18/09/2023
*ನಂಗಡ ಕುಪ್ಯ-ನಂಗಡ ಗತ್ತ್, ನಂಗಡ ಅವ್ವ-ನಂಗಡ ಸೊತ್ತ್*
*ಬಾರಿ ಪೋಕನ ಅವ್ವನ ಕಾಂಬಕ್ ತಲಕಾವೇರಿಕ್...*
ಪೊಮ್ಮಾಲೆ ಕೊಡಗ್'ರ ಪನ್ನೆರಂಡ್ ಕೊಂಬು, ನುಪ್ಪತಂಜಿ ನಾಡ್'ಕ್ ಅಡಂಗ್'ನ ಈ ಕ್ರೋಢ ದೇಶತ ಒಳಲ್ ಪಿಂಞ ಪೊರ್ಮೆ ಉಳ್ಳ ಎಲ್ಲಾ ಕೊಡವಕ್ ಅಖಿಲ ಕೊಡವ ಸಮಾಜ ಯೂತ್ ವಿಂಗ್ ಪಿಂಞ ಕೊಡವ ರೈಡರ್ಸ್ ಕ್ಲಬ್ ಈ ದಂಡ್ ಸಂಸ್ಥೆರ ಕೊದಿರ ತಕ್ಕಾರ 🙏🙏
ಇದೇ ತೊಲ್ಯಾರ್-01 (ಅಕ್ಟೋಬರ್-17) ಚೊವ್ವಾಚೆ ಅವ್ವ ಕಾವೇರಮ್ಮೆ ತೀರ್ಥ ರೂಪತ್ ಬಂದಾಂಡುಳ್ಳದ್ ನಿಂಗಕೆಲ್ಲಾ ಗೊತ್ತುಳ್ಳದೆ. ಈ ನೇರತ್ ಮಕ್ಕಳಾನ ನಂಗ ಅವ್ವನ ತಕ್ಕಾರ ಮಾಡುವಕ್ ತಳಿಯತಕ್ಕಿ ಬೊಳಕಾಯಿ ಕುಪ್ಯಚೇಲೆ, ಕೊಡವತಿ ಪೊಡಿಯತ್ ಒರೆ ಕೊಡೆರಡಿಲ್ ಕೂಡಂಡಿಯದ್ ಮಕ್ಕಳಾನ ನಂಗಡ ಆದ್ಯ ಕರ್ತವ್ಯ. ಈಯಾಂಡ್ ಬೈಟ್ ನೇರತ್ ತೀರ್ಥ ಬಂದಂಡ್ ಉಳ್ಳಂಗಾಯಿತ್ ದಾರೂ ಬಯ್ಯಕ್ ನಿಕ್ಕತೆ ಏರಾ ಸಂಖ್ಯೆಲ್ ಕೊಡವ ಭಾಗಮಂಡಲ ತಲಕಾವೇರಿಲ್ ಇರೊಂಡು ಎಣ್ಣುವದ್ ನಂಗಡ ಆಸೆ.
ಕಾಲೋದಿರನಿಕೆ ಈಯಾಂಡ್ ಕೂಡ ನಂಗ ದಂಡ್ ಸಂಸ್ಥೆ ಭಾಗಮಂಡಲಕ್ ಬಪ್ಪಯಿಂಗಕಾಯಿತ್ ಬಣ್ಣೆ ಬಸ್(Free Bus) ವ್ಯವಸ್ಥೆ ಮಾಡಿತ್. ಪೊನ್ನಂಪೇಟೆಂಜ ಪೊರ್ಟಿತ್ ಗೋಣಿಕೊಪ್ಪ, ವಿರಾಜಪೇಟೆ, ಕದನೂರ್, ಕಡಂಗ, ನೆಲಜಿಕಾಲೆ ಭಾಗಮಂಡಲಕ್ ಪೋಯಿತ್ ಅಲ್ಲಿ ಬೋರೆ ಬೋರೆ ಸಂಘ, ಸಂಸ್ಥೆರ ಕೂಡೆ ಕೂಡಿಯಂಡ್ ಕೊಡವ ಎಣ್ಣುವ ಒರೇ ಕೊಡೆರಡಿಲ್ ದುಡಿಕೊಟ್ಟ್ ಪಾಟಾಯಿ ಮೊಟ್ಟ್'ಕ್ ಮೊಟ್ಟ್ ಇಟ್ಟ್ ಭಾಗಮಂಡಲತಿಂಜ ತಲಕಾವೇರಿಕ್ ನಡ್ಂದ್ ಪೋಕನ ಬಾರಿ.
ನಂಗಡ ಕೂಡೆ ಬಪ್ಪ ನಿಂಗಳ ಪಿಂಞ ನಿಂಗಡ ಕುಂಞಿ ಮಕ್ಕಳ ಜೋಪಾನತ್ ಕೂಟಿಯ ಪೋಯಿತ್ ಕೂಟಿಯ ಬಂತ್ ಬುಡುವ ಜವಾಬ್ದಾರಿ ನಂಗಡದ್ ಆಯಿತುಂಡ್. ಅನ್ನನೆ ಬಪ್ಪಯಿಂಗಕ್ ಏದೇ ತೊಂದರೆ ತಾಪತ್ರೆ ಆಕತನಿಕೆ ಅವ್ವ ಕಾವೇರಮ್ಮೆ ನಂಗಕ್ ತೊಣೆಯಾಯಿತ್ ಕಾತ್ ನಿಪ್ಪಾ ಎಣ್ಣುವ ನಂಬಿಕೆ ಕೂಡ ನಂಗಕ್ ಉಂಡ್. ತೀರ್ಥ ಬೈಟ್ ಬಾತೇಂಗೆನ್ನ್, ಪೋಲ್ ಬಾತೇಂಗೆನ್ನ್, ಅವ್ವನ ಒಂಬೊಂಟಿಯಾಯಿತ್ ಬುಡತೆ ಕೊಂಡಾಡನ ಬಾರಿ🙏.
*ಕೊಡವಾಮೆರ ಕೋವುಲ್ ನಿಂಗಡವು...*
ಅಖಿಲ ಕೊಡವ ಸಮಾಜ ಯೂತ್ ವಿಂಗ್ ಪಿಂಞ ಕೊಡವ ರೈಡರ್ಸ್ ಕ್ಲಬ್
ಏರಾ ಮಾಹಿತಿಕ್:📲9880967573,997233282,9945883080