30/12/2025
এই বিদায়,বিদায় নহয়, এয়া আপোনাৰ গৌৰৱময় যাত্ৰাৰ এক নতুন অধ্যায়।
আজিৰ এই বিদায় এটা সংগ্ৰামী কণ্ঠৰ অৱসৰ নহয়,এইটো এটা যুগৰ স্মৰণ।
এটা বজ্ৰকণ্ঠৰ প্ৰতিধ্বনি হৃদয়ত সজীৱ কৰাৰ ক্ষণ।
সদৌ অসম সংখ্যালঘু ছাত্ৰ ইউনিয়নৰ সভাপতি হিচাপে শ্ৰদ্ধেয় Rejaul Karim Sarkar , President of AAMSU ডাঙৰীয়াই আমছুক কেৱল এটা সংগঠন হিচাপে নহয়, এক দৃঢ় আদৰ্শ,এক সংগ্ৰামী চেতনা আৰু নিপীড়িতৰ বলিষ্ঠ কণ্ঠ হিচাপে গঢ়ি তুলিলে। য'ত ভয় আছিল,তাত তেখেতে সাহসৰ ডংকা বজালে।য'ত নীৰৱতা আছিল, তাত বজ্ৰনিনাদ শুনালে। ছাত্ৰ সমাজৰ অধিকাৰ, সংখ্যালঘুৰ মৰ্যাদা আৰু সামাজিক ন্যায়ৰ বাবে তেখেত সদায় বলিষ্ঠ কণ্ঠৰে সংগ্ৰাম কৰিলে।
এই বিদায়ৰ অৰ্থ অন্ত নহয়, এয়া এক নতুন যাত্ৰাৰ আৰম্ভণি। কাৰণ ৰেজাউল কৰিম সৰকাৰ মানে কেৱল এটা নাম নহয়--- ৰেজাউল কৰিম সৰকাৰ মানে এক চিন্তা, এক সাহস, এক সংগ্ৰামী সত্তা। আমছুৰ আকাশত তেখেতৰ কণ্ঠ চিৰদিন প্ৰতিধ্বনিত হৈ থাকিব, নতুন নেতৃত্বৰ পথত তেখেতৰ আদৰ্শ দিকনিৰ্ণায়ক হৈ ৰ'ব।
শ্ৰদ্ধেয় নেতা,
আপোনাৰ এই সংগ্ৰামী যাত্ৰাৰ বাবে আমি কৃতজ্ঞ, গৌৰৱান্বিত আৰু অনুপ্ৰাণিত।আপোনাৰ আগন্তুক দিনবোৰ অধিক দীপ্তিময় হওঁক, জনতাৰ সেৱা আৰু ন্যায়ৰ যুঁজত আপোনাৰ সংগ্ৰাম সদায় অব্যাহত হৈ থাকক। এই বিদায় ক্ষণত আপোনাৰ সু-স্বাস্থ্য আৰু দীৰ্ঘায়ু কামনাৰ লগতে বেদনাসিক্ত হৃদয়েৰে বিদায় সম্ভাষণ জনালোঁ।
শ্ৰদ্ধাৰে,
সভাপতি: Shekh Abdullah
সা: সম্পাদক: Mhmd Inam
ইকৰাবাৰী আঞ্চলিক আমছু, ওদালগুৰি
