05/08/2026
കല്ലറയിൽ ഗ്രാൻഡ് പാരന്റ്സ് ഡേ ആഘോഷിച്ചു👴🏻🧓🏻
കെ.സി.വൈ.എൽ, കെ.സി.ഡബ്ല്യു.എ സംഘടനകളുടെയും വേദപാഠ വിദ്യാർത്ഥികളുടെയും സംയുക്ത ആഭിമുഖ്യത്തിൽ കല്ലറ പഴയപള്ളിയിൽ ഗ്രാൻഡ് പാരന്റ്സ് ഡേ ആഘോഷിച്ചു. 2026 ഓഗസ്റ്റ് 2 ഞായറാഴ്ച രാവിലെ 10 മണിക്ക് നടന്ന വിശുദ്ധ കുർബാനയിൽ ഗ്രാൻഡ് പാരന്റ്സും കൊച്ചുമക്കളും ഒരുമിച്ച് പങ്കുചേർന്ന് പ്രാർത്ഥനയിൽ പങ്കാളികളായി. തുടർന്ന് എല്ലാവരും ചേർന്ന് പിടിയും കോഴിയും തയ്യാറാക്കി സ്നേഹവിരുന്ന് ഒരുക്കി. ശേഷം വേദപാഠ വിദ്യാർത്ഥികളുടെയും യുവജനങ്ങളുടെയും വിവിധ കലാപരിപാടികൾ ആഘോഷത്തിന് മിഴിവേകി. കൊച്ചുമക്കൾ തങ്ങൾ സ്നേഹപൂർവ്വം തയ്യാറാക്കിയ ആശംസാകാർഡുകൾ ഗ്രാൻഡ് പാരന്റ്സിന് സമർപ്പിച്ച് ആദരവും സ്നേഹവും അറിയിച്ചു. ഏറ്റവും കൂടുതൽ കൊച്ചുമക്കളുള്ള ഗ്രാൻഡ് പാരന്റ്സിനെ പൊന്നാട അണിയിച്ച് ആദരിക്കുകയും, അന്നേദിവസം ജന്മദിനം ആഘോഷിച്ച ഗ്രാൻഡ് പാരന്റ്സും കൊച്ചുമക്കളും ചേർന്ന് കേക്ക് മുറിച്ച് മധുരം പങ്കുവയ്ക്കുകയും ചെയ്തു. തുടർന്ന് ഗ്രാൻഡ് പാരന്റ്സ് ആലപിച്ച ഗാനങ്ങൾ ചടങ്ങിനെ കൂടുതൽ ഹൃദ്യമാക്കി. തലമുറകളെ സ്നേഹത്തിന്റെയും ഐക്യത്തിന്റെയും ബന്ധത്തിൽ കൂടുതൽ ചേർത്തുനിർത്തിയ ഈ മനോഹരമായ ആഘോഷം സ്നേഹവിരുന്നോടെ സമാപിച്ചു.
#2026
