19/04/2026
પક્ષના નામે નહીં, 'પાડોશી' જેવા નેતાને પસંદ કરો! 📢
મિત્રો, શું તમે ક્યારેય વિચાર્યું છે કે જ્યારે તમારા ઘરના આંગણે કચરો જમા થાય કે ગટર ઉભરાય, ત્યારે તમે દિલ્હી ફોન કરશો કે ગાંધીનગર? ના! તમારે જરૂર પડશે તમારા વિસ્તારના કોર્પોરેટરની.
⚠️ આપણે ક્યાં ભૂલ કરીએ છીએ?
આપણે મોટા પક્ષોના ઝંડા અને રાષ્ટ્રીય મુદ્દાઓ જોઈને વોટ આપીએ છીએ. પરિણામે, એવો ઉમેદવાર જીતી જાય છે જેને તમારા વિસ્તારની ગલીઓનું નામ પણ ખબર નથી હોતું!
💡 આ વખતે "નવો ચહેરો, સાચો માણસ" કેમ?
ગ્રાન્ટ તમારી છે: કોર્પોરેટરને મળતી ₹44 લાખની વાર્ષિક ગ્રાન્ટ તમારા ટેક્સના પૈસા છે. જો એ પૈસા તમારા રોડ-રસ્તા પાછળ ન વપરાય, તો એ તમારી હાર છે.
જવાબદારી: જે નવો ઉમેદવાર કે નવી પાર્ટી આવશે, તેને પોતાની જગ્યા બનાવવી હશે એટલે તે જુના લોકો કરતા વધુ મહેનત કરશે.
પહોંચમાં હોવો જોઈએ: નેતા એવો હોવો જોઈએ જેની ઓફિસે તમે ગમે ત્યારે જઈ શકો, નહીં કે જે ચૂંટણી જીત્યા પછી અદ્રશ્ય થઈ જાય.
✅ આ રીતે નક્કી કરો તમારો વોટ:
ચહેરો નહીં, કામ જુઓ: પક્ષ ગમે તે હોય, ઉમેદવાર ભણેલો-ગણેલો અને સેવાભાવી છે?
સ્થાનિક પ્રશ્નો: શું તેને ખબર છે કે તમારા વોર્ડમાં પાણી કયા સમયે આવે છે?
બદલાવ લાવો: જો જુના લોકોએ 5 કે 10 વર્ષમાં કઈ નથી કર્યું, તો તેમને ફરીથી તક આપીને તમારી તકલીફો વધારશો નહીં.
આ વખતે ગુજરાતની જનતા જાગશે! પક્ષની ભક્તિ છોડો, તમારા વિસ્તારની શક્તિ બનો. 💪
