29/01/2025
*⭕സൗജന്യ വനിതാ സംരംഭകത്വ പരിശീലനം സംഘടിപ്പിച്ചു,*
*ക്ലാരീസ് ന്യൂസ്*
29-01-2025
*മലപ്പുറം*
*തലക്കടത്തൂർ:*
വിങ്സ് കൾച്ചറൽ ക്ലബ്ബും ഇസാഫ് ഫൗണ്ടേഷനും സംയുക്തമായി ചെറിയമുണ്ടം ഗ്രാമപഞ്ചായത്തിലെ വനിതകൾക്കായി എൽ.ഇ.ഡി ബൾബ് നിർമ്മാണ സംരംഭകത്വ പരിശീലനം സംഘടിപ്പിച്ചു.
കല-കായിക-സാമൂഹിക-ജീവകാരുണ്യ പ്രവർത്തനത്തിൽ സജീവമായ വിങ്സ് കൾച്ചറൽ ക്ലബ്ബ് വനിതകളെ സാമ്പത്തിക- സ്വയം പര്യാപ്തമാക്കുന്നതിനും സാമൂഹിക ഉന്നമനത്തിനും വേണ്ടി വനിതകളെ സംരംഭകരാക്കുക എന്ന ലക്ഷ്യത്തോടെ ഇസാഫ് ഫൗണ്ടേഷൻ നടപ്പിലാക്കുന്ന സ്കിൽ ലീപ് പദ്ധതിയുടെ ഭാഗമായി wcc ക്ലബ്ബ് തിരഞ്ഞെടുത്ത 50 വനിതകളാണ് ഈ പദ്ധതിയിലൂടെ വിദഗ്ധ പരിശീലനം നേടിയത്. പരിശീലനം നേടിയ വനിതകളെ അടുത്തഘട്ടത്തിൽ സംരംഭക രജിസ്ട്രേഷനും സംരംഭക യൂണിറ്റുകൾ സ്ഥാപിക്കുന്നതിനും സാങ്കേതിക സഹായം നൽകും. തലക്കടത്തൂർ വിങ്സ് കൾച്ചറൽ ക്ലബ്ബ് ഹാളിൽ വെച്ച് നടത്തിയ സംരംഭകത്വ പരിശീലനവും സാന്ത്വന- മാനസിക ആരോഗ്യ ബാധവത്കരണ ക്ലാസും . ബഹു. തിരൂർ സബ് കളക്ടർ ദിലീപ് കെ കൈനിക്കര IAS ഉദ്ഘാടനം ചെയ്തു, പ്രസ്തുത ചടങ്ങിൽ ചെറിയമുണ്ടം ഗ്രാമ പഞ്ചായത്ത് വൈസ് പ്രസിഡന്റ് പി ടി നാസ്സർ വനിതാ സംരംഭകരെ അഭിസംബോധന ചെയ്ത് സംസാരിച്ചു, ഇസാഫ് ഫൗഡേഷൻ ജില്ലാ കോർഡിനേറ്റർ അബ്ദുൽ മജീദ് സി അധ്യക്ഷത വഹിച്ച ചടങ്ങിൽ, wcc ക്ലബ്ബ് പ്രസിഡന്റ് മുഹമ്മദ് ബഷീർ,യുവ സംരംഭക ആയിഷ റിഫ്ന,ക്ലബ്ബ് ട്രഷറർ ഹഫീസ്, ഫൈസൽ , ഇസാഫ് ബാങ്ക് സോഷ്യൽ ഇനിഷ്യേറ്റീവ് മാനേജർ സ്മൃതി വി തുടങ്ങിയവർ സംസാരിച്ചു. ജില്ലയിലെ പ്രശസ്ത എൽഇഡി- സോളാർ സ്കിൽ ട്രെയിനർ ശ്രീ kvm മുഹമ്മദ് മജീദ് , പ്രശസ്ത സൈക്കോളജിസ്റ്റ് ശ്രീ മൻസൂർ കേ തുടങ്ങിയവർ ക്ലാസുകൾ നയിച്ചു. Wcc ക്ലബ്ബ് സെക്രട്ടറി റമീഷ് റെഹ്മാൻ നന്ദി അറിയിച്ചു.
