15/04/2026
Dr.Saman Barzangy د.سامان بەرزنجی
وەزارەتی تەندروستی - وزارة الصحة
mustafa
@بەریوبەرایەتی گشتی تەندروستی هەلەبجە
پەیامێک لە K.M.S.O
بەرژەوەندی نەخۆش و باشکردنی ژێرخانی تەندروستی، خاڵی کۆکەرەوەی هەمووانە
ئێمە لە ڕێکخراوی K.M.S.O، لە نزیکەوە چاودێری گۆڕانکارییەکانی دوای بڕیارەکەی بەڕێوبەرایەتی گشتی تەندروستی هەڵەبجە و ڕوونکردنەوەی پزیشکانی پسپۆڕی نەشتەرگەری دەکەین. وەک لایەنێکی زانستی و مەدەنی، پێمان وایە:
١. پابەندبوونی پزیشکان بە دەوام: دەستخۆشی لە پزیشکانی پسپۆڕ دەکەین بۆ ڕاگەیاندنی ئامادەییان بۆ جێبەجێکردنی بڕیاری مانەوەی ٢٤ کاتژمێری، ئەمە نیشانەی خەمخۆرییانە بۆ سەروەری یاسا.
٢. چارەسەرکردنی کەلێنە تەکنیکییەکان: ئەو خاڵانەی پزیشکانی پسپۆڕ ئاماژەیان پێداوە (وەک نەبوونی هۆڵی نەشتەرگەری لەناو نەخۆشخانەی فریاکەوتن و کێشەی پزیشکی دادوەری) پەیامێکی گرنگن بۆ لایەنە پەیوەندیدارەکان. داوا لە بەڕێز وەزیری تەندروستی و بەڕێوبەری گشتی دەکەین کە بە زووترین کات کار بکەن بۆ دابینکردنی پێداویستییە لۆجستییەکان، تا جێبەجێکردنی یاسا نەبێتە هۆی پەککەوتنی خزمەتگوزارییەکان.
٣. نەخۆشی هەژار لە پێشینەیە: پێویستە میکانیزمێکی وا بدۆزرێتەوە کە مانەوەی پزیشکی خەفەر نەبێتە هۆی ڕاگرتنی نەشتەرگەرییە ساردەکان (Cold Cases) لە کاتی بەیانیاندا، چونکە کەرتی گشتی تەنها پەناگەی هاوڵاتیانی کەم دەرامەتە.
٤. بانگەواز بۆ گفتوگۆ: داوا دەکەین کۆبوونەوەیەکی بەپەلە لە نێوان نوێنەری پزیشکانی پسپۆڕ و بەڕێوبەرایەتی گشتی ئەنجام بدرێت بۆ دۆزینەوەی چارەسەرێکی ناوەندی (Win-Win Solution) کە تێیدا هەم یاسا جێبەجێ بکرێت، هەم مافی پزیشک و نەخۆش پارێزراو بێت و گواستنەوەی نەخۆش بۆ شارەکانی دیکە کەم بکرێتەوە.
ئێمە وەک K.M.S.O ئامادەیی خۆمان دەردەبڕین بۆ هەر نێوەندگیرییەکی زانستی و کارگێڕی کە ئامانج لێی بەرزکردنەوەی ئاستی خزمەتگوزارییەکان بێت لە
پارێزگای هەڵەبجە.
ڕێکخراوی K.M.S.O
١٥ی نیسانی ٢٠٢٦
ڕونکردنەوەی بەشی نەشتەرگەری گشتی سەبارەت بە نوسراوی بەڕێز وەزیری تەندروستی و جەخت کردنەوەی لەلایەن بەڕێز بەڕێوبەری گشتی تەندروستی هەڵەبجە وە بۆ جێ بەجێ کردنی ڕێنمایی یەکان :
ئێمە وەک پزیشکی پسپۆڕی نەشتەرگەری گشتی ئامادەین نوسراوەکە وەک خۆی جێ بەجێ بکەین بەڵام دەرکەوتەکانی ئەم بڕیارە دەبێت بەڕێز وەزیری تەندروستی و بەڕێز بەڕێوبەری گشتی بیگرنە ئەستۆی خۆیان.
١- هیچ نەخۆشێکی حاڵەتی سارد لە لیستی نەشتەرگەری بەیانیان نەشتەرگەری بۆ ناکرێت لەبەرئەوەی پزیشکی پسپۆڕی خەفەر دەبێت لەناو نەخۆشخانەی فریاکەوتن ئامادەیی هەبێت و چاوەڕێ ی حاڵەتی کتوپڕ بکات واتە لەمەودوا نەخۆشی هەژار و کەم دەرامەت بەهیچ شێوەیەک ناتوانێت سودمەند بێت لە کەرتی گشتی بۆ ئەنجامدانی نەشتەرگەری سارد.
٢- هەموو نەشتەرگەری یەکی کتوپڕ کە پێویستە بەزوترین کات نەشتەرگەری بۆ بکرێت دەبێت ڕەوانەی شاری سلێمانی بکرێت چونکە بینای نەخۆشخانەی فریاکەوتن هۆڵی نەشتەرگەری تێدا نی یە و دەبێت نەخۆش لە نەخۆشخانەی چارەسەری بەرکەوتوانی چەکی کیمیایی نەشتەرگەری بۆ بکرێت ، چونی پزیشکی نەشتەرگەر بۆ ئەو نەخۆشخانەیە پێچەوانەی بڕیارەکەی بەڕێز وەزیری تەندروستی یە ، بۆیە داواکارین لە بەڕێز بەڕێوبەری گشتی بەزوترین کات هۆڵی نەشتەرگەری بکاتەوە لە نەخۆشخانەی فریاکەوتن.
٣- هیوادارین هەمووان تەندروست باش بن بەڵام لەمەودوا پزیشکی دادوەری هەڵەبجە دەبێت دابخرێت چونکە پزیشکی پسپۆری نەشتەرگەری خەفەر دەوامی ئەو فەرمانگەیە بەڕێوە دەبەن و لەمەودوا ناتوانن ئەو ئەرکە جێ بەجێ بکەن چونکە پێچەوانەی بڕیاری بەڕێز وەزیری تەندروستی یە بۆیە لەمەودوا ئەو کەسانەی کە کۆچی دوایی دەکەن و دەست نیشانکردنی هۆکاری گیان لەدەست دانیان پەیوەندی بە پزیشکی دادوەری یەوە هەیە دەبێت ڕەوانەی پزیشکی دادوەری سلێمانی بکرێن .
٤ - هەر ڕاوێژ پێکردنێک لە لقەکانی تری پزیشکی یەوە وەک نەشتەرگەری مناڵان و نەشتەرگەری ژنان و مناڵبوون پێویستە نەخۆشەکە بێتە ناو نەخۆشخانەی فریاکەوتن بۆ وەرگرتنی ڕای پزیشکی پسپۆری نەشتەرگەری گشتی .
٥- لەکاتی پێویست بوون بە پزیشکی پسپۆری نەشتەرگەری گشتی لە هۆڵی نەشتەرگەری نەخۆشخانەی ژنان و مناڵبوون پێویستە پزیشکی پسپۆری ژنان نەخۆشەکە ڕەوانەی شاری سلێمانی بکات یاخود هەر لە سەرەتادا نەشتەرگەری بۆ نەکات بۆ ئەوەی توشی ڕوداوی نەخوازراو نەبێت .
٦- ئێمە بڕیارمان داوە کە ٢٤ کاتژێر بە بەردەوامی لەناو نەخۆشخانەدا بمێنینەوە بۆ ئەو ڕۆژانەی کە خەفەرین و کلینیکەکانمان بە داخراوی دەمێننەوە لەو کاتەدا .
٧- ئەم بڕیارانە لەڕۆژی ٥شەممە ڕێکەوتی ١٦/٤/٢٠٢٦ وە کاری پێ دەکرێت .
لەکۆتایی دا هیوادارین هەمووان تەندروست باش بن
بەشی پسپۆڕی نەشتەرگەری گشتی لە شاری هەڵەبجە
