25/09/2026
ఉచిత వైద్య శిబిరాలు వృద్ధులకు ఆరోగ్యాన్నే కాక మనో ధైర్యాన్ని అందిస్తాయి- డాక్టర్ అనితా రెడ్డి
వృద్ధుల వారోత్సవాలను పురస్కరించుకుని స్త్రీ శిశు సంక్షేమం, వృద్ధుల మరియు దివ్యాంగుల శాఖ ఆధ్వర్యంలో కలెక్టర్ ఆదేశాల మేరకు కే. యు పక్కన గల లార్డ్ వృద్ధ ఆశ్రమములో ఉచిత మెడికల్ క్యాంప్ నిర్వహించగా ఈ కార్యక్రమానికి ముఖ్య అతిథిగా సీనియర్ సిటిజన్స్ ట్రిబ్యునల్ కోర్టు మెంబర్ ,అనురాగ్ సొసైటీ చైర్మన్ డాక్టర్ అనితా రెడ్డి విచ్చేసి వైద్య శిబిరాన్ని ప్రారంభించారు ప్రాధమిక ఆరోగ్య కేంద్రం కడిపికొండ డాక్టర్లు విచ్చేసి ఉచిత వైద్య పరీక్షలు, కంటి పరీక్షలు నిర్వహించారు, ఉచితముగా మందులు అందించారు ఈ సందర్భంగా డాక్టర్ అనితా రెడ్డి మాట్లాడుతూ ఉచిత వైద్య శిబిరాలు వృద్ధులకు ఆరోగ్యాన్నే కాక చాలా మనోధైర్యము అందిస్తాయని ఎవరు లేని ఆశ్రమములోని వృద్ధులకు తమ ఆరోగ్యం గురించి పట్టించుకునే వారు ఉన్నారన్న ఆనందం సంతృప్తి వారి కళ్ళలో కనిపించిందని అన్నారు, ప్రతి ఒక్కరూ వృద్ధుల పట్ల బాద్యతతో ప్రేమ గౌరవం చూపించాలని, ఏ ఇబ్బంది కలిగినా ట్రిబ్యునల్ కోర్టును సంప్రదించవచ్చని డాక్టర్ అనితా రెడ్డి అన్నారు, వృద్ధాప్యము ఎవరికి శాపంగా మారకూడదని అన్నారు, వృద్ధులకు అన్ని రకాలుగా అందరూ అండగా నిలబడటమే నిజమైన వృద్ధుల వారోత్సవాలని డాక్టర్ అనితా రెడ్డి అన్నారు, ఈ కార్యక్రమం లో డాక్టర్ అనితా రెడ్డి, లార్డ్ వృద్ధ ఆశ్రమ నిర్వహకులు నాగరాని నరేష్, డాక్టర్లు బానోతు సంతోష్, కంటి డాక్టర్ ప్రతాపగిరి ప్రసాద్, శ్రీనివాస్ రెడ్డి, సంజీవ రావు, సమ్మి రెడ్డి, ఏ న్ ఎం సబితా రాణి, సరోజ, ఆశ వర్కర్ మరియ, మమత తదితరులు పాల్గొన్నారు
