سازمان پناهندگان ایرانی در عراق

رێکخراوى پەنابەرانى ئێرانى لەعێراق، رێکخراوێکى سەربەخۆى ناحکومییە،کە بەمۆڵەتى فەرمى ژمارە (169)لەبەروارى 4/4/2013 ولەژێر رۆشنایى هەردوو ماددەى ( 10 و 11 ) لەیاساى ژمارە (1)ى ساڵى 2011ى پەرلەمانى کوردستان، تایبەت بە رێکخراوە ناحکومییەکان لەهەرێمى کوردستان. بۆیە بەپێویستمان زانى هەوڵى کۆکردنەوەى پەنابەران بدەین، لەژێر چەترى رێکخراوێکدا، کە بەرگرى لە مافەکانیان بکات و پرسەکانیان بخاتەروو.
ئامانجى ئەم

رێکخراوە، داکۆکیکردنە لەمافى پەنابەرانى ئێرانى بە پشتبەستن بە یاساى پەنابەران و بنەماکانى مافى مرۆڤ. هەوڵدەدات بەهەماهەنگى لەگەڵ رێکخراوە ناوخۆیى و نێودەوڵەتییەکان داکۆکی لەمافى پەنابەرانى ئێرانی بکات، لەسەر بنەماى دابینکردنى ژیانێکى خۆشتر و ئاسودەتر بۆ پەنابەران بە لەبەرچاو گرتنى بارودۆخى سیاسى، کۆمەڵایەتى و ئابورى. هەروەها بەدەستهێنانى هەلى کار و پێدانى رەگەزنامە لەکاتى تەوابوونى وادەى یاسایى و لەچوارچێوەى یاسادا.
هەروەها هەوڵدان بۆ باشترکردن و بایەخدان بە تەندروستى و بارى دەرونى پەنابەران، کە لەژێر گوشارە جیاجیاکاندا توشى دێن.
هەموو پەنابەرانى ئێرانى و ئەو بەڕێزانەش کە دەیانەوێت داکۆکى لە مافى پەنابەران بکەن، بەبێ جیاوازى بیر و ڕاى سیاسى و ئایینى و مەزهەبى و رەگەزى، دەتوانن ببنە ئەندامى ئەم رێکخراوە بەپێى پەیڕەوى ناوخۆى رێکخراوەکە. داواکارین لە هەموو رێکخراوە ناحکومى و مرۆڤدۆستەکان و رێکخراوەکانی مافى مرۆڤ، هاوکارمان بن لە پێناو باشکردنى رەوشى ژیانى پەنابەران.