Tirupur Life

20/10/2026

*திருப்பூர் மக்கள் அமைப்பு* என்ற சமூகசேவை அமைப்பு இன்று துவங்கப்பட்டது.

நுகர்வோர் நலன், இயற்கை பாதுகாப்பு, ஏழை எளியவருக்கு உதவுதல், ஏழை எளிய பள்ளி மாணவர்களுக்கு கல்வி உதவித் தொகை வழங்குவது, அரசின் திட்டங்கள் குறித்து பொது மக்களுக்கு விழிப்புணர்வு ஏற்படுத்துதல், சமூகநலன் மேம்பட உதவுவது, மக்களுக்கு உதவும் வகையில் பல்வேறு திட்டங்களை செயல்படுத்துவது போன்ற நோக்கங்களுடன் இந்த அமைப்பு துவங்கப்பட்டுள்ளது.

துவக்க நாளை முன்னிட்டு பார்வையற்றோர் 35 பேருக்கு தலா 5 கிலோ அரிசி நன்கொடையாக வழங்கப்பட்டது.

18/10/2026

எப்பொழுதும் நிரம்பாத மங்கலம் வேட்டுவ பாளையம் குளம் இரவு பெய்த நல்ல மழையால் நிரம்பிக் கொண்டுள்ளது

17/10/2026

ஆகாயத்தாமரை களைகளை அகற்றும் பணியை மாவட்ட ஆட்சியர் மற்றும் வனத்துறை உயர் அதிகாரிகள் பார்வையிட்ட பொழுது

17/10/2026

நஞ்சராயன் பறவைகள் சரணாலயத்தில் குளத்தில் பாவியுள்ள ஆபத்தான ஆகாயத்தாமரை களைகள் அகற்றும் பணிகள் குறித்த சிறப்பு சந்திப்பு. இதில் மாவட்ட ஆட்சியர் மற்றும் வனத்துறை அதிகாதிகளிடம் தாங்கள் செய்து வரும் பணிகள் குறித்து வெற்றி அமைப்பினர் எடுத்துக் கூறினர்

16/10/2026

பூ மார்க்கெட் ஆக்கிரமிப்பு அகற்றுவது பற்றி செய்தி படிச்சி இருப்பிங்க. இதில் என்ன விசேஷம் என்றால் பூ மார்க்கெட்டில் இருக்கும் இடமே குளத்தை ஆக்கிரமித்து கட்டப்பட்ட இடம்தான்.

1932 வரை அந்த இடம் ஈஸ்வரன் கோவில் குளமாகத்தான் இருந்தது. அந்த குளத்துக்கு வரும் நீர்வழிப்பாதை பூ மார்க்கெட் பின்னாடி இருக்கும் சாலைதான், அதன் பெயர் ராஜ வாய்க்கால்.

இது நொய்யல் அணைக்கட்டிலிருந்து பூசாரி தோட்டம் டைமண்ட் தியேட்டர் வழியாக ஜம்மனை தடுப்பணைக்கு வரும்.

ஜம்மனை தடுப்பணையிலிருந்து சென்னை சில்க்ஸ் பார்க்கிங் ஒட்டி வந்து குமார் ஜெராக்ஸ், செந்தில் காபி வழியாக பூ மார்க்கெட் பின்புறம் வந்து அணைக்காடு தடுப்பணைக்கு வந்து சேரும். இந்த நீர்வழிக்கு பெயர் ராஜவாய்க்கால்.

நடராஜா தியேட்டர் பெட்ரோல் பங்குக்கு தென்புறம் இருப்பதும் குட்டைதான். (அதில் இப்பொழுது நீர்த்தேக்க தொட்டிகள் கட்டி விட்டார்கள்.)

அதற்கு கிழபுறம் சாலையின் கிழக்குபுறமும் சிறிய குட்டை இருந்தது. அங்கு சிறிய தடுப்பணை இருந்தது. (அதை இப்பொழுது குப்பைகள் போட்டு மூடிவிட்டார்கள். அதில் பூங்கா உருவாக்க திட்டம் போட்டு உள்ளார்கள்.)

அந்தத் தடுப்பணையில் இருந்துதான் இந்த பூ மார்க்கெட் இருந்த இடத்தில் இருந்த ஈஸ்வரன் கோயில் குளத்துக்கு ராஜவாய்க்கால் மூலம் நொய்யல் ஆற்று தண்ணீர் வந்து கொண்டிருந்தது. இந்தக் குளம் நிரம்பி நந்தவன தோட்டம் வழியாக அப்படியே சென்று அணைக்காடு தடுப்பணைக்கு சென்று விடும்.

ஆலங்காடு நடராஜா தியேட்டர் பெட்ரோல் பங்குக்கு தென்புறம் இருக்கும் அந்த சிறிய தடுப்பணையிலிருந்து ரோட்டரி சங்கத்துக்கு முன்பக்கம் ஒரு பெரிய ஓடை சென்றது. வெள்ளம் வரும் பொழுது இதெல்லாம் நிரம்பிதான் செல்லும். இதையெல்லாம் பள்ளிக்கு செல்லும் பொழுது நானே நேரில் பார்த்திருக்கேன்.

ஆலங்காடு தடுப்பணையில் தண்ணீர் நிரம்பி இந்த குட்டைகளுக்கு வரும். குட்டைகள் நிரம்பி நடராஜா தியேட்டர் சாலையிலும் வெள்ளம் செல்லும். அதில் நாங்கள் நடந்து சென்று இருக்கிறோம்.
இப்பொழுது அனைத்தும் மூடப்பட்டு விட்டது. கட்டிடங்கள் வந்துவிட்டன.

எல்லாம் செல்வாக்கு உள்ளவர்கள் அரசியல்வாதிகளை கைகளில் போட்டுக்கொண்டு ஊரில் இருக்கும் அனைத்து குளம் குட்டைகளையும் மூடி கட்டிடம் கட்டி விட்டார்கள்.

தென்னம்பாளையம் குளம் கதையும் அப்படித்தான். சிலரின் சுயநலத்துக்காக இங்கு கலெக்டர் ஆபீஸ் கட்டினால் நன்றாக இருக்கும் என்று யோசனை கூறி அதன்படியே குளத்தை மூடி அரசு கட்டிடங்கள் கட்டி விட்டார்கள்.

இப்பொழுதாவது சமூக ஊடகங்கள் இருக்கிறது எப்படியோ பிரச்சனைகள் அத்துமீறல்கள் வெளியே வந்துவிடும்.

அப்பொழுதெல்லாம் நாளிதழ்கள்தான் இருந்தது. அவர்களெல்லாம் இது பற்றி எதுவும் பேசுவதில்லை. காரணம் அவர்களுக்கு இதெல்லாம் ஒரு பிரச்சினையாக தெரியாமல் இருந்திருக்கலாம். எனவே எதுவும் வெளியே வராமல் அமுக்கப்பட்டு விட்டன.

16/10/2026

திருப்பூர் நகர் மத்தியில் பெருமாள் கோவில் அருகில் இருந்த பழையபூ மார்க்கெட் பழைய கட்டிடமாக இருந்தாலும் உள்ளே இருசக்கர வாகனங்கள் போய் சுற்றி வரும் அளவுக்கு கடைகளுக்கு முன்பு விசாலமான இடம் இருந்தது.
கடைகளும் குறைந்தபட்சம் 10x10 அளவு இருந்தது.

பொது மக்களுக்கும் சரி வியாபாரிகளுக்கும் சரி வசதியாக இருந்தது.

இதை ஸ்மார்ட் சிட்டி திட்டத்தின் கீழ் இடித்துவிட்டு புதிய கட்டிடம் கட்டினார்கள்.

வியாபாரிகளிடம் ஆலோசனை கேட்காமல் சரியாக திட்டமிடாமல் கட்டப்பட்டதால் இது நிறைய பிரச்சனைகளை தந்து கொண்டுள்ளது.

கடைகளும் மிகச் சிறியவை உள்ளே சென்று வரும் பாதைகளும் ஒருவருக்கொருவர் இடித்துக் கொண்டு போக வேண்டும் எனும் அளவு அகலம் குறைவாகத்தான் இருக்கிறது.
எனவே மக்கள் முண்டியடித்துதான் போய் வந்து கொண்டு இருப்பார்கள்.

ஒரு பேரிடர் நெருக்கடி என்றால் எப்படி இந்த குறுகலான பாதைகளில் பொதுமக்கள் தப்பித்து செல்வார்கள் என்று புரியவில்லை.

கட்டிடம் கட்டுவதில் மற்றவர்களுக்கு முன் உதாரணமாக இருக்க வேண்டிய அரசு நிர்வாகமே இதுபோன்ற சிறிய வழிகள் உடைய கடைகள் கட்டித் தரலாமா?

16/10/2026

பனை காக்கும் நண்பர்களின் அற்புதமான பணி. தொடர்புக்கு.
முருகேஷ் +919750018288

14/10/2026

மருத்துவச் சிகிச்சை கட்டணங்கள் காட்சிப்படுத்த அரசு உத்தரவு

மருத்துவமனைகளில் நோயாளிகளிடம் வசூலிக்கப்படும் சிகிச்சை மற்றும் இதர சேவைகளுக்கான கட்டண விவரங்களை, ஆங்கிலம் மற்றும் உள்ளூர் மொழியில் பொது மக்கள் எளிதில் பார்க்கும் வகையில் காட்சிப்படுத்த வேண்டும்’ என, மத்திய அரசு உத்தரவிட்டுள்ளது.

மருத்துவ கட்டண விவரங்களை தெரிவிப்பதன் மூலம் நோயாளிகள் மற்றும் அவர்களது குடும்பத்தினர் தங்கள் சிகிச்சைக்கான செலவுகளை கணித்து அதற்கேற்ப முன்கூட்டியே திட்டமிட முடியும்.

மருத்துவ சேவைகள் மீது, பொதுமக்களின் நம்பிக்கையை அதிகரிக்க முடியும்.

எனவே, மருத்துவ நிறுவனங்கள் சட்டம் அமலில் உள்ள மாநிலங்களில், ஒவ்வொரு சேவைக்கான கட்டண விவரங்களை, ஆங்கிலம் மற்றும் அந்தந்த உள்ளூர் மொழியில், பொதுமக்கள் எளிதில் பார்க்கும் இடத்தில், காட்சிப்படுத்த வேண்டும்.

இந்த விதிமுறைகள் அனைத்து மருத்துவமனைகளிலும் முறையாக பின்பற்றப்படுகிறதா என்பதை மாநில தலைமைச் செயலர்கள் தனிப்பட்ட முறையில் கண்காணித்து உறுதி செய்ய வேண்டும்.
தகவல் - திருப்பூர் மக்கள் அமைப்பு.

மருத்துவச் சிகிச்சை கட்டணங்கள் காட்டிப்படுத்த அரசு உத்தரவு

மருத்துவமனைகளில் நோயாளிகளிடம் வசூலிக்கப்படும் சிகிச்சை மற்றும் இதர சேவைகளுக்கான கட்டண விவரங்களை, ஆங்கிலம் மற்றும் உள்ளூர் மொழியில் பொது மக்கள் எளிதில் பார்க்கும் வகையில் காட்சிப்படுத்த வேண்டும்’ என, மத்திய அரசு உத்தரவிட்டுள்ளது.

மருத்துவ கட்டண விவரங்களை தெரிவிப்பதன் மூலம் நோயாளிகள் மற்றும் அவர்களது குடும்பத்தினர் தங்கள் சிகிச்சைக்கான செலவுகளை கணித்து அதற்கேற்ப முன்கூட்டியே திட்டமிட முடியும்.

மருத்துவ சேவைகள் மீது, பொதுமக்களின் நம்பிக்கையை அதிகரிக்க முடியும்.

எனவே, மருத்துவ நிறுவனங்கள் சட்டம் அமலில் உள்ள மாநிலங்களில், ஒவ்வொரு சேவைக்கான கட்டண விவரங்களை, ஆங்கிலம் மற்றும் அந்தந்த உள்ளூர் மொழியில், பொதுமக்கள் எளிதில் பார்க்கும் இடத்தில், காட்சிப்படுத்த வேண்டும்.

இந்த விதிமுறைகள் அனைத்து மருத்துவமனைகளிலும் முறையாக பின்பற்றப்படுகிறதா என்பதை மாநில தலைமைச் செயலர்கள் தனிப்பட்ட முறையில் கண்காணித்து உறுதி செய்ய வேண்டும்.
தகவல் - திருப்பூர் மக்கள் அமைப்பு.

13/10/2026

ஆயுத பூஜைக்கு சுண்டல் வகைகள் தயாரித்து தருகிறார்கள்.

11/10/2026

அனுமதி இல்லாமல் சிறிய அளவில் வீடு கட்டுவதற்கு கூட பயந்து பயந்து கட்டிக் கொண்டிருப்பார்கள். அதற்கும் கொஞ்சம் காசு அழுதால் தான் முடியும்.

ஆனால் இங்கோ நகரின் மிக முக்கியமான பகுதியில், மிக பிரம்மாண்டமான திரையரங்கத்தை அனுமதி இல்லாமல் கட்டி இருக்கிறார்கள் என்றால் ... அது யார் கண்ணுக்கும் படவில்லை என்றால் ..... ஆச்சரியமாக உள்ளது.

இந்த இடத்தில் முதலில் சங்கீதா தியேட்டர் இருந்தது. அது சரியாக ஓடவில்லை என்று மூடிவிட்டார்கள். பின்பு சென்னையை சேர்ந்த பிராட்வே இங்கு பல அடுக்கு திரையரங்கம் கட்டுகிறது என்று கேள்விப்பட்டேன்.

பொதுவாக மாநகராட்சியில் விதிமுறை மீறல்களுக்கு Form-3 , FORM-4 இரண்டு எச்சரிக்கை அறிவிப்புகள் தருவார்கள்.

FORM - 4 என்பது கட்டிட அனுமதி வாங்கி கட்டி விட்டு அதில் கட்டுமானத்தில் விதிமுறை மீறல் இருந்தால் எச்சரிப்பது.

Form - 3 என்பது அனுமதியே இல்லாமல் கட்டிடம் கட்டி இருப்பதை எச்சரிப்பது.

இங்கே Form 3 தான் வழங்கி உள்ளார்கள். அப்படினா கட்டிடம் கட்டவே அனுமதி வாங்கவில்லை. அது எப்படி அனுமதியே வாங்காமல் இவ்வளவு பெரிய கட்டடத்தை கட்டி இருக்கிறார்கள்?

எனக்கு தெரிந்த அளவில் நிலம் உங்களுடையது, கட்டிடம் எங்களுடையது என்ற நீண்ட கால ஒப்பந்த அடிப்படையில் நிலவாடகைக்கு இந்த இடத்தை பெற்றுள்ளார்கள் என கேள்விப்பட்டேன்.

அப்படி இருக்கும் பொழுது இன்னொரு இடத்தில் மற்றொருவர் கட்டிடம் கட்டுவதில் கட்டிட அனுமதி பெறுவதில் சட்ட ரீதியாக பல சிக்கல்கள் வந்திருக்கலாம். இது சம்பந்தமான மனுக்கள் விசாரணையில் நிலுவையில் இருந்திருக்கலாம். இப்போ ஓட்டுங்க பின்னாடி பார்த்துக்கலாம் விரைவில் அனுமதி கிடைத்துவிடும் என்று வாய்மொழியாக அனுமதி தந்திருக்கலாம்.

எது எப்படி இருந்தாலும் முறையான அனுமதி இல்லாமல் இந்த திரையரங்கம் இயங்குவதை வேடிக்கை பார்த்தது தவறுதான்.

சமூக ஆர்வலர் சரவணன் போன்ற சிலர் இருப்பதால்தான் இது போன்ற தவறுகள் வெளியே தெரிய வருகின்றன. ,