24/09/2025
ബഹുമാന്യരെ,
വൈ.എം.സി.എ മധ്യമേഖല ലീഡേഴ്സ് കോൺഫറൻസ് സെപ്റ്റംബർ 19, 20 തീയതികളിൽ തിരുവല്ല ബിലിവേഴ്സ് ഈസ്റ്റൺ ചർച്ച്സ് വേൾഡ് ഹെഡ് ക്വാട്ടേഴ്സിൽ വച്ച് നടത്തുവാൻ സാധിച്ചതിൽ ദൈവത്തെ മഹത്വപ്പെടുത്തുന്നു.
ക്യാമ്പിൻ്റെ കെട്ടിലും മട്ടിലും നടത്തിപ്പിലും വിവിധ തലങ്ങളിൽ നിന്ന് ലഭിച്ച അംഗീകാരങ്ങൾ വളരെ സന്തോഷം നൽകുന്നതായിരുന്നു.
പ്രകൃതിരമണീയമായ ക്യാമ്പസ്, ഇടുറ്റ ക്ലാസ്സുകൾ, വിഭവ സമൃദ്ധവും രുചികരവുമായ ഭക്ഷണം, മികച്ച താമസം അങ്ങനെ അനവധി നിരവധി ഘടങ്ങൾ കോൺഫറൻസിനെ വ്യത്യസ്തമാക്കിയതായ കുറിപ്പുകൾ ഞങ്ങൾ സംഘാടക സമിതിക്ക് അഭിമാനം നൽകി.
ഈ ക്യാമ്പിന് ആതിഥേയത്വം വഹിക്കുവാൻ തിരുവല്ല സബ് - റീജണിന് അവസരം നൽകിയ സോണൽ ഭാരവാഹികളോട്, വിശേഷാൽ സോണൽ ചെയർമാൻ കുര്യൻ തൂമ്പുങ്കൾ, റീജണൽ സെക്രട്ടറി ഡോ. റെജി വർഗീസ്, മറ്റ് സെക്രട്ടറിന്മാർ എന്നിവരോട് നന്ദി അറിയിക്കുന്നു. ക്യാമ്പസ് എല്ലാ സ്വാതന്ത്ര്യത്തോടും ഞങ്ങൾക്ക് നൽകിയ ബിലീവേഴ്സ് ഈസ്റ്റേൺ ചർച്ച് ചുമതലക്കാരോട് പ്രത്യേകാൽ ഫാ. സിജോ പന്തപള്ളിൽ, ഫാ. അലൻ മാത്യു എന്നിവരോടുള്ള കടപ്പാട് നിസ്സീമമാണ്.
തിരുവല്ല സബ് - റീജണിലെ പ്രിയപ്പെട്ട എല്ലാ നേതാക്കന്മാരോടും, സംഘാടക സമിതി ചെയർമാൻ എബി ജേക്കബ്, സഹകൺവീനറായ ലിനോജ് ചാക്കോ, മുൻ സബ് - റീജൺ ചെയർമാൻമാർ, മറ്റ് ഭാരവാഹികൾ എല്ലാവരെയും നന്ദിയോടെ ഓർക്കുന്നു. ശ്രുതി മധുരമായ ഗാനങ്ങൾ ആലപിച്ച സബ് - റീജണിന്റെ ഗായക സംഘം മികച്ച രീതിയിൽ അവരെ ഏൽപ്പിച്ച ദൗത്യം പൂർത്തീകരിച്ചു.
ബഹുമാനപ്പെട്ട മന്ത്രി റോഷി അഗസ്റ്റിൻ, ആൻ്റോ ആൻ്റണി എം.പി., അഭി. ഡോ. ഗീവർഗീസ് മാർ കൂറിലോസ് മെത്രാപ്പോലീത്താ, മുൻ ദേശീയ പ്രസിഡൻ്റ് ബഹു. ജസ്റ്റിസ് ബെഞ്ചമിൻ കോശി സാർ, റീജണൽ ചെയർമാൻ പ്രൊഫ. അലക്സ് തോമസ് സാർ, മുൻ റീജണൽ ചെയർമാന്മാർ, മറ്റു ഭാരവാഹികൾ, ക്ലാസ്സുകൾ നയിച്ച ബഹുമാന്യർ എന്നീ മഹത് വ്യക്തിത്വങ്ങളുടെ സാന്നിധ്യവും ക്യാമ്പിനെ മികച്ചതാക്കി.
ഈ കോൺഫറൻസിന്റെ നടത്തിപ്പുമായി ബന്ധപ്പെട്ട തിരുവല്ല സബ് - റീജണിന് ലഭിച്ച അംഗീകാരം മുന്നോട്ടുള്ള പ്രവർത്തനങ്ങൾക്ക് ഞങ്ങൾക്ക് ഏറെ പ്രചോദനമായി തീരും. എല്ലാ ബഹുമാനപ്പെട്ട വ്യക്തിത്വങ്ങളോടും സ്നേഹത്തോടെ ആദരപൂർവ്വം നന്ദി അറിയിക്കുന്നു.
ജോജി പി. തോമസ്
ചെയർമാൻ
തിരുവല്ല സബ് - റീജൺ &
സ്വാഗത സംഘം ജനറൽ കൺവീനർ
