08/03/2023
💜
گەر ئەمڕۆ بۆ خانمانی دونیا جارێک جەژن و سەرکەوتن بێت بۆ خانمانی ژانیا چەندین جار مایەی دڵخۆشی و سەرکەوتن و متمانەبەخۆبوون و شانازیکردن بە هێزی ئافرەتبوونیانە .
ئەمڕۆ و 8 ی مارسی 2023 ڕۆژی جیهانی خانمانە کە هاوکاتە بەرامبەر بەکۆتاهێنانی خزمەتی 8 خانمە تەندرووستکاری ژانیا کەلەسەرەتای وێستگەی ژیانی پزیشکیانەوە خۆبەخشانە و لەخۆبوردوانە بە خزمەتی ناسکترین و جوانترین مرۆڤەکان دەستیانپێکرد کەئەوش خزمەتی منداڵ و توشبوانی شێرپەنجە بوو لەسەنتەری شێرپەنجە و نەخۆشیەکانی خوێنی کەرکووک کەلەمانگی 8 ی ساڵی 2022 دەستیان پێکرد بەدرێژایی 8 مانگ بەردەوامبوون ...
ژانیا بۆ ژیانەوە وێڕای دەستخۆشی و نرخاندنی ئەو کارە مەزن و پیرۆزەی خانمە پزیشکەکانی داوا لەسەرجەم خانمان ئەکات کە جگە لەبەرپرسیاریەتی ئەرکە پیرۆزەی لەژیانیان هەیانە کەئەوش دایکایەتی و بەختەوەری خێزان و پەروەردەکردنی نەوەیەکی سوودبەخشە هاوکات دەستی باڵایان لە سوودگەیاندن و چاندنی تۆوی خۆشەویستی هەبێ لەکۆمەڵگە و بوارە دیاریکراوانەی کاری لێدەکەن بگەنە ئەوپەڕی سەرکەوتن و بیسەلمێنن کە ئافرەت جگە لەو ئەرکە پیرۆزەی بەرپرسیارە لێی توانای خزمەت و کارکردنی لەسەرجەم کایەکاندا هەیە و لەسەرجەم قۆناغەکانی ژیاندا خاوەن کاریگەری خۆیەتی و دەسپێکی هەموو گۆرانکاریەکانە🫶🏻💐
