رێکخراوی بەخشینی خوێن وژیان
ڕێکخراوێکی مەدەنی ناحکومیە، لە ١٤/١/٢٠١٥ بە فەرمی لە فەرمانگەی رێکخراوە ناحکومیەکان تۆمارکراوە، کارئاسانی دەکات بۆ نەخۆش و نەخۆشخانەکان بە دابینکردنی خوێنی پێویست لە پێناو پاراستن و رزگارکردنی گیانی هاولاتیان، پردێکی پەیوەندیە لە نێوان نەخۆش و خوێن بەخشان، بە خۆبەخشی لەلایەن زیاتر لە ١٢٠ خۆبەخش لەژێر ناونیشانی کارگێرانی رێکخراو بەرێوەدەبرێت، و دابەش بوون بەسەر ٢٣ شار لە
هەرێمی کوردستان، بە کەرکوکی خۆشەویستیشەوە، زیاتر لە ١٧٠٠ خوێن بەخش هەلگری ناسنامەی ئەندامێتی رێکخراون، زیاتر لە ١٢٠٠٠ خوێن بەخش ناویان تۆمارە لە رێکخراوەکە.
مەبەست
پێکهێنانی کۆمەڵگەیەکی تەندروستە، هەروەها هێنانەدی گیانی هاوکاری و خۆبەخشیە لە ڕووداو و نەخۆشیەکان و بەهاناوەچوونی نەخۆش و ئاوارەکان و کەم دەرامەتان، بەشیوەی تیم.
ناونیشان
ئۆفیسی سەرەکی لە سەنتەری قەزای ناوەندی سۆرانە و لە ٢٣ شارو شارۆچکە ستافی کارگێری هەیە
بەشی ژیانەوە
تایبەتە بە گەیاندنی پەیامی هەژار و نەخۆشانی کەم دەرامەت و پێویستدار و هەتیوان بە خێرخوازان و لایەنی پەیوەندیدار.
بوارەکانی کارکردنی
(تەندروستی، هاوکاری مرۆیی)
داهاتی رێکخراو:
جگە لە رسوماتی ناسنامەکان هیچ داهاتێکی دیاری کراوی نیە
ئامانجەکان
1. دروستکردنی تیمێکی فراوان لە پێناو بە هاناوەچوونی ئەو نەخۆشانەی کە پێویستیان بە خوێنە.
2. دابینکردنی خوێنی پێویست بۆ نەخۆشانی تالاسیمیا
3. بلاوکردنەوەی هۆشیاری تەندروستی بە گشتی و بە تایبەت سەربارەت بە نەخۆشیەکانی خوێن
4. هاندانی کەسانی تر بۆ خوێن بەخشین بەرزکردنەوەی رێژەی بەخشەر لە هەرێمی کوردستان.
5. دروستکردنی هەماهەنگی لە گەل سەرجەم دامەزراوە حکومی و ناحکومیەکان و ئەنجامدانی هەلمەتی خوێن بەخشین
6. دروستکردنی چەند تیمێکی خوێن بەخش بۆ بەهانوەچوونی نەخۆشەکان لە حالەتی لە ناکاوی وەک ( کارەساتی سروشتی، ڕووداوی هاتووچۆ، شەرو جەنگ، .....هتد
7. پشتگیری کردن لە خوێن بەخشان و داکۆکی کردن لە مافی خوێن بەخشان.
Alerts
Be the first to know and let us send you an email when ريكخراوى بەخشينى خوێن و ژيان posts news and promotions. Your email address will not be used for any other purpose, and you can unsubscribe at any time.
