منظمة زاد الخير الخيرية - Zad Alkhair Charity Organization

09/05/2026

مو كل مريض عنده صوت يوصل… لكن إنت تگدر تكون صوته 🤍

حملة نبض 4 تنطلق ، ونفتح أبواب الأمل لكل طفل ومريض يعاني من تشوهات القلب الولادية… فحوصات وعمليات مجانية بإشراف الدكتور محمد رسول ، حتى نرجّع النبض لحياتهم من جديد.

بس حتى نوصل لأبعد بيت… لأبعد قرية… ولأقسى حالة ما تعرف وين تروح…
نحتاجك اليوم مو بكلام… بمشاركة 🙏

شارك هذا الإعلان
يمكن بضغطة زر منك… توصل لمريض محتاج، وتنقذ قلب كان ينتظر فرصة ❤️

لا تستهين بالمشاركة…
ترى ممكن تكون سبب حياة.

27/04/2026

مو رقم ……

3950 مو مجرد رقم ✋
3950 إنسان كان ممكن يضيع… وبقى.
3950 لحظة بين خوف وأمل… وانتصر بيها الأمل.

اليوم نجحت العملية المجانية رقم 3950
بس الحقيقة؟
القصة مو هنا…

القصة بكل مرة وقفنا قدّام مريض ما عنده فلوس وگُلنا له: لا تخاف… راح نكون وياك
القصة بكل مرة تحدّينا الواقع اللي يقول “العلاج للأغنياء فقط” وكسرناه.

احنا ما دا نعد عمليات…
احنا دا نغيّر قانون الألم بهالبلد.

وإذا وصلنا 3950…
فهذا مو إنجاز، هذا تحذير:
القادم أكبر.

23/04/2026

13/04/2026

📌قرار ممكن يوقف عمليات… مو بس قرار ضريبي!”

اليوم طلعت الدكتوره عذراء على قناة الرشيد
مو حتى تتكلم…
طلعت حتى أدافع.

أدافع عن منظمات
تشتغل بصمت…
وتنقذ ناس ما عدهم صوت…

📌 فرض الضرائب على المنظمات
مو رقم ينضاف على ورق…

هو عملية ممكن تتلغى…
هو مريض ممكن ينحرم…
هو يتيم ممكن ينكسر قلبه…

احنا مو شركات…
وما نشتغل حتى نربح…

احنا نشتغل حتى نحافظ على حياة إنسان.

اليوم تكلمت…
وبكل وضوح…

مو عن منظمتنا
عن كل منظمة حقيقية بهذا البلد.

💬 سؤال مهم:
هل تؤيد فرض الضرائب على المنظمات حتى لو كان الثمن إنسان؟



#العراق

منظمة زاد الخير الخيرية

02/04/2026

تاخر موعد العمليه كم ساعه لان تاخرنا بالوصول للعمليه بسبب الازدحامات بالشوارع لان الكل كان فرحان بعد فوز منتخبنا الوطني بكرة القدم والحمد لله كملت فرحتي بنجاح العملية ..

الدكتور معن المنذريMaan M. Almundheri استشاري جراحة عامة وناظوريه وجراحة جهاز هظمي وغدد واورام / سبع ابكار / الشارع العام ٠٧٧٨٠١٣١٨٠٦٩ - ٠٧٧٣٩٦٠٥٠٥٩

والدكتور منور النقاش اختصاص اورام - بغداد-زيونه - بداية شارع الربيعي - عيادة الماسة -مقابل دريم ستي مول موبايل 07815309840

منظمة زاد الخير الخيرية


العلاج_المجاني

16/03/2026

3947

09/03/2026

رمضان شهر الرحمة… وشهر ما ننسى بيه بعضنا 🤍

بفضل الله، مستمرين في منظمة زاد الخير الخيرية بتوزيع السلات الغذائية على العوائل المتعففة خلال هذا الشهر المبارك، ووصلنا لحد الآن إلى 125 عائلة نحاول نخفف عنهم جزء من هموم الحياة.

هذا الخير ما كان يصير لولا دعم ورعاية شركة بيتي المطور العقاري لمدينة واسط السكنية، اللي شاركتنا هذا العمل الإنساني حتى يوصل الخير لأكبر عدد ممكن من الناس.

رمضان يذكرنا دائماً…
أن العطاء ما يقلل منّا، بل يكبرنا…
وأن لقمة بسيطة ممكن ترسم ابتسامة على وجه عائلة كاملة.

نسأل الله أن يتقبل من الجميع، ويجعلها صدقة جارية لكل من ساهم وشارك في هذا الخير 🌙🤲🏻

#رمضان

06/03/2026

3946 رقم العمليه المجانية فوق الكبرى ( 2 في 1 استئصال رحم وورم كبير فوقه + فك تلاصقات بالامعاء والمثانة ) مع رقود في المستشفى ل 5 أيام وتحاليل وتخطيط و4 بطل دم وزرع للورم ووضع جهاز تخفيف الالام بعد العمليه وسونار وادويه ) كلها مجاناً في مستشفى الدولي الاهلي - بغداد - الوزيرية - شارع الجسر الحديدي
اجرى العملية مجانا كل من ( الدكتوره دنيز رشاد / جراحة نسائية وتوليد - والدكتور حارث مثنى / جراحة عامة وناظورية واورام وجهاز هضمي )

مستمرون في مشروعنا العلاج المجاني

03/03/2026

اليوم ما جايه أحچي عن عملية مجانية…
ولا عن حملة…

اليوم جايه أوجّه نداء… من القلب…
إلى كل تاجر… إلى كل صاحب محل… إلى كل من بيده سلعة يحتاجها الناس.

تره البلد يمر بظرف صعب…
والناس تعبانة…
وكل بيت بيه قصة صبر وهمّ ما يعرفه غير رب العالمين.

رفع الأسعار بهيج وقت مو شطارة…
ولا تجارة ناجحة…
هذا امتحان أخلاق قبل ما يكون امتحان سوق.

يمكن الأزمة تمر…
يمكن تتحسن الظروف…
لكن الموقف ما ينسى.

الناس تتذكر…
من وقف وياها…
ومن استغل حاجتها.

واحنا برمضان…
الشهر اللي تتضاعف بيه الحسنات…
مو معقولة نخلي أرباحنا تكبر
وهموم الفقير تكبر ويانا.

خلّوا تجارتكم بركة…
خلّوا اسمكم يرتبط بالرحمة مو بالجشع.
تره الدين مو صلاة وصيام بس…
الدين موقف

اللهم اشهد أنا بلغنا

18/02/2026

العملية المجانية رقم (3945) 🤍
6.000.000 ملايين دينار تكلفة العملية ، ويانا صارت مجاناً …….

تبديل مفصل ركبة لامرأة أرملة عانت طويلاً من الألم، واليوم تبدأ خطوة جديدة نحو حياة بلا وجع…
بفضل الله وأيادي الخير يستمر العطاء، وتستمر الحكايات التي تُكتب بالأمل.

🌿 لأن العلاج حق لكل إنسان
د. عذراء عبد الامير

18/02/2026

في بداية رمضان… أحب أن أتوقف لحظة امتنان صادقة 🌙🤍
إلى أعضاء منظمة زاد الخير…�أنتم لم تكونوا مجرد متطوعين، بل كنتم قلوباً اختارت أن تتعب كي يرتاح غيرها، وأيادي امتدت بالنور في أصعب لحظات الناس. كم باباً طرقتموه وأنتم تحملون الأمل، وكم دمعة رأيتموها تتحول إلى دعاء صادق بفضلكم.
هناك مرضى عاد لهم الأمل لأنكم لم تتخلوا عنهم، وأسر نامت مطمئنة لأنكم كنتم السند، وأرواح كانت على حافة الانكسار فاحتضنتموها بالرحمة. ربما ننسى نحن تفاصيل التعب… لكن الله لا ينسى خطوة خُطيت لوجهه، ولا قلباً أخلص في العطاء.
رمضان يأتي كل عام… لكن قيمة الإنسان تظهر حين يكون هو نفسه رحمةً للآخرين، وأنتم كنتم الرحمة التي تمشي على الأرض.
شكراً لأنكم اخترتم طريق الخير رغم التعب ، ورغم ضيق الوقت، ورغم كل الظروف. شكراً لأنكم أثبتم أن الإنسانية ما زالت بخير.
أسأل الله في هذا الشهر المبارك أن يعوض قلوبكم فرحاً عن كل تعب، وأن يكتب لكم أجر كل مريض ابتسم، وكل أم دعت لكم، وكل روح شعرت بالأمان بسببكم.
رمضان مبارك يا أصحاب القلوب البيضاء … وجعل الله أعمالكم نوراً لا ينطفئ

اختكم الدكتوره عذراء/ رئيس المنظمة