நம்ம பசுமை திண்டிவனம்

22/09/2026

திண்டிவனம் கிடங்கல் ஏரி வரத்து வாய்க்கால் மீட்பு: நம்ம பசுமை திண்டிவனம் குழுவினரின் வரலாற்றுச் சாதனை!
திண்டிவனம் நகரின் முக்கிய நீர் ஆதாரமான கிடங்கல் ஏரிக்குச் செல்லும் இடது வரத்து வாய்க்கால், நம்ம பசுமை திண்டிவனம் குழுவினரின் தொடர் முயற்சியால் முழுமையாக மீட்கப்பட்டு சீரமைக்கப்பட்டுள்ளது.
கடந்த 2019-ஆம் ஆண்டு முதல் திண்டிவனம் நகரில் உள்ள குளம், குட்டை மற்றும் ஏரிகளின் தகவல்களை முதன்முதலாகத் திரட்டும் பணியில் களமிறங்கிய நம்ம பசுமை திண்டிவனம் குழுவினர் மற்றும் ஆர்வலர்கள், நகர் முழுவதும் நேரில் சென்று தரவுகளைச் சேகரித்தனர். அதனைத் தொடர்ந்து, 2021-ஆம் ஆண்டு முதல் கோவிந்தசாமி கலைக் கல்லூரியில் தொடங்கும் 0.1 இல் இருந்து தொடங்கும் வெள்ளை வாரி வாய்க்காலை மீட்கும் பணியை தொடங்கினர்! அந்த வாய்க்காலில் பயனடையும் அய்யந்தோப்பு குளம், ஆலங்குளம், துளுக்கன் குளம், மாரிச்செட்டிக்குளம் மற்றும் ராஜாங்குளம் ஆகிய குளங்களுக்குத் தண்ணீர் கொண்டு செல்லும் கிடங்கல் ஏரியின் இடது வரத்து வாய்க்காலை மீட்கும் பணியில் தீவிரமாக இறங்கினர்.
சுமார் 3 மாத கால கடுமையான உழைப்பு மற்றும் பொதுமக்களின் பங்களிப்போடு, நிர்வாகிகளின் ஒருங்கிணைப்பில் இந்தப் பணி வெற்றிகரமாக முன்னெடுக்கப்பட்டது. வாய்க்கால் முழுவதும் தேங்கிக் கிடந்த நெகிழி (பிளாஸ்டிக்) குப்பைகள், சாக்கடை கழிவுகள், முள் புதர்கள் மற்றும் ஆக்கிரமிப்புகள் அனைத்தும் ஜே.சி.பி (JCB) இயந்திரங்கள் மற்றும் மக்களின் உதவியுடன் முழுமையாக அகற்றப்பட்டு தூர்வாரப்பட்டன. இதன் காரணமாக தற்போது எந்தவித தடையுமின்றி வேகமாகத் தண்ணீர் பாய்ந்து ஏரியை அடைவதுடன், அப்பகுதி விவசாய நிலங்களும் பயனடைந்து வருகின்றன.
இந்தச் சீரமைப்புப் பணியில் களத்தில் நின்று சிறப்பாகச் செயல்பட்ட முக்கிய நபர்கள் விவரம்:
அன்றைய அறக்கட்டளை நிர்வாகிகள்👇
செயலாளர் திரு. ராஜேந்திரன்
பொருளாளர் திரு. வெங்கடேசன்
நம்ம பசுமை திண்டிவனம் நீர்நிலைகள் பாதுகாப்பு இயக்கத்தின் நிறுவனர் மற்றும் தலைவர் திருமதி. ரேணுகாதேவி அவர்கள்,
இயக்குனர்கள் களத்திலும் தகவலும் சேகரிக்க கடுமையாக உழைத்த திரு. ஸ்ரீராம்,திரு.அப்சர்,
தகவல் சேகரிக்க உதவிய அறங்காவலர்கள் திரு. சார்லஸ் திரு.இரட்சகராஜர் மற்றும் அனைத்து இயக்குனர்கள் திரு.ஆனந்த், திரு,வில்லியம்ஸ்,திரு.கோவர்த்தனன், திரு.சுந்தரபாண்டியன் ராஜ் மற்றும் பல இயக்குனர்கள் உறுப்பினர்கள் பொதுமக்கள்
பிள்ளையார் குளம் உள்ளிட்ட பல்வேறு நீர்நிலைகளின் பாதுகாப்பு மற்றும் மீளுருவாக்கத்திற்காக தங்களை அர்ப்பணித்துக் கொண்டுள்ள இவர்களின் இந்தச் சேவை திண்டிவனம் மக்களிடையே மறந்து போனது தான் வேதனையான விடயமாக உள்ளது எத்தனை உழைப்பு 😔

-திண்டிவனம் டைரி,சமூக ஆர்வலர் குரல்
இதுபோன்ற தொடர்ந்து செய்திகளை பதிவிட்டு வருகிறோம்
உங்கள் திண்டிவனம் மகிமை (சமூக ஆர்வலர் ராஜேஷ் கண்ணா) மற்றும் நம்ம பசுமை திண்டிவனம்

21/09/2026

நம்ம பசுமை திண்டிவனம் இயக்கத்தின் சார்பில் தொழிலதிபர் திரு. பாலு அவர்களுக்கு நெஞ்சார்ந்த நன்றிகள்!
நம் இயக்கத்தின் கிடங்கல் ஏரி புனரமைப்புப் பணிகளுக்கு உறுதுணையாக, ஒரு மாத காலத்திற்கு வாடகையில்லா ஹிட்டாச்சி வாகனத்தை வழங்கி உதவிபுரிந்த தொழிலதிபர் திரு. பாலு அவர்களுக்கு, இன்று மாலை நாம் அனைவரும் நேரில் சென்று நினைவுப் பதக்கம் வழங்கி நன்றியைத் தெரிவித்துக் கொண்டோம்.
அதனைத் தொடர்ந்து நடைபெற்ற சந்திப்பின்போது, அவர் மேலும் பல முக்கிய உதவிகளைச் செய்வதாக உறுதியளித்துள்ளார்:
இயந்திரம் மற்றும் பணியாளர்கள் உதவி: சீமை கருவேல மரங்களை அகற்றுவதற்காகத் தேவையான செயின்சா (Chainsaw) இயந்திரங்களையும், களப்பணி செய்யத் தேவையான பணியாளர்களையும் அவரே தனது சொந்தச் செலவில் அமர்த்தித் தருவதாகக் கூறியுள்ளார்.
4 கி.மீ கரைப் பாதை சீரமைப்பு: ஏரிக்கரையின் மேல் சுமார் 4 கி.மீ தூரத்திற்குப் படர்ந்துள்ள சீமை கருவேல மரங்களை முழுமையாக அகற்றி, பொதுமக்கள், அதிகாரிகள் மற்றும் களப்பணியாளர்கள் அனைவரும் எந்தவிதத் தடையுமின்றி வந்து செல்ல ஏதுவான வழியை உருவாக்கித் தருவதாகவும் உறுதியளித்துள்ளார்.
ஒரு முன்மாதிரி பயணம்!
திண்டிவனத்தின் பெருமைமிகு அடையாளமான 1420 ஏக்கர் பரப்பளவு கொண்ட கிடங்கல் ஏரி நமது பொதுச் சொத்து. இந்த ஏரியின் புனரமைப்புப் பணிகள் சிறகடிக்கத் தொழிலதிபர் திரு. பாலு அவர்கள் காட்டியுள்ள ஈடுபாடும், அளித்துள்ள உறுதுணையும் மாபெரும் முன்னுதாரணமாகும்!
இவரைப் போலவே திண்டிவனத்தில் உள்ள மற்ற பெரும்கூட்டத் தொழிலதிபர்களும், சமூக ஆர்வலர்களும் தங்களால் இயன்ற உதவிகளைச் செய்து நம் ஊர் ஏரிகளை மீட்டெடுக்க முன்வர வேண்டும். திரு. பாலு அவர்கள் காட்டிய இந்த நல்வழியில், நமது நகரத்தின் மற்ற தொழிலதிபர்களும் கைகோர்த்து களமிறங்கினால், நம் கிடங்கல் ஏரியின் முழுமையான மீ மீட்புப் பணியை வெகுவிரைவில் வெற்றிகரமாக நிறைவேற்றிட முடியும்!
நம் இயக்கத்தின் பணிகளுக்குத் தொடர்ந்து பக்கபலமாக நின்று உதவிவரும் தொழிலதிபர் திரு. பாலு அவர்களுக்கு 'பசுமை திண்டிவனம்' மற்றும் நமது இயக்கத் தோழர்கள் அனைவரின் சார்பாகவும் மீண்டும் மனமார்ந்த நன்றிகளைத் தெரிவித்துக் கொள்கிறோம்! ஊர் நலனுக்காக நீங்களும் கைகோர்க்க வாருங்கள் தோழமைகளே! 🙏🙏
#நம்மபசுமைதிண்டிவனம்
#திண்டிவனம்

19/09/2026

*அனைத்து* *வணிகர்களுக்கும்,* *பொதுமக்களுக்கும் அவசியமான*
*அறிவிப்பு......*

இன்று கடலூரில்
மாவட்ட ஆட்சித்தலைவர்
தலைமையில்
மாவட்டஉணவு
பாதுகாப்பு
அதிகாரிகளுடன் நடைபெற்ற கூட்டத்தில்
*கேரிபேக்* சம்பந்தமான
விஷயங்கள்
கல ந்தாய்வு
செய்யப்பட்டது.
இனி எந்தக்கடைகளிலும் கேரிபேக்
மூலமாக பொருளை
விற்பனை செய்யகூடாது
என்றும் வாடிக்கையாளர் கைப்பை
எடுத்துவந்து
பொருள்
வாங்குவோருக்கு அவர்கள்
வாங்கும்
பொருள் தொகையில்
ரூ5. கழித்து
வாங்கிக் கொள்வதினால் வாடிக்கையாளருக்கும் மகிழ்ச்சியை
கொடுக்கும்.
மேலும் கடைகளில்
பொருளை
கேரிபேக்கில்
வாங்கி செல்லும்
நபர்யாராக
இருந்தாலும்
கேரிபேக் பறிமுதல்செய்
வதுடன் அபராதமும்
வசூல்
செய்யப்படும்
என்ற. கருத்தினை
வலியுறுத்தி
உள்ளார்கள்.
எப்படியாவது
கேரிபேக்கை
தடை செய்ய
வேண்டுமென
அரசு பிடிவாதமாக
இருக்கின்றது.
இப்படி எல்லாம்
செய்வதைவிட
கேரிபேக் தயாரிக்கும்
தொழிற்
சாலையை
முடலாமே
என்று நீங்கள்
முனுமுனுப்பது,
எனக்கும்
கேட்கின்றது.
அதையும்
பேசப்பட்டது.
அடுத்தக்கட்ட
நடவடிக்கை
அதுதான்
எனஅறிவித்துள்ளார்கள்.
ஆகவே கேரிபேக்கை
தவிர்த்திடுங்கள்.பொதுமக்களும் கைப்பையோடு செல்லுங்கள்.
1/4கி எடையுள்ள
செல்லை தவறாமல்
எடுத்து செல்லதயங்காத நாம்
100கிராமுக்கு
கீழே உள்ள
கைப்பையை
எடுத்துசெல்ல
தயக்கம் காட்டுவது ஏன்.?.
மாற்றம்
வரும் என்ற நம்பிக்கையில்....
*Rtn.D.சண்முகம்தலைவர்.*
*Rtn.V.வீரப்பன்*
*செயலாளர்*
*S.P.சேகர்.*
*பொருளாளர்.*
*கடலூர்மாவட்டவணிகர் சங்கங்களின் பேரமைப்பு.*

18/09/2026

📌📌

*கிடங்கல் ஏரி சீரமைப்பு பணி*

*நாள்: 24 தேதி :18.09.2026*

எல்லைக் கரைகள் அமைக்கும் பணி தொடர்ந்து நடைபெற்று வருகிறது இதுவரை ஏறக்குறைய 02 கிலோ மீட்டருக்கு மேல் எல்லை கரை அமைக்கபட்டு இருக்கும்

#நம்மபசுமைதிண்டிவனம்
#திண்டிவனம்

16/09/2026

📌📌

*கிடங்கல் ஏரி சீரமைப்பு பணி*

*நாள்: 22 தேதி :16.09.2026*

எல்லைக் கரைகள் அமைக்கும் பணி தொடர்ந்து நடைபெற்று வருகிறது
#நம்மபசுமைதிண்டிவனம்
#திண்டிவனம்

15/09/2026

*அன்னை சாரதா தேவி* அறக்கட்டளை திண்டிவனம் ஜக்காம்பேட்டை கோர்ட்டுக்கு செல்லும் ஏரிக்கரையில் பண விதை நடுவதற்கு திரு. *ராஜுலு ஐயா,* திரு *Rtn. G கிருபாகரன்* அவர்களின் அழைப்பின் பேரில் *_16/09/2026_* புதன்கிழமை காலை 10:00 மணிக்கு விழா நம்ம பசுமை திண்டிவனம் இயக்கம் அம்மையப்பன் டிரஸ்ட் தன்னார்வலர்கள் அனைவரும் கலந்து கொள்ள வேண்டுகிறேன்.
#நம்மபசுமைதிண்டிவனம்
#திண்டிவனம்

15/09/2026

திண்டிவனம் கிடங்கல் ஏரி சீரமைப்புப் பணிகள் தீவிரமடைந்து வரும் நிலையில், ஏரி சீரமைப்பு பணிகளுக்கான எரிபொருள் செலவை ஏற்கும் படி கோரி, 'நம்ம பசுமை திண்டிவனம்' மற்றும் திண்டிவனம் எலைட் ரோட்டரி சங்கத்தின் நிர்வாகிகளுடன் விழுப்புரம் வடக்கு மாவட்ட காங்கிரஸ் கமிட்டி புதிய தலைவராக நியமிக்கப்பட்டுள்ள வழக்கறிஞர் செஞ்சி ரங்கபூபதி அவர்களை நேரில் சந்தித்து முக்கிய ஆலோசனை நடத்தினர்.
மக்களின் நீண்ட நாள் கோரிக்கையான கிடங்கல் ஏரியை முழுமையாக மீட்டு அழகுபடுத்தும் இந்த நற்பணிக்கு அனைத்து தரப்பினரின் ஆதரவையும் திரட்டும் வகையில் இந்த சந்திப்பு நடைபெற்றது.
#நம்மபசுமைதிண்டிவனம்
#திண்டிவனம்

13/09/2026

13/09/2026

அனைவருக்கும் வணக்கம் 2020வதில் திண்டிவனம் பாஞ்சாலம் சாலையில் உள்ள துளுக்கன் குளத்தை ஆய்வு செய்த நம்ம பசுமை திண்டிவனம் அங்கு உள்ள குப்பைகள் குறித்தும் வரத்து வாய்க்கால் ஆக்கிரமிப்பு குறித்தும் பதிவு செய்தது!

2வது அப்புகுதியில் உள்ள வரத்து வாய்க்காலை மீட்டெடுக்கவும் அதன் நீர் வரத்து பாதையை ஆய்வு செய்யவும் செய்தோம்

3வது ராஜாங்குளம் செல்லும் கிடங்கல் ஏரி இடது வாய்க்காலை சுமார் 4கிலோமீட்டர் சுத்தம் செய்தோம் வழியில் பிள்ளையார் குளம்,அய்யந்தோப்புக்குளம் ,ஆலங்குளம் போன்றவற்றுக்கு பிரிந்து செல்லும் நீர் வரத்து ஓடையை சுத்தம் செய்து அடுத்த மழையில் குளத்தையும் நிரம்ப செய்தோம்,

அந்த வெள்ளவாரி வாய்க்காலில் இருந்து பிரிந்து சென்று துளுக்கன் குளத்தை நிரப்பும் வரத்து வாய்க்காலையும் சுத்தம் செய்தோம் , நீர் வழிப்பாதையை தடை செய்த ஒரு விவசாய நிலத்தில் மீண்டும் பாதையைக் கொண்ட வர எங்களுக்கு அப்போதைய நகராட்சி சுகாதார அலுவலர் உதவி செய்து மீட்டெடுத்தார்! அக்குளமும் அடுத்த மழையில் நிரம்பியது அவருக்கு எங்கள் குழுவின் சார்பாக நன்றிகள் எப்போதும் நினைவில் ராமகிருஷ்ணன் சார் 🙏💚