28/12/2025
🛑🛑🛑 એક દીકરી ની વાત જરૂર થી વાંચજો 🛑🛑🛑
આજ રોજ હું અને મારી ફાઉન્ડેશનની ટીમ છોટાઉદેપુર ગયા હતા.
ફાઉન્ડેશન દ્વારા આજ રોજ છોટાઉદેપુર તાલુકાના 224 જેટલા દિવ્યાંગ બાળકોને સ્વેટર વિતરણનું આયોજન કરવામાં આવ્યું હતું.
સાથે સાથે, વિવિધ ક્ષેત્રોમાં પ્રથમ ક્રમ પ્રાપ્ત કરનાર બાળકોને ચોપડા પણ આપવામાં આવ્યા હતા.
આ નેક કાર્ય દરમ્યાન આજે મને એક દીકરી મળી — તેનું નામ #ગાયત્રી.
દેખાવમાં એકદમ શાંત, મુખ પર નાનકડી સ્મિત…
પણ જ્યારે નજીકથી જોયું ત્યારે ખબર પડી કે દીકરીના બંને હાથ નથી.
તેમ છતાં, તેના ચહેરા પર ન તો ગુસ્સો હતો, ન આંખોમાં આંસુ — બસ શાંતિ અને સ્મિત.
દીકરીના માતા-પિતાએ જણાવ્યુ કે ગાયત્રી એ 10મા ધોરણની પરીક્ષા કોઈ પણ રાઇટર વગર, પોતાના પગથી લખીને, પ્રથમ જ પ્રયત્નમાં પાસ કરી હતી.
હાલ #ગાયત્રી 12મા ધોરણમાં અભ્યાસ કરી રહી છે અને આ વર્ષે પણ ખૂબ જ મહેનત કરી રહી છે.
દીકરીનો આ જુસ્સો આપણને શીખવે છે કે
શારીરિક અછત હોવા છતાં પણ જો ઈચ્છાશક્તિ મજબૂત હોય તો કોઈ પણ મુશ્કેલી જીતવી શક્ય છે.
આપણે નાની નાની વાતોમાં હાર માનીએ છીએ, દુઃખી થઈ જઈએ છીએ. —
પણ #ગાયત્રી જેવી દીકરીઓ આપણને જીવવાનું સાચું અર્થ શીખવે છે.
આજે દીકરીને મળીને મને અતિશય આનંદ થયો.
અને #ગાયત્રી સાથે સાથે અન્ય તમામ દિવ્યાંગ બાળકોને મળીને
એ પણ શીખવા મળ્યું કે ભગવાને જીવનમાં આપણને જે કંઈ આપ્યું છે, તેના માટે હંમેશા આભાર માનવો જોઈએ.
કારણ કે સાચી ખુશી ફરિયાદમાં નહીં, પરંતુ કૃતજ્ઞતામાં છુપાયેલી છે.
આજ રોજ દીકરીને અભ્યાસ માટે 20 નંગ ચોપડા પણ આપવામાં આવ્યા.
અને દીકરીની મહેનત અને હિંમતને જોઈને હું વ્યક્તિગત રીતે તેને આગળના અભ્યાસ માટે અને પરિવારને કોઈ પણ મદદની જરૂર પડે તો મારી તરફથી સંપૂર્ણ સહયોગ આપવાનું વચન આપું છું.
🌼 હાથ નથી તો શું થયું, હિંમત તો સાથ છે,
પગથી લખે સપનાઓ, એ જ એની વાત છે.
ન હારી, ન અટકી, ન ક્યારેય રડી ગઈ,
ગાયત્રી જેવી દીકરી, દુનિયાને શીખવી ગઈ.🌼
આજની આ મુલાકાત મારા માટે માત્ર એક કાર્યક્રમ નહીં,
પરંતુ જીવનભરની પ્રેરણા અને કૃતજ્ઞતાનો પાઠ બની રહેશે. 🙏
