسات و نیشاندانی خۆمان وەکوو قوربانی و لێقەوماو و غەدرلێکراو بەجیهان، ئەگەرچی ڕەنگە ئاسایی و تەنانەت پێویست بووبێت و یادکردنەوەی کارەسات و ئاگادارکردنەوەی جیهان و نەوەی داهاتوو لەو غەدرە مێژووییە زۆر پێویستە، بەڵام دابینکردنی بنەماگەلێک کە مەبەست لێیان ڕێگری کردنە لە دووبارەبوونەوەی ئەو کارەساتانە و تێپەڕاندنی گەلی کورد لە قوربانی و لێقەوماو بەرەو گەلێکی کارتێکەر و زیندوو کە ئیتر ناتوانن بیچەوسێننەوە و ژینۆسایدی بکەن، گەورەترین وڵامی گەل دەبێت بە نەیاران و دوژمنان.
ئەوەی دەبێتە مەرهەمێک لەسەر ئەو زامە، پێگەیشتنی گەلی کوردە لەڕووی عەقڵییەت، بەرزبوونەوەی ئاستی تێگەیشتنی نەتەوەیی و کارتێکەریی ڕاستەقینەیە لەسەر جیهان لە هەموو بوارەکاندا و ئەوانە تەنیا بە تێکۆشانی بێبڕانەوە و ڕێکخراو و تۆکمە دێنەدی.
ئەگەر تاکەکانی گەلی کورد لە هەموو بوارەکاندا ڕێکخراو نەبن و ئامانجدار و بە بەرنامەی تۆکمە کە ڕوویان لە ئاسۆی دوورە کار نەکەن، دەبی هەردەم چاوەڕوان بین کە دیسان ببینەوە بە قوربانییەکەی جاران.

یازدە ساڵ لەمەبەر، بە هەست کردن بەو پێویستییە و لە ڕۆژی حەوتی پووشپەڕدا، یەکەمین چالاکیی ڕێکخراوی ژینگەیی کە بوو بە بەردی بناغەی ڕێکخراوەی ژینگەپارێزانی پیرانشار ئەنجامدرا و ئەمڕۆ لەیادی قوربانیانی کارەساتی کیمیابارانی سەردەشتی شەهیددا، وێڕای سڵاو لە گیانی پاکی شەهیدان، هاوخەمی لەگەڵ بنەماڵەی سەربەرزیان و هاودەردی لەگەڵ زامدارانی کارەساتەکە، فوو لە مۆمی دەساڵەی تەمەنی ڕێکخراوەکەمان دەکەین و پەیمانی وەفاداری لەگەڵ نیشتمان نوێ دەکەینەوە کە تاسەر لە خزمەتکردنی بەردەوام بین.

بەرز و بەڕێز بێت یادی قوربانیانی کارەساتی کیمیابارانی شاری سەردەشت.

پیرۆزبێت ساڵیادی دامەزراندنی ڕێکخراوەی ژینگەپارێزانی پیرانشار.
ڕێکخراوەی ژینگەپارێزانی پیرانشار
۷ی پووشپەڕی ۱۴۰۵ی هەتاوی

🌱ڕ. ژینگەپارێزانی پیرانشار

12/06/2026

دەنگی هاووڵاتی!
بەپێی ڕاپۆرتی هاوشاریان و هەروەها سەردانی ڕێکخراوەی ژینگەپارێزانی پیرانشار بۆ ناوچەی دارستانی ئەم دەڤەرە، بەداخەوە داربەڕووەکان بە هۆی ڕێژەی زۆری ئافەتی چرۆخۆرە کەوتوونەتە ژێر مەترسی لەناوچوون. هەر وەک لە وێنە و ڤیدیۆ نێردراوەکانیشەوە دەردەکەوێ، بەداخەوە ڕووبەرێکی یەکجار زۆر دارستانی ئەم ناوچەیە تووشی ئەم ئافەتە بووە، بە شێوازێک کە لە جیاتی سەوزایی، دارستان ڕەنگی ڕەشی پۆشیوە. لێرەوە و لەلایەن ڕێکخراوەکەمان و ویستی هاوشاریانی خەمخۆر، داوا لە لایەنی پێوەندیدار، واتا ئیدارەی سەرچاوە سرووشتییەکانی شارستانی پیرانشار، سەردەشت و میراوە دەکەین کە لە زووترین کاتدا هەوڵێکی جددی بۆ چارەسەری ئەم کێشەیە بدۆزنەوە.

ڕێکخراوەی ژینگەپادێزانی پیرانشار
٢٢ی جۆزەردانی ٢٧٢٦

🌱🌾🌺 .piranshar.ngo

07/01/2026

#بەدواداچوون

دوابەدوای بڵاوکردنەوەی گرتەیەکی ڤیدیۆیی کە نیشانی دەدا ماشێنێک زبڵ و پاشماوەی تالارێک بۆ تەنیشت چۆمی قەڵات ڕادەگوێزێ و لەوێ فڕێی دەدات، ڕێکخراوەی ژینگەپارێزانی پیرانشار لەو کارە نەشیاوە وەدەنگ هات و وێڕای ئیدانە و ڕسواکردنی ئەو کارە قێزەونە، هەلێکی دا بە خاوەنی ئەو تالارە بۆ خاوێنکردنەوەی شوێنەکە و ڕاگواستنی زبڵەکان بۆ شوێنی گونجاو، داوای لێبوردن لە کۆمەڵگا و بەڵێنی دووبارە نەکردنەوەی ئەو کارە.
خاوەنی تالارەکە وێڕای داوای لێبوردن لە خەڵک، بەناردنی ئەم ڤیدیۆ و وێنانە سەلماندی کە ئەرکی خۆی بەجێگەیاندووە و بە وتەی خۆی "پێمان کەسری نییە و بە گیان و بە دڵ خاوێنی دەکەینەوە" شوێنەکەیان خاوێن کردۆتەوە و بەڵێنیان داوە کە ئەو کارە کە لە هەڵەی کەسێکەوە ڕوویداوە، هەرگیز دووپات نابێتەوە و هەوڵی پاراستنی ژینگە لە هەموو ڕوویەکەوە دەدەن.
وێڕای سپاس لەو هەڵوێستەی ئەو هاوشارییە، هیوادارین هەموومان بە گیان و بە دڵ پارێزەری ژینگەی نیشتمان بین.
ئێمەش وەک ڕێکخراوەی ژینگەپارێزانی پیرانشار ڕایدەگەیێنین کە کێشەمان تەنیا دەگەڵ ئەو کەسانەیە کە دەستدرێژی دەکەنە سەر ژینگە و پاراستنی ژینگە بە ئەرکی خۆمان دەزانین و هیچ کەس و لایەنێک لە چاودێری و لێپرسینەوە بەدەر نابێت.

ڕێکخراوەی ژینگەپادێزانی پیرانشار
۱۷ی بەفرانباری ۲۷۲۵

🌱🌾🌺 لە ڕێگەی تۆڕە کۆمەڵایەتییەکانی:  ئینستاگڕام و تێلێگڕام لەگەڵمان بن.piranshar.ngo

04/01/2026

دەنگی هاووڵاتی!
هاوشارییەکی نیشتمانپارێز لەم ڤیدیۆیەدا باس لەوە دەکات کە ئەم ماشێنە، پاشماوەکانی تالاری "..." بردۆتە دەرەوەی شار و لە تەنیشت ڕووباری پردی قەڵات ڕۆی کردوون و بەجێی هێشتوون!
ئەم هاووڵاتییە داوا لە لایەنی پێوەندیدار دەکات کە بەدواداچوون بۆ ئەم کێشەیە بکەن. ئێمە وەکوو ڕێکخراوەی ژینگەپارێزانی پیرانشار, وێڕای بەرز نرخاندنی هەستی بەرپرسیارەتی ئەم هاوڵاتییە بەڕێزە، داوا لە خاوەن تالار و هەروەها خاوەنی ئەو ماشێنە دەکەین کە هەتا سبەی نیوەڕۆ بچن ئەو پاشماوانە کۆ بکەنەوە و فیلمەکەشی بۆ ئێمە بنێرن و پاشماوەکانیش بۆ شوێنی دیاریکراو ڕاگوێزن ئەگینا ناوی تالارەکە بۆ جەماوەر ئاشکرا دەکەین.

ڕێکخراوەی ژینگەپارێزانی پیرانشار
بەفرانباری ۲۷۲۵

🌱🌾🌺 لە ڕێگەی تۆڕە کۆمەڵایەتییەکانی:  ئینستاگڕام و تێلێگڕام لەگەڵمان بن.piranshar.ngo

داواکاریی ڕێکخراوەی ژینگەپارێزانی پیرانشار بۆ بەڕێوەبردنی چالاکییەکانی هەڵمەتی "زاگرۆسانە" لە ڕۆژانی 20ی سەرماوەز تا 5ی ...
10/12/2025

داواکاریی ڕێکخراوەی ژینگەپارێزانی پیرانشار بۆ بەڕێوەبردنی چالاکییەکانی هەڵمەتی
"زاگرۆسانە" لە ڕۆژانی 20ی سەرماوەز تا 5ی بەفرانباری 2725

هاونیشتمانیانی هێژا!
ئەویندارانی ژینایی نیشتمان!

هەروا کە ئاگادارن بە پێی نەریتی ساڵانی پێشوو پاش پەڵەی پاییز، چالاکیی چەقاندنی نەمام و چاندنی دەنک و ناوکەکانی ناوچە جۆراوجۆرەکانی دارستان و لەوەڕگاکان، لە ژێر ناوی «زاگرۆسانە» لە لایەن ئەنجومەنە ژینگەپارێزییەکان، گرووپە شاخەوانییەکان، چالاکوانانی مەدەنی و ...بەڕێوەدەچێت. سەرەڕای قەیرانگەلێک وەکوو گۆڕانی کەش‌وهەوا و بەرزبوونەوەی پلەی گەرما(کە بەرۆکی ژینایی ئەم ناوچەیەیان گرتووە) هەروەها قەیرانگەلێکی دەسکرد وەکوو؛ سووتاندنی بەئەنقەستی دارستانەکان، داگیرکردنی جەنگەڵ و قەڵاچۆ و بنەبڕکردن بۆ قازانجی تاکەکەسی، نەخۆشینەکانی دار و دارستان و دەستدرێژیەکان بۆسەر سرووشت بۆ دروست‌کردنی سەد و بەنداو، کارگە و کانگەی بەرد لە نێوان دەوەن و دارستان و پوش‌وپاوان، ڕاکێشانی کانیاوەکان، وشک‌کردنی دەریاچەکان و گواستنەوەی ئاوەکان و دەیان کاری نەشیاوی دیکە بەرانبەر سرووشتی نیشتمان، ژینگەی زاگرۆسی خستووەتە هەڵدێری لەناوچوون و فەوتان.
هەڵمەتی زاگرۆسانە بە مەبەستی هوشیارکردنەوەی کۆمەڵانی خەڵک لە سەر ئەم کارەساتانە و تێکەڵ‌بوون بە ڕەوتی ڕاستەقینەی ژینگەپارێزی، سازکردنی پەیوەندیی نێوان سەرجەم  گرووپ و ڕێکخراوەکانی ئەم زۆنە و هەروەها بەرگریی باشتر و ژیاندنەوە و ساڕێژکردنی بەشێکی بچووک لە زامەکانی ئەو نیشتمانە ڕێکخراوە. بەو پێیە، ئەوساڵیش هاوشێوەی ساڵانی پێشوو، داوا لە هەموو هاونیشتمانیان( تاکە ژیر و خاوەن هەڵوێستەکان، یانە و گرووپە شاخەوانییەکان، چالاکوانانی مەدەنی و ژینگەپارێزییەکان و...) دەکەین لە ڕۆژانی ئاماژە پێکراودا چالاکیی چەقاندنی نەمام و چاندنی دەنک و ناوکەکانی بەڕوو، قەزوان، گێوژ و هەموو تۆو و دانکە جۆراوجۆرەکان، بە پێی جوغرافیا و تایبەتمەندییەکانی ناوچە جیاوازەکانی زاگرۆس، هەڵمەتی گشتگیری زاگرۆسانە بەڕێوە ببەن.

#زاگرۆسانە

ڕێکخراوەی ژینگەپارێزانی پیرانشار
٢٠ی سەرماوەز تا ٥ی بەفرانباری ٢٧٢٥
🌱🌾🌺 لە ڕێگەی تۆڕە کۆمەڵایەتییەکانی:  ئینستاگڕام و تێلێگڕام لەگەڵمان بن.piranshar.ngo

Address

Piran Shahr

Website

Alerts

Be the first to know and let us send you an email when ڕێکخراوەی ژینگە پارێزانی پیرانشار posts news and promotions. Your email address will not be used for any other purpose, and you can unsubscribe at any time.

Shortcuts

Share

Category