23/08/2026
*அச்சரப்பாக்கத்தில் சுதந்திர தினத்தை முன்னிட்டு அரசு பள்ளி மாணவர்களுக்கு பரிசு வழங்கும் விழா – NSWF சார்பில் சிறப்பாக நடைபெற்றது!*
அச்சரப்பாக்கம், ஆகஸ்ட் 15, 2026:
நாட்டின் 80-வது சுதந்திர தினத்தை முன்னிட்டு, தேசிய சமூக நல அமைப்பு (NSWF) – மனித உரிமைப் பிரிவு, செங்கல்பட்டு மாவட்டக் குழு சார்பில் அரசு பள்ளிகளில் 10-ஆம் வகுப்பு மற்றும் 12-ஆம் வகுப்பு பொதுத்தேர்வுகளில் சிறப்பாகத் தேர்ச்சி பெற்று, பள்ளி அளவில் முதல், இரண்டாம் மற்றும் மூன்றாம் இடங்களைப் பெற்ற மாணவ–மாணவியர்களை பாராட்டி பரிசுகள், பதக்கங்கள் மற்றும் சான்றிதழ்கள் வழங்கும் விழா, அச்சரப்பாக்கம் NKV மஹாலில் சிறப்பாக நடைபெற்றது.
நாட்டின் சுதந்திரத்திற்காக பாடுபட்ட தியாகிகளையும், நாட்டின் முன்னேற்றத்திற்காக உழைத்த தலைவர்களையும் நினைவுகூரும் வகையில் நடைபெற்ற இந்நிகழ்வில், மாணவர்களின் கல்வித் திறமையை ஊக்குவிப்பதுடன், அவர்களது எதிர்காலக் கல்வி மற்றும் சமூகப் பயணத்திற்கு ஊக்கமும் உற்சாகமும் அளிக்கும் வகையில் பல்வேறு பாராட்டு நிகழ்ச்சிகள் நடைபெற்றன.
விழாவில் *NSWF தேசிய தலைவர் டாக்டர் R. சிவனேசன், D.C.Tech., B.E., L.L.B.,* அவர்கள் சிறப்பு விருந்தினராக கலந்து கொண்டு, சிறப்பிடம் பெற்ற அரசு பள்ளி மாணவ–மாணவியர்களுக்கு பரிசுகள், பதக்கங்கள் மற்றும் பாராட்டுச் சான்றிதழ்களை வழங்கி வாழ்த்தினார்.
மேலும் *செங்கல்பட்டு மாவட்டத் தலைவர் திரு. மு. வேலு, மாவட்ட இணைத் தலைவர் திரு. K. பாலசுப்பிரமணியன், தஞ்சாவூர் சார்ந்த மாநில இணை அமைப்பாளர் / இணைச் செயலாளர் திரு. வீரமணி, மாநில மகளிர் அணி இணைத் தலைவர் திருமதி அஞ்சலை, மாநிலக் குழு உறுப்பினர் திரு. வெங்கடகிருஷ்ணன், மாநிலக் குழுச் செயலாளர் திரு. K. வேலு* உள்ளிட்ட மாநில, மாவட்ட, ஒன்றிய, நகர, கிளை நிர்வாகிகள் மற்றும் உறுப்பினர்கள் திரளாக கலந்து கொண்டு விழாவை சிறப்பித்தனர்.
விழாவில் கல்வியில் சிறந்து விளங்கிய மாணவ–மாணவியர்களை மட்டுமின்றி, அவர்களை சிறப்பாக வழிநடத்திய ஆசிரியப் பெருமக்களும் பாராட்டி கௌரவிக்கப்பட்டனர்.
மாணவர்களின் கல்வி முன்னேற்றத்திற்கு ஆசிரியர்களின் அர்ப்பணிப்பும், பெற்றோர்களின் ஒத்துழைப்பும் மிக முக்கியமானது என்பதை எடுத்துரைத்து, அவர்களுக்கும் பாராட்டு மற்றும் நன்றிகள் தெரிவிக்கப்பட்டன.
தொடர்ந்து, அமைப்பின் வளர்ச்சிக்கும் சமூக நலப் பணிகளுக்கும் சிறப்பாகப் பங்களித்து வரும் மாவட்டம், ஒன்றியம், நகரம் மற்றும் கிளை நிர்வாகிகள் மற்றும் உறுப்பினர்களுக்கு பாராட்டுச் சான்றிதழ்கள் மற்றும் விருதுகள் வழங்கி கௌரவிக்கப்பட்டனர். மேலும், அமைப்பின் எதிர்கால செயல்பாடுகளை வலுப்படுத்தும் வகையில் தகுதியான நிர்வாகிகளுக்கு முக்கிய பொறுப்புகளும் வழங்கப்பட்டன.
மாணவர்களின் கல்வி வளர்ச்சியை ஊக்குவிப்பதும், திறமையான மாணவர்களை அடையாளம் கண்டு பாராட்டுவதும், சமூகத்தில் கல்வியின் முக்கியத்துவத்தை எடுத்துரைப்பதும் தேசிய சமூக நல அமைப்பின் முக்கிய நோக்கங்களில் ஒன்றாகும். அந்த வகையில் நடைபெற்ற இந்நிகழ்வு, மாணவர்கள் மத்தியில் புதிய நம்பிக்கையையும் கல்வியில் மேலும் சாதிக்க வேண்டும் என்ற ஊக்கத்தையும் ஏற்படுத்தியது.
விழாவில் கலந்து கொண்ட மாணவ–மாணவியர்கள், ஆசிரியப் பெருமக்கள், பெற்றோர்கள், சிறப்பு அழைப்பாளர்கள், நிர்வாகிகள், உறுப்பினர்கள் மற்றும் பொதுமக்கள் அனைவருக்கும் தேசிய சமூக நல அமைப்பின் சார்பில் நன்றிகள் தெரிவிக்கப்பட்டன.
நிகழ்ச்சியின் நிறைவில், NSWF தேசிய தலைவர் டாக்டர் R. சிவனேசன் அவர்கள், *விழாவை முன் நின்று நடத்திய மாவட்ட தலைவர் டாக்டர் மு வேலு* அவர்களையும் விழாவில் கலந்து கொண்டு சிறப்பித்த *அனைத்து மாணவ–மாணவியர்கள், ஆசிரியப் பெருமக்கள், பெற்றோர்கள், பொதுமக்கள், மாநில–மாவட்ட–ஒன்றிய–நகர–கிளை நிர்வாகிகள் மற்றும் அனைத்து உறுப்பினர்களுக்கும்* தனது மனமார்ந்த வாழ்த்துகளையும் நன்றிகளையும் தெரிவித்தார்.
*“மாணவர்களின் கல்வி வளர்ச்சியே நாட்டின் வளர்ச்சி; இன்றைய மாணவர்களே நாளைய சமூகத்தின் தலைவர்கள். அவர்களின் திறமையை ஊக்குவித்து, தொடர்ந்து அவர்களுக்கு ஆதரவாக தேசிய சமூக நல அமைப்பு செயல்படும்”* என தேசிய தலைவர் டாக்டர் R. சிவனேசன் அவர்கள் தெரிவித்தார்.
*வாழ்க மாணவர் சமுதாயம்!*
*வளர்க கல்வி!*
*வளர்க தேசிய சமூக நல அமைப்பின் சமூகப் பணி!*
