Cara yekemîn e ku rûpelek bi navê Bêol û xwedênenasên Kurd tê sazkirin, gelek kurdên me hene ji zindana olan rizgarbûne, û hizir û ramanê dane pêşiya her olî û her tişteke navê wê xweda, lê ev hizir û ramana wan ya azad di bin desthilatdara olî de tim hatiye çewsandin, lewre hêviya me ew e ku ev rûpel û ev kom bibe çirûska yekemîn di reya zanîn û hizira azad de. Em şerê kesekî nakin, lê em hizira
olî ticarî napejirînin, hemû ol çi dibe bila bibe di baweriya me de dijminê mejiyê mirovan e, dijminê zanîn û pêşketinê ne. Em bang dikin hemû kurdên hizir azad û serfiraz ku beşdarî vê komê bibin, û reya gelê xwe ronî bikin, wek ku em zanin gelê kurd ji her gelî bêtir ketiye bin bandora olan û bi taybetî ola musilmantiyê, werin em bi hev re kurdên xwe ji musilmantiyê rizgarbikin, her wiha kurdên meyên îzdî ji tarîtiyê derxînin, û kesên file ( mesîhî) hebin em bidin xuyakirin ku derewên wan ne kêmtirî yên musilmanan in. Em Bêol û xwedênenasên Kurd wek tevgereke ramanî armancên me evin:
- Gotina xwedê ji ferhenga jiyana me derkeve.
- Hizir ji hemû bandorên olî bê rizgarkirin.
- Hemû vir û derewên olan bêne eşkerekirin, bitaybetî derewên musilmanan.
- Nirxên evîn û rastî û wekhevî û dadmendiyê li ser bingeha kurdayetî û hestên mirovatiyê bêne çandin û belavkirin di nava civaka kurdan de.
- mirov û xweza û zanîn û çand ji bo me bingeh in, lewre belavkirina van tiştan di nava ciaka kurdî de doza me ya yekemîn e.
