یەکێتی کۆمپانیاکانی فڕۆکەوانی و گەشتیاری

  • Home
  • Iraq
  • Irbil
  • یەکێتی کۆمپانیاکانی فڕۆکەوانی و گەشتیاری

یەکێتی کۆمپانیاکانی فڕۆکەوانی و گەشتیاری Contact information, map and directions, contact form, opening hours, services, ratings, photos, videos and announcements from یەکێتی کۆمپانیاکانی فڕۆکەوانی و گەشتیاری, Non-Governmental Organization (NGO), Erbil/English village/villa 238, Irbil.

سەرۆکی یەکێتی کۆمپانیاکانی فڕۆکەوانی و گەشتیاری کوردستان سەردانی سەرۆکی دەستەی گەشتوگوزاری کردرۆژی سێ شەممە ڕێکەوتی ٣١/٣...
01/04/2026

سەرۆکی یەکێتی کۆمپانیاکانی فڕۆکەوانی و گەشتیاری کوردستان سەردانی سەرۆکی دەستەی گەشتوگوزاری کرد

رۆژی سێ شەممە ڕێکەوتی ٣١/٣/٢٠٢٦ لاوەند مەموندی سەرۆکی یەکێتی کۆمپانیاکانی فڕۆکەوانی و گەشتیاری کوردستان بە مەبەستی ماڵئاوایی و خانەنشین بوونی بەڕێز ئەمەل جەلال سەرۆکی دەستەی گەشتوگوزاری کوردستانی سەردانی دەستەی گەشتوگوزاری کرد.
لە دیدار کە دا بەڕێز لاوەند مەموندی بە ناوی دەستەی باڵای یەکێتی کۆمپانیاکانی فڕۆکەوانی و گەشتیاری سوپاسی ئەمەل خانی کرد کە لە ماوەی کارکردنی وەکوو سەرۆکی دەستە، هاوکار و هەماهەنگی کۆمپانیا فڕۆکەوانی و گەشتیارییەکان بووە و ڕۆڵی بەڕێزیانی بەرز نرخاندن و هیوای سەرکەوتنی لە ئەرکی و کاری ئایندەی بۆ خواست.

بەیاننامەی یەکێتی کۆمپانیاکانی فڕۆکەوانی و گەشتیاری کوردستان سەرکۆنەکردنی هێرشی سەر ماڵی سەرۆکی هەرێمی کوردستان بۆ ڕای ...
28/03/2026

بەیاننامەی یەکێتی کۆمپانیاکانی فڕۆکەوانی و گەشتیاری کوردستان

سەرکۆنەکردنی هێرشی سەر ماڵی سەرۆکی هەرێمی کوردستان بۆ ڕای گشتی و حکومەتی عێراقی فیدڕاڵ ناوەندە نێودەوڵەتیەکان…

بەناوی یەکێتی کۆمپانیاکانی فڕۆکەوانی و گەشتیاری کوردستان بە توندی سەرکۆنەی ئەو هێرشە ناڕەوا و تیرۆریستییە دەکەین کە لەلایەن گروپێکی لە یاسا دەرچوو کرایە سەر ماڵی ڕێزدار نێچیرڤان بارزانی، سەرۆکی هەرێمی کوردستان لە پارێزگای دهۆک. ئەم کارە ترسنۆکانەیە تەنها بەئامانج گرتنی کەسایەتییەکی سیاسی نییە لە کوردستان، بەڵکو بەئامانجگرتنی شکۆی دامەزراوە فەرمی و یاساییەکانی هەرێمی کوردستان و سەقامگیریی ناوچەکەیە کە لە چەندین ڕەهەندی یاساییەوە مەترسیی گەورە دروست دەکات و رەنگدانەوەی خراپی لێ دەکەوێتەوە.
ئێمە لە یەکێتی کۆمپانیاکانی فڕۆکەوانی و گەشتیاری کوردستان هەر دەستدرێژییەک بۆ سەر سەرۆکایەتی هەرێم، تێکدانی بنەماکانی دەستوور بێڕێزییەکی ئاشکرایە بەرامبەر بەو سەروەری دەستور و پێشێلکردنێکی زەقی سەروەری تەواوی عێراق دەزانین و چەندین گومان و ليکدانەوەی جیاوازی بۆ دەکرێ لەسەر دەسەڵاتی سیاسی لە عێراق و کۆنتڕۆڵ نەکردنی ئەم گروپە تیرۆرستیە کە لەژێر دەسەڵاتی حکومەتی عێراق ماڵی رێزدار سەرۆکی هەرێم و تەواوی کوردستان بەئامانج دەگرن و پێشهاتێکی خراپی هەژمار دەکەین.

لە ڕووی یاساییەوە بەرەنگاربوونەوەی ئەم کردەوەیە کە لەلایەن گروپێکی دیاری لە یاسا دەرچووی عێراقی ئەنجامدراوە ئەرکی دەزگا ئەمنیەکانی حکومەتی عێراقە رێگرییان لێبکات و هەرچی زوو بیانداتە دادگا و بە یاسای بەرانگاربوونەوەی تیرۆر دادگایان بکات .
لێرەوە داوا لە حکومەتی فیدراڵ و لایەنە ئەمنییەکان لە عێراق دەکەین، کە بە زووترین کات بکەران و پلانداڕێژەرانی ئەم هێرشە ئاشکرا بکەن و بیان دەنە دادگا. بێدەنگی هەڵبژاردن بەرامبەر ئەم کردەوە تیرۆرستیە پێشێلکارییەکی دەستووری و نێودەوڵەتییە، هاندەرە بۆ تێکچوونی تەواوی پرۆسەی سیاسی لە عێراق و ناوچەکە و تێکچوونی بارودۆخی ئەمنی دەوڵەتی عیراقە بەگشتی و کاری پێکەوەیی و هاوبەشی نێوان هەولێر و بەغداد دەخاتە مەترسیەوە.

ئێمە وەکو یەکێتی کۆمپانیاکانی فڕۆکەوانی و گشتیاری کوردستان، دوپاتی دەکەینەوە کە پاراستنی سەروەریی یاسا و ڕێزگرتن لە دەستووری عێراق ، تاکە ڕێگەیە بۆ پاراستنی ئاشتیی لە کوردستان و عێراق و ڕێگریکردنە لە تێکچوونی زیاتری بارودۆخی ناوچەکە بەگشتئ و عێراق بەتایبەتی، چونکە بەردەوام بوون لە کردەوەی تیرۆرستی لەم شێوەی دەرئەنجامی باشی نابێت.

یەکێتی کۆمپانیاکانی فڕۆکەوانی و گەشتیاری کوردستان
٢٨ی ئازاری ٢٠٢٦

کۆمەڵگەی نێودەوڵەتی دەبێت سنوورێک بۆ پێشێلکاریەکانی سەر کوردستان دابنێتبەناوی یەکێتی کۆمپانیاکانی فڕۆکەوانی و گەشتیاری ...
25/03/2026

کۆمەڵگەی نێودەوڵەتی دەبێت سنوورێک بۆ پێشێلکاریەکانی سەر کوردستان دابنێت

بەناوی یەکێتی کۆمپانیاکانی فڕۆکەوانی و گەشتیاری کوردستان بە توندترین شێوە سەرکۆنەی زنجیرە هێرشە دڕندانە و تێرۆریستی و دوژمنکارییە بەردەوامەکانی دەکەین کە دەکرێنە سەر خەڵکی سڤیل و دامەزراوەکانی حکومەتی هەرێمی کوردستان.
دوایینیان ئەو پەلامارە تیرۆرستی و دوژمنکارانەی بەرەبەیانی رۆژی ٢٠٢٦/٣/٢٤ یە، کە لەلایەن ئێران بە مووشەک هێرش کرایە سەر بنکە و بارەگاکانی هێزی پێشمەرگەی کوردستان لە سنووری ئیدارەی سەربەخۆی سۆران.

​هێزی پێشمەرگەی کوردستان هێزێکی یاساییە و لە چوارچێوەی دەستور و یاساكاندا كاروبارەكانی ئەنجام دەدات ، هێزێكە بەپێی یاساو ڕێسا ناوخۆیی و نێودەوڵەتییەکان و سیاسەتە ئاشتی پارێزییەکانی هەرێمی کوردستان ڕەفتاری کردووە و فاکتەر و پارێزەری ئاسایش و سەقامگیری کوردستان و عێراق و ناوچەکە بووە ، هیچ كاتێك هەڕەشە و مەترسی نەبوە بۆسەر هیچ لایەنێک ، بەتایبەتی دراوسێكانی هەرێمی كوردستان ، بۆیە پەلاماردانی بەم شێوە دڕندانەیە پێشێلکاریەکی زەقی سەروەریی خاکی هەرێمی کوردستان و عێراقە و پێچەوانەی هەموو بنەماکانی دراوسێیەتی باش و ڕێسا نێودەوڵەتییەکانە ، بەتایبەت کە هەرێمی کوردستان پەیڕەوی لە بێلایەنیی لەشەڕ و کێشەکانی ناوچەکەدا کردووە و هەمیشە خوازیاری ئاشتی و پێکەوەژیانە و دژی هەر جۆرە توندوتیژییەکە لە ناوچەکە و جیهان.

​لێرەوە داوا لە حکوومەتی فیدراڵی عێراق دەکەین کە بەرپرسیارێتی دەستوریی خۆی هەڵبگرێت و لە ڕێگەی کەناڵە دیپلۆماسی و فەرمییەکانەوە هەڵوێستی یەکلاکەرەوەی هەبێت بۆ پاراستنی سەروەریی وڵات و گیانی هاووڵاتییان و هێزە پارێزەرەكانی ئاشتی و ئاسایشی وڵات . هەروەها داوا لە کۆمەڵگەی نێودەوڵەتی و نەتەوە یەکگرتووەکان دەکەین ڕۆڵی کارای خۆیان ببینن بۆ دانانی سنوورێک بۆ ئەم کارە تیرۆرستی و پێشێلکاریە بەردەوامانە .

​هەرێمی کوردستان هەمیشە فاکتەری سەقامگیریی بووە ، ویست و ئیرادەی خەڵکەکەمان بۆ ئاشتی و ئارامی لە هەموو دەستدرێژییەک بەهێزترە و بەم جۆرە پەلامارە نامەردانانە ناشكێت و پاشەکشە ناکات.

پەلاماردان و شەهید کردنی پۆلێک پێشمەرگەی کوردستان کارێکی تیرۆرستی ئاشکرایە و پێشێلکردنی سەروەرئ خاکی هەرێمی کوردستان و عێراقە.
بەناوی یەکێتی کۆمپانیاکانی فڕۆکەوانی و گەشتیاری کوردستان پرسە و سەرەخۆشی خۆمان ئاراستەی بنەماڵەی ئەو شەش پێشمەرگە قارەمانە دەکەین کە گەیشتنە کاروانی شەهیدان و چوونە رێزی نەمرانەوە، هەروەها سەری ڕێز و نەوازش بۆ سەرجەم شەهیدانی پێشمەرگەی کوردستان و ئاسایش و هێزە ناوخۆییەکان دادەنەوێنین کە لە هێرشەکانی ئەم دواییانەدا گیانیان بەخشی ، هیوای چاکبوونەوە بۆ بریندارەکان دەخوازین.
بژی پێشمەرگە .. بژی کوردستان

یەکێتی کۆمپانیاکانی فڕۆکەوانی و گەشتیاری كوردستان
25- ئاداری 2026

08/03/2026

پەیامی ھاوخەمی

بەداخەوە هه‌واڵی كۆچی دوایی ( سەلیمە رەمەزان محمود ) کە دەکاتە دایکی کاک ( محمد زێباری ) هاوکار و هاوپیشە و ئەندامی دەستەی باڵای یەکێتی کۆمپانیاکانی فڕۆکەوانی و گەشتیاری کوردستانم بیست.
به‌م بۆنه‌ خه‌مناكه‌وه‌، پرسه‌ و سه‌ره‌خۆشی خۆم ئاڕاسته‌ی خانه‌واده ‌و كه‌سوكار و دۆست و خزمان ده‌كه‌م، خۆم به‌هاوبه‌شی خه‌متان ده‌زانم،خودای گه‌وره‌ گیانی خوالێخۆشبوو به‌ر دلۆڤانی و رەحمەتی خۆی بخات و به‌ به‌هه‌شتی به‌رینی شاد بكات، دڵنه‌وایی و سێبوریش بە به‌ڕێزتان و كه‌سوكار و خزمانتان بدات.

إِنَّا لِلَّهِ وَإِنَّا إِلَيْهِ رَاجِعُونَ

لاوەند مەموندی
سەرۆکی یەکێتی کۆمپانیاکانی فڕۆکەوانی و گەشتیاری کوردستان
٢٠٢٦/٣/٨

چوارەمین بازاڕی گەشتیاری عێراقی ٢٠٢٦ لە هەولێر دەستی پێکرد(لەژێر درووشمی: گەشتیاری دەرفەت و وەبەرهێنانە)بە چاودێری و سەر...
10/02/2026

چوارەمین بازاڕی گەشتیاری عێراقی ٢٠٢٦ لە هەولێر دەستی پێکرد

(لەژێر درووشمی: گەشتیاری دەرفەت و وەبەرهێنانە)
بە چاودێری و سەرپەرشتی دەستەی گەشتیاری کوردستان و دەستەی گەشتیاری عێراق
چالاکییەکانی بازاڕی گەشتیاری عێراقی چوارەم ٢٠٢٦ لە هەولێر دەستیان پێکرد
بە ئامادەبوونی امل جەلال سەرۆکی دەستەی گەشتوگوزاری کوردستان و ئەندازیار مەهدی غەزبان ساعیدی بەڕێوەبەری گشتی بەڕێوەبەرایەتی کۆمەڵە گەشتیارییەکان لە دەستەی گەشتوگوزاری عێراقی
بەڕێز لاوەند مەموندی سەرۆکی یەکێتی کۆمپانیاکانی فڕۆکەوانی و گەشتیاری کورستان و بە بەشداریی بەرفراوانی دامەزراوە گەشتیارییە ناوخۆیی و عەرەبی و بیانییەکان کە نوێنەرایەتی کۆمپانیاکانی فڕۆکەوانی و کۆمپانیاکانی گەشت و گەشتیاری و هۆتێلەکان و سیستەمی ئۆنلاین دەکەن لە پارێزگا جیاجیاکان و هەرێمی کوردستانی عێراق.
چالاکییەکانی بازاڕی گەشتیاری ئامانجی دروستکردنی هاوبەشی و هاوکاری و بەستنی تێگەیشتن و واژووکردنی ڕێکەوتننامەیە لەنێوان دامەزراوە گەشتیارییە کوردستانی و عێراقی و عەرەبی و بیانییەکانی بەشدار لە ڕووداوە گەشتیارییەکەدا، هەروەها زیادکردنی ژمارەی گەشتیاران کە دێنە عێراق و دروستکردنی دەرفەتی نوێ بۆ بەهێزکردن و چالاککردنەوەی کەرتی گەشتیاری لە کوردستان و عێراق.

سەرۆکی دەستەی گەشتوگوزاری عێراقی پێشوازی لە سەرۆکی یەکێتی کۆمپانیاکانی فڕۆکەوانی و گەشتیاری کوردستان دەکاترێکەوتی ٢٠٢٦/٢...
05/02/2026

سەرۆکی دەستەی گەشتوگوزاری عێراقی پێشوازی لە سەرۆکی یەکێتی کۆمپانیاکانی فڕۆکەوانی و گەشتیاری کوردستان دەکات

رێکەوتی ٢٠٢٦/٢/٤ و لەشاری بەغدا ( لاوەند مەموندی ) سەرۆکی یەکێتی کۆمپانیاکانی فڕۆکەوانی و گەشتیاری کوردستان بە یاوەری رزگار عومەر قادر سێنارەیی لەگەڵ سەرۆكی دەستەی گەشتوگوزاری عێراقی ئەندازیار( ناسر غانم مورات ) و سەرۆکی کۆمەڵەی کۆمپانیاکانی گەشتوگوزاری عێراقی کۆبونەوە، لەم کۆبوونەوەیەدا چۆنێتی بەشداریکردنی کۆمپانیاکانی کوردستان و عێراق و ڕێگاکانی بەهێزکردنی بەشداریی کۆمپانیاکانی گەشتوگوزاری کوردستان و عێراقی لە بازاڕ و پێشانگا نێودەوڵەتیەکان، و پشتگیری هەوڵەکانی بازاڕکردن و ناساندن و بەبازاڕکردنی بەرهەمی گەشتوگوزاری کوردستان و عێراقی لە ئاستی هەرێمی و نێودەوڵەتی گفتوگۆی لەسەر کرا.
لەکۆبوونەوەکەدا جەخت لەسەر گرنگی یەکگرتنی هەوڵەکان لە نێوان کەرتی گشتی و تایبەت کرایەوە بۆ پێشخستنی کەرتی گەشتیاری، و کردنەوەی ئاسۆی نوێ لەبەردەم کۆمپانیا گەشتوگوزارییە کوردستانی و عێراقییەکان بۆ بەشداریی کاریگەر لە کۆڕبەند و چالاکییە گەشتیارییە نێودەوڵەتییەکان و بەهێزکردنی پێگەی گەشتیاری لەسەر نەخشەی گەشتوگوزاری جیهانی.
لە کۆبونەوەکەدا هەریەکە لە بەڕێزان ( مەهدی غەزبان الساعدی ) بەڕێوەبەری گشتیی بەڕێوەبەرایەتیی کۆمەڵە گەشتوگوزارییەکان و ( جەبار مەنلون الغریباوی ) بەڕێوەبەری گشتیی بەڕێوەبەرایەتیی بنکە گەشتوگوزارییەکان، ئامادەبوون، کە تێیدا میکانیزمەکانی هاوکاری هاوبەش پێداچوونەوەیان کرا و دیدی کارایی دانرا بۆ پشتگیری چالاکی گەشتوگوزاری و فراوانکردنی هەلەکانی بەبازاڕکردن لە دەرەوەی وڵات بۆ بەرهەمی گەشتوگوزاری کوردستانی و عێراقی.

بە ئامادەبوونی سەرۆکی یەکێتی کۆمپانیاکانی گەشتیاری و فڕۆکەوانی و لقی دهۆکی یەکێتی و چەند ئەندامێك بەشداریمان کرد لە کۆڕب...
26/01/2026

بە ئامادەبوونی سەرۆکی یەکێتی کۆمپانیاکانی گەشتیاری و فڕۆکەوانی و لقی دهۆکی یەکێتی و چەند ئەندامێك بەشداریمان کرد لە کۆڕبەندی گەشتیاری و کەلتووری وڵاتی ئیسپانیا، پاش کۆتایی پێشانگای گەشتیاری نێودەوڵەتی فیتوری مەدرید ٢٠٢٦.

لەم کۆڕبەندە باسی چەند تەوەرێکی گرنگ کرا بۆ بەستنەوەی هەرێمی کوردستان و وڵاتی ئیسپانیا بە تایبەت هەرێمی مەدرید لە ڕووی گەشتیاری و کەلتووری و وەبەرهێنان

یەکێتی کۆمپانیاکانی فڕۆکەوانی و گەشتیاری کوردستان بەشدارە لە پێشانگای گەشتیاری فیتور لە ئیسپانیالە رۆژانی ٢٠٢٦/١/٢١ تا ٢...
22/01/2026

یەکێتی کۆمپانیاکانی فڕۆکەوانی و گەشتیاری کوردستان بەشدارە لە پێشانگای گەشتیاری فیتور لە ئیسپانیا

لە رۆژانی ٢٠٢٦/١/٢١ تا ٢٠٢٦/١/٢٦ یەکێتی کۆمپانیاکانی فڕۆکەوانی و گەشتیاری کوردستان بەشدارە لە چوارەمین گەورەترین پێشانگای گەشتیاری نێودەوڵەتی لە مەدریدی پایتەختی ئیسپانیا کە زیاتر لە ١٥٦ وڵات و ١٥٠٠ کۆمپانیای گەشتیاری بەشدارە و شاندێکی یەکێتی کۆمپانیاکانی فڕۆکەوانی و گەشتیاری کوردستان و لاوەند مەموندی سەرۆکی یەکێتی کۆمپانیاکانی فڕۆکەوانی و گەشتیاری کوردستان و چەندین کۆمپانیای کوردستان بەشدارن لەم پێشانگایە.

یەکێتی کۆمپانیاکانی فڕۆکەوانی و گەشتیاری ئاهەنگێکی بۆ سەرخستنی لیستی ٢٧٥ پارتی دیموکراتی کوردستان سازکردئەمشەو شەممە ١ی ...
01/11/2025

یەکێتی کۆمپانیاکانی فڕۆکەوانی و گەشتیاری ئاهەنگێکی بۆ سەرخستنی لیستی ٢٧٥ پارتی دیموکراتی کوردستان سازکرد

ئەمشەو شەممە ١ی نۆڤەمبەری 2025، بەمەبەستی كاركردن بۆ سەرخستنی لیستی 275ی پارتی دیموکراتی کوردستان یەکێتی کۆمپانیاکانی فڕکەوانی و گەشتیاری کوردستان و بەئامادەبوونی بەڕێزان ( کاک ساسان عەونی ) وەزیری شارەوانی و گەشتوگوزار و کاک سەفین دزەیی بەرپرسی فەرمانگەی پەیوەندییەکانی دەرەوە و محمد شوکری سەرۆکی دەستەی وەبەرهێنان و ئومێد خۆشناو پارێزگاری هەولێر و دکتۆر سامان بەرزنجی وەزیری تەندروستی و دکتۆر زانا مەلا خالید بەرپرسی لقی دوو و ئەندامانی ژووری بازرگانی بە هاوکاری و هەماهەنگی بەڕێوەبەرایەتی گشتی گەشتوگوزاری هەولێر و کۆمەڵەی میوانخانە و چێشتخانەکان لقی هەولێر و بە ئامادەبوونی سەرۆک و ئەندامانی دەستەی باڵای یەکێتی کۆمپانیاکانی فڕۆکەوانی و گەشتیاری کوردستان مەراسیم و ئاهەنگێکی تایبەت بە خاوەن کۆمپانیاکانی فڕۆکەوانی و گەشتیاری و بنکە گەشتیارییەکانی شاری هەولێر سازکرا بەئامانجی پاڵپشتی و سەرخستنی كارنامەی لیستی 275ی پارتی دیموكراتی كوردستان.

سەرکەوتنی گەورەی لیستی ۲۷٥ی پارتی.

یەکێتی کۆمپانیاکانی فڕکەوانی و گەشتیاری کوردستان
01/11/2025

کۆبونەوەی دەستەی باڵای یەکێتی کۆمپانیاکانی فڕۆکەوانی گەشتیاری ئەنجامدرائەمڕۆ رێکەوتی ٢٠٢٥/٩/٢٧ و لە رۆژی جیهانی گەشتوگوز...
27/09/2025

کۆبونەوەی دەستەی باڵای یەکێتی کۆمپانیاکانی فڕۆکەوانی گەشتیاری ئەنجامدرا

ئەمڕۆ رێکەوتی ٢٠٢٥/٩/٢٧ و لە رۆژی جیهانی گەشتوگوزار و بەئامادەبوونی سەرۆکی دەستەی باڵا و جێگر و ئەندامانی دەستەی باڵا کۆبونەوەی ئاسایی مانگانەی خۆی ئەنجامدا و لە کۆبونەوەکە چەندین بابەتی گرنگی بواری گەشتیاری و فڕۆکەوانی تاوتوێی کرا، لە کۆبوونەوکەدا گرنگی کردنەوەی هەردوو لقی هەولێر و سلێمانی یەکێتییەکە گفتوگۆی لەسەر کرا بە ئامانجی خزمەتکردنی کەرتی فڕۆکەوانی و گەشتیاری لە کوردستان و چۆنێتی خزمەتکردنی کۆمپانیاکانی فڕۆکەوانی و گەشتیاری لە کوردستان و بەرەوپێشبردنی ئەم کەرتە لە کوردستان بەهاوکاری و پاڵپشتی حکومەتی هەرێمی کوردستان.

پەیامی ھاوخەمیبەداخەوە هه‌واڵی كۆچی دوایی کەسایەتی دیاری شەقڵاوە و مامۆستا ( شمعون عودو ) کە دەکاتە باوکی کاک ( مریوان...
20/08/2025

پەیامی ھاوخەمی

بەداخەوە هه‌واڵی كۆچی دوایی کەسایەتی دیاری شەقڵاوە و مامۆستا ( شمعون عودو ) کە دەکاتە باوکی کاک ( مریوان شمعون ) و خاوەنی کۆمپانیای عنکاوا فلایت و هاوکار و هاوپیشە و ئەندامی دەستەی باڵای یەکێتی کۆمپانیاکانی فڕۆکەوانی و گەشتیاری کوردستانمان بیست.
به‌م بۆنه‌ خه‌مناكه‌وه‌، پرسه‌ و سه‌ره‌خۆشی خۆماب ئاڕاسته‌ی خانه‌واده ‌و كه‌سوكار و دۆست و خزمان و خۆمان ده‌کەین، خۆمان به‌هاوبه‌شی خه‌متان ده‌زانین،خودای گه‌وره‌ گیانی به‌ر دلۆڤانی و رەحمەتی خۆی بخات و به‌ به‌هه‌شتی به‌رینی شاد بكات، دڵنه‌وایی و سێبوریش بە به‌ڕێزتان و كه‌سوكار و خزمانتان بدات.

إِنَّا لِلَّهِ وَإِنَّا إِلَيْهِ رَاجِعُونَ

یەکێتی کۆمپانیاکانی فڕۆکەوانی و گەشتیاری کوردستان
20.08.2025

Address

Erbil/English Village/villa 238
Irbil

Website

Alerts

Be the first to know and let us send you an email when یەکێتی کۆمپانیاکانی فڕۆکەوانی و گەشتیاری posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to یەکێتی کۆمپانیاکانی فڕۆکەوانی و گەشتیاری:

Shortcuts

Share

Category