YBŞ

01/09/2026

Ronîkirinek di derbarê tiştên ku hin dezgehên ragihandinê li ser tevlîbûna şervanên me di nava Artêşa Iraqê de belav kirine.

Di demjimêrên borî de raporên ragihandinê hatin belavkirin ku behsa rêkeftinekê dikin ku 2,200 şervanên Şengalê tevlî Artêşa Iraqê bûne, di çarçoveya rêkaran de ku tê gotin li derveyî aliyên pêwendîdar ên Şengalê hatine kirin.
Di vê çarçoveyê de, em tekez dikin ku tiştê ku derbarê vê rêkeftinê de hatiye gotin, derbarê Yekîneyên Berxwedana Şengalê (YBŞ) de tu bingehê wê yê rastiyê tune ye û ji aliyê yekîneyên me an tu aliyekî destûrdar ku bi navê me bi axive ve tu daxuyanî an rêkeftinek ku vê hejmarê an vê şêweyê dihewîne nehatiye dayîn.
Em rêzdariya xwe ya temam ji bo saziyên fermî yên Iraqê tekez dikin û pabendbûna xwe ku dosyayên girêdayî ewlehiya Şengalê û paşeroja zarokên wê bi rêya diyalogê û kanalên fermî yên Iraqê ve, bi beşdariya aliyên pêwendîdar û xelkê herêmê, û bi awayekî ku serweriya Iraqê û ewlehî û aramiya Şengalê û mafên xelkê wê biparêze, werin çareserkirin.
Herwiha em bang li dezgehên ragihandinê dikin ku di veguhastina agahiyên girêdayî Iraqê bi giştî û Şengalê bi taybetî de rastbînî û berpirsiyariyê nîşan bidin, û raporên nehatine piştrastkirin wek rêkeftin an biryarên fermî pêşkêş nekin.
Em amadebûna xwe ji bo danûstandineke erênî bi her riyeke fermî re ku armanca wê xurtkirina ewlehî û aramiyê li herêmê ye, û li gorî serweriya Iraqê û berjewendiya xelkê Şengalê û mafên wan e, tekez dikin.
Fermandariya Yekîneyên Berxwedana Şengalê - YBŞ
1 Îlon 2026

19/08/2026

https://youtu.be/ShcPXjYYtVw

Enjoy the videos and music you love, upload original content, and share it all with friends, family, and the world on YouTube.

17/08/2026

https://youtu.be/vvycTvaU2cw?si=5HLqsE6kJFoibSmt

Enjoy the videos and music you love, upload original content, and share it all with friends, family, and the world on YouTube.

17/08/2026

Cangoriyên Nexweşxana Sikêniyê

https://t.me/ybsmedya

17/08/2026

Em di pêncemîn salvegera şehadeta wan de hemû cangoriyên nexweşxana sikêniyê bi rêzdarî bibîrtînin.

16/08/2026

https://youtu.be/IqkJg7okYqg

Enjoy the videos and music you love, upload original content, and share it all with friends, family, and the world on YouTube.

16/08/2026

Jİ BO RAYA GİŞTÎ

Di 16'ê Tebaxê de, em pêncemîn salvegera şehadeta fermandarê Yekîneyên Berxwedana Şingalê Seîd Hesen, biraziyê wî û hevalê wî Îsa Xwedêda bi bîrtînin. Ew di 16'ê Tebaxa 2021'an de dema ku wesayîta wan li navenda Şingalê bû, rastî êrîşeke hewayî ji aliyê dewleta Tirk a dagirker ve hatin û di encam de şehîd ketin.

Şehîd Seîd Hesen yek ji pêşengên herî berbiçav ên berxwedana Êzidiyan û yek damezrînerê Yekîneyên Berxwedana Şingalê bû. Ew di nav gelê xwe de bi wêrekî, dilnizmî, dilsozî û fedakariya xwe ve dihat nasîn. Piştî ku çeteyên DAIŞ'ê di 3’ê Tebaxa 2014’an de êrîşî Şingalê kiri. Seîd Hesen, digel endamên malbat û eşîra xwe, tevlî berxwedanê bû. Wî hilbijart ku li Çiyayê Şingalê bimîne da ku gelê xwe û hebûna wan biparêze, di berxwedana li dijî çeteyên DAIŞ'ê û azadkirina herêma Şingalê de roleke girîng lîst.

Heval û cangorî Seîd Hesen xwedî wê baweriyê bû, ku hêza Êzidiyan di yekîtiya wan de ye. Wî bi berdewamî banga yekkirina rêzan û yekkirina hewildan û biryarên Êzîdiyan kir, dabeşbûn û nakokiyên ku di demên cûda de gelê me qels kirine, dan aliyekî.

Cangorî Îsa Xwedêda, biraziyê wî û hevalê wî, xwedî heman taybetmendiyên wêrekî, dilsozî û fedakariyê bû. Ew li kêleka mamê xwe di rêya berxwedan û parastina gelê xwe de meşiya.

Armanckirina her du pêşengên me, ne tenê êrîşek li ser du kesan bû, êrîşek li ser yek ji sembolên herî berbiçav ên berxwedana Êzîdiyan bû, ku ji xaçerêya qirkirinê çêbû. Ew êrîşek li ser îradeya gelekî bû ku, ev rê hilbijart ku li hember çeteyên DAIŞ'ê li ber xwe bide û ax û hebûna xwe bi xwîna zarokên xwe biparêze. Bi şehîdbûna wana, Êzidiyan du rêberên xwe yên herî hêja winda kirin, lê mîrat, helwest û qurbaniyên wan dê di bîranîna berxwedanê de bimînin.

Di vê salvegerê de, em piştrast dikin ku xwîna cangoriyên me dê ne tenê hejmarek di salnameyên dîrokê de be û qurbaniyên ku ji bo parastina Şingalê, rûmeta Êzidiyan û mafê wan ê parastina hebûna xwe hatine kirin dê neyên jibîrkirin an jî vala neyên hiştin.

Em wek Yekîneyên Berxwedana Şingalê YBŞ, dema ku em cangoriyên xwe Seîd Hesen û Îsa Xwedêda bi bîrtînin, soz didin cangoriyan û gelê xwe ku em ê dilsozê rêya ku wan hilbijartiye bimînin, destkeftiyên berxwedanê biparêzin, yekîtî û rûmeta Êzidiyan biparêzin û mafê wan ê parastina ax û hebûna xwe biparêzin. Em ê di peyman û rêka ku cangoriyên me bi xwîna xwe çêkirine de bi israr bimînin.

FERMANDARİYA YBŞ'Ê
16 TEBAXA 2026

15/08/2026

Di vê salvegerê de, em bi serbilindî û dilsozî Mamê xwe Zekî Şengalî û hevalê nemir Mahîr Şengal bi bîrtînîn.

https://t.me/ybsmedya

15/08/2026

Jİ BO ÇAPEMENÎ Û RAYA GİŞTÎ

Wek tê zanîn em îro 8’emîn salvegera şehadeta mamê civaka Êzidî Mam Zekî Şengalî, ku di 15'ê Tebaxa 2018'an de, piştî vegera xwe ji gundê Koço, ku li wir jenosîda li dijî xelkê wê hatibû kirin bi bîr anîbû, dijîn. Mamê me di rêya vegerê de, digel hevalê xwe, şehîd Mahîr, ji aliyê dewleta Tirk ya bê bext ve hat hedefgirtin. Û di encam de şehîd bû.

Di vê salvegerê de, em jenosîda gundê Koço jî bi bîr tînin, ku bû yek ji beşên herî trajedî û bi êş ên jenosîda Êzidiyan. Wek tê zanîn di 15 Tebaxa 2014'an de, çeteyên DAIŞ'ê yek ji sûcên herî hovane li dijî gundiyan kir, mêr û xort kuştin û jin û zarok dîl girtin, malbatên xemgîn, kesên winda û birîneke kûr di bîra Êzidiyan û mirovahiyê de hiştin. Koço dê her û her wekî şahidiyek ji bo sûc, ji bo berxwedana gelê xwe û ji bo pêwîstiya zindî hiştina rastiyê û nehiştina jêbirin an jibîrkirina bîranîna qurbaniyan bimîne.

Mam Zekî kesayetiyekî bi bandor û naskirî bû di nava civaka Kurdistanî û bi taybet Êzîdiyan, ji ber ku wî jiyana xwe ji bo xizmetkirina civaka xwe û parastina doz, rûmet û hebûna wê serferber kir. Hebûna wî bi tu girêdayîbûn an komeke taybetî ya teng ve girêdayî nebû; berevajî vê, ew dengekî yekgirtî bû ku bawer dikir ku hêza Êzidiyan di yekîtiya wan de ye. Wî bi berdewamî bang li derbaskirina cûdahî û girêdanan, pêşxistina lihevhatinê û bi hev re sekinandina li hember metirsî û neyaran dikir.

Mam Zekî stûna yekîtiya Êzidiyan û bavekî ruhî yê hevgirtinê wana bû. Ji ber vê yekê, hedefgirtina wî ne tenê hedefgirtina kesayetekî Êzidî bû, lê belê windakirina dengekî bû ku bêwestan ji bo yekkirina gelê xwe, pira dabeşbûnên wan û avakirina armancek hevpar dixebitî.

Şehadeta wî ji bo Êzidiyan windahiyek kûr bû û nebûna wî piştî heşt salan di dil û wijdanê me de hîna zindiye û wê her zindî bimîne. Şehîd qet nayên jibîrkirin, dema ku peyama wan bijî. Mam Zekî mîrateyek fedakarî, xizmet û yekîtiyê li dû xwe hişt û berpirsiyariyek ku li ser me hemûyan e ku em tiştê ku wî ji bo wê şer û xebat kiriye biparêzin. Di vê salvegerê de, em bi serbilindî û dilsozî Mamê xwe Zekî Şengalî û hevalê nemir Mahîr, şehîdên Koço û hemû qurbaniyên fermana Êzidiyan bi bîr tînin. Em piştrast dikin ku xwîn û bîranîna wan dê her û her di dilê me de bimîne û yekîtî, rûmet, ewlehî û mafê xwe parastina cewherî ya gelê Êzidî dê wekî emanetek pîroz bimîne ji bo me wek civak û hêz.

FERMANDARİYA YBŞ'Ê
15 TEBAX 2026