کۆمەڵەی توانابەخشی منداڵان komalay Twanabaxshy Mndalan

11/08/2026

لە مەراسیمێکی تایبەتدا بۆ جار دووەم، سەبەتەی خۆراکی بەسەر ژمارەیەک لە خێزانەکانی منداڵانی تووشبوو بە ئیفلیجی مێشک دابەشکرد، کە لە لایەن مانگی سووری عێراقییەوە دابینکرابوو.
​ئەم مەراسیمە بە مەبەستی بەھێزکردنی گیانی هاوکاری کۆمەڵایەتی و پێشکەشکردنی پاڵپشتی پێویست بەم چینە ئازیزە بەڕێوەچوو. کۆمەڵەکەمان دووپاتی دەکاتەوە کە بەردەوام دەبێت لە گەیاندنی کۆمەک و هاوکارییەکان بە هاوبەشی لەگەڵ ڕێکخراوە مرۆییەکان بۆ خزمەتکردنی زیاتری منداڵانی خاوەن پێداویستی تایبەت.

17/07/2026

18/06/2026

ئەمڕۆ، کۆمەڵەی توانا بەخشی پێشوازی کرد لە نوێنەری فەرمانگەی ڕێکخراوە ناحکومییەکانی عێراق، بە مەبەستی لەنزیکەوە ئاگاداربوون لە کار و چالاکییەکانی کۆمەڵەکەمان

13/06/2026

لە درێژەی هەوڵ و کارە خێرخوازییەکانی دۆستانی دڵسۆزی کۆمەڵەکەمان، جارێکی تر کاک عوسمان هەرمنی لەگەڵ ژمارەیەک لە کوردانی بەڕێز و خێرخوازی بەریتانیا، کۆمەڵێک دەرمان و پێداویستی پزیشکییان دابین کرد و گەیاندیانە دەستی کۆمەڵەکەمان بۆ ئەوەی ببنە هۆی سوود و چارەسەری بۆ پێویستان.
ئێمەش بەناوی سەرۆکایەتی، دەستەی کارگێڕی و هەموو ئەندامانی کۆمەڵە، پڕ بە دڵ سوپاس و پێزانینی خۆمان ئاراستەی ئەم مرۆڤە بەڕێزانە دەکەین کە بەردەوام لە پشتیوانی و هاوکاری کردنی کارە مرۆڤایەتییەکاندا ئامادە و هاوکارن. بەڕاستی ئەم هەڵوێستە بەرز و جوانانە جێی شانازی و پێزانینن.
هەروەها دەستخۆشییەکی تایبەت ئاراستەی کاک حاجی یادگار دەکەین کە بە ماندوونەناسی و دڵسۆزی، ئەرکی گواستنەوە و گەیاندنی ئەم یارمەتییانە لە بەریتانیاوە بۆ کوردستان بەردەوام بە ئەستۆ گرتووە.
هیوادارین هەموویان هەمیشە سەرفراز، تەندروست و سەرکەوتوو بن و چاکەکانیان هەرگیز لەبیر نەکرێت. 🌹🙏🏻

23/05/2026

سەرمایەدارێکی بەهەڵوێست و خێرخواز، کاک مەریوانی حاجی جەمال، خەمخۆر و پاڵپشتی هەمیشەیی کۆمەڵەکەمانە.بەبۆنەی جەژنی قوربان و نزیکبوونەوەی ، جارێکی تر بە دڵێکی گەورە و دەستی کراوە ژمارەیەکی بەرچاوی لە ئەندامەکانمانی بەسەر کردەوە و جەژنانەی خۆی پێشکەش کردن.
ئەم هەڵوێستە مرۆڤانە و دڵسۆزانەیە جێی سوپاس و پێزانینە، هیوادارین هەمیشە سەرکەوتوو و سەرفراز بێت و نموونەی ئەم خێرخوازییە بۆ هەمووان بمێنێتەوە.

لەگەڵ زۆرترین سوپاس و ڕێزمان

21/05/2026

هاوکاری بەردەوام و دڵسۆزی بێپایان
​لە پێشوازی جەژنی قوربانی پیرۆزدا، گرووپی کۆمپانیاکانی قەیوان بە دابەشکردنی سەبەتەی خۆراک، دڵی منداڵانی خاوەن پێداویستی تایبەتیان لە کۆمەڵەی توانا بەخش خۆش کرد.
​پڕ بە دڵ سوپاسی بەڕێز کاک شێخ فاخر و تەواوی گرووپی کۆمپانیاکانی قەیوان دەکەین کە هەمیشە وەک خەمخۆرێکی ڕاستەقینە، دەستی هاوکارییان بۆ منداڵانی ئێمە درێژ کردووە و پاڵپشتێکی بەردەوام بوون.

19/05/2026

ڕۆژی[سێشەممە، ١٩ی ئایاری ٢٠٢٦]، کۆمەڵەی توانا بەخش لە مەراسیمێکی تایبەتدا، سەبەتەی خۆراکی بەسەر ژمارەیەک لە خێزانەکانی منداڵانی تووشبوو بە ئیفلیجی مێشک دابەشکرد، کە لە لایەن مانگی سووری عێراقییەوە دابینکرابوو.
​ئەم مەراسیمە بە مەبەستی بەھێزکردنی گیانی هاوکاری کۆمەڵایەتی و پێشکەشکردنی پاڵپشتی پێویست بەم چینە ئازیزە بەڕێوەچوو. کۆمەڵەکەمان دووپاتی دەکاتەوە کە بەردەوام دەبێت لە گەیاندنی کۆمەک و هاوکارییەکان بە هاوبەشی لەگەڵ ڕێکخراوە مرۆییەکان بۆ خزمەتکردنی زیاتری منداڵانی خاوەن پێداویستی تایبەت.

15/05/2026

بەردەوامین لە دروستکردنی سەنتەری کۆمەڵەی توانا بەخش منداڵان، بۆ پێشکەشکردنی خزمەتگوزارییەکی باشتر و گونجاوتر بە منداڵانی خاوەن پێداویستی تایبەت.
دوای چەندین ساڵ کار و خەبات لەم شوێنەدا، ئێمە هەنگاوێکی نوێ بەرەو داهاتوویەکی باشتر بۆ منداڵان هەڵدەگرین، چونکە باوەڕمان وایە هەر منداڵێک شایستەی دەرفەت و گرنگیدانە.
دروستکردنی سەنتەری کۆمەڵەی توانا بەخش منداڵان بەردەوامە، بۆ ئەوەی ژینگەیەکی تایبەت و گونجاو بۆ خزمەتکردنی منداڵانی خاوەن پێداویستی تایبەت دابین بکرێت. ئەم پرۆژەیە بەرهەمی چەند ساڵ خەبات و کارکردنی کۆمەڵەکەیە لەپێناو خزمەتکردنی ئەم توێژە گرنگەی کۆمەڵگا.

07/05/2026

کۆمەڵەی توانا بەخشی منداڵانی خاوەن پێداویستی تایبەت پیرۆزبایی لە بەڕێز ئەمەل جەلال دەکات
​ئەمڕۆ، ٣ی ئایاری ٢٠٢٦، دەستەی کارگێڕی کۆمەڵەی توانا بەخشی منداڵانی خاوەن پێداویستی تایبەت سەردانی خاتوو ئەمەل جەلال، لێپرسراوی بۆردی ڕێکخراوە دیموکراتییەکانیان کرد، بە مەبەستی گەیاندنی پیرۆزبایی بە بۆنەی دەستبەکاربوونی وەک سەرۆکی بۆردی ڕێکخراوەکان.
​سەردانەکە بوو بە دەرفەتێکی گرنگ بۆ گفتوگۆکردن سەبارەت بە دۆخی منداڵانی خاوەن پێداویستی تایبەت و چالاکییەکانی کۆمەڵەکە، هەروەها جەخت لەسەر پێویستی پاڵپشتی بەردەوام و هاوکاری نێوان بۆردی ڕێکخراوەکان و کۆمەڵەی توانا بەخش کرایەوە بۆ خزمەتکردنی زیاتری ئەم توێژە.
​لە کۆتایی دیدارەکەدا، شاندی کۆمەڵەکە هیوای سەرکەوتن و بەردەوامییان بۆ بەڕێز خاتوو ئەمەل جەلال خواست لە ئەرکە نوێیەکەیدا، و هیوایان خواست ئەم هەنگاوە ببێتە هۆکاری گەشەپێدانی زیاتری کارە مرۆیی و مەدەنییەکان لە شاری سلێمانی.
​ڕاگەیاندنی کۆمەڵەی توانا بەخشی منداڵانی خاوەن پێداویستی تایبەت

19/04/2026

هەر هەنگاوێکی بچووک، سەرەتایەکە بۆ سەرکەوتنێکی گەورە. لێرەدا دەستە میهرەبانەکان دەبنە پاڵپشت بۆ ئەوەی هیچ خەونێک بەهۆی بەربەستە جەستەییەکانەوە نەوەستێت. چارەسەری سروشتی تەنها وەرزش نییە، بەڵکو چاندنی تۆوی ئومێدە لە دڵی منداڵاندا.